子女的期望 vs 父母的期望

shadeslayer

greentea000 發表於 17-4-25 09:26
因為我無兄弟姊妹，除左父母親戚，理論上就係朋友比較重要。

阿媽想我「出外靠朋友」，其實佢意思係「出外 ...

多謝分享, 你只提至你阿媽的交友哲學, 你的交友哲學呢？我從來沒有給女兒甚麽交友要求。把她送住的學校已包括交友的考慮。

greentea000

回覆 shadeslayer 的帖子

就係：1.筋疲力盡，無興趣交朋友
2.中庸處理，把握力度，不濃不淡


就算我唔想交朋友，總有人黎結交我 / 我總要同他人相處。我感激人地既主動同熱情，唔會令人地感受熱面貼冷屁股。但我本身冷淡，對外需求唔大，著力自給自足。所以還之以禮，相敬如賓。

shadeslayer

greentea000 發表於 17-4-25 10:17
回覆 shadeslayer 的帖子

就係：1.筋疲力盡，無興趣交朋友

你依種係  Classic Introvert.

和我女兒相反。佢攰的時候同同學朋友傾計, 就成個生猛番哂。

greentea000

回覆 yovin 的帖子

伸延：

未去到借錢，只係講金錢觀已經傷感情。


K同我表明立場時，我未有思想準備，亦無閱歷去理解佢。雖然我同阿媽不和，但同K既父母不和唔同，我無家庭破裂危機。我選擇左逃避，我無回應既勇氣。如果我同K傾下，省卻自己一堆胡思亂想，起碼我對佢印象好Ｄ。如果之後無H又提出借錢問題，相信K唔使出國，我同K一樣會漸行漸遠。K表明立場之後，果段friend如夢似幻，我無正視自己心理變化。所謂之後仲好friend係已經有裂痕，而我又刻意睇唔到，寄望裂痕唔擴大 / 無新裂痕就算。H再提出借錢問題就係新裂痕，我俾左答案H。我應該俾埋個答案K，可惜我無把握機會。


人越大，越心照不宣。

greentea000

回覆 yovin 的帖子

再伸延：

K同H之後，我無心交友。但因為有對我熱情如火、堅持不懈既朋友，我設左一個「朋友專用救急扶危基金」，基金佔我全年收入3%。再用呢3%去做穩定投資，慢慢壯大。雖然大原則無變，不過的確令我對借錢呢件事無咁恐懼。


基金已經動用過一次，一個女仔朋友同同居男友鬧交，被男友趕出街，三更半夜係24小時M記打俾我哭訴，唉！我唔想帶佢返屋企，權衡之下幫佢租左2星期公寓式酒店，相信2星期足夠佢想清楚同處理段男女關係。佢亦無令我失望，快速振作，租屋、換電話no.，重新生活。又，過左好耐之後，佢坦白唔係第1個打俾我。


今年佢都設左一個「朋友專用救急扶危基金」

yovin

greentea000 發表於 17-4-25 09:26
因為我無兄弟姊妹，除左父母親戚，理論上就係朋友比較重要。

阿媽想我「出外靠朋友」，其實佢意思係「出外 ...

好多謝啊green及Ruby的分享，令我有所得獲！
啊green對金錢延伸至對朋友的睇法，尤其是好怕朋友會問自己借錢而造成壓力，令我知道原來不是我的思想，也有人大致一樣，I am not alone ！
因為四十年的經驗令我對朋友的看法比較負面，我以為自己太可悲。但從第三者去看番rubyand green.又覺得一切不是可悲，有所防犯，無可厚非！
我之前說過自己细時好好好窮，窮到住劏房，没床睡睡木板，連唯一的書枱，也是從垃圾房搬回家的！所以令我有好大童年陰影，對錢睇得好大。直至媽媽轉型做美容，我小學放學就幫手派傳單，洗毛巾;中學放學坐櫃面邊收錢邊做功課，放長假就到爸爸廠做五金搬貨;大學時幫手屋企入牌子代理，找廠做生產，賣舖位賣倉房，考貨van牌第一時間去送货……一個女仔經歷咁多，真係要多謝當日[我兩歲]爸爸取貨走路的朋友，害得我家欠下百萬數的那個人！
所以每一分每一毫都分得不容易，還記得自己上午返工，下午生仔，生完大仔第二日就返工跟客跟單，那裏敢放前生後六產假，伙記笑我睇錢太重，我自己覺得有機會賺錢的就不给讓機會流失！另一方面我好節儉，舊波鞋着左十年，上星期剛剛爛才換，個仔嘅書包無爛到用左六年，总之一般情況下唔爛唔買新的，家中無乜家俬，一黎容易保持潔淨，二黎環保，三年省錢。我賺的我省的是為了日後生活保障，我唔想再挨窮了，也不想心愛的人挨窮，更不想心愛的人去負擔自己變成負累。
可惜二十歲前識到的所謂纯真朋友，後來發現十個有九個會問自己借錢，有D更一開口就幾十萬。真實個案中，九個借錢的都係屋企人有病，仔女無錢交學[又要讀國際學校]，想做生意投資等呢九個入面，我有借過四個，三個無還無朋友做，五個無借大家慢慢疏遠，都好在有一個有借有還！ ……所以我都好擔心未借的那一個，终會有日開口。兒時纯真朋友對我做成壓力了。
唔借的那五個中有一個更當住我同老公面前話:你咁多錢帶落棺材咩！
oKoK，所以我從來無教個细细妹同仔仔，朋友要互助互愛，互相幫忙！

yovin

yovin 發表於 17-4-25 17:49
本帖最後由 yovin 於 17-4-25 18:22 編輯

好多謝啊green及Ruby的分享，令我有所得獲！

繼續……但細细妹[细我18年我帶大的]、我兩個仔仔都無經歷過窮，更是愛心爆崩。佢地對朋友的看法，我從無污染，也不識教！我自己負面的朋友觀，我一直以為係自己有問題。
但係上星期有個亞姨向我妹妹入手，又係家人有病，一開口廿萬，叫我妹妹求我。我媽媽唔個理，有關錢的問題，佢會一推推俾我，說大家姐話事……我呢個妹幫口求我，我一直在想，一直在想應該怎樣做。有好儍地想過，好唔好俾廿萬佢叫佢做擔保人，等佢自己買做教訓。還是不多說了一口拒绝，把自己造成不近人親的衰人。又還是把我和爸爸負面的朋友觀教下佢好呢……等等多個方法，我一直在想一直在想
咁arm. 呢度講緊仔女金錢管理，朋友互相互愛的問題。
之前green話$3借筆、又有人個女出租iPad等，我覺得oK呀！我問你借筆，借note，甘積係要還啦，咁還D乜先，還十年後的人情債？如果我细個一早知現實社會係咁，甘我當日寧可俾$3同你租。
今日我一萬蚊俾朋友唔洗還的心意，實在是昔日人情債，從此我不再欠你的！
對朋友要己所不欲，勿施於人o如果現在有朋友話，無論幾 friend都好，大家唔好借錢，咁我會常試用心去交這個朋友，因為我對佢會無壓力、無負擔。我也不會覺得佢對我的[好]是有居心的！
是不是好可悲呢？

yovin

greentea000 發表於 17-4-25 13:17
回覆 yovin 的帖子

再伸延：

你呢個朋友基金的方法，我覺得oK！會深思回味一下！
我雖然睇錢大，但會對感動到我的新聞，會捐錢[$5oo]以下，或者呢個基金都可以甘用。

asweetmom

嘩，呢兩日有咁精彩討論！！！(≧∇≦)

asweetmom

yovin 發表於 17-4-25 18:57
你呢個朋友基金的方法，我覺得oK！會深思回味一下！
我雖然睇錢大，但會對感動到我的新聞，會捐錢[$5oo]以 ...

捐款就無壓力啦，一早知無回頭！！！(≧∇≦)
捐幾多就隨心

asweetmom

greentea、ruby、yovin經驗之談，我消化完都要找時間教育幾個女，多謝分享！！！

shadeslayer

yovin 發表於 17-4-25 17:49
本帖最後由 yovin 於 17-4-25 18:22 編輯

好多謝啊green及Ruby的分享，令我有所得獲！

我賺的我省的是為了日後生活保障，我唔想再挨窮了，也不想心愛的人挨窮，⋯⋯
oKoK，所以我從來無教個细细妹同仔仔，朋友要互助互愛，互相幫忙！

Xxxxx

我沒有心冒犯，但你說唔想再挨窮了，但諷刺的是你一生咁慳，正正在挨窮，係 self-inflicted poverty。當然你可爭辯六年一對鞋不是挨窮，八年一對鞋才是挨窮。

我相信人過了手停口停，搵朝唔得晚的界線後，就不應常常把錢成為生活中心。

不是你借唔借錢比朋友，交友觀念等的問題。係你一路以來 you work for money, not money works for you.

還有，這些思想是會遺傳的。

當然大家有絕對自由運用自己的金錢和時間。

asweetmom

回覆 shadeslayer 的帖子

應該係我中文差，我理解不到你想表達咩。你經常問A答B，然後又轉C，最後竟然係D。(≧∇≦)

shadeslayer

asweetmom 發表於 17-4-26 18:41
回覆 shadeslayer 的帖子

應該係我中文差，我理解不到你想表達咩。你經常問A答B，然後又轉C，最後竟然係D ...

can you be a bit more specific?see if I can explain further?

asweetmom

shadeslayer 發表於 17-4-26 19:42
本帖最後由 shadeslayer 於 17-4-26 19:43 編輯

can you be a bit more specific?see if I can explain ...

我母語非中文，對你不斷提出問題呢種引導方式消化不良，唔知你係咩立場咩理據，好難搭咀，比較喜歡類似「因為……所以……」呢種直接清楚。我女部分老師也喜歡引導式，但學生笨，get不到，老師都要俾個答案吧！也真有老師堅持不俾答案，唯有叫女向其他老師求助，耶！

asweetmom

回覆 yovin 的帖子

強烈支持你要教育下妹同仔有關金錢vs朋友，打定預防針。佢地未必聽，不過你會心安些。

shadeslayer

asweetmom 發表於 17-4-26 21:29
我母語非中文，對你不斷提出問題呢種引導方式消化不良，唔知你係咩立場咩理據，好難搭咀，比較喜歡類似「因 ...

難怪，香港人那有時間，即食面最快靚正。

不少 staff 我引導佢思考問題的時候，有D會巴不得我比個答案佢。又不知我苦心，願花更多的時間引導佢，我可以一秒鐘講個答案比佢聽。

今日有個同事好耐心聽我問佢問題，之後佢同我講佢未做過，學到野。佢係英國大的中國人。

負責的老師，才願花更多時間引導學生。

同事我有責任，佢不受引導，我慳番。EK 我沒有責任，我只隨心所欲，唔啱聽，還有千千萬萬其他帖可看。

greentea000

回覆 shadeslayer 的帖子

引導係好花時間，但效果有差異，我會睇人睇情況決定，十萬火急仲引導乜鬼，自己做仲實際！asweetmom應該唔係指你教同事呢種引導，係EK係分享經驗為主，唔係邊個教邊個，更加講唔上責任。

shadeslayer

greentea000 發表於 17-4-27 00:29
回覆 shadeslayer 的帖子

引導係好花時間，但效果有差異，我會睇人睇情況決定，十萬火急仲引導乜鬼，自己 ...

EK論壇有十萬火急的事？亦不見得我只會問問題。

我已講了因為EK與工作不同，責任不同，我在EK不會改的，但工作會改用不同方式。

我有自己選擇發言方式，別人有選擇睇或唔睇，冇乜問題呀。