2010~2011 小一家長請進!

小鄧

aquarius828,
課室? 佢係爸爸帶到學校上1-2pm跆拳, 2pm就在學生活動中心走出來, 我有時間就會來接他, 跟住就有時去食野, 有時去出面畫室學畫畫囉。他兩父子都是瘦瘦的, 一條長竹帶住一條短竹, 好易認。

aquarius828

小鄧:

咁你仔仔1點前有無係學校學緊架先, 如果無的話, 我估我應該係認錯人了, 哈哈哈...... (我話見到似你仔仔果個, 係未夠1點係1b課室隔離果個室走出來的)

原帖由 小鄧 於 11-4-13 10:20 發表
aquarius828,
課室? 佢係爸爸帶到學校上1-2pm跆拳, 2pm就在學生活動中心走出來, 我有時間就會來接他, 跟住就有時去食野, 有時去出面畫室學畫畫囉。他兩父子都是瘦瘦的, 一條長竹帶住一條短竹, 好易認。 ...

aquarius828

各位早晨丫!

你地覺唔覺得今日果個中默2課書d字好難丫? 我同仔仔溫習時, 佢都幾多生字唔識, 直到今朝再問下佢, 佢都有少少唔記得 (我已經唔係臨時溫果隻架啦!) 你地通常點樣教嘅呢? 係咪係係咁叫佢寫多d寫多d咁...

係呢(我覺得幾攪笑但又幾難答嘅一樣嘢) 仔仔琴日同我講, 佢話上xx堂時, 明明佢有睇住本書家嘛, 但老師又叫佢個名, 叫佢望住本書, 咁我問佢係咪一日係咁, 佢話唔係丫, 好多時都係咁, 佢話佢都唔明點解會咁, 如果係你地, 你會點做呢? ---------- 咁我就同佢講啦, 老師因為太緊張你, 驚你唔識, 所以咪叫你一定要望實囉, 可能你果一刻, 只係有一刻真係無望到, 而老師又啱啱咁啱見到你無望, 咪叫你望住囉... 我仲同佢講, 因為老師實在好想好想你地好, 學識d嘢先會咁... 有時佢突然咁講, 真係唔知點講先好, 哈哈哈!

[ 本帖最後由 aquarius828 於 11-4-15 10:02 編輯 ]

小鄧

aquarius828,

哈哈, 應該認錯了, 明天你去學校嗎? 我call 你。


中交默書我已經交左俾婆婆跟, 因為佢仲緊張過我, 我只係默之前3日幫佢溫一次, 知佢咩字唔識就再教佢, 昨晚又同佢溫一次, 都有唔識就幫佢用螢光筆圈起, 等佢今朝再溫。d字難唔難係我地定義呢, 有時d小朋友會唔識寫d少筆畫的字, 但又反而識d好多筆畫的字, 好難明白呢。我仔仔溫幾多次, 有幾熟都好, 返去都係會錯的, 哈哈, 所以既然有人緊張過我, 俾佢做囉, 我冇咁勞氣呀。

小鄧

aquarius828,
仔仔明明睇住書都俾老師叫睇住本書, 應該有一個可能, 就係你仔仔睇得太實, 疑似發呆, 所以俾老師叫醒囉。仔仔問點解, 可以話老師想睇下小朋友有幾留心, 除左要留心睇書, 仲要留心老師隨時會發問, 同埋睇下小朋友有冇留心老師叫佢囉, 即是話視覺聽覺都要留心。

我仔仔講多左學校的事俾我聽, 你仔仔有冇?

aquarius828

小鄧:

我都有問佢老師有無叫第2個, 佢又話都有架... 其實有時e類嘢, 又唔係現場, 真係唔知係乜一回事, 但你知啦, 佢講你知, 梗希望你有回應家嘛, 所以點都要講返d嘢, 哈哈哈!

我仔都有講好多學校嘢我知, 佢d同學點點點, 今日發生過d乜事, 如果佢記得就會講架啦....

原帖由 小鄧 於 11-4-15 13:28 發表
aquarius828,
仔仔明明睇住書都俾老師叫睇住本書, 應該有一個可能, 就係你仔仔睇得太實, 疑似發呆, 所以俾老師叫醒囉。仔仔問點解, 可以話老師想睇下小朋友有幾留心, 除左要留心睇書, 仲要留心老師隨時會發問, 同埋 ...

aquarius828

小鄧:

聽日??? 要睇環境了! 剛剛婆婆call我, 話仔仔有少少燒, 無啦啦又有d燒, 唔知係咪今日d壓力大過頭呢

原帖由 小鄧 於 11-4-15 13:20 發表
aquarius828,

哈哈, 應該認錯了, 明天你去學校嗎? 我call 你。


中交默書我已經交左俾婆婆跟, 因為佢仲緊張過我, 我只係默之前3日幫佢溫一次, 知佢咩字唔識就再教佢, 昨晚又同佢溫一次, 都有唔識就幫佢用螢光筆圈 ...

小鄧

aquarius828,
仔仔冇事嗎? 仲咩"今日"壓力咁大呀?死火喎, 壓力以每日計。可能近日天氣唔好, 時熱時冷, 好易病, 上星期我屋企都病左3件, 人都顛。希望你仔仔冇事啦。

aquarius828

小鄧:

醫生話仔仔支氣管炎引起發燒

"今日"指上星期五, 果日又中默, 普通話又評估, 宗教又要背金句, 以為壓力攪成佢咁囉 (不過, 其實我估係我地有壓力, 而唔係佢地有壓力囉, 哈哈哈)

原帖由 小鄧 於 11-4-18 17:42 發表
aquarius828,
仔仔冇事嗎? 仲咩"今日"壓力咁大呀?死火喎, 壓力以每日計。可能近日天氣唔好, 時熱時冷, 好易病, 上星期我屋企都病左3件, 人都顛。希望你仔仔冇事啦。 ...

小鄧

aquarius828,
希望佢快d好返啦。點解你地1日要做3樣野咁多? 中默今次特別多, 仲要加多兩樣, 真係做得邊樣先?

仔仔真係一於少理, 有得玩就得, 昨天派了默書, 比平時錯多左, 婆婆動怒, 話佢教左都唔識, 提左佢又唔記得......佢就當婆婆唱歌....哈哈。

aquarius828

小鄧, 你婆婆咁似我嘅!!!! 哈哈哈!!! 今次默書係仔仔咁多次默書最低分嘅一次, 但仔仔果日作病掛, 雖然我都幾嬲架, 但都無鬧佢了, 有d最衰唔係唔識, 如: 句子果度, 妹妹..... 佢又寫得一個妹字, 紙上又無寫個上字, 無啦啦又扣咗10分, 仲有其他有d就係, 教咗佢, 係屋企識, 返到去唔識果d囉其實都幾激心架, 所以我好明你媽咪囉,

聽日就復活節假期開始啦, 可以鬆一鬆啦!

原帖由 小鄧 於 11-4-19 18:05 發表
aquarius828,
希望佢快d好返啦。點解你地1日要做3樣野咁多? 中默今次特別多, 仲要加多兩樣, 真係做得邊樣先?

仔仔真係一於少理, 有得玩就得, 昨天派了默書, 比平時錯多左, 婆婆動怒, 話佢教左都唔識, 提左佢又唔記 ...

小鄧

小朋友就係咁好笑, 認為佢識的就係會錯, 慳返啖氣了。放假玩得開心d好過啦, 見到d功課我都想死, 難為小朋友呢。我就得4日紅日放假, 到底做功課定係去玩好呢, 返左工又睇唔到功課, 放工睇又好疲啦, 假期又特別多功課, 小朋友放假對在職媽媽來說, 仲衰過唔放假囉。

aquarius828

各位早晨丫!
4天的假期完了, 4天都在家中, 真係幾慳錢 皆因仔仔都仲有燒, 琴日先叫做退咗; 在家有好處的, 就係每日叫佢做幾樣功課, 幾樣+幾樣係咁做, 叫做做好了... 跟住可以溫下書又玩下咁, 我仲叫仔仔嚟緊d默書要好d, 拉番之前果次低果次d分數, 不過唔知佢明唔明呢?! 哈哈哈...

原帖由 小鄧 於 11-4-21 17:41 發表
小朋友就係咁好笑, 認為佢識的就係會錯, 慳返啖氣了。放假玩得開心d好過啦, 見到d功課我都想死, 難為小朋友呢。我就得4日紅日放假, 到底做功課定係去玩好呢, 返左工又睇唔到功課, 放工睇又好疲啦, 假期又特別多功課, ...

magiccandy

大家知道iPortfolio是做在工作紙抑或在website上? 現在循道的網頁上不到，如要做在網上，deadline是何時?

angiefungma

原帖由 magiccandy 於 11-4-27 18:11 發表
大家知道iPortfolio是做在工作紙抑或在website上? 現在循道的網頁上不到，如要做在網上，deadline是何時?

網站如無意外28日即係今日重開，iPortfolio要在eclass做，
上1A要係5月3日前完成，其他班就唔肯定！^_^

小鄧

下1a好似唔知10/5 定14/5前完成, 手冊有貼左紙仔有寫的。

我都終於做完功課了, 只欠上網的。

magiccandy

thanks a lot

BrianMAMAMA

請問各位家長知道下年度上課和放學的時間嗎?
你們有沒有小一舊書和校服可送出?
謝謝回覆!

小鄧

下年的時間有聽校長講過下, 但未確實, 君媽你知道嗎？關於書本，我仔仔好粗魯，　他的已經在書寫答案，圈生字，填色等等，多數都用到好殘，未必可以再用了。
校服方面，你的是仔ｏｒ女？　

君媽

還是先讓學校搬定定才問吧!
另外，相信你們的小朋友已經見過新校長了。很多新學年的安排，須由她拍板。