2007年8月開學宏福幻兒園既媽咪一齊入來傾下

626mama

各位,

我昨天考車牌...乙部:拍位,掉頭pass ，丙部:路試肥左。所以丙部最快7日後，要再排期考過。我衰抓頭，聽到都知自己唔好啦。

因為有架專線小巴停左係條路到(單程路)，又唔係上落客，
又唔開車，我只好打燈過小巴，咁就衰左喇。我係唔應該過架
小巴，要停係佢後便，等佢開車為止。

因為平學車時，師傅都會叫我過佢車，唔會停係佢後便又唔知等咩，師傅話:考時就唔好喇，考時唔記得，過慣左，好以平時咁又過了頭!!!

ElainAiolia

Dear all mami,
今日我打o左電話去St. Catherine’s同埋根德園。

St. Catherine’s已開始接受申請，佢要你o地郵寄去攞form:tongue: ，信封面除o左寫佢o地o既地址外，左下角要註明"索取入學表格"及選擇"粵語or英語面試"，同時要寄埋以下資料：回郵信封一個（4” x 9”）記得貼郵票、出世紙副本一張及一張$30-HK支票（抬頭寫佢學校名，後面記得加埋"Limited"落去，即係"St. Catherine’s International Kindergarten Limited"），佢仲話接受申請最後日期係13/10，9月尾開始會寄o的申請form比家長，但o的form寄完即止，即就算你未過最後日期寄去，但佢已寄完o的form，你都會有機會攞唔到form。（地址：九龍塘羅福道4-6號國際英文幼稚園，Tel: 2337-7344）  

根德園叫我10月頭再打電話去。

荊冕堂士德申請form可上網download及已開始收form，但星期六只開半日。

青衣天主教聖多默申請form可上網download及只會於3/11（Sat）9:00 a.m. to 12:00 a.m.收form。

荃灣浸信會於17/9可以自行去學校攞form or到時上網download。

ElainAiolia

Dear all mami,
另外，培正會於15-31/10接受郵寄攞form申請，信封面除o左寫佢o地o既地址外，要註明"索取零八年度幼兒班報名表"，同時要寄埋以下資料：回郵信封二個（長形）記得貼郵票（收信人寫考生姓名及地址）、出世紙副本一張，2/11將會寄o的申請form比家長，但要13-14/11(Tue & Wed)親自交form ，面試日期定於24/11（Sat），若太多人報名，之後考生會安排1/12（Sat）面試。（地址：九龍窩打老道80號培正幼稚園，Tel: 2714-2562）

我較為有興趣o既學校，只有呢幾間，你o地其他心水學校，我幫唔到你o地o剌。

天藍

ElainAiolia,

多謝你提供選學校及報名時間既資料, Thx!
我都會幫亞仔報之前講個幾間學校, 我諗到
時收我仔先再諗下讀邊間, 以家都唔好諗咁
多, 諗得太多令到我自己會好煩同好緊張,
都係順其自然得就得, 唔得就算!
仲有我最近行個去余X生買野,發覺"猴棗未"
加價, 以前Hk$600元六支, 以家HK$708
六支, 早知之前我買多少少存貨啦!!! 看門口
都好, 以家貴成百幾蚊一盒, 我問個售貨員
佢話來貨價貴喎!

626mama,

唔好灰心下次再接再勵一定會成功~~

pcdogxx,

你就好就快去旅行, 玩得開心D, 同女女影多
些靚相比我地睇!!!
如果你想小朋友英文好york都唔錯, 因我好
多朋友D仔女係york出來英文都好好!
而祟真都係注重兩文三語既學校, 又係有外籍
老師, 都幾好, 好似每年十月都有Open day,
我諗到時我會去參觀, 到時你有興趣通知埋你
好無~~

hongmimi,

"五常法"真係唔知係乜東東? 等我同人八下再
同你講!
匡匡返下pg都好, 無咁悶! 最衰你唔係成日係青
衣, 如果唔係可以得閒隨時落街都可以見下面,
真係好期待BBQ個日~~

all mama,

多謝你地既關心, 我睇醫生食藥D咳好好多!
仲有昨天我因咳未好, 所以沒有送仔仔返學, 只送
仔仔上巴士, 我就返工, 由姐姐送佢返學, 咁坐
巴士返工途中我手機突然嚮起, 一接個電話聽到
係Miss Gloria把聲我心裹即刻寒一寒, 我以為
老師咁早打比我亞仔發生乜事, 原來佢同我講
頭先昊藍返學, 仔仔入到學校同老師(Miss Gloria)
傾計, 老師見到佢有一邊耳背同頸到有小小紅點問
我仔仔係咪敏感, 我話係呀仔仔有時抓到紅, 但
真係唔係咁覺眼Miss Gloria都咁細心留意到, 佢
真係一位好細心同盡責既老師。
個日剛我媽媽放假, 放學個陣同埋姐姐一齊接我仔,
我媽媽見到仔仔, 話其實都無乜野可能係抓到小小
紅, 不過, 都好多謝老師對小朋友既關注同細心!
所以以家仔仔返一個月學我都覺得間學校都幾好!

原文章由 ElainAiolia 於 07-9-14 15:20 硐表
Dear all mami,
另外，培正會於15-31/10接受郵寄攞form申請，信封面除o左寫佢o地o既地址外，要註明"索取零八年度幼兒班報名表"，同時要寄埋以下資料：回郵信封二個（長形）記得貼郵票（收信人寫考生姓名及地址）、出世紙副本一張，2/11將 ...

[ 本文章最後由 天藍 於 07-9-15 10:36 編輯 ]

ElainAiolia

Dear all mami,
有最新情報 ，就係我家姐個BB女現在每三個鐘食一餐，每餐食到34ml(即一安多D)，佢已經好努力，現時已不用吊營養液，但仲未可以用奶樽食奶，要用機將D奶由喉管打入胃度，現時要比D時間佢適應及成長，姑娘話到佢有力吸啜時，先可以用奶樽食奶 。於星期三磅重時，雖然磅數維持不變(都係3磅3安士)，但因出世後再收埋水，其實佢已經重o左好多，希望佢快D可以出院，而我家姐亦好努力咁奉獻佢D人奶比BB女，令佢可以快高長大。

今日帶o左子聰剪頭髮，因為月尾同下個月頭要去"飲" ，我唔想佢個頭咁"烏where"，而係2 wks前已成日同佢講話要剪頭髮，佢一路都唔肯，尋晚突然又應承我重話唔會喊o忝，所以決定今日去剪。今朝起身後，我o地都提過好幾次剪頭髮，佢都話唔喊o架，點知一坐埋張櫈度，就喊都成間舖頭震晒 ，最後o米被我抱住及捉住佢個頭剪，結果重手o左剪o左個游水裝，而佢就喊到面又紅又流住二行鼻涕。搞到今日佢成日用手摸後尾枕，我諗佢好唔慣(因佢除o左BB時曾剃光頭外，未試過剪咁短頭髮)。

ElainAiolia

天藍,
D咳重有無咁多呀，若重有少少，不妨去睇中醫，唔使成日食西藥咁散o麻 ，希望你身體早D好番。Miss Gloria真係好犀利呀 ，咁都留意到，所以我覺得宏福真係幾好o架 。

唔使多謝，我都想你o地D仔女可以揾到一間好學校，大家互相幫助o者。如果你知我講果幾間KG有Open Day請PM我o丫，因我都想去睇o下學校環境。荊冕堂士德我今朝交o左form，另外St. Catherine’s亦係今朝寄o左信。

余仁生"犭候棗末"我早排都想入貨，但已加o左價，係要$780-六支(即$130-一支) ，我起初以為金鐘舖租貴(因我返學係金鐘返)，所以先咁貴，點知問埋紅磡同荃灣，價錢一樣，所以我未買住 ，睇o下遲o的會唔會有discount先買。

626mama,
唔緊要啦，下次一定得o既 ，你衰果辨係因為考試先肥佬o者，平時D人都係咁過啦，下次考試要留意D喇。

pcdogxx,
你去旅行D o野準備好未，鈞渝D物品執好未呀，去旅行小心D同埋玩得開心D呀。:D

天藍

ElainAiolia,

你家姐同B女都好叻, 加油加油! 再接再勵~~
原來子聰都怕剪頭髮, 我仔仔都一樣一提剪
頭髮佢就好唔like, 一入到髮型屋佢就會扁嘴
跟住就哭, 同子聰既情況一樣要抱住剪先可
完成, 同我仔仔剪髮我同我老公一定要走開,
如果唔係佢哭得仲勁, 亞仔剪髮都係由姐姐
同婆婆帶佢入去剪, 我同我老公只會係門口
偷望怕比佢發現, 到亞仔剪完我地先出現。
唔知明天我送仔仔返學見唔見到子聰, 我想
見下佢個新髮型, 係咪好靚仔
仲有我仔仔都好似子聰咁成日自己照鏡都會
同自己講"昊藍好靚仔", 都係咁自大。
其實聽落我仔同你仔都有好多野相似, 咁有
緣又同一間學校, 真係幾好有咁多共同話題!
好呀! 如果我知邊幾間有open day個日子,
我通知你, 大家互通消息! 不過, 士德荊冕
堂我問過係無open day, 這間我都交咗表,
荃浸我唔報啦!不過, 好多人都話好, 但我已
心水有好幾間再報越報越多到時In到我頭都痕
希望張來就算大家去咗唔同學校, 都會係朋友,
因我們都算有緣!
多謝關心, 我D咳都好咗好多, 不過, 個鼻都唔
係好舒服, 唔知係咪近來空氣污染指數好差,
所以個鼻唔係咁舒服~~

原文章由 ElainAiolia 於 07-9-15 23:02 硐表
Dear all mami,
有最新情報 ，就係我家姐個BB女現在每三個鐘食一餐，每餐食到34ml(即一安多D)，佢已經好努力，現時已不用吊營養液，但仲未可以用奶樽食奶，要用機將D奶由喉管打入胃度，現時要比D時間佢適應及成長，姑娘話到 ...

天藍

626mama / ElainAiolia,

今天我同我老公同仔仔終於完成咗個燈籠,
明天回學交貨, 唔知你地交咗未因後日18
號就到期要交, 下次我有時間再post 上網
比大家睇下我地一家合作整既燈籠作品

天藍

pcdogxx,

多謝你關心, 今日星期日我訓咗大半日已經好好多!
你記得去旅行同女女影多d相比我地睇下, 唔係我
自己去旅行, 聽到你話去旅行我都好開心, 好似自
己去旅行咁, 我都傻傻地, 都唔知係咪病到傻咗
不過, 我都真係好想去旅行, 你就好啦~~

hongmimi,

我問過人啦! 創X係活動教學, 唔係乜"五常法"教學,
我係其他topic 問過d媽咪佢地既仔女都讀緊個間,
都話無聽個"五常法"。

原文章由 pcdogxx 於 07-9-14 02:58 硐表
各位好..
唉.. 唔襯呢d零晨時份, 真係冇乜時間可以靜靜地回覆..

626mama,
都唔明點解返學d校車會攪到咁..  仲話要中途轉車.. 有冇攪錯呀..   好彩返學我都係諗住自己湊, 放學先搭校車者..   

嘩..  我d勞作幼稚園 ...

[ 本文章最後由 天藍 於 07-9-16 23:00 編輯 ]

626mama

各位,

我又要再考過車牌，又要找師傅幫手，我個師傅由一個陌生
人，變了好好傾，遲d又要找師傅傾計同排期，師傅講最快
排到11月，好以好拖時間咁。最好下個月又考。不過唔得。
可能我個人心急，想要做就去做，唔鐘意拖住拖住咁。


hongmimi,各位,

妳見到我地講學校心郁郁，等等下，好快就到妳。

我見大家都好努力找學校，我要為大家打氣，加油努力。

講開"加油努力"軒軒成日都講，不過佢講係"加油無力"。

其實佢都鐘意返學，只不過返學前又哭，好以話，軒軒同
EE講，佢想返學坐校車喎。


天藍,

嘩..."猴棗未"脹價脹得咁多，$600.00一去便$708.00一盒

好呀，我都好想睇妳地個燈籠呀。


pcdogxx

妳真係好幫，要零晨時份才上來回復，不過好快放假去旅行，
可以輕鬆下喇。想起都開心。

原來幾裡徐了我，妳地三個都是爸爸做個燈籠，唔知最後
大家個燈籠係點樣呢，聽婆婆講，學校已經掛了好多燈籠
係度，好靚下。我都好想睇下，不過睇唔到，我又要返工。

同意，近排天氣涼涼燒野食真係好好。

我收到妳PM，多謝晒，不過星期六日都唔得閒，無時間
去睇，睇下遲D仲有冇再去睇下先。THX


ElainAiolia,

見妳地講，我才知，我很久沒有數過軒軒有幾多牙仔了。

妳找學校的資料好詳細，清楚又明白，多謝分享。

你家姐同BB女要繼續努力，BB快D自己學飯奶。
你家姐快D修身。

我有個妹妹下個月8號嫁，我地都係去飲，聽講男家好多人
都是做警察。唔知會唔會妳地都有分呢?
我妹妹個未來老公姓陳。

軒軒好鐘意剪頭髮，次次剪頭髮個髮型師都話佢乖，
坐得好定。因為軒軒知剪頭髮會好靚，所以真係坐係度
唔郁嫁。下星期六我都打算同軒軒剪頭髮，因為耳邊有
D頭髮"吉"耳仔。同EE結婚，都要剪返個形仔頭。

[ 本文章最後由 626mama 於 07-9-17 10:12 編輯 ]

天藍

626mama,

我個燈籠係火箭o黎o架! 用益力多樽同蒸溜水樽整,
再加上年聖誕節用靜既金色同銀色紙整個燈籠出來。
今日送仔仔返學見到學校裹面已經掛住好多學生交
回來既燈籠作品 lu~~

626mama

天藍,

須然看不見，聽到妳的形容，已經確得有中秋的氣分了。

原文章由 天藍 於 07-9-17 02:20 PM 硐表
626mama,

我個燈籠係火箭o黎o架! 用益力多樽同蒸溜水樽整,
再加上年聖誕節用靜既金色同銀色紙整個燈籠出來。
今日送仔仔返學見到學校裹面已經掛住好多學生交
回來既燈籠作品 lu~~ ...

hongmimi

天藍，
Miss Gloria真係好細心喎!!

聽妳個燈籠好似好豐富咁! Miss係咪話全程由家長做架? 整到咁靚會唔會唔得。我小學時d勞作都係老豆做，我唔識點整，死啦! 第日匡匡老豆唔得閒做咪無功課交!

原來無五常法架! 咁我都唔記得係邊到聽番黎喇!

626mama,
軒軒講成"加油無力" ~ 哈哈~

我唔識查車亦唔會去考車牌，係我心目中開車係好難既，妳差少少就pass我覺得已經好叻，唔緊要，下次一定掂既! 加油加油!!

pcdogxx,
前幾日先同匡匡買左d衫同鞋，好彩唔係妳pm果幾間，如果唔係就苯喇! 有時間我會去睇，唔該晒!!

咁衰! 想痕死我!

報左去韓國呀! 未收到通知，應該成團掛! 妳預備旅行預備成點呀? 過d料黎呀!!

係呀! 有半價咪玩下囉! 地方細左d，其他小朋友都細過匡匡，有d好似玩唔埋咁。不過返左兩堂，佢已經知咩叫返學，有時係屋企鬧佢其他野，自己話：話俾老師聽 。

ElainAiolia,
BB女加油呀!! 究竟子聰個新髮型係點既呢? 等我返工撞下佢先，游水裝係咪即好短既skin hair? 匡匡未出過去剪髮，之前兩次都係我係屋企求其剪，出去剪我都唔敢想像。

小朋友聽到大人讚就好滿足夠純真，子聰自己讚自己靚仔，婆婆隔離屋個伯伯叫匡匡做「靚仔匡」，有時我問匡匡叫咩名，佢一邊笑一邊話：「靚仔匡」，專登玩野!! :tongue:

多謝妳既資料呀! 我開頭都好鍾意士德架! 成日行過就同匡匡講第日係度返學，但係而家無啦!

講開BBQ，話時話，妳去開遊樂會可唔可以問下BBQ場10月27日ok嗎? 我唔記得幾耐之前要book，可唔可以順便問下? 唔該晒妳先!!   

天藍

hongmimi,

個燈籠我同老公同仔仔一齊做, 但多數都係
我老公整多, 仔仔幫我貼d星星上火箭到, 咁
都算仔仔都有參與, 都算親子一齊整:loveliness:

原文章由 hongmimi 於 07-9-17 16:27 硐表
天藍，
Miss Gloria真係好細心喎!!

聽妳個燈籠好似好豐富咁! Miss係咪話全程由家長做架? 整到咁靚會唔會唔得。我小學時d勞作都係老豆做，我唔識點整，死啦! 第日匡匡老豆唔得閒做咪無功課交!

原來無五常法架! 咁我都 ...

天藍

ElainAiolia,

今日我送仔仔返學係學校門口見到你工人出來,
原來子聰早個我地入學校, 見唔到子聰個新
髮型添
同"唔該晒" 你, 要麻煩你book燒烤場, Thx

626mama

十月活動太子警察遊樂會(BBQ)
日期 : 10月 27日(六)
集合地點 : 遊樂會門口
集合時間 :
備註       : 有時撞岩燒烤場俾人全包或者特別事都無得book，所以早d confirm日期，可以早d check有無。

參加:
1. 626mama (2大1細)
2. hongmimi (2大1細)  
3. pcdogxx (2大1細)
4. 天藍 (2大1細or3大1細 )
5. ElainAiolia (3大1細)

天藍

pcdogxx,

你係咪都會報大埔道個間祟真, 因我收到消息
祟真下個月13/10(星期六)有個嘉年華, 時間:
10:00a.m. -- 16:00 p.m.免費入場, 可參
觀校舍。
但我頭先打電話問就話個日可參觀校舍同課室,
但如要問老師問題就要In個日先會有老師在場,
咁你有興趣到時去睇下環境先!

pcdogxx

天藍,
其實我都唔知崇真係乜東東呀..  唉.. 我對邊d幼稚園好係冇乜頭緒架.  咁崇真係傳統教學定活動教學架?  10月23開放日呀? 好呀, 一齊去吖..  咁佢有冇話幾時招生呀?   約克我dl左form, 填梗,  我見佢有兩間, 咁邊間好d架?

626mama
你考試就唔好咁心急嘛..  阿考官驚你第時會危險駕駛呀..  哈哈..
下次再努力.. 祝你下次順利pass.

Hongmimi,
你幾多號去呀? 我都未執野呀..  等我執好俾個checklist你呀..

ElainAiolia,
St. Catherine 學費好貴呀.. 我都唔會考慮呢間喇. 其他都可能跟你.. 哈哈..   如果聖多默係青衣, 點解唔讀返宏福呀?

hongmimi

pcdogxx,
10月3號出發去4日。我已經買定左d罐裝腸仔、蛋蛋、即食米粉、果汁、餅仔等等，跟著會再買定d零食，到個餐真係唔岩食都有back-up，不過旅行社話除左特色餐，其他都係中菜，小朋友食到大人飯既唔會餓親。

我問過戶外旅行個邊d媽媽，佢話可以上機問空姐攞熱水沖奶，我搭夜機嘛! 諗住一上機就開奶等去飲完迷下迷下一訓訓到天光落機就正喇! 另外，妳會唔會帶BB車? 佢地話上機時交俾空姐代為保管(因為唔可以拎埋位)，不過可能要d人落晒機先交俾番俾妳，總好過跟行李入倉，因為好易會掟爛。

626mama

hongmimi, pcdogxxx,

可能我考van仔，所以會嚴格d，冇咁易pass，因為佢怕考van仔
的人會變職業司機。我師傅話，學自動波容易好多會PASS。
我爬頭肥佐佬都岩。

我自己買了部電動的髮剪，都幫軒軒剪過幾次，不過都係剪
陸軍裝，冇乜難度嗎。阿公又成日帶佢去剪頭髮，佢勁鐘意
帶人地去剪頭髮嫁，所以我同我細妹細個未試過長頭髮，
細個時真係好想留長D頭髮嫁。


ElainAiolia,hongmimi, pcdogxxx,

BOOK BBQ就拜託妳地喇。


天藍,

大埔祟真係咪兩文三話那一間呀，
定好以有一間比日本人子女讀。
我知D又唔知D，真係唔好意思。