一呂現家長 / potential 家長會

Homama2004

Candy
今早係校車站聽到有家長講呂小同呂中申請新校址, 將來兩間會係同一地點. 唔知有幾成真呢?

> 呂中就聽聞.呂小就唔知喎! 我囡囡應享受不到新校舍,你們細那個可能可以.真高興呀! 上星期返校見到有一些大形滑梯等等遊樂設施預備安裝    我細囡就扮晒嘢話"唉!現在啲細真係幸福..."真係比佢笑死   

你睇唔睇到我的attachment呀? 我都唔知點解, 俾你哋的email次次都變怪獸.

> 要在 > 檢視 > 編碼 > Unicode 轉了碼才看到.都唔知點解喎???

Candy & Alice, pls check email

alicetong

homama,
原來以前試過...我都覺得4/5/1/2考試會好d喎..大人同小朋友都可以回下氣..點解行返轉頭呢？有機會去了解下先？

我仔仔未派英文教材text sheet回來呀?即係要默晒全部...原來0個張紙係默完書才派回來的...明白！
※聽過有小朋友未適應可能會吃"蛋",家長都唔知佢錯甚麼※
希望唔會嚇親我啦...謝謝妳。

Homama,
13樣課外活動cut剩3樣就0岩我個仔0拿....哈哈！

Candy,
妳呢個星期六係未會約Claudiaho交收呀...我想問如果早d妳得唔得？12點半至40分到....???

Candy,
哈哈,係呀妳send親比我都係怪字...謝謝homama教我的方法？

Homama2004

Alice, pls check PM

剛和家長講開電話,佢話下學期校曆表都上了網.

最後那次考試又是一至四喎!那次係妹妹呈分喎....

candytl

你哋去校綱睇今年升中情况. homama, 達標英文老師係100%.

alice,

好丫, 就12:40, 咁我會同阿女係嘜記食lunch等你. claudiaho, 黎個鐘數你得唔得?

Homama2004

Candy,  可能剛達標. 小學概覽還未是100%
http://sp.proj.hkedcity.net/psp/2006/chi/detail_sch_
tutor.php?sch_id=365

達到語文能力要求常額教師的 %
英文科： 92.3%   
普通話科：100%

多謝通知! 升中情況應是昨天update.總人數和以前差不多,但細心看好似多了人去直資.看bk話直資多屬BAND 2生的選擇(如我大囡).而男生派英中比女生多好多喎! 但又唔記得去的男女的人數.

據同事話男生在第一輪學校自行收生有著數,因學校知會派很多女生入來,會在這裡做手腳收多些男生來保持平衡男女生人數.

我明天都係短週喎!但老公都係,不知要不要陪佢,如不用陪佢便1230左右來麥記見下你哋啦!!   

candytl

Homama,

睇翻個表, 我計過數, 109個英中, 减去16個直資(全部當係band 2)呂小嘅升中band 1 百比分約係61.12%, 同往年差不多. 今年升呂中少過舊年14人, 但升區外名校則多5-6人, 拉勻計, 仍少過舊年8-9人. 即是話, 雖然整體band 1 %冇變, 但可以升到呂中級數的學生少咗.

希望明天可以見你

alicetong

Candy,
我聽日係長週,
如果係郵局門口避車處有問題嗎？妳預我12點35分度,
我會盡量準時架0拿？

candytl

alice,

郵局係邊呀? c火, 我唔知添.
我也唔知點轉碼先睇到email呀

alicetong

CANDY,
咁美心妳知唔知....郵局就係佢隔離,
轉碼我再研究下先..哈哈！

claudiaho

好丫, 就12:40, 咁我會同阿女係嘜記食lunch等你. claudiaho, 黎個鐘數你得唔得?
>> OK! 就明天見啦!  不過我唔認得你地喎! 唔緊要啦, 到時我打電話比Candy咪得

alicetong

Candy,
睇0黎妳地咁人齊....又claudiaho又Homama....一於我諗下計去麥記搵妳地啦！可能我要遲少少...Candy妳記得開電話唔好將條線飛返公司呀？我明天找妳...哈哈！

claudiaho
今年出晒通告話家長唔可以囉野比仔女架....都無計啦！但係有時事務繁忙,唔係話小朋友..自己都老虎〝合〞著眼..唔記得啦？ :

Homama2004

今日下午原來有少交表演
>好彩你住得近.表演還要穿校服.我兩個囡囡今日要上體育堂&美勞堂,佢哋還要帶埋校服黑鞋回校換.左一袋右一袋.叫佢哋穿體育服表演便可以,但佢哋堅持話攪得掂喎!唉!算啦!大個囡.

尋日阿仔有功課做, 一篇『一』和『A』字, 阿仔竟然寫

candytl

好呀   我哋一於明天12:40係嘜記等啦!

claudiaho,

你仔仔係細仔, 慢慢來, 我細囡學校還未有字寫.

alicetong

Homama,
可能呢個0岩晒我地用呀.. ↓
http://www.classroom.com.hk/product/page.aspx?content=bookshop/details.html#12

Candy,claudiaho,
好開心今日同妳地見面呀..哈哈！彼此交流下養兒育女心得,真係貴人出門呀...返屋企先知原來紅雨添？我終於等到去日本城買左對拖鞋返屋企... :cry:

Homama2004

昨天約了兩位成年無見面的舊同事在馬鞍山吃早餐,怎知由10點傾到下午3時. 老公忍不住打來問我哋知唔知紅雨呀!咁就更加有藉口唔走住,叫佢去接埋囡囡少交放學.好彩老公肯捱義氣...真係唔話得囉...佢話啲女人真厲害可以傾咁耐.如不是一位要去港大返學(佛學碩士),可能連晚飯都吃埋.那間餐廳叫"媽咪茶寮",是新港城"老爹茶寮"的分店,但比"老爹"人少很多才可以讓我們坐咁耐.

來應叫佢哋來我家,但佢哋話我一定忍不住手不停地做家務,替啲意比我休息下喎!真是好朋友....

下次再約見你哋見面啦!!

Alice,多謝你介紹,會bookmark住下學期用.

candytl

早晨.

潯日睡醒一時興起, 全家去咗深圳, 行完書城, 約咗朋友食lunch, 之后朋友車我哋去蓮花公園放風箏. 潯日天氣非常好, 唔晒冇雨又清凉, 我兩個女又放風箏. 又吹泡泡, 玩到唔捨得走, 因夜晚阿女要學violin, 所以5點鐘就走人. 早晚過關都好順利, 唔使排隊.

claudiaho,

唔該你帶我去搭的士.
哈哈, 你走后, 我先突然醒起銀包只剩得$20, 梗係唔敢上車啦, 唯有冒住大雨行過對面等巴士,  我對鞋入晒水.

alice,

咁你有冇買到錄音帶呀?

claudiaho

各位早,
好高興可以同你地見面, 唯獨缺欠homama, 不過始終有機會見的

Homama
昨天約了兩位成年無見面的舊同事在馬鞍山吃早餐,怎知由10點傾到下午3時
>>嘩, 你都好犀利, 可以講o甘耐, 間餐廳又會比你由早餐時段坐到下午茶時段都得, o甘少客人, 我

candytl

claudiaho ,


去書城有冇收穫呀?>>>>用咗近$350呀, 主要買cd , vcd.  係舊書城買, 一set 4 pcs 貝多芬, 只售$48.

alicetong

claudiaho,candy
多謝妳地關心..錄音帶我買到0拿？

我星期日無去街呀...係屋企真係就0黎發毛..哈哈！聽見妳地節目咁精彩真係開心呀？

我都好耐無去過深圳0拿...通常好少走出羅湖城因為怕治安唔好？不過聽到好多朋友都會去書城行下？

homama,
妳先生真係好..朋友又通情達理？係未試過一次朋友去妳度妳不停咁做家務呀？哈哈..

Homama2004

>>聽得太多有關深圳的負面消息.所以很久很久沒去過了.記得幾年前在書城買中國顏料平到不得,又有單色咁買.

昨午飲茶時碰見妹妹同學家長,佢話沙呂今年派位派往很top學校比我哋學校少,如MCS等等.但入呂中就多過我哋.我剛才上網看,但不記得這些data是今年還是去年的呢??你們有沒有印象呀!而佢哋好似有5班的. 又話我哋今年有8個入MCS,比油天入MCS的人數更多喎! 那些真是叻叻女    

這位家長目標係St. Paul第二係MCS及庇理羅士.
而我未有咁快有目標,都要睇妹妹這兩年的成績如何才決定.

Alice
妳先生真係好..朋友又通情達理？係未試過一次朋友去妳度妳不停咁做家務呀？哈哈..
>> 咁我又不會的.識咗十多年囉! 一來知我在家就會心掛掛,二來三個女人傾計會方便啲.有個男人會避忌啲呢! 佢哋兩個都係決定不生小孩子,見佢哋成日這度去那度去都有啲羨慕...但囡囡一個電話來"媽咪!我好掛住你,點解你還未回家呢??好大雨呀!記得你無帶傘咁點算呀!"都幾"冧"的...