旺角基督教服務處雋匯幼兒學校

Twins

fionkwok,
比D時間囡囡去適應下啦, 係就係難攪D, 但你囡囡終有一日
係掂既, 努力 努力
你有信心, 自然囡囡都有信心去克服.

原來星期五我囡囡見到你囡囡喊, 佢都喊埋一份呀, 我問佢做
咩喊呀, 原來佢話你囡囡唔開心所以佢又喊. 仲有我囡囡唱
抄泠飯歌仔, 佢話要你囡囡去洗碗呀, 我覺得我囡對你囡囡
既印象係唔錯架......

lioxi

zimba,
吾係我仔仔身體底子好,今次係隻菌弱!!
以前佢成日病,一病就１,２個星期,都幾慘架!佢有氣管敏感,天氣一轉,佢就有鼻水架!
我都聽c班家長話麥老師好好喎!!難怪你細仔唔捨得佢啦!!

Twins

zimba 寫道:
Twins,
你點呀? 係唔係感冒呀?

我有咳同流鼻水呀, 所以今日一定要see doctor, 費事星期
五見到亞囡又傳返比佢.

fionkwok

Twins,

係呀! 而家d菌好勁架, 有事都係要即刻睇, 如果唔係好似上次咁又傳埋俾老公, 仲慘! 係啦! 你平時係咪好少湯水呢? 所以咁容易病, 唔得閒煲都出街飲xx靚湯啦! 我自己覺得飲多d湯水好d架! 呢幾日不斷煲多d湯俾阿女飲, d咳都清咗好多啦!

e! 你女又對我女幾好喎! 見佢喊自己都喊埋一份呀! 真係唔好意思啦! 攪喊埋你個女! 話時話呀, 我地個班得幾多女孩子呀! 等你個女冇咁怕羞, 佢地實可以做好朋友啫! 仲有呀! 唔單止你個女叫我女去洗碗呀! 連lioxi個仔都一樣叫我女去洗呀! 咁佢咪做咗阿四?

    

waiwaichu2003

Twins,

唔舒服就早d返屋企休息下la!我地精神上支持你!!!
我同事lee兩日都病左,搞到我要做埋佢個份,very busy呢!
你同fionkwok個囡咁快就咁friend喇,咁我隻豬點算呀? 講開又講,上星期我家姐接阿囝放學時,佢話有個女同學走埋黎讚隻豬"乖"喎,唔知係邊個小朋友咁"慧眼識英雄"呢?

evawinhk,
哦!明白la,你咁講開,我醒起開學初我見過有d義工家長係我同阿囝分離時幫手照顧小朋友,記得當時阿囝係由一個義工家長由課室抱出黎,阿囝不斷係度喊,真多得當時個義工幫手照顧咋,隻豬咁c重都肯抱住佢,唔知果個會唔會咁啱係你太太呢?係就講聲唔該晒先!!!

fionkwok,
唔好唔開心la,其實返學喊都係小問題啫,好快就會習慣,我覺得最緊要冇病冇痛,情緒上唔係太大波動就ok!
不如一齊做燈籠開心下la,我頭先問左個同事,佢之前係教幼兒園架,佢話可用碌柚皮做~嘩!咁未好重law!之後,建議用紙盒做,lee個idea都唔錯,你都可以試下!!!

waiwaichu2003

GOOD MORNING AH, EVERYONE!!!

fionkwok

good morning,

waiwachu2003 今日咁早既?
今日開始已經可以返8:00啦! 你幾時會自己送仔仔返學呀?
今日阿女返學好d啦! 雖然佢係屋企都係唔肯起身, 唔肯著校服, 但好在返到學校就冇喊喎! 希望一路有改善, 唔好再話唔返學, 唔好喊啦!

twins,
尋晚睇咗醫生啦? 好d未呀? 今日有冇返工呀 ?

waiwaichu2003

咦!仲乜今日冇人入黎傾計既,fionkwok & lioxi你地係咪去左食早餐呀? 仲未返既?

好開心呀,我今朝有陪囝囝一齊搭mtr到旺角,所以就遲左d返工,不過唔緊要la,我見囝囝全程都好開心咁係度手指指,見佢開始冇乜抗拒返學,我都覺得好安慰,雖然今朝我姐姐話阿囝入去時見到d小朋友喊,都有d扭計,後尾經我姐姐氹下佢就好快冇事la!

我尋晚同我老公傾過,雖然囝囝返左學之後係百厭左,不過同時間亦見佢多方面都有進步,例如食西瓜肯自己拿住成舊食,食到有核佢會嘗試撩佢出黎;仲有食提子,以前要我地"meet"皮同撩核先肯食ga,但上星期見佢爭住自己"meet",雖然效果唔係咁好,但佢肯自發性做,我已經覺得係一大進步,希望佢keep住間中比d驚喜我地la;至於"百厭"個方面,我諗住見一次,就"哦"佢一次,希望it works la!!!

twins,
今日係咪仲係屋企休息呀,睇左醫生未呀?
take care!!!

zimba,
你大小b今日點呀,仲有冇爭鞋著呀?

yenchan,
please 返回"地球"la!!!

fionkwok

喂! 喂! waiwaichu2003, 我返咗來好耐啦! 你見唔到我咩? 留言都出咗啦! 你真係慢好多喎! 可能真係你打打吓又去做野之故啦!

你都真係好有心機, 會成日"哦"個仔, 我只要講多兩次佢都唔聽, 已經會好大聲同佢講, 再唔聽一係就罰企, 一係就出動間尺, 冇辦法啦! 如果唔係真係口水都乾架! 而家返咗學就好d啦! 閙少好多啦! 因為好多個鐘都見佢唔到嗎!     

係啦! 好耐冇見yenchan啦! 做咗老板娘忙到上唔到來! 快d啦 ! 快d上來啦! 我地真係好掛住你呀 ! 咁耐冇見, 你冇掛住我地咩?
yenchan, 出來啦! 出來啦!     

waiwaichu2003

fionkwok,

我就黎食飯你先上黎架,而家打比你傾,得唔得呀?

fionkwok

waiwaichu2003,

OK, 傾陣啦!

zimba

lioxi

各位早晨!

Zimba:

你細仔今日返學返成點呀?仲有冇扭計呀?
你通常幾時返到學校架?

waiwaichu2003,Twins:

你地兩個今日好Ｄ未呀?休息多Ｄ呀!!
呢兩曰我個仔開始冇咸啦!! 終於可以放心Ｄ啦!!

9月１５日有個幼兒健康講座,有冇人會出席呀??

waiwaichu2003

早晨呢各位!!!

lioxi,
你今日咁早既,你冇約fion食早餐咩?

lioxi

食完返咗來啦!仲買埋餸添!

lioxi

waiwaichu2003,
今曰見你仔仔好乖,換完鞋之後,姐姐拖住佢行到門口,接着姐姐放手,諗住佢自己會行入去,所以姐姐走返轉頭去拖第二個時,點知你仔仔仲企係門口等姐姐拖佢入去添!!

zimba

各位早晨呀!

lioxi,
我同老公今日一早出門, 同兩個仔撘地鐵返學, 未夠8:20am就返到啦. 我諗以後都會係咁. 之前我地坐親戚架車返學, 但昨日我發現佢駕駛魯莽, 唔咁再坐.
我昨日接放學時, 好似見到你仔仔, 因為聽到其他人叫佢既名, 佢係唔係高高大大, 剪咗陸軍頭? 佢好開心, 好有笑容喎. 不過, 我就無留意接佢放學既人la.
細仔呢兩日返到屋企都好大情緒, 小小事就大喊. 我昨晚問佢係學校係唔係驚驚? 佢點點頭, 好似講中咗心事, 跟住就開心番.

waiwaichu2003,
你整咗燈籠未呀? 我仲未諗到點做tim.

你地小朋友有冇係屋企自己唱學校d歌? 我細仔自己玩玩下會自己係度唱, 跟住發現我留意到, 佢就唔好意思咁笑. 我見佢雖然同我講唔要返學, 但都會唱返學校d歌, 顯示佢都有enjoy既時候, 我就放心好多la.

waiwaichu2003

twins,
今日見點呀? 好d未? 有冇返工呀?
我尋日都唔係好舒服,所以早走去接阿囝放學,諗住比個驚喜佢la,點知佢見到我之後,突然轉彎撲左去佢爸爸度,比佢激c!!!

fionkwok,
明天我會試下送阿囝返學,想問你明天會around幾點到學校呀? 睇下撞唔撞到? 順便想交埋d文具費比你,唔知得唔得呢? 唔該,唔該!

尋日派左張通告有關9月15日去聯合聽幼兒護理講座,你地會唔會參加呀?

zimba

9月15日個講座我唔去la, 因為夜晚無人幫我睇住d細路呀!

waiwaichu2003

lioxi,

嘩,咁快手既,連餸到買埋la,你住得好近ga?
有時真係好佩服你同fion架,我其實好怕煮飯炒餸,我係連1星期1次都唔想個隻,如非必要我唔會去街市買餸,最好可以係超市買晒所有野,所以暫時我都係係我媽咪度食咋!