第一個登陸"協和小學家長分享"! Part 2

milkcat

我都係！仲要係2個呀真係有d吾慣....最慘係搜習資料及做Project.

carollam310

我就想阿女返學多D...喺屋企咪又係玩+睇电視    嘈到死 : 我鐘意靜 :  :

maku

各位下午校家長

我想請問我女女昨天已参加了音樂比赛， 昨天比了分纸老師，学校會吾會比返我， 重有會吾會自動幫我申请證書架？

cherryma

maku 寫道:
各位下午校家長

我想請問我女女昨天已参加了音樂比赛， 昨天比了分纸老師，学校會吾會比返我， 重有會吾會自動幫我申请證書架？

上午班係經學校報名, 考完之後交左比老師, 正式證書會一次過send去學校, 到時先派, 張分紙都會派返. 不過我會影印一份留底先交比學校     
下午班我就唔知啦     

cherryma

carollam,

亞女攞左劍橋英文Flyers成績啦, 有15個盾, 佢話係唔係可以再考高一級喎, 要唔要報啲乜野班先去考好啲架?

maku

cherryma

吾該晒, 重有你女女flyers可以拿滿15個, 好叻   

carollam310

cherryma

你女女好叻呀 如果係我我會要阿女再考高一級的..因為我見好多小六生考Ket..多張證書傍下身冇壞的...至於報唔報D課程讀下就要視乎你女女既程度...若果佢考Flyers好輕鬆的話就唔需要la 因為已經知道個模式係點....DL d Past Paper做下咁就ok....

cherryma

carollam310 寫道:
cherryma

你女女好叻呀 如果係我我會要阿女再考高一級的..因為我見好多小六生考Ket..多張證書傍下身冇壞的...至於報唔報D課程讀下就要視乎你女女既程度...若果佢考Flyers好輕鬆的話就唔需要la 因為已經知道個模式係點....DL d Past Paper做下咁就ok....

亞女同我講好容易, 開頭去考之前話有啲驚, 考完話原來好容易, 佢對自己都好有信心, 話只係speaking差左啲, 因為聽唔清楚鬼婆講乜, 成日要講pardon, 先聽到鬼婆講乜, 點知咁又比佢考到full mark     

唔該晒妳, 等佢月中考完第二次呈分試, 我就DL past paper比佢做, 睇下佢做成點先幫佢報考     

cherryma

上午班派左通告, 叫學生同家長3月24日去天文台舉辦的"了解暴雨及熱帶氣旋警告服務暨參觀香港天文台", 但係果日係長週, 咁點參加呀?

大家有無收到通告, 知唔知果日有無得放假       

carollam310

阿女尋晚發燒 第一日考試就病...今次考試一定........衰緊     

cherryma

carollam310 寫道:
阿女尋晚發燒 第一日考試就病...今次考試一定........衰緊     

今日好啲未呀? 有無得補考架?
最近天氣真係好易病, 亞仔同我都病, 過年都要食住藥. 我就病到現在都重食緊藥     

希望妳亞女好快好返啦, 不過佢咁叻, 相信啲成績都唔會太差, 唔好咁擔心      

cherryma

amycoco,

最近好少見妳上黎, 好忙呀?
本來想過年約妳架, 因為我初五都出左旺角, 不過由一月中感冒開始, 到現在都未好返, 一直都咳(敏感咳), 越講得多野越咳, 所以無約妳出黎, 醫生已轉了第五個, 現在才開始好啲. 所以可能復活節可以約妳啦, 想問下妳要唔要比本書俊欣先, 我可以叫cherry攞返學校比佢      

俊欣溫考試未? cherry下星期一重要去校際音樂節比賽(長笛), 希望唔會影響到考試成績啦, 又要揀琴, 又要長笛, 遲啲管樂團都要去比賽, 真係好忙. 雖然佢已選學校, 但都唔希望佢今次成績太差, 始終第時重好多機會要攞張成績表出黎用, 大家努力, 加油啦     

amycoco

hi cherryma,

咁遲覆你唔好意思, 因為我過年前公司同屋企都好忙, 多數上來睇, 冇咩留言, 加上我教會有改革, 好多都要變, 好多野適應, 你小心身體, 你好d, 不如睇下中醫調理番身體和氣管, 我之前都好似你咁, 後來我睇完西醫之後在睇中醫好好多. 因為我寒低, 如果食得多西藥, 我個人好辛苦,要用中醫去調理好好多. 如果你初五搵我都唔得, 因為我公司初四巳經返工, 不如復活節出來帶cherry同俊欣出來玩, 你再call我.

俊欣過年後, 補習社開始同佢溫書, 希望佢今次考得好好地, 我最擔心佢數學一科, 希望佢今次全部都考得好.    本書我唔趕, 你出來先借比我     

cherryma

amycoco,

希望妳勸得到俊欣去interview啦     

amycoco

Hi cherryma,

我琴晚完左小組後, 我琴晚鼓勵俊欣好耐, 終於成功勸到佢去interview呀!!!!       

amycoco

cherryma,

我好咁感謝神, 俊欣今日派左數學卷, 好開心佢今次合格      希望佢其他科都考得好d    因為今次最後一次呈分     

cherryma

amycoco 寫道:
cherryma,

我好咁感謝神, 俊欣今日派左數學卷, 好開心佢今次合格      希望佢其他科都考得好d    因為今次最後一次呈分     

cherry都派左中文: 97 英文: 97 oral: 81 Listening: 100, 英默: 97. 我都好開心, 佢中英文有97分, 不過最擔心係數學同常識未派     

cherry重同我講: 知道考得咁好, 唔駛揀播道啦      

其實佢揀播道其一原因是怕今次呈分試考得差, interview津校又失敗, band 1(第一志願)入唔到, 一定會去左啲band 3學校, 到時要周圍搵學校收, 壓力好大, 香港嘅教育制度真係大人小朋友都係受難者      不過佢果班除左佢已選好學校, 還有一個已知入左St. Paul's Convent, 都算係好消息     

妳知唔知佢地今日考常職問左一題: 財政司今期的財政預算案口號係乜? cherry話唔知呀, 只係寫左"還富於民", 我覺得好似唔係呢句, 但又唔知答案, 妳知唔知呀?

amycoco

Hi cherryma,

cherry好叻女呀!!!!      俊欣有cherry一半咁叻就好, 我就放心啦!!!!     

cherry今日有冇去糾察旅行, 俊欣有去, 玩得好開心返來呀!!!!         

cherryma

amycoco 寫道:
Hi cherryma,

cherry好叻女呀!!!!      俊欣有cherry一半咁叻就好, 我就放心啦!!!!     

cherry今日有冇去糾察旅行, 俊欣有去, 玩得好開心返來呀!!!!         

佢今日無得去糾察旅行呀, 因為管樂團要去校際音樂節比賽 :-|  :-| 不過比賽完就走左, 重未知成績     

cherryma

amycoco,

琴日cherry去左校際音樂節鋼琴比賽, 無返學, 只下午返校學長笛, 佢同學仔幫佢對左數學卷, 96分, 我真係唔係幾信, 結果要打去問佢同學仔先信, cherry數學係最差嘅, 居然有96分      真係好想睇下佢份卷     

琴日重要收到佢封銘賢interview信, 佢話真係好想去播道攞返張學生証, 唔知得唔得, 我今日或者打去問下