將軍澳富康德寶(DEBORAH)

fifi

HALAHA，

你真好野，帶埋wingwing的通告返工o既

下星期一所有要換曬冬季校服，o甘哩兩日一定要派曬D沒派的校服啦。我仲有件冷外套沒儸哦 仲頭痛緊條裙，其他都洗好曬，對條裙唔知可以做D麽 干洗到一次，下次都唔夠時間啦

wing530，

你幫我問o左個保姆沒啊？Anson條褲點洗啊？同埋幫我睇下條褲入面有無襯里啊？條裙有，驚落o左水，縮細哦

記得幫我問鐘點的野

多謝！

wing530

fifi,

校褲入面有里架, 我地都係"手洗", 干洗唔夠時間, 又唔可以個個星期咁拎去干洗, 實在太貴啊~     

鐘點果度, 我地電話傾啦, 仲有, check pm啦~     

HALAHA, 今朝事件, 唔止我認為係放學等, 連fifi都話係放學等喎, 會唔會你攪錯呀?          

HALAHA

wing530,

我都有問過fifi,佢話佢知道anson返好早,直覺上覺得我們應該係約放學等,因為嗰日佢約咗anson都係放學等,根本佢都冇聴過我講係返學定放學.可能你們個個都認定咗係放學,所以有留意到我講嘢.不過點都好,件事已經過去咗啦,下次小心啲啦.

homingm

dear all,

你o地係咪已收齊校服啦？我兩個小朋友都仲未收齊呀，兩個o既冷衫都仲未有，恤衫又沒，大仔唯有日日著住運動衫，都唔知點解今年的校服特別遲收到咁 今年條褲的顏色同質地都同以前的有分別，以前的質地以似厚身好多，今年果條就薄chee chee，昨天湊仔放學時同李主任傾過，佢話都有其他家長同佢反映過，佢話d價錢及廠其實與以往的相同，唔知點解會有咁大的分別，佢話學校會同間廠跟進呢個問題wor

wing530

HALAHA,

咩"下次小心啲啦"? 你講到一定係我錯咁喎, 仲係好似老細口吻咁, 我承認我地溝通方面出錯, 不過, 只係小事姐, 你講到好似好嚴重咁既?

fifi, 收e-mail喇, 我已經開始左啦~     

homingm, 我只係買左校褸, 仲未派呀! 係呢, 八掛問下,     點解你K2既大公子無校服既, 咁舊年K1果套呢? 同埋, 今年呢套薄chee chee, 係咪講緊運動褲呀?

HALAHA

wing530,

我話"下次小心啲啦"只不過係想大家以後溝通的好啲,完全不覺得似老細口吻,亦都冇話係你錯晒,學你話,好小事姐,希望件事到此為止.

fifi,

件紅色的冷外套今天派咗,但運動衫仲未有.
wingwing今日好開心呀!又派玩具,又有糖果. stephanie呢?

homingm

wing530,

唔係運動衫，我講o既係果條絨褲呀！K1著o既剩係條褲(4碼o岩弟弟著，其他都係由n1著到k1，size太細弟弟已經唔o岩著了，實在後悔當初唔買大d o既size :cry:

hinhinmom

All moms,
我出現la~~
其實我日日都有上黎bk, but無時間去留言比你地, 我下個星期要開始O.T.呀~ 好在有O.T. $~

你地D校服係手洗架 ??? 我都係比機洗乍~ maybe我lazy啦~~
另外, 你地會參加聖誕card比賽嗎, 我都想join, 但唔知有無時間, wing530, 你今次又有o羊idea???, fifi你都係, 自從上次見完你個燈籠之後, 我o個個燈籠睇黎都要收埋呀~~   

pinkpink888

Dear all:

Hi Hi!!!好耐無出現，因為最近較忙。

你們會否參加聖誕卡設計比賽??我現在正煩惱要做甚麼作題材。大家又有甚麼好idea???

wing530

Hello, 各位,

嘩~ 呢度好靜喎~     

咁靜, 仲攪唔攪BBQ Party呀? 不如取消啦, 你地話好唔好呀?

hinhinmom, 我都好忙呀! 因為我呢排學人織"冷3"呀~    而家織緊叮噹背心, 就快完工喇, 第一次作品, 都好滿意啦~   

fifi, 星期五真係放假呀, 今朝問過HALAHA, 你知佢一定有通告係手架啦, 一定無錯呀~    不過, 我地唔知國際班同唔同我地喎~

你地Christmas Card 攪成點呀? 我仲未有頭水呀!

homingm, K2係星期五有乜攪作呀? 要放假咁犀利既~    應該唔係旅行啦, K2 同 K3 好似一齊架麻, 而家連k3都放假喎, 其實都無咩野既, 我只係"八掛"問下咋~     

pinkpink888

wing530:

今個星期五放假??是甚麼假期??為甚麼我完全收唔倒????   

homingm

wing530，

係咪第一次學織冷衫呀？第一次就成功完成了作品，真犀利呀

呢個星期五k2學生去馬鞍山公園旅行，所以唔駛返學。今次唔係親子旅行，只係學生跟隨老師一同去，我見呀仔有d同學仔媽咪會擔心，擔心今次旅行夠唔夠人手，又驚果度乾唔乾淨，又驚如果d小朋友要"大大"的話，d廁所唔知乾唔乾淨。係咪太多憂心呢？可能大多數都係獨子，家長們太著緊了。如果係你o地會唔會安心讓小朋友跟老師去旅行呢？

聖誕bbq你o地唔咩傾定o左o既咩？點解要取消呀

Glau

學校旅行沒有家長同行，我相信校方一定有佢地既安排，全校總動員，唔係我地點會唔駛返學呢！

其實比小朋友獨立D都係好事架，係必經階段，唔駛擔心。

wing530

homingm,

係呀, 我第一次織架咋, 剛剛織完頸巾練習, 而家咪開始學織3囉~    而家呢件叮噹背心, 開頭織到我想死呀! 我仲未織完架, 不過, 都差唔多喇, 而家織緊前面, 都快完工啦~   

之後會織件背心, 係學校果件紅冷3, 因為有時唔太凍時, 咪可以著背心囉~    你識唔識織野呀? 我有哈姆太郎, 叮噹pattern架~

BBQ Party我驚到時無人o黎呀, 如果book哂爐, 買哂野, 無人到咪死火~    而家又靜英英喎, 又無人出聲點喎, 咁我咪想取消囉~  :-|  :-|

啊~ 原來k2去旅行呀, 咁k3唔係一齊既咩? 比我, 我都會比佢跟老師去旅行, 不過, 我可能會係馬鞍山公園等佢呀!      睇下都好呀~     

HALAHA, 你個電話怪怪地既, 係咪唔得閒呀? 聽日我地點呀? 我同fifi係九龍灣等你啦, 我地唔等你食飯喇, 你太夜呀, 不如一齊睇毛冷啦~   

fifi

hinhinmom，

你真係講到唔好意思添。Christmas Card我唸住整，不過而加仲沒買野，聼日一定要行動啦，如果唔係，下星期唔知交D麽儸。

pinkpink888，

星期五放假得主流班嘖，國際班照常返學。我本來仲唸住湊Stephanie去行街街添 有無同Eunice一起做Christmas Card啊，下星期交啦，我仲沒買材料添

homingm， Glau，

比我都會有D唔放心，如果一班幾十個小朋友，兩個miss帶一定唔得啦，萬一有一，兩個玩得開心得哉，週圍走，或者有小朋友要去洗手間，真係好難control哦 多D人睇頭睇尾會好D

wing530，HALAHA，

聼日D 時間好似安排得好密 希望夠時間做曬所有想做的野啦。HALAHA，唔一起食飯，唔好講得好慘o甘啦，我D早極都會7:30pm開始食啦，小朋友又食得慢，分分鐘等你來到（o甘係唔好太遲啦），我D仲係度食緊，所以唔好改變主意唔來啦。我D好難得約到去o甘遠o架。不過最可惜係wingwing去唔到啦。 你去河馬仔睇成點，記住call我，我同wing530唸住得閑就去拎埋D野啦。

zoezoeiou

BB 讀N1, 最近收到張回條,叫買下學期課本$230...佢話可買可不買,其實真係可唔可以唔買呢   

fifi

zoezoeiou,

你D的囘條係話可買可不買麽？我D（K1）係話家長可以從其他途徑購買（唔一定同學校買），但一定要有書儸。我唸又無個書的list，又唔知可唔可以係出邊搵到，同埋唔算貴（$333), 所以都費事麻煩啦。

HALAHA

噚日收到盤花啦,我囡囡好開心話係Ms.chau送給佢既,其實佢都不知係媽咪給錢買既.婆婆仲搞笑話袋都冇個,搞到佢爭啲拿不到返屋企.

wing530 & Glau,

你們交咗書簿費未呀? 我本來唸住睇係茶點可不可以不join,因為一個星期有2日食餅,次次wingwing食咗餅都會咳,所以整日都要另外帶茶點返學校,但聽咗個老師意見之後,覺得不join都好麻煩,都係算啦.我都提咗意見,話點解不可以食吓通心粉或其他嘢,但學校就話佢地既餐單係經過教署審批過,係夠營養,次次都拿呢樣嘢出來講,都不聽人哋意見.

HALAHA

fifi,

我噚晚無去到河馬仔,因為返到屋企不想再出街,你們不好等我啦,拎咗先啦.

其實我今晚,最主要想同你們食飯,和見吓你們.買冷,你們睇就得啦,我信得過你們兩個的眼光.

Christmas Card我都未買野，你一定有晒idea啦,做手工既嘢,真係不夠你哋來.

pinkpink888

fifi:

我都同你一樣，連材料都未買，加上最近比較忙，所以未知可否如期完成 :-|  :-|