仁立紀念小學家長區 (1)

Mrssslui

測完中文真係好!
呢科係最冇把握既!
太多詞語要記啦!

Mrssslui

係呀!過埋明日真係鬆晒囉!

cookie

搬topic問題已告知大臣跟進.

Mrssslui

多謝你出馬並告知好消息.
呢排仔仔女女忙,連D媽媽都唔見晒!
真係寂寞啦!   

ccpig

hi hi 各位 Mammy,

上星期五全公司去咗旅行, 星期一晚先返, 之後就同呀囡温吓中文，尋晚放工又溫吓英文, 搞到 11:30先溫完, 咁樣臨急抱佛腳, 睇怕今次總測嘅成績真係凍過水囉！    

Mrssslui

你咁 happy 既?
去邊樹玩呀? 係唔係公司全包架? 全家都有份去?

ccpig

Mrssslui,
去 Bangkok 呀, 係公司全包架, 但只可以帶一個人去, 所以我帶咗老公去, 留低 2隻馬騮 比 62 & 99, 其實當初應承去都唔知呀囡要總測, 所以冇計一定要去 (否則要嘔番全費比公司), 而學校又咁遲先派番 d 工作紙比佢地, 真係想溫都唔知温咩呀     

Mrssslui 寫道:
你咁 happy 既?
去邊樹玩呀? 係唔係公司全包架? 全家都有份去?

Mrssslui

唉!你真係處於兩難啦!
不過,都叫做過咗去啦!
咁遊既時候有冇掛住掛住呀?
而且,仲係兩公婆一齊去,想叫你老公同佢溫都唔得.
可唔可以自費帶埋小朋友去架?

ccpig

係呀, 去又唔係唔去又唔係，因為 8月 confirmed 果時都未返學， 但去到都有掛住架， 但係係掛住買咩比佢地多 d 囉     可以自費架, 但好貴囉要 3千幾一位, 去泰國唔係好抵, 所以冇帶去.

不過好彩上得嚟多聽其他 mammy 分享吓，而家都以平常心睇成績啦，只要唔太差, 考到中間名次就 ok 架啦，但考到中間會唔會好難呢??  因為其他學生嘅程度係點我都唔知，唯有睇吓今次總測嘅成績，再同呀囡研究吓以後嘅温習方法啦，如果真係差就真係要加多兩錢肉緊啦
  

Mrssslui 寫道:
唉!你真係處於兩難啦!
不過,都叫做過咗去啦!
咁遊既時候有冇掛住掛住呀?
而且,仲係兩公婆一齊去,想叫你老公同佢溫都唔得.
可唔可以自費帶埋小朋友去架?

cookie

唉, 今次測驗都唔會期望有咩好成績, 合格就算數, 費時令自己同囡囡都唔開心.
因為次次叫佢溫書都好似好辛苦, 又話咪識羅. 又坐唔定, 成日遊魂, 問佢明唔明, 又話明, 隔一陣再問佢又話唔明.        好似英文0甘, 幾時用is, are, am, has, have依然亂哂籠, 尋日仲同我講將close 同clean掉轉用, 噢..........明明識串既又驚唔0岩無填到. 好彩佢數學方面係完全無問題.
唉, 以前我地讀書邊有阿媽跟到實架, 老媽掛住車衫, 老爸就返工, 做功課呀溫書全部都靠自己. 仲要煲湯添. 邊似得而家0的細路踢一腳行一步.
唉...........真係好想狠心一次由得佢自己溫書做功課, 唔識先問. 無功課交測驗唔掂就歸咎於由自己, 等佢地真係要清楚知道自己既責任. 付出幾多得幾多.
但因應而家既教育係0甘谷, 跟唔到就會落後, 真係講就易要實行就好難, 要實行您就要忍得到佢次次測驗有可能食蛋, 上堂唔識變遊魂, 跟住一路落後, 到佢發覺要發奮圖強既時候可能要係0甘追係0甘追. 但又未必追到因為人地唔會等您.
遲0的大囡大考又再遲0的細囡上埋小學0甘我就死得喇, 呢幾日我都已經嘔左幾桶血     

Mrssslui

Cookie,
唔洗咁勞氣啦!
個個小朋友都梗有DD架啦!
過埋今晚啦!你可以 take a break la!!
係咁短時間,梗塞咁多野入腦,佢地又真係慘D既!

cookie

唉, 我都知佢地好辛苦, 有時見到佢地讀既都係唔明都了解佢地都係做左6年人仔, 如果唔係天資聰敏, 邊記到0甘多野丫, 但當大囡一言九頂我既時候, 我就    火起咪兇佢羅.............唔兇佢都唔乖乖坐定定. 唔會正正經經0甘同我溫書 , 唉, 我都唔想晚晚好似癲雞0甘起哂摃架    

Mrssslui

  
咁俾你做多一晚癲雞好啦!