04年9月入讀小一家長請進！

carollam310

我個女今次考試D卷派晒返黎,我同佢做左"試後檢討",最大的問題係做卷唔小心,太大意~ 我就唔多滿意.佢老豆就勁讚 :evil: 仲話考得好好,送份大既聖誕禮物俾佢.其實我都唔知自己同阿女溫書既方法好唔好,我老公就話我太嚴,楂得太緊,我個女記性比較好,所以通常明天默書今晚先溫,暫時默過幾次書都全部100分..考試都係咁.明天考乜就今晚溫乜,但係我就預早睇下個考試範圍,預測下會出D乜,出定卷等阿女做,我一直都係咁同阿女溫書架,唔知其他媽咪有冇更好既方法呢???有時都幾勞氣架,溫到幾熟都好,阿女竟然好大意錯D平時唔會錯既野,真係估佢唔到架,今次數學考成4張紙.計數全部o岩晒,竟然錯一題比較距離遠近,盲既都睇到邊個遠,邊個近啦, .難既佢唔錯,錯D咁容易既,份卷得98分.我見到份卷嬲到頭頂出煙~~~~~唉~~.今次科科都錯呢D咁既野...
      

Vin

我個女呢幾日派返中文同數學嘅評估份卷~兩份卷都係錯咗啲好簡單嘅嘢~
我就同佢講:你咁樣我係唔滿意架~!
我話如果條題目係好難而你唔識的話,咁都冇辦法;
但係明明嗰啲係你識嘅嘢,係你能力做得到,
但係都會錯的話就好唔應該喇.

另外我發覺我個女啲中文填充好似唔係好掂~~
考試之前要同佢惡補一下喇~

肥仔媽咪

Vin,

你今次咁講好啱聽喎! 希望個囡受落啦.

LULU-MAK

我個女上個星期終於考完試, 仲派左D試卷返黎, 一睇D分數,  :cry:  :cry:  :cry:
佢最差就係中,英文的重組句子, 有7成係~~~~錯 :cry:  :cry:
生字-明明前面頁紙都有D生字寫左出黎, 佢就話老師唔比佢地返前之頁紙睇.
不過, 佢都合格便算, 我估佢返左3個月學都有7成吸收到學校教D-MUG.

fp

carollam310 寫道:
我個女今次考試D卷派晒返黎,我同佢做左"試後檢討",最大的問題係做卷唔小心,太大意~ 我就唔多滿意.佢老豆就勁讚 :evil: 仲話考得好好,送份大既聖誕禮物俾佢.其實我都唔知自己同阿女溫書既方法好唔好,我老公就話我太嚴,楂得太緊,我個女記性比較好,所以通常明天默書今晚先溫,暫時默過幾次書都全部100分..考試都係咁.明天考乜就今晚溫乜,但係我就預早睇下個考試範圍,預測下會出D乜,出定卷等阿女做,我一直都係咁同阿女溫書架,唔知其他媽咪有冇更好既方法呢???有時都幾勞氣架,溫到幾熟都好,阿女竟然好大意錯D平時唔會錯既野,真係估佢唔到架,今次數學考成4張紙.計數全部o岩晒,竟然錯一題比較距離遠近,盲既都睇到邊個遠,邊個近啦, .難既佢唔錯,錯D咁容易既,份卷得98分.我見到份卷嬲到頭頂出煙~~~~~唉~~.今次科科都錯呢D咁既野...
      

carollam310,

Don't worry, be happy!, as 個女 still young, just six years old, you have tried your best effort to teach your daughter and your daughter also have tried her best to do, they are always will have careless
mistake, just relax la! your daughter result is very good, you must always encourage/admire her, I think in this age, the exam result is not the most important, the most important must need to build up
their confident.
My 溫書既方法 same as you, will make the test paper for my son to do and to check which item is the worse, then concerate to make this item test for
practice, seems this method is quite good for my son.
my son 1st exam result is good, I never request he can take full marks, just want he can concerate to do the exam paper, since he is naughty/active boy, sometimes have complain from teacher of his attitude. the result of exam paper are
English -85,Chinese - 93, Maths - 100, Social Science - 96,Bible - 93
I and my son teachers are so happy, he can get this result, due he is naughty boy, unable to keep quiet in the classroom.
so compare with me, I need to spend more time and effort to teach my son than you la!
keep going!   :

fp

carollam310

fp
多謝你回應.我暫時都諗唔到仲有乜野好既溫書方法, : 其實今次考試成績都唔差.中文98.英文96.5數學98,常識100.聖經97.分數唔算差.不過我係嬲阿女錯埋d唔小心既野之嘛.若果小心d咪多d 100分o羅~~~佢老豆就好滿意呀.只係我自己要求高o者.不過............我今次冇o係佢面前講過d乜野,冇黑面,冇鬧佢.仲有讚佢添.

evelyn317

妳o地就好o拉，有得

Vin

唉~
我個女呢排做功課都好似好求其~
成日都寫錯/寫漏字.
數學功課仲多咗計錯數嘅次數添~__~"
今日佢任仲特登同我講,
話我個女成日都會搵學校個社工傾偈~
仲成日話自己鍾意咗邊個邊個同學,
同邊個拍拖,又有第3者........
呢啲嘢佢喺幼稚園嗰時都有同我講過~
我嗰時會同佢講:唔好講埋啲無聊嘢啦.
之後佢冇乜再同我講喇~
但原來佢而家係同其他人講囉~
我都已經同佢講過,係大人先會拍拖架咋.
真係俾佢激死:evil:
你哋啲仔仔女女會唔會成日諗埋呢啲嘢?

麟媽媽

Vin,

女仔係呢方面可能真係早熟D，我仔真係從來無講過話鐘意邊個邊個，只有講過邊個女仔話鐘意佢，邊個女仔話要做佢女朋友(幼稚園時)。但我仔總覺得煩，佢話女仔好多好多野講，一有唔合心意又喊，好麻煩！而家返學只係男仔好好喎！佢仲話只想同我結婚，真係比佢激死！

carollam310

Vin
你女女一年級就識講呢D野喇~~~會唔會係睇得電視多呀? : 我本身唔鐘意睇電視架,又冇追開劇集,屋企個電視通常比我霸住睇碟.因為我淨係睇日劇.日本電視節目.聽日文歌.我覺得香港d電視劇集有D情節唔o岩細路睇.連"獎門人"裏面有D對白都係兒童不宜.我女試過問過我點解.我都唔知點解比佢聽.我個女凈係問過我點解木村咁靚仔你唔嫁比佢既?????? : 仲話要去日本搵木村添,我同個女都勁鐘意木村架,但我女只係睇佢既劇集,睇佢唱歌跳舞 但係就冇涉及到情情愛愛既野.   
麟媽媽
你個仔仔咁靚仔梗係多女仔鐘意啦.我都覺得女仔係早熟D架 :wink:

karencircle

Vin,
我覺得現在的小朋友真會很早熟同她們在學校會齊玩，你學我，我學你咁，會有影響ga. 我囡囡都會同我講話鐘意邊個邊個，幼稚園時重好笑，今日話同A君做男女朋友，跟著第日同我講話A君同B囡結左婚，我個囡係A君同B囡個囡wor，由她們當遊戲吧。現在小一她都話鐘男班長，仲很開心咁添，我同她傾計般問佢鐘意男班長D mud. 她又會同我分析下咁。其實唔好否定她先，從中可知道同可以引導她們的價值觀。同埋，如果你唔聽，她將來就mud都唔講你知時，你重擔心。

LULU-MAK

[quote]
Vin 寫道:
今日佢任仲特登同我講,
話我個女成日都會搵學校個社工傾偈~
仲成日話自己鍾意

肥仔媽咪

睇黎女仔真係早熟過男仔好多喎! 我個仔都係話鐘意現在讀男校多啲, 唔知點解呢?

Edithma

各位早晨!

我好耐冇上來BK, 囡囡下星期開始大考! 我現時心情難於形容!

其實小朋友跟本就唔明白咩系鐘意. 唔使咁擔心! 我囡囡以前讀幼兒園果時,都話比我知她好鐘意果男同學仔, 她總話她唱聖誕歌時送著個心心比他. 當時我簡直嚇傻著!我即刻問她"你點解鐘意果個男仔?" 她的答案系"因為她的好朋友鐘意他,所以她就鐘意他.  

麟媽媽

琴日個仔問我野，有時唔知點答佢！
仔：「媽咪，咩係粗口？」
我：「曳曳話囉！小朋友唔可以講的。」
仔：「咁咩先係粗口？」
我：「話明係粗口我唔可以講嘛….」
仔：「咁你唔講我點知邊D係粗口？」
我：「Arr...八婆呀、死人頭呀、你去死呀、你賤格…..」
仔：「啊！張XX成日講粗口呀，媽咪！」
我：「咁…呢D其實都係曳話….但又有D真係再曳D，小朋友真係唔講得…..」
仔：「咁邊D係更唔講得既粗口？」
我：「umm....等Daddy返屋企我叫佢話你知….」
之後佢又唔記得左，無問到Daddy。我同老公講，佢竟然話讀男校使咩教，遲早都識喇，最緊要佢知唔可以講。唉！比我老公激死！同佢講親咩都話男校係咁！

katiema

hello all~~,

我都好耐冇上黎這topic, 發現原來你地都差不多考晒試, 我女下星期一先開始考, 之前一路一輪test, 差不多一星期一科, 都未定過, 好鬼辛苦(精神), 今次考試都預備唔切咁. :-|

我個仔讀緊幼稚園, 都成日話喜歡這個, 又喜歡那個, 都幾可愛. 一有d 深問題, 我就交比爸爸講, or 在睇電視時(有見此話題)順便講下   , 以前阿媽都冇講, 我都唔識點講解佢聽.

你地小朋友好叻呀!! 成績可咁好, 我都要努力幫仔女先得, 見你地咁有心機, 耐性, 又出exam paper , 又出test paper. ....我真冇用, 只識比街外ex. 佢做下, 仲要唔係日日做.

e + 心情都好緊張, 下星期一開始考試啦....   

katiema

Vin

hello各位~
其實我對呢啲事都唔係太過緊張~
只係覺得有啲煩~同埋怕我個女會掛住諗呢啲而冇心機讀書~
不過都知佢咁細個唔會咁嚴重嘅~
但係尋日佢班主任特登同我講呢個問題,
我諗佢都係驚我個女會成日掛住諗,對佢嘅心智唔係咁好~
所以叫我得閒同個女傾下囉~

我個女都仲未考試呀~1月4日先考~
不過我而家都真係幾擔心下囉~
佢尋日啲功課又係做得唔好囉,我同佢檢查嘅時候,
佢已經瞓咗架喇~但係我真係好激氣~
覺得佢真係越來越離譜,所以就算佢已經瞓咗我都摷返醒佢~
叫佢做返好哂啲功課,仲鬧咗佢一大餐~:evil:
最麻煩係佢填錯顏色嗰啲~要用砂膠筆幫佢擦返><
如果佢到時考試都咁多出錯嘅話~就真係死得啦   

小米雪

Hi!All     
我係嚟報料嘅,喺"自由報料"討論區入面,有個topic好正,
"40個兒童益智網頁",得閑就入去 look! look!
    

麟媽媽

大家D小朋友測驗應該差不多完了吧！我仔只剩下星期五的普通話口試，真好！聖誕假後中期考了，假期又要重點溫習了！
我仔學校的家教會辦了一個聖誕聯歡晚宴，聽晚在翠園舉行，我同個仔都好期待呢！好似有成三十幾圍的，一定好開心！