"啟思"的家長 (any branch) please come in.

candytl

mother904 寫道:
我想請問是否有小朋友讀啟思的媽咪都諗住俾佢讀番啟基小學？如果經派位，派番傳統小學，小朋友的銜接有問題嗎？因為我都想報啟思，但係真係又有朋友的小朋友讀到k3後覺得程度太低，驚升小學會好辛苦，我想知這是否個別問題？謝謝。

我女舊年係啟思畢業, 宜加係一間算做叫幾”谷”的津校讀. 佢銜接小學完全冇問題. 啟思就係我屋企樓下, 所以我女d同學大部分都係住係屋苑內, 我經常係樓下撞到啲家長, 時時有傾到升上小一后的學習情况, 我真係沒聽過有家長怨因為啟思淺而令小朋友升小一有困難. 唯一聽到一位家長講如再揀佢會比佢女(年尾出世)讀多一年, 等囡囡做大女讀小一, 吸收好d, 但佢都話冇后悔比阿女讀啟思渦.
坦白講, 係啟思出來嘅小朋友, 即使唔使點讀, 英文足以應付到官津校小一上學期的課程. 宜加到咗下學期, 時常聽到我女話邊個邊個英文字係幼稚園學咗啦. 所以, 佢哋的英文程度對官津校絕對係應付有余.
我反而好慶幸自已當年選擇正确, 延續囡囡對學習嘅興趣, 係游戲中學習. 佢宜加係學校上完英文拼音, 返到屋企會自己玩游戲, 將A4紙剪成一塊塊, 將今日係堂上學到的字按讀音分類, 寫係紙卡上, 扮老師讀出, 又忠意將d紙卡周圍貼, 叫我扮學生揾出來. 學過嘅中文詞語, 又係咁玩. 成個過程, 佢好開心, 不經意地也溫咗當日教過的生字. 我根本唔使迫佢.
其實, 我認為唔适應小一生活, 唔會因為佢來自活動教學的幼稚園, 好适應小一生活, 又唔會因佢係來自傳统教學的幼稚園. 适應與否, 完全同小朋友的性格, 能力有關.
無可否認, 小一生活同幼稚園比, 真係相差好遠. 以前可以睌睌睇電視, 11:00pm先睡覺, 宜加一星期睇電視加埋唔夠兩個鐘, 夜晚9:30pm要上床, 所以大家真係要好好珍惜三年的幼稚園的開心時光.

JacquelineHo

candytl,

非常非常多謝您的分享,大家都很期待一個真實個案;您實在令好多15/16 ....17/18 ... 的媽咪悉懷,亦對"啟思" 信心更大!

Tks. so much!

mother904

非常多謝各位媽咪的分享，真係令我安心左好多。今日剛剛同個女interview完帝堡城啟思n1，老師話會收佢，仲話讀完n1可以直升k1，唔駛再搵學校，又真係幾好。我見老師們同嬸嬸都對小朋友好nice，好有耐性，對間學校的信心都大左好多。

1314

mother904 寫道:
非常多謝各位媽咪的分享，真係令我安心左好多。今日剛剛同個女interview完帝堡城啟思n1，老師話會收佢，仲話讀完n1可以直升k1，唔駛再搵學校，又真係幾好。我見老師們同嬸嬸都對小朋友好nice，好有耐性，對間學校的信心都大左好多。

係呀mother904，帝堡城啓思啲老師的確幾好（唔係賣花讚花香，因為我個囡都讀緊K1），我記得candytl個囡讀係呢間分校畢業。我個囡都好似佢咁講，成日攞住本故事書扮老師既口吻講故事，又續個叫啲同學仔出嚟，由此得知佢喺學校上堂既情況。

我唔敢話第二啲幼稚園唔好，只覺得啓思絕對唔差。

siewing

hi mother904,
恭禧你!
是AM班或是PM班?

mother904

siewing,

是pm班，老師說k1轉am班沒有問題，我會看看開學後bb是否適應先。

heiheima咪

mother904,

我想問問你, 是否報讀今年n1(即8月開學)?
我打算明年比個月入n1, 都唔知幾時報名好, 因為n1 好似得20幾個位咋. :-|

heiheima咪

1314,

我聽我奶奶講, heihei有幅作品掛左

ho_fish

請問有無mame知o係馬鞍山可以搭乜野車去帝堡城呀?

1314

ho_fish:
照計去廣源邨或黃泥頭既巴士/小巴都會經過帝堡城，不過唔知馬鞍山有無。

heiheimami:
上星期六去學校仲見到heihei幅畫，我個囡個幅就未見，我諗其實係老師教佢地畫既多，我個囡一定唔識畫到咁整齊。

siewing

我知道有綠色小巴808由錦英苑開經馬鞍山廣場&沙田醫院去帝堡城,尾站威爾斯醫院.

ho_fish 寫道:
請問有無mame知o係馬鞍山可以搭乜野車去帝堡城呀?

mother904

heiheima咪 寫道:
mother904,

我想問問你, 是否報讀今年n1(即8月開學)?
我打算明年比個月入n1, 都唔知幾時報名好, 因為n1 好似得20幾個位咋. :-|

係呀，bb今年八月會入學。
其實我都係上幾個星期先報，老師話佢地每年十月左右會開始報名，不過今年佢下午班都仲有位，所以先收我隻豬b。不過，年年收生情況唔同，如果你想入上午班的話，我諗你今年九、十月時報會穩陣些。

mother904

ho_fish，

除左808小巴之外，89D巴士都會經帝堡城。不過上車時要留意巴士前窗有冇寫明不入廣源，因為除左返工放工時間多d車外，平時很多89D都不入帝堡城。

ho_fish

唔該晒siewing同mother904, 其實我多數會比囡囡搭校車, 再唔係都會自己駕車, 不過諗住問定先o者。89D成日都唔入帝堡城架, 好衰

heiheima咪

1314,
我個仔一定唔識劃畫, 一定老師捉住佢來畫, 我真係好想好想睇下幅畫.
你點知是我個仔劃架???

各位,
好開心, 明天開如連續4日做"呀四", 可以痴足仔女4日.      做跟得媽咪     

heiheima咪

mother904,

thank you !
我今年年尾報定名先, 沒有上午班就慘, 到時都唔知讀唔 讀好.

KLLP

各位,

放完長假, 返學啦, 你地的小朋友有沒有lau 計唔肯返學呀?

我仔仔好左佢搭校車有鍾意的同學仔, 所以好彩佢冇lau 計.

alc

請問你們的"啟思"跟九龍塘啟思小學附屬幼稚園同機構嗎?

1314

alc 寫道:
請問你們的"啟思"跟九龍塘啟思小學附屬幼稚園同機構嗎?

alc:
是兩個不同辦學團體。

foon

各位媽咪,
我想問下你地有無收到x'mas隻 dvd/vcd, 我前2日收左d相, 但仲未收到dvd, 所以睇下你地收左未