第一個登陸"協和小學家長分享"!Part 1

Bibi12

其實我覺得自己個仔成績都唔係太差(可能我要求唔高啦), 只不過係呢間學校D學生成績拉得好緊, 平均分差2-3分就分分鐘相差十幾名.  上星期我帶亞仔去做體檢, 撞到一個同佢二年班同班嘅同學仔, 我八卦之下問佢考第幾, 原來比亞仔考前6名, 但全級考第幾就唔知, 但佢己經編左去A班.
另外我有個同事佢個囝囝又係讀緊三年班, 但係另一間小學, 我知佢個仔成績一向都好好, 一般都考2-3名, 今年我問佢個仔考成點, 佢話都好滿意, 全班考第3, 全級考十幾, 咁我問佢平均分幾多, 佢話80幾(比我亞仔差小小), 我一聽之下都無聲出, 唯有話"咁咪好囉, 個仔咁叻", 但自己就唯有暗自唱"眼淚在心裡流".  我唔敢話人哋學校嘅程度差, 因為除咗私校可以私下教快D, 教深D之外, 基本上課程係差唔多, 所以都係好無奈, 唯有努力D鞭策亞仔啦

carollam310

人呢

tamannabel

在

tamannabel

hi Bibi12 :
雖然我是協下家長,請你不要怪我多事!
我都知叫你睇成績不要看得太重是多餘, 但佢都是3年班咋.
不要比太大壓力佢,他見你為佢成績名次不開心.佢會有壓力架!
只要佢盡了力咪得lo...

得閒多d上來傾下及討論下la...   

carollam310

tamannabel

協下都係咁架 名次上落好大 :  : 我女上年第一次考第二....第二次跌落第六    嚇到我個心跌左出黎     

tamannabel

carollam310 寫道:
tamannabel

協下都係咁架 名次上落好大 :  : 我女上年第一次考第二....第二次跌落第六    嚇到我個心跌左出黎     

你地唔好咁la...,攪到我不知點算好.
carollam310你女個樣都幾聰明吓!應該在學業上不費吹灰之力,就考得好好!

咁你地有無比佢地去補習或者其它野輔助~因依家出去補習好似一種風氣咁,好唔好都補吓!     

carollam310

個樣都幾聰明    我覺得佢似豬頭丙多D~~我女冇補習架....一二三年級唔駛啦..自己都教得掂

tamannabel

carollam310 寫道:
個樣都幾聰明    我覺得佢似豬頭丙多D~~我女冇補習架....一二三年級唔駛啦..自己都教得掂

果然!叻媽出品叻囡...

騰騰震媽咪

tamannabel,

晚晚部電腦都被老公霸咗黎用, 去用亞囝部機又騷擾住佢, 攪到我夜晚冇得上BK網.  邊樹記得個日家長會既第一條問題問咩. 依稀記得個日大部份家長關住既問題係圍繞住考試同埋做功課.  當時我即刻想到嚟班家長真係好緊張自己D小朋友既學業成績喎. 亞囝琴日話已經比咗英文默書既範圍.

各位媽咪,
請問可以點樣幫小朋友串英文字串得快D同埋熟D又可以永留中心呀.

carollam310

英文串字係我女既強項 阿女有超強既記憶力 默書範圍通常會0係功課度有D生字寫下 我女做完功課己經可以即刻將生字串熟 : 佢係一路寫一路在心中串   

carollam310

我唔係叻媽 : 我讀書唔叻 只識A~B~C~咋    深D都唔識架 :  :

tamannabel

carollam310 寫道:
我唔係叻媽 : 我讀書唔叻 只識A~B~C~咋    深D都唔識架 :  :

多數d叻媽都好謙

騰騰震媽咪

tamannabel,

我都覺得一至三年班都冇需要喎. 如果小朋友肯做下課外既習作加埋温習下學校既書本己經好夠啦. 佢地邊到有禁多時間仲可以去補習社學野. 除非你冇時間敎佢, 就要啲佢去補習社做下功課同幫温下默書.  

carollam310

我講真架~~我係豬頭丙阿媽豬頭甲我讀垃圾中學咋    我要向你地幾位姐姐學下野就真我估~~~你地個個都大過我架   

tamannabel

騰騰震媽咪 寫道:

幾日都不上來
你咪答我問你d野喎!
嘩!你囝有私腦咁犁利,佢用來做咩?(我八掛!)

騰騰震媽咪

carollam310,

你又好啦, 個囡囡D記性咁強, 食飯又快. 真係一日可以勞少D氣架同埋D時間好好用潻.  你知唔知我日日都要同我個大少講好多次快D啦夠鐘la.  再係咁真係會比佢激死架.  如果佢肯用心都書都好快完成, 不過只限短暫記憶.  請講D敎小朋友既心得黎聽下啦.  

carollam310

敎小朋友既心得    我向你地幾位姐姐請教就差唔多   

tamannabel

男仔係咪惡教d呢!
騰騰震媽咪,晚上來講現在都夠用.我囡食飯就超慢1個鐘,做工課及溫書都ok合作呀!
仲有時間玩,上網及講故事~因囡囡大約10:30~11:00訓...

騰騰震媽咪

tamannabel,

其實我都有上黎路過下架, 只不過冇咩野回答, 所以冇入黎say hello 囉.  亞囝部腦我用多既, 老公成日話我亂禁攪佢部腦, 所以佢就加多一部腦囉.  我諗9月24日我都冇mug野問架,  睇下到時有冇D特別野想知la, 應該都會做聽眾多D.

Bibi12

Hi! tamannabel,

我點會怪你多事呀, 多謝你比意見我就真    最好就上下午校一家親啦
係呀, 好多人都咁同我講架, 唔好比名次呢樣嘢困住自己, 但原來講同做係兩回事嚟架, 自己未有仔女嗰時都係咁諗, 不過我都盡量唔比壓力佢, 而且亦唔怪得哂佢, 因為自問唔係一個勤力媽咪, 都唔係成日同亞仔温習, 咁點可以要求咁多呢!  我有一個同事, 佢個仔十幾年前喺協和讀, 佢話有一次個仔考試得94分, 佢己經發到個仔對腳開花, 我話唔係嘩, 比着我笑到個咀都合唔埋啦, 不過佢話呢個係反面教材, 叫我哋唔好學喎     :wink:  :wink:  :wink: