09/10 K1家長

stephanielum

我都知d小朋友一掛住玩就乜都唔記得, 老師講過d野佢地當耳邊風lu, 所以問下你地知唔知囉! 其實我都係前晚隨口問下迦迦, 林老師有無話要帶野番學校呀, 點知佢先同我講話林老師無番學, 係吳老師話要帶"中秋"d野喎, 我話"吓", 帶中秋d野, 之後反問佢係咪新年d野呀, 佢先笑笑口話係, 比佢激c!

原帖由 noelyip 於 10-1-21 09:45 發表
好彩有叻叻既珈珈媽咪報料！否則彤彤實咩都無帶！

尋晚臨瞓前我同彤彤傾計，佢同我講話懿珩幫佢除校褸喎！我問佢點解懿珩識自己除而妳唔識咩？（其實我知道佢係屋企都有自己除衫，但著衫反而就一時時），佢又話：係呀！我除唔到 ...

stephanielum

溫馨提示 : 週 末 期 間 天 氣 顯 著 轉 涼 。
星期日既約會, 記住同澄澄, 彤彤穿多件衫呀!

noelyip

好温馨呀！

我諗住今個星期日幫彤彤帶埋對水鞋去，因為好似話星期五六會有雨，我驚好似上次咁D泥濕曬會好滑嫁！

原帖由 stephanielum 於 10-1-21 11:07 發表
溫馨提示 : 週 末 期 間 天 氣 顯 著 轉 涼 。
星期日既約會, 記住同澄澄, 彤彤穿多件衫呀!

noelyip

珈珈媽咪：明晚七點去灣仔聽講座喎！記唔記得呀？

stephanielum

我記得呀, 明晚七點係講座度先到先等位, 我估收工去到都要咁上下時間, 去到大家電聯啦! 如果你去到先唔該幫我留住兩個位呀, thanks!!

原帖由 noelyip 於 10-1-21 14:16 發表
珈珈媽咪：明晚七點去灣仔聽講座喎！記唔記得呀？

noelyip

無問題！到時見！

josesinmicki

咁"Q",我都諗住帶埋水鞋去,唔洗攪到對鞋污穢曬,
咁星期日12:00在元朗西鐵站等啦,我會買D紅蘿蔔去餵牛架啦.仲洗唔洗帶D其他野食去燒呀.如果要明天打電話比我等我去買呀(因為我叫了姐姐唔好放假一齊去,一來可以扲下野,二來可以照顧下D小朋友)所以你地可以放心出聲呀..
我星期六會帶澄澄去西寶城玩呀,等我去完返黎話比你地聽好唔好玩呀.(果到有個好大的遊樂場,好似係澳門威尼斯人入面個"Q立方"咁).

原帖由 noelyip 於 10-1-21 14:12 發表
好温馨呀！

我諗住今個星期日幫彤彤帶埋對水鞋去，因為好似話星期五六會有雨，我驚好似上次咁D泥濕曬會好滑嫁！

stephanielum

西寶城係邊度嚟架, 我都未聽過既  咁你去完星期日話我地知好唔好玩啦!

原帖由 josesinmicki 於 10-1-21 22:00 發表
咁"Q",我都諗住帶埋水鞋去,唔洗攪到對鞋污穢曬,
咁星期日12:00在元朗西鐵站等啦,我會買D紅蘿蔔去餵牛架啦.仲洗唔洗帶D其他野食去燒呀.如果要明天打電話比我等我去買呀(因為我叫了姐姐唔好放假一齊去,一來可以扲下野, ...

noelyip

資料如下：

西寶城


西寶城是西區少有的購物中心，樓高五層，約佔 225,000 平方呎。設有超級廣場，多間名店及中西餐廳，是附近居民消閒購物的好去處。

地址：香港西環卑路乍街 8 號

noelyip

再黎多條link添！

http://happypama.mingpao.com/cfm ... 90106/newa/vob1.txt

開張左兩個幾月咋！裡面好似有個叫Playtown既地方，係一個大型室內遊樂場，睇相有D似clubhouse，澄澄媽：麻煩妳親身體驗後update一吓我地啦！

stephanielum

thanks 彤彤媽報料!

咁西寶城同西港城係咪同一度地方?? 我係香港區個邊既路痴, 所以我一去香港區, 只識有地鐵既附近地方!

原帖由 noelyip 於 10-1-22 12:03 發表
資料如下：

西寶城


西寶城是西區少有的購物中心，樓高五層，約佔 225,000 平方呎。設有超級廣場，多間名店及中西餐廳，是附近居民消閒購物的好去處。

地址：香港西環卑路乍街 8 號 ...

noelyip

應該唔係啦！西寶城係處於西環卑路乍街，而西港城係上環德輔道中

stephanielum

我上幾個星期去西環買海味時都唔覺有西寶城依座野既??
我仲係西環行都去上環搭叮叮去筲箕灣潻, 可能我唔知有西寶城所以無為意!

原帖由 noelyip 於 10-1-22 17:17 發表
應該唔係啦！西寶城係處於西環卑路乍街，而西港城係上環德輔道中

stephanielum

昨晚同你地分開後我剩係去咗十七兩, 都無行元朗其他地方, 因為迦迦同你地say goodbye就已經頂唔順瞓左覺, 我抱住依隻大嚿石仲點行街, 所以搭車返屋企lu.

發覺越來越鍾意同你地一齊出嚟玩, 一家大大細細出嚟都好開心, 好enjoy每次活動, ,而且感覺好似識左好耐, 大家都好有黙契咁, 你地有無同感呀!

noelyip

當然有啦！好開心可以識到大家！參與活動起初我只係預計小朋友出黎玩會特別開心，但估唔到連大人都咁好玩咁投契，我地出黎玩大家都可以安心D放心D，加上兩位媽咪又咁細心安排節目同照顧我地，真係感恩！

想問下各位既精彩靚相打算點俾妳地？

stephanielum

不如在家長日交比我, 好嗎? 彤彤媽你將d相save係disk到, 在家長日比我, 我每星期都見到澄澄媽, 到時再交比佢囉! 家長日你係咪4點鐘呀, 我3:15分見老師呀, 到時電聯啦!

原帖由 noelyip 於 10-1-26 12:35 發表
當然有啦！好開心可以識到大家！參與活動起初我只係預計小朋友出黎玩會特別開心，但估唔到連大人都咁好玩咁投契，我地出黎玩大家都可以安心D放心D，加上兩位媽咪又咁細心安排節目同照顧我地，真係感恩！

想問下各位既精 ...

noelyip

好呀好呀！咁星期五再見面啦！

係喎！妳番屋企有無睇過果日送隻Dora光碟呀？彤彤都幾鍾意睇呀！妳會唔會訂呀？不過我記得出面都好似有得賣，不過內容就唔知同唔同？

[ 本帖最後由 noelyip 於 10-1-26 14:36 編輯 ]

noelyip

澄澄媽媽：乜妳尋日又係放假呀？我姐姐同我講見到妳喎！妳仲同彤彤打招呼添！係未？ 咁橋我尋日都係放左一日假，不過我無同彤彤講，個傻妹見到妳地放學去街街，自己又想去喎！ 好彩我下午都有時間，等佢午睡完我地出左去行街街啫！

stephanielum

我放咗係擺dvd個位度, 我唔知迦迦有無攞去睇呀, 不過佢已經好多野睇, 又noddy, 又班尼, 又thomas, 同埋我唔想佢對住咁多電視, 所以我應該唔訂住, 等佢遲d睇厭左個d先lu.

原帖由 noelyip 於 10-1-26 14:33 發表
好呀好呀！咁星期五再見面啦！

係喎！妳番屋企有無睇過果日送隻Dora光碟呀？彤彤都幾鍾意睇呀！妳會唔會訂呀？不過我記得出面都好似有得賣，不過內容就唔知同唔同？ ...

josesinmicki

我都好有同感,雖然大家只係出黎玩了兩次,但係就好似識了好耐咁,等我下次帶埋澄澄契媽一齊出黎玩下先.
澄澄都係同你地Say 完Goodbye 後行多兩步都瞓左呀.(都好好啦,成日都無瞓過覺,可以頂到夜晚)
下次我地介約會係咪西寶城呀?不過我諗都要3月頭先得.

原帖由 stephanielum 於 10-1-25 11:28 發表
昨晚同你地分開後我剩係去咗十七兩, 都無行元朗其他地方, 因為迦迦同你地say goodbye就已經頂唔順瞓左覺, 我抱住依隻大嚿石仲點行街, 所以搭車返屋企lu.

發覺越來越鍾意同你地一齊出嚟玩, 一家大大細細出 ...