2005年出世或~宏福幼兒園媽咪~(PART II)歡迎新朋友加入

winterlo

唔該晒626mama.

我阿女6個月... 依家諗緊帶唔帶佢去讀playgroup..

係呢, 各位媽咪, 你地有無俾你的bb去playgroup?

ElainAiolia

天藍,
子聰今日有返到學，可能太耐無玩得咁開心 ，所以係學校又癩o左尿 ，真係醜死鬼 。

哎喲，昊爸又再錯失o左昊藍o既第一次la ，又會咁o岩o既，上次運動會又miss o左，今次生日會又出trip，不過你唔好怪佢 (但怪佢公司好la)，佢都係打份工o者 ，不過你記得帶相機入去影相呀，等昊爸可以分享o下o麻 。

叫你印印小心D唔好傳染比昊藍呀，如果唔係，佢係學校o既生日會、星期日o既旅行同下個星期日o既麥當勞生日會都要戒口 就慘lu。

我同印印就比子聰傳染o左D咳 ，而家食住以前醫生間o既咳藥水同川貝枇杷膏，睇o下可唔可以慳番今次o既醫生錢 。

我都好想join你o地21號去"大棠荔枝園"，因為好想去好耐la，而且咁多小朋友去好吸引o咼 ，不過最衰一早約o左我個家姐果日去長洲玩，今次無緣參與唯有下次再join你o地去其他地方玩 。

626mama,
又行又跑，應該可以兩個鐘內完成到，因為好多人都得，相信你唔會喳過佢o地o既 ，唯有事前練習多D作準備。

軒軒睇電視又真係咁入迷o既，但都算易氹。佢又會咁搞笑“小小(蘇)”唔食反而要食“樂信兒童傷風咳感霧素”，又真係比佢激C 。

我同你一樣都係仲意影人，尤其子聰 ，自己反而唔係咁仲意影相。

ElainAiolia

hongmimi,
多謝你咁有心提我要注意D o野，Thanks ！

佢打o黎confirm o既時侯無刻意講 ，只係我多口問佢o者，因荃灣碼頭隻船係去柏麗灣o既，而我問佢除中環外仲有無船入愉景灣，佢話無，詳情就要等收到email才知一切，佢無留電話比我呀，你考慮o下去唔去，我就應該會去，收到佢email才決定要免費船飛，定自己係東涌搭車入去 。

不過據我所知22/3當日愉景灣除o左有反寸城搞o既掘蛋外 ，仲有“智樂兒童遊樂協會”舉辦o既“愉景灣復活節童樂日” (時間：09:30a.m. to 7:00 p.m.)，地點係愉景灣廣場，對象：1500小朋友及家長，內容：把愉景灣廣場化為大型復活節遊戲日，讓小朋友過一個難忘的復活節，因呢個活動聰爸個家姐參加o左做義工，所以我o米知o羅 。

我又無留意到子聰仲意乜o野廣告o咼 ，佢無特別留意睇廣告，反而佢細個果陣每逢電視播奶粉廣告 ，佢就會定晒咁睇 ，因為佢好仲意BB。

pcdogxx / candyhui77,
你o地呢排好忙呀？好耐無見你o地出現過la 。

pcdogxx,
鈞渝好番未呀？有無返學呀？係呢，掘蛋果度打o左電話比你confirm未呀 ？得閒先上o黎la。

ElainAiolia

whatever,
唔該晒，我已收到你o既email 。

張相果個係o米Toto ，好似仲係好細個咁，最衰睇唔到正面 。係呢，D士多啤梨咁白色，一D都唔紅，但你話好甜o架，係o米你o地影相果度同食果度唔同位置呀？唔知多唔多汁呢 ？

我已pm o左我個電話比你，你睇o下收唔收到 。

ElainAiolia

winterlo,
Hello，你好，好高興認識你 ，得閒多D上o黎吹水或join我o地D function。我o地呢度o左whatever外，個個都係第一任mami，指教就唔講得，大家交流心得仲可以。

首先講o下幼兒園同幼稚園o既分別，幼兒園係前學前班 (即D人所講o既2歲班 ~ Nursery)，無功課做，只係唱o下歌、食o下茶點、做o下運動、聽o下老師講故仔及做勞作，目的只係比D小朋友學習自律、守秩序、學習自理、同比佢o地適應o下學校生活係點樣o既，幼兒園唔係咁多o架o乍。而幼稚園係指K1-K3，入學時一定要足2歲8個月，有D學校 (指傳統幼稚園) 已開始有功課比小朋友做，係呢D幼稚園讀書，我覺得小朋友開始會有壓力，再無以往咁free。

如無估錯，你小朋友係8-9月出世，今年將會1歲，若你諗住比佢讀Nursery，咁你要係今年9-11月去D幼兒園度取報名表，因上午班同全日班較搶手，而且交完報名表仲要interview，之後等收信，睇o下間學校收唔收你，所以而家你係時侯揾定D幼兒園資料la，報多幾間做back up。

ElainAiolia

據我所知好多playgroup要小朋友18個月先收，睇o下你想返邊一種，通常有2類：(1) 親子班，要家長同個小朋友一齊參加 ~ 宏福都有；(2) 只有小朋友自己一個同大約5-6個小朋友一同學習o既pg，好似上堂咁，令到個小朋友可以獨立D。

我小朋友2種都返過，(1) 12-18個月時返過葵青劇院o既天才兒童 …. (唔係好記得個名，教果個老師係鬼仔o黎o既)，我個人覺得返呢類pg只不過係想個小朋友接觸多D陌生人同玩o下遊戲o者，得著唔係咁多。(2) 18-30個月時返過愉景新城o既小荳芽 (鬼婆教)，可能小朋友大個D，起初要佢自己一個入課室佢係會喊，但後來變到好開心返學，同埋都有教佢o地自理，每3-4個月，老師會有個小朋友o既學習進度比你，等你得個知字 (相對o黎講，小班制學費比較貴)。

希望我以上D心得可以幫到你la ！

hongmimi

ElainAiolia,
唔洗客氣~

我睇完妳講先如夢初醒 荃灣隻船係去柏麗灣唔係愉景灣，近排十下十下咁，真係要請教下妳地食乜可以補下我個腦。
我第一次同匡爸講仲話係愉景新城攪，匡爸質疑問我商場點整個沙灘出黎，妳話我痴唔痴線?

我唔識搭車，都係要免費船飛lu~

原來有另外一個function係愉景灣舉行，果日實好多人、好熱鬧啫!
聰爸個家姐參加左做義工，妳地會唔會留低玩呀?

天藍

626mama,

軒軒真係學野好快, 模仿力都好強,
仲識叫”Yes”咁開心~~
好搞笑仲扮咳要你買兒童樂信感冒
咳素
昊藍都好鍾意藍罐曲奇同小小蘇個
廣告, 成日都係到學! 所以你話小
朋友學野幾快。
o黎D廣告睇下無仿, 但有d唔係
咁好or太暴力既就真係少睇為妙,
或在旁指導, 因小朋友實在學野好
快, 怕學d衰野就C啦!

原文章由 626mama 於 08-3-4 17:00 發表
特然想起新年好多廣告，好多都係食物廣告，軒軒這個電視迷，當然都備電視廣告吸引，過年前，佢成日叫我買"藍罐曲奇餅""樂家杏人糖"同"金沙朱古力"比佢食，"金沙朱古力"我地就買散庄三粒庄比佢食，食過已後就沒有再問了，不過講得最多 ...

天藍

Winterlo,

我仔仔個陣太約一歲左右有返宏福既
pg, 我覺得都幾好, 有兩位老師一同
上堂, 一位中國人老師一位外籍老師,
家長可陪小朋友上堂, 太約一個半鐘,
上堂前在學校玩下車仔同玩具, 跟住
就一齊唱下兒歌做下運動, 排隊去做
勞作, 之後去排洗, 再去聽英文故事,
同閱讀圖書, 再洗手一齊食茶點, 跟
住再玩一些活動, 太約程序係咁, 如
你想再知道報名資料收費, 你可打學
校電話or上網睇下!
Tel: 2432 2223,
網址: http://www.kindergarten.edu.hk/
而你話報nursery我都係太約仔仔一歲
左右個陣報, 大約好似係9月左右, 希
望幫到你啦!

ElainAiolia,

都係個句小朋友仲細偶然失手, 都唔係
好醜, 子聰可能請幾日假返到學唔記
得要去VV, 所以先失手, 無事既! 昊
藍都有兩次失手記錄, 一次賴一次就
柯到一半整濕條褲, 所以個個都仲有失
手既時候。
係啦! 以家印印咳我都怕佢野比仔仔,
你知近來d流感幾勁仲可致命, 所以
你都要保重身體, 如果都係唔舒服記
得睇醫生。
我好早已知昊爸三月頭會出trip, 所以
都無叫佢改期, 因學校都係早一個星期
先通知我開生日會, 不過算啦! 昊爸旅
行個日都會出現, 因昊爸明晚會返到香
港, 改唔到早機, 都係個句大家都係打
份工都唔想, 反正個日都唔係仔仔正日
生日, 都無所謂。

Hongmimi,

無話你我都係近來好似有d十下十下咁,
我都想問下有乜可以補下個腦???
成日好似做漏野唔記得野咁, 唉……..
我上次去掘蛋, 我坐MTR去到東涌站一
出站有個巴士站係個到坐巴士就得, 但
幾多號巴士我就唔記得, 因老啦! 無乜記
性, 坐船我就真係唔知係邊到上船, 但你
地記得早d出門, 因上年我等車等成半
個鐘!

原文章由 ElainAiolia 於 08-3-5 00:18 發表
天藍,
子聰今日有返到學，可能太耐無玩得咁開心 ，所以係學校又癩o左尿ops:" /> ，真係醜死鬼 。

哎喲，昊爸又再錯失o左昊藍o既第一次la ，又會咁o岩o既，上次運動會又miss o左，今次生日會又出trip，不 ...

[ 本文章最後由 天藍 於 08-3-5 12:34 編輯 ]

天藍

whatever,

多謝你既意見及提點, 我21號個日去完
"大棠荔枝園" 再同你分享下~~
Thx!!!

原文章由 whatever 於 08-3-4 18:33 發表
我見個牌寫住“豐收期直至四月“。最好唔好太遲啦。
我地去個日，見到很多成熟的。

hongmimi

天藍，
唔該晒妳呀! 東涌MTR一出有巴士到.... 等我問下匡爸想搭咩先。

果日係假期又有兩個大function，應該真係好多人，搭咩都要迫。

係呀! 就係咁喇~ 好似有野漏左唔記得咁，已經叫自己醒d 諗來諗去又無呀! 轉頭發現又有錯漏~

626mama

hongmimi,各位,

MISS GLORIA 好好，我昨晚寫手冊，今日兩點幾打電話給我，
話我知校車9:00開，約45分鐘車程，叫我係們口等佢地，唔好行入去，差不多到時會再打電話給我，仲留埋個手提電話比我，仲記得我有兩張整包的卷，到時給我。

都唔係個個星期有得去公園玩嫁，有時去完街，其他車回去，唔經葵芳，都冇得去公園玩。

"我掛住睇車嘛! "匡匡真係好忙喎。

"樂家杏仁糖"外表圓罐粉紅色，糖就一支支金色紙包住嫁。記唔記得呀。

係呀，旺旺好多廣告軒軒都好有返應，"come on baby"你要唔要食一粒呀?"既"旺仔QQ糖"軒軒都好鐘意。又係鐘意食提子味。
仲有M記的24小時月光光唱歌"為午夜喝彩HEY"軒軒都好喜歡跟住唱嫁。

早排仲叫我買"燕窩"比佢食添呀。

原文章由 hongmimi 於 08-3-4 06:05 PM 發表
626mama,

去旅行妳只坐回程車，都係既，沙田直接去方便d。

妳地去公園玩完才返去婆婆到，小朋友個個星期都慣左去一次，唔去實唔得。

軒軒同匡匡一樣一有車坐就好興奮，男仔點都係鍾意車。軒軒要坐高望街好似長頸鹿咁，諗起好 ...

626mama

whatever

"豐收期直至四月"我3月21日去，
應該係豐收期中喎。真係好。

原文章由 whatever 於 08-3-4 06:33 PM 發表
我見個牌寫住“豐收期直至四月“。最好唔好太遲啦。
我地去個日，見到很多成熟的。

626mama

winterlo

唔洗唔該，其他媽媽仲答得好過我好多。
我報過playgroup返過幾次，跟住冇報，所以都唔係好知。

得閒多D入黎傾計丫。

原文章由 winterlo 於 08-3-4 11:37 PM 發表
唔該晒626mama.

我阿女6個月... 依家諗緊帶唔帶佢去讀playgroup..

係呢, 各位媽咪, 你地有無俾你的bb去playgroup?

626mama

ElainAiolia

妳食邊隻川貝枇杷膏，我止唔到咳是食齊天壽川貝枇杷露。
都止到咳，念慈X我就食唔到。希望妳可以止到咳，唔洗同醫生傾計啦。

"大棠荔枝園"我都好想去，以前我提意過兩次，我都記得妳表示好有興趣。妳唔得閒，只好下次啦，長洲我都成日話帶軒軒去，不過到而家都未去。講起都有D唔好意思。

咪係囉，想食"燕窩"同樂信兒童傷風咳感霧素”反而唔食"小小酥"。真係R頭。

我而家肥騰騰，所以唔鐘意影相喇，以前好鐘意影嫁，我真香港同台灣都有影個好以好靚果D相嫁。

原文章由 ElainAiolia 於 08-3-5 12:18 AM 發表
天藍,
子聰今日有返到學，可能太耐無玩得咁開心 ，所以係學校又癩o左尿 ，真係醜死鬼 。

哎喲，昊爸又再錯失o左昊藍o既第一次la ，又會咁o岩o既，上次運動會又miss o左，今次生日會又出trip，不 ...

626mama

pcdogxx / candyhui77,

係喎!係喎!你o地好內冇上來喇!



pcdogxx,

昨天我拎左妳送比軒軒果三本書仔比軒軒玩。
佢好鐘意玩呀，仲係咁講，
我好鐘意鈞渝送比我的書仔呀。

626mama

天藍，各位,

原來講開，個個小朋友都好意藍罐曲奇同小小蘇個廣告。

係呀，小朋友真係學野好怏，軒軒學爺爺講埋D.........上次婆婆帶軒軒去公園玩，軒軒係石椅跳落地，點知失平衡，朝了落地，軒軒同婆婆講，婆婆我 X 街呀。婆婆立即同佢講，妳唔準咁講，妳邊度聽返黎，軒軒話爺爺係咁話表姐 X 街嫁。

有次軒軒食野又講"好過"我望住佢，妳唔講得嫁，妳唔好再講啦，冇禮貌嫁，佢話咁"一粒鐘真人蘇"講得呀，我話咁"一粒鐘真人蘇"冇禮貌，唔叻喇。

原文章由 天藍 於 08-3-5 11:37 AM 發表
626mama,

軒軒真係學野好快, 模仿力都好強,
仲識叫”Yes”咁開心~~
好搞笑仲扮咳要你買兒童樂信感冒
咳素
昊藍都好鍾意藍罐曲奇同小小蘇個
廣告, 成日都係到學! 所以你話小
朋友學野幾快。
o黎D廣告睇下無 ...

winterlo

唔該晒; 唔知係呢度係咪我個bb最細呢?

嘩! 呢個學期頭就要取報名表, 跟住interview. 佢得一歲人仔, 唔知面試會面成點... 依家諗起都開始擔心了......

係呢咁多mami, 你地的bb係咪都讀宏福幼兒園架?

佢地面試會叫b做咩架?

原文章由 ElainAiolia 於 08-3-5 00:55 發表
winterlo,
Hello，你好，好高興認識你 ，得閒多D上o黎吹水或join我o地D function。我o地呢度o左whatever外，個個都係第一任mami，指教就唔講得，大家交流心得仲可以。

首先講o下幼兒園同幼稚園o既分別，幼兒園係前學前班  ...

626mama

winterlo ,

係呀，妳bb係最細個，我地個個小朋友都係2005年出世，
除了hongmimi仔仔不在宏福返學， 我地仔女都係宏福學生。
唔知妳bb男仔定女仔呢?我地這裡男多女小，唔計妳個bb，得一個女仔。

我以前上宏福個網址有報名表down落黎填,填完就寄去，interview. 時軒軒都係好以得一歲左右,有些小朋友唔識講野住，會叫佢地再來見過嫁，唔洗擔心，

原文章由 winterlo 於 08-3-5 04:20 PM 發表
唔該晒; 唔知係呢度係咪我個bb最細呢?

嘩! 呢個學期頭就要取報名表, 跟住interview. 佢得一歲人仔, 唔知面試會面成點... 依家諗起都開始擔心了......

係呢咁多mami, 你地的bb係咪都讀宏福幼兒園架?

佢 ...

ElainAiolia

hongmimi,
22/3果日我反而想早D入去行o下，一來唔駛同人迫入去 ，二來可以輕鬆D o麻，但都要睇o下email詳情先。留唔留低等聰爸家姐要睇當日情况才決定 。

天藍,
預祝昊藍聽日 (6/3) 係學校開生日會開開心心 ，影多D相比我o地睇o下，及滙報詳情 。