06年9月入讀蘇淅幼稚園K1既家長, 入唻交流下啦!

CanKan

JarJarBin,

If you take him by MTR then you need to walk up a long stairs to go to school.  It will be OK if the weather is not hot, otherwise the kid may be too tired when they arrive the school.  I bring my daughter to the school by MTR before, but only from Sep to Mar.

Cankna

CanKan

HonChing,

You're welcome!

CanKan

十月媽咪

cankan,
我而家呢部數碼鋼琴既size係同傳統鋼琴差唔多, 不過就薄過傳統鋼琴幾吋啦!

我地貪數碼鋼琴可以較大細聲, 夜晚想練習果陣都唔怕嘈到人; 又貪數碼鋼琴唔駛搵師傅調音, 插個掣就彈得; 其實而家d數碼鋼琴已經做得好似傳統鋼琴架喇, 只要你唔係買電子琴, 我覺得唔會點樣彈壞手勢囉! 同埋阿女係初學, 都唔知佢係咪真係好有興趣既, 所以我地唔想買個幾萬銀既傳統鋼琴返唻, 免得佢無興趣果陣, 慘咯, 咁就無左幾萬蚊咯!

係喎, 今日kelly跳唔跳舞呀? 如果跳, 我帶埋d野交畀你個工人姐姐呀!

joeytcy

我想問電子琴同數碼琴分別.....我屋企個個係電子琴喎....

十月媽咪

其實電子琴同數碼鋼琴有乜分別呢, 我都唔係太清楚架咋, 不過以我屋企果個爛鬼玩具電子琴唻做例, 呢個電子琴好細力掂下, 都會彈到個音, 但而家個數碼琴就好似傳統鋼琴咁, 係真係要出力至彈得清楚個音的, 同埋數碼琴d琴鍵果個濶度係較為接近鋼琴, 所以嚴格既教琴老師通常唔建議小朋友用電子琴, 佢地通常會話電子琴學壞手勢!

我地買左個數碼琴幾日, 阿女呢幾日都有用數碼琴練習 (之前個電子琴已經畀我地打左入冷宮, 等候做垃圾), 今日去上堂, 老師問我地: 點解睿婷今堂彈得穩陣左咁多既? 之前仲係輕輕力, 次次都要提佢大力d大力d, 但今堂就唔駛! 我地同老師講, 因為我地買左個數碼琴畀佢, 佢知道要用咩力度至彈得到, 所以今堂用既力度比較均勻!

仲有可能琴鍵既濶度同傳統鋼琴無太大分別, 所以今日阿女彈老師個琴果陣, d手指無再走位喇, 係果個音就果個音, 唔會跣左去隔離個音喇! 所以呢幾千蚊, 我地都覺得畀得抵兼值呀!   

CanKan

十月媽咪：

尋日學校旅行，咩野環境呀？係咪要自己帶食物同水？多唔多集體活動？可唔可以帶泡泡去吹呀？

唔該哂！

cankan

十月媽咪

CANKAN,
噚日學校旅行, 在我唻講, 得一個字: 熱!

講真, 可能家長在場, 所以老師都好大安旨意家長自己照顧自己既小朋友, 而事實上, 好多家長都各自帶小朋友行, 都唔跟老師指示乜滯的, 有D就好快睇完一個籠, 有D就唔知去左邊, 到人地睇完至出現, 跟住又要等呢D家長都小朋友, 所以...都幾惡頂!

阿女就被個太陽伯伯曬到謝左大半, D汗不停咁流, 最後連件面衫都除埋!

老師會畀茶點(一個包一盒飲料)放響小朋友書包, 要小朋友揹埋書包出去旅行的 (所以你聽日唔駛帶書, 淨係帶個書包就好喇), 不過一盒野飲係唔夠架, 你一定要自己帶定壺水, 事關真係好口渴!

仲有呀, 架校車D冷氣有等如無咁架, 我覺得校車D冷氣好弱, 搞到架車好焗, 我就唔多透到氣, 好辛苦, 想快D落車架!

CanKan

十月媽咪：

唉！熱我就預左啦！似乎佢地冇麥集體活動噃！其實動植物公園我同亞女之前起碼去過三四次架啦！不過諗住係學校活動至同佢去，在我黎講，若果禁熱，我寧願同佢去游水好過。

話時話，上次你話同個女報屋苑既暑假游泳班，報唔報倒呀？我就報唔倒屋苑果個啦！只係大後備咋！管理處話睇下泳會會唔會開多班喎！

cankan

十月媽咪

cankan,
下? 集體活動???? 我地噚日真係無喎, even響個噴水池度, 都係各顧各影下相咋喎, 難聽d講句...真係可以稱得上係...無交流!

吖...集體一齊做既, 勉強都可以叫做有既, 就係先先學生影大合照...然後輪到加埋家長入去影大合照囉!

十月媽咪

cankan,
我無同阿女報會所搞果d泳班呀, 一唻師生比例太多 (1:8), 不過唔知有一個or兩個助教, 但我覺得都係危險! 二唻佢地收生既年齡range太大, 同一班可以係3-7歲都有! 三唻要一早去攞籌! 而攞籌果朝, 我地瞓到豬咁, 唔荒報得到! 四唻泳會好奇怪的, 明明收到學生, 但又會無啦啦話畀家長知唔夠人, 開唔成班! 嘩...d咁玩野既泳會, 我點敢幫個女報, 萬一今個月有得玩, 下個月無得玩, 咁點呀? 學下又停下, 停下又學下呀? 我真係睬佢都傻!

所以我final係搵左私人教練教, 1:2, 學1630-1730呢段時間, 一粒鐘200蚊, 同佢朋友仔share, 每人一舊水, 老師話游到25m之後, 就開始有證書!

CanKan

十月媽咪：

你會所個 range 真係大左 d，我地果度係 3-5歲，比例係1:4，大人可以跟埋入泳池睇住，不過我報唔倒。

若果 share 係 $100 / 1 小時都 ok喎！你個私人教練係邊度搵架？

你有冇聽過 史丹福呀？知唔知好唔好？

cankan

CanKan

十月媽咪：

我地果日去旅行比想像中好，係好熱，幾辛苦，不過亞女都幾開心。

全部家長都有跟住行、冇離隊，而且老師都有係 d 小朋友面前講下 d 動物，當然唔係全部小朋友都聽倒，但都叫做 有 d 交流，亦會用普通話讀 d 動物名俾小朋友聽，亦會同行前果 d 小朋友扮跑步，亦會幫手跟下眼，照顧下 d 小朋友，同小朋友和家長傾下；影集體相就係指定動作，我個女重幫老師影相添。最後老師重俾佢地係上面個遊樂場玩左一陣先至回程，亞女重問我點解禁快走。

不過我地既食物同飲品都要自己準備，學校冇提供，而我地坐果架校車既冷氣亦夠勁。

亞女最係濕左4條手巾 + 1件底衫。返到屋企我就散哂！不過下午重要返工。

cankan

cankan

CanKan

各位媽咪：

今日發生左一件事，但我唔知我處理得啱唔啱？........

亞女尋晚冇提我今日係生日會，我今朝完全唔記得左，同佢著哂校服，帶左佢上車之後，見倒有 d 小朋友冇著校服，先至記起今日係生日會，亞女聽倒我講，就話係呀！今日係生日會，跟住就想落車，亞姨當然唔俾，佢就喊，話要換衫，其實佢當時未算喊得好勁，而架車已經齊人可以開車；我見倒佢禁樣，諗住佢返到學校會唔開心，再加上我覺得自己都有 d 責任 + 唔想佢唔開心，就做左一個決定..........

落車啦！媽咪帶你返學，然後叫工人即刻返屋企攞條裙去地下鐵，同佢換左再同個工人帶佢返學。最後當然係佢返學同我返工都遲左 d 啦！

其實我叫左佢落車之後，我都一路係度諗我係唔係做錯左，都上左車囖！著左校服咪由得佢囉！而佢亦都可能冇諗過真係可以落車換衫，我禁做係咪太縱容或者太就佢？雖然我一路同佢講話只此一次，下不為例，但係我係咪開錯左個頭？我係咪應該狠心 d ，由得佢喊，橫掂都開車囖！

你地點睇呀？如果係你，你會點處理呀？

cankan

十月媽咪

cankan,
其實佢地咁細, 1:4都係太多, 在我唻講, 1:2已經係極限, at least老師一隻手可以顧一個, 萬一跌左落水, 老師得兩隻手, 一隻手撈番一個都仲趕得切!

史丹福我聽過呀, 不過唔知好唔好, 我地十月會果邊有媽咪話大力都幾好, 不過我嫌太吊腳, 事關大力係響九龍灣展貿中心!

我個私人教練係阿女K2個同學仔個媽咪介紹我架, 我貪佢係女教練, 唔怕有身體接觸嘛, 而且價錢亦合理, 講真...算係平添喇!

你地就好啦, 老師照顧得比較好, 其實我地果班既老師都有用普通話介紹d動物名的, 但家長就真係唔多合作, 你有你行, 我有我行, 老師都講到無氣喇! 影大合照果陣仲搞笑, 唔人齊, 其中一個老師要跑番上去搵埋其他家長&學生落番唻影大合照, 真係難為了老師!

怪唔得今日唔見你啦, 原來你唔記得左今日係生日會兼佢地有表演, 我仲以為你去完動植物公園, 攰得滯, 所以留守家中休息添呀! 嗯...你今日呢個CASE呢, 我會選擇由得佢喊住上車, 因為佢唔記得話你知今日係生日會, 佢自己都有責任的, 亦都等佢知道, 媽咪唔係樣樣野都幫佢記住晒既, 佢自己都要為自己既野上心, 當係訓練下佢對自己既野負番D責任囉!

不過既然唔就都就左佢咯, 都無計啦, 就如你所講, 只此一次, 下不為例啦!

係呀, 我見你今日無唻到, 我幫KELLY影左表演D相&VIDEO呀! 等我老公得閒, 燒番隻碟畀你吖!  

CanKan

十月媽咪：

麥原來佢地今日有表演咩？我真係唔知喎！如果唔係我實會出現架！平時有生日會或者表演都會係手冊個通訊欄度食出黎，今次完全冇，老師去旅行果日亦冇講。

佢地今日表演麥野呀？好彩你地有幫我拍低，唔該哂！

cankan

CanKan

十月媽咪：

海悅有暑期班啦！不過 d 時間可能唔係好啱你，係一三或者二四，好似同 anson 其他 d 班撞期，我就幫亞女報左二四啦！

cankan

十月媽咪

CANKAN,
唔係喎, 第三十八週既手冊通告入面既通訊欄寫得好清楚架喎, 資料如下:

6月1日 (星期五) 舉行6月份生日會及K1兒歌欣賞會,歡迎家長一同欣賞.

你返到屋企, LOOK LOOK阿女本手冊, 睇下有冇呢頁!

我都收到海悅既資料喇, 但我想問, 你報左邊樣既二四呀? 其實我淨係得番星期二呢一日係無野畀阿女參加架咋, 其餘時間都FULL晒, 今晚先同隻佬商量下玩唔玩先, 如果玩, 再同海悅果邊商量下可唔可以淨係參加星期二!

CanKan

十月媽咪：

我睇過本手冊啦！第三十七週之後就係第三十九週，啱啱就係冇左第三十八週，所以我咪唔知囖！而第三十一週至第三十六週亦都俾人抽起左。

今朝會所啱啱通知我話游泳班可以加多四個，即係兩個導師 + 八個學生，可惜係星期二同星期四 1:00 至 2:00，我要同老公商量下先，因為星期四會好趕。

我同亞女報左海悅既 Super Summer Adventure，係星期二同星期四，下午5:35 至 6:50。

cankan

十月媽咪

cankan,
下? 點解kelly本手冊d通知會無左咁多張架? 邊個咁多手, 夠膽抽起晒d通告????????!

哎吔, 呢個時間我真係唔多掂呀, 我反而係諗緊, Kids can cook逢星期五1620-1735呢個時間可唔可行咋! 事關如果真係學, 咁一完左就要趕去跳舞喇! 但如果淨係上星期二果個summer adventure, 又好似無乜為咁, 唔得, 要考慮下至得!

CanKan

十月媽咪：

但係你上完 kids can cook 再去跳舞好似趕左 d喎，況且個 topics 會唔會同英國文化協會有 d 重複？

cankan