06年9月入讀蘇淅幼稚園K1既家長, 入唻交流下啦!

CanKan

joeytcy,

暫時真係未諗喎..............


cankan

joeytcy

cankan


你緊係邊到都唔好去住啦..

ysbebe

請問各位家長, 由東區去蘇浙有無好既保母車介紹? 唔該  

CanKan

ysbebe,

東區好似有校車既喎。

cankan

rayvonne

請問各位家長, 由將軍澳返蘇浙有冇校車?返學要多少時間? 唔該

ysbebe

cankan,
我知, 但我驚校車太大, 小朋友得2歲幾, 好似保母車安全D  

十月媽咪

rayvonne,
行駛TKO至KC係無學校既校車, 只有街外既褓姆車架咋, 你住TKO邊頭? 事關調景嶺同坑口同寶琳既行車時間都唔同架喎!

十月媽咪

joeytcy,
回歸果兩日, 我地都無諗住去邊, 1號都係響香港遊下, 2號阿女開始上游水班, 所以都唔會離開香港呀!

各位k1家長,
聽講七月份既生日會, 應該唔會有兒歌欣賞的, 據有經驗既媽咪所講, 七月份既生日會當日, 會係頒獎禮, 例如各班既"好寶寶獎" 之類, 如果你地收到通告話小朋友有份領獎既話, 到時謹記請定假喇, 千萬唔好miss左小朋友上台領獎呢個重要時刻呀! 知道嘛!

CanKan

十月媽咪：

尋晚睇亞女本手冊，話7月6日係k3兒歌欣賞會，冇提過有頒獎禮喎！只係見倒張書單，但冇任何通告，都唔知要幾時交俾學校。

另外你知唔知放暑假前會唔會有家長日架？我睇過個校曆表，7月15日會派暑假作業，果日係星期日，唔通就係果日係家長日？

cankan

CanKan

ysbebe：

校車話哂都係學校攪既，有老師跟車，上落係學校操場入面，唔係應該安全過保母車咩？不過校車可能冇保母車禁好招呼就真。

cankan

十月媽咪

cankan,
唔係喎, 阿女第四十二週果個表下面既通訊欄, 係寫住:

6月27日(星期三)舉行K3級畢業典禮,當天停課一天.
6月29日 (星期五) 舉行K3兒歌欣賞會, 歡迎家長一同欣賞.

而7月6日, 係七月同八月份小朋友既生日會, 當日應該唔會有兒歌欣賞會, 因為提早左嘛, 而根據高年級既媽咪提供既資料, 七月份既生日會, 會響禮堂玩頒獎的, 而通告MAYBE會係下星期至有, 呢個我都唔係太清楚, 總之大家留意住手冊, 睇下有冇通告啦!

點解你個校曆表會係7月15日派暑假作業架? 我果個校曆表係寫7月13日 (星期五) 派發第三段既評估表 & 暑假作業架喎! 而7月14日 (星期六)係暑假開始喎, 搞乜你個校曆表會寫7月15日至派暑假作業架? 同埋暑假前係無家長日架喇, 個評估表會到時響7月13日 (星期五) 放入小朋友書包架喇! 明唔明?

CanKan

十月媽咪：

咦！唔通我睇錯？等我返屋企再睇真 d 先。

cankan

joeytcy

ysbebe..

東區有校車..

我個女由西灣河回校....

joeytcy

十月媽..
本身我地之前都有唸過今年比唔比阿女學游水...不過最後老公話等下年先喎...而阿女依家剩係肯將個頭未落水到3秒炸......

Trojan

Trojan

各位媽咪你好!
我仔仔現讀K1上午校，我對蘇浙有以下感覺。
1)校舍殘舊及不太乾淨，廁所尿味很重
2)教師不太有愛心，阿仔不太喜歡他的老師
3)每次大型活動也好像安排混亂
4)校舍位置隔涉，仔仔乘搭保母車每當落雨也擔心他，而一個保母接很多小朋友放學。  我曾去學校接放學就見到我仔仔自已亂跳樓梯放學而保母在前面全不知情
5)蚊患嚴重，仔仔這一年隻腳已變了斑馬。 替他每天搽防蚊水，但只可減少機會仍是間中中招

基於以上原因老公已下令我要替他轉校，其實唯一可取是阿仔懂普通話。  

各位媽咪又對kcs有何意見?

rayvonne

十月媽咪,
我住將軍澳中心, 附近有冇站呀? 返學用幾耐時間? 校車費要多少$?Thanks.

十月媽咪

rayvonne,
胡叔叔架姆褓車好似無經將軍澳中心的, 因為今年無學生住呢度, 但就有幾個住維景灣畔, 咁佢接學生應該係由寶琳or坑口果邊開始接, 尾站係維景灣畔, 咁如果你畀小朋友坐, 咁將軍澳中心都應該係尾二or尾三果d站啩! 你真係要問下胡叔叔至可以confirm到喎!

以維景灣畔為尾站計算, 我地上車既時間係八點二十分左右, 返到學校係八點四十五分左右 (以唔塞車計算), 但你要預左開頭返學果個月都會比較混亂, 幾乎日日都會遲到的, 即係過左九點至返到學校!

至於車費幾多, 胡叔叔今年係一千蚊一個月, 家長可以跟車 (當然唔係日日跟啦), 但無額外收費, 至於出年會唔會加價, 胡叔叔未同我地講喎!

其實仲有另一架車行駛tko的, 但舒太果d姆褓車既車程&車費, 就要問cankan會比較清楚喇!

十月媽咪

Trojan,
可否告知你仔仔係邊班的嗎? 如果唔方面響度講, 可以pm我嗎? 睇下我地小朋友係咪同學仔?

其實你講既情況, 我由day 1已經發現架喇, 廁所污糟...唉...似乎咁耐以唻都無乜改善, 你都好呀, 你果個係仔, 我果個係女呀, 佢一個月入面, "妹妹" (即下體), 會有幾次發炎既情況呀, 嚴重果陣仲會發出腥味添呀!       

至於老師有冇愛心, 唉...畀著你一班有成四十個學生, 雖則話有三個老師啫, 但三個老師畀四十個學生圍喎, 莫講話愛心啦, 有耐性都好喇! 我都有諗過, 如果畀著我對住呢四十隻馬騮, 嘩, 我可能老早就練鬼死晒佢地喇! 所以老師付出唔到咁多愛心, 我唔會怪老師, 只怪學校狂收生啫!    

大型活動安排都算係咁架喇, k1-k3幾百個學生, 再加埋每班既家長, 個禮堂又唔係大, 全部人坐晒響入面, 唔亂就奇啦!  

至於校舍隔涉, 其實你應該面試當日已經知呢個情況架啦, 無理由讀左成年至知架喎! 姆褓顧唔掂咁多個小朋友, 係姆褓既問題喎, 你應該同姆褓傾下, 叫佢地睇實d你既小朋友, 話晒呢d都唔關學校事呀! 不過我就好認同, 蘇浙係一間非常死板&無人情味既學校, 每逢落雨天, 就算落到幾大雨都好, 總之唔係坐校車既小朋友, 都要響後門出入, 姆褓車駛唔到入學校操場, 小朋友就要冧雨, 響呢方面, 我都係極度不滿! 開學初期, 亦都因為呢樣野, 幾乎想同個女轉校!

蚊患直頭係恐怖, 莫講話你個仔, 只要你留意下小朋友對腳, 你都好難搵到一個小朋友係無蚊"欄"的, 實在太恐怖, 最搞笑係佢地就識得貼晒d"慎防登革熱"之類既海報出唻, 但就真係唔知學校有冇認真處理嚴重既蚊患! 所以我而家日日都會幫阿女搽寶寶金水響對腳度, 然後再加塊蚊貼響條裙底度, 咁至叫做頂得住下咋!

對於轉校呢樣野, 我老公係一直持反對立場的, 佢既原因係...
1. kcs響小朋友既紀律方面train得算係唔錯!
2. 校舍舊唔緊要, 我佬會覺得, 唔需要一開始就畀d好好既環境個女, 自小畀個女捱下就啱既! 正所謂先苦後甜!
3. 蚊呢樣野, 就算學校無, 公園都會有, 間中屋企都會有, 根本無得避.
4. 普通話教學, 呢樣我老公最buy!

我老公甚至不斷同我洗腦, 事關佢想畀個女讀埋蘇小, 但我已經一次又一次堅持我既立場, 蘇小只會係大後備, 即係萬一阿女真係失手, 考唔到其他直資or私校, 我至會畀個女升蘇小, 否則...諗都唔會諗!  

十月媽咪

joeytcy,
悠悠都已經四歲喇, 其實都可以學啦, 不過當然, 遲少少學呢, 佢會pickup得快d, 亦都會更加明白老師既要求!

其實阿女都唔識"味"水架, 呢個夏天畀佢開始學, 係因為佢成鬼日都病, 想佢趁暑假train下d心肺功能, 如果ok既話, 你一直學落去, even冬天都會照學的, 希望佢學左之後, 出年升k2果陣會健康d啦!