子女的期望 vs 父母的期望

greentea000

shadeslayer 發表於 17-4-24 14:07
本帖最後由 shadeslayer 於 17-4-24 14:08 編輯

纯真的朋友幫屋企?  唔一定佢自己

關於被朋友借錢，身邊既人有以下回應：
咁大個人都無儲蓄備用？ <<< 無自救
正常會先向家人借錢吧？ <<< 無親疏
有份工可以同銀行 / 財務公司借 <<< 無自尊

greentea000

IloveJJ 發表於 17-4-24 13:17
我仔小學，我唔會俾零用錢，但佢哋默書測考成績好，我有獎金，佢哋通常儲起來買玩具（我唔買玩具）。
到中 ...

唔一定係花錢係人地身上，例如去睇戲，AA都要出自己果張戲飛錢，社交無可避免花錢

yovin

shadeslayer 發表於 17-4-24 13:03
純真的朋友會唔會突然等錢使？

假設我係純真的朋友 : 如果我突然等錢洗，我會向銀行借，唔會麻煩到朋友，銀行唔借就算等住救命，只係命數已盡，都唔會問朋友借。因為銀行唔借積係還唔起，還唔到就唔係借，係攞。
所以純真的朋友，在我眼內會突然等錢洗，但是不應問朋友借錢的。
因為你給我設問句，所以我答先，但想知你的答案啊！

greentea000

回覆 yovin 的帖子

同意。
我唔想同朋友甚至家人借餞，所以
1.要有儲蓄
2.要買保險
3.要有份工同銀行借錢

yovin

greentea000 發表於 17-4-24 15:22
回覆 yovin 的帖子

同意。

同意！
我咪就係純真的朋友，所以失望過三次後，以後朋友問我借，一萬以下我直頭會俾，講明唔洗還，但我以後會減少聯絡問我借錢的 "朋友",因為唔想有下次。
現在我心中純真的朋友只得番兩個半！
所以交朋友方面，實在唔係好識教仔啦。

yovin

yovin 發表於 17-4-24 15:40
同意！
我咪就係純真的朋友，所以失望過三次後，以後朋友問我借，一萬以下我直頭會俾，講明唔洗還，但我以 ...

睇到今日，借錢俾朋友落得毁容命危的新聞，對纯真朋友的定義真係好矛盾o

greentea000

yovin 發表於 17-4-24 15:40
同意！
我咪就係純真的朋友，所以失望過三次後，以後朋友問我借，一萬以下我直頭會俾，講明唔洗還，但我以 ...

我都有事不過三原則，但人越大越唔會用盡三次機會。當第二次出現同樣錯誤估計，我就要即刻檢視自己，一定有某Ｄ野我忽略左。

shadeslayer

IloveJJ 發表於 17-4-24 14:22
我唔覺得，我就會教佢咁樣係唔需要。
如果佢都認為係想咁做，佢可以用佢自己既錢去做，咁我唔會干涉佢。
...

佢有零用/利是錢就可以了。

其實物輕可以情義重。

1998Ruby1998

回覆 IloveJJ 的帖子

我阿媽都係中學先畀零用錢我，d 零用錢仲要係交通同埋午飯，所以唔係額外一筆金錢，想買野，就要自己儲錢，零用錢唔會畀多畀少，自己行量點樣用，唔夠錢洗就要自己搵辦法。

1998Ruby1998

回覆 yovin 的帖子

我阿媽阿爸二十年前已經借過 20 萬畀親戚，另外都有借 2 萬畀朋友（但係佢地個個都有借冇回頭，失埋蹤），佢地已經睇淡同埋預左筆錢收唔返。記得有一次阿媽有兩個失散朋友突然聯絡返，阿爸都即刻話「無事獻恩勤」，唔好再聯絡，費時麻煩。佢地以前同阿媽好好朋友，十幾歲識到依家，以前佢地一齊去旅行一齊玩。因為移民同搬屋，咁多年阿爸阿媽依家仲 keep 住聯絡、年年都送聖誕新年卡、交情好深好純真嘅只有一兩個。阿媽成日同我講，我咁少朋友不如出去參加活動認識下人，不過阿爸話知己不用多，足夠就好了，唔要濫交，要深交。
所以其實你後面有幾句帶出個道理，交朋友呢方面，做父母嘅都未必分得清邊個係自己嘅真假朋友，都未必預料到你以為嘅真朋友有一日變成假朋友，所以只能夠講經驗畀小朋友睇，等佢地自己衡量。

中學畢業之後去外國讀書之後，就特別發覺邊個先係交情最深，好多同學已經冇點聯絡，甚至有 d 本來好 friend 嘅，都冇再聯絡，人間蒸發，但係有一個就 keep 住同我日日傾計，我地互相知道對方底線同愛好，得閒無聊踩下對方，講下笑話同讀書。一個，足矣！

shadeslayer

yovin 發表於 17-4-24 15:05
本帖最後由 yovin 於 17-4-24 15:11 編輯

假設我係純真的朋友 : 如果我突然等錢洗，我會向銀行借，唔會 ...

銀行要風險管理, 朋友的事不会用同一風險管理原則。

邏輯上我想到純真朋友有不同的走投無路之情況, 和他/她品性如何無關。

既然無絶對關係, 即純真和借錢係可以並存。但不代表借錢的朋友中, 純真的可能性有幾高。

shadeslayer

1998Ruby1998 發表於 17-4-24 19:36
回覆 yovin 的帖子

我阿媽阿爸二十年前已經借過 20 萬畀親戚，另外都有借 2 萬畀朋友（但係佢地個個都有借 ...

咁如何看:

君子之交淡如水。

出外靠朋友。

這些說話?

1998Ruby1998

回覆 shadeslayer 的帖子

哈哈，好耐冇做議論文啦，仲要議論文唔係我強項。
古人因為通信、出門都唔方便，結交嘅朋友畀我地現今少，所以每結交一個朋友都要珍而重之。而且「君子之交」好多都係完全唔追求名利嘅人，自然身外物如錢財都唔會介意。不過都係講求心與心嘅交流，一份默契。甜言蜜語同忠言逆語並全、既有如膠似漆，也有適當距離。我唔係君子，都唔算得上一個小人，現今社會唔追求名利好難，但係如果係追求名利當中，搵到一個「非小人」就已經好好。偶爾行街見到一樣野，我都可以第一時間想起佢，因為依家通信方便，所以拍一張相，就可以畀佢睇到。我老師曾經講過，如果你見到一樣野，你第一時間諗到嘅人，佢就係你人生佔有一個不可代替嘅位置。

至於出門靠朋友，就算有好多朋友都好，如果佢地唔係深交，佢地唔會將你放係 top priority，有需要果陣都未必以你行先，所以「患難見真情」。

中五果陣做 IES，個個都要有至少 100 份問卷，好多人都會呢個時候動用友情黎幫忙。我冇做問卷，我做 case study，但係好多同學都叫全班幫手做問卷，我先做左好朋友果 d，有時間先再理會普通朋友。最後，我同我個好朋友夾手夾腳，填左 120 份問卷（因為佢題材問題， 1 個半月係搵唔到咁多人可以填問卷，我就幫佢作填曬佢）同埋作 5 個 case study 嘅 transcript 畀我（作 transcript 其實好辛苦，兩個鐘頭都未必做到一份完整同埋冇嫌疑）。我本來有叫其他人幫下我做真嘅 case study，唔想成份野都自編自導，但係最終都冇幫到。

shadeslayer

1998Ruby1998 發表於 17-4-24 21:04
回覆 shadeslayer 的帖子

哈哈，好耐冇做議論文啦，仲要議論文唔係我強項。

這是個人的朋友哲學, 沒有對錯, 但似乎我的看法較接近傳統智慧。

yovin

shadeslayer 發表於 17-4-24 21:16
這是個人的朋友哲學, 沒有對錯, 但似乎我的看法較接近傳統智慧。

你說得好對, 朋友哲學,设有對錯。
所以我想聽聽傳统智慧和新派智慧的見解, 再作自我深思 , 希望在網上得到真心話的回覆ｏ
鑿於金錢的問題,實在不會與朋友討論, 一來講錢失大家感情, 二來也建於相識的情況下未必得到真答案。
樓主及其他網友,可以的話都希望聽聽意見,我並不是撩交嗌的ｏ


以你所說#走投無路之情況#我想到一個最緊急例子:假設你要好的純真朋友,品格一流,只係唔好命,天生不是讀書材料又婚姻失敗,只有做籃領工作,月入萬多元去養活自己和單親的女兒,沒有多餘儲蓄。
你現在56歲仲有四年退休,儲蓄到二百萬左右,夠自己和妻子退休後用ｏ
純真朋友個女意外,要一百萬上大陸換腎,否則個女就救不到,佢問你借,但你心知道除非佢中六合彩,否則以後都還不到ｏ


1#你會借嗎？


2#又或者角色掉轉,你會問呢個將會退休的朋友借嗎?


希望你和大家俾Ｄ"真心"答案我,如有解釋答案更謝ｏ

greentea000

回覆 1998Ruby1998 的帖子

其實唔使去到借錢，小小事已經睇到親疏有別，例如你份IES功課。

而家你去外國讀書，想問下去外國讀書既人有無咩心理變化影響到點你處理之前香港Ｄ同學、朋友？例如：
1.人生路不熟又舉目無親，要費一番心力適應，自己都未搞掂自己，無氣力同香港同學、朋友保持密切聯絡？
2.生活落識左新同學、朋友，香港同學、朋友相對無咁掛念？
3.異地友誼遠水救唔到近火，疊埋心水重新建立新圈子？


K失聯事件，我之後一直有思考，總結左以上3個可能性。

1998Ruby1998

回覆 greentea000 的帖子

因為我一向都係怪人怪癖，所以結交嘅朋友唔算多。
我覺得反而保持每段關係，最重要都係有一定距離，無論係父母、朋友。可能都關壓力減少嘅問題，我冇咁暴躁同埋講野尖酸刻薄，我同父母嘅關係都好左。至於朋友，去外國讀書就係一個好機會睇到邊 d 朋友係最重要。人生路不熟，但係我都學識左點克服每一個關口。我宿舍依家黎左個大我 4 年，讀 Master 會計嘅女仔，佢父母照顧得佢好好，所以好多野都唔識做，例如去申請戶口、買日用品、搵路，佢話感覺到我好獨立，佢唔講我都唔覺得其實自己係咁獨立。

我有冇特別掛念香港朋友，畢竟有互聯網，想傾計留個信息，等佢覆就得。我初初就九月同自己講，我要擺脫以前嘅包袱，重新認識呢個世界同埋朋友。我就冇「牽腸掛肚」個感覺，一定有掛念以前「糖黐豆」嘅日子，但係唔難受。

不過好似我咁嘅香港人就比較少，佢地通常都需要群返香港人。人唔一定僅限於一個圈子，就好似一個 Venn Diagram 咁，兩個圓圈總有一個交雜嘅面積，可以並存。

greentea000

yovin 發表於 17-4-25 01:55
你說得好對, 朋友哲學,设有對錯。
所以我想聽聽傳统智慧和新派智慧的見解, 再作自我深思 , 希望在網上得到 ...

我可以答你，我已經思考左好多年，有初步定案。再講，除左ruby，我應該係本post第2後生，年紀上仲比較暢所欲言。






1#你會借嗎？


不借。


儲蓄200萬我理解係：
(1)妻子都有份一齊儲，我唔可以一人更改用途。
(2)妻子就算無份一齊儲，法律上係兩夫妻既共同資產，我唔可以一人更改用途。
(3)妻子同我朋友無深厚情誼，無理由承擔我既朋友債。
(4)偷偷地借100萬俾朋友，被妻子發現下埸分分鐘係離婚。
(5)以離婚計，平分200萬，我分到100萬，借100萬俾朋友就係借左全部錢唔係借一半。
(6)寧願離婚都要借錢俾朋友，我要重新認識自己，更加要重新思考呢個朋友對自己既意義。
(7)以你既形容，朋友應該無還款能力，我承擔唔到200萬退休金之中無左100萬既後果。
(8)係K同H事件中，我發現自己連擔心朋友問我借錢既精神壓力都承擔唔到。我承擔唔到200萬退休金之中無左100萬既後果而又借出，即係我係要佢還既。無論有無還，我已經唔願意承擔佢會唔會還又還唔還到呢個長期精神壓力。



2#又或者角色掉轉,你會問呢個將會退休的朋友借嗎?


不會。


基於問題1既想法，己所不欲，勿施於人，呢個係我而家既朋友之義。所以我要有儲蓄、要買保險、要有份工同銀行借錢，盡力防止自己去到問人(包括親人)借錢既田地。

greentea000

shadeslayer 發表於 17-4-24 20:02
咁如何看:
君子之交淡如水。

出外靠朋友。

這些說話?

因為我無兄弟姊妹，除左父母親戚，理論上就係朋友比較重要。

阿媽想我「出外靠朋友」，其實佢意思係「出外有朋友可靠」。於是希望我交遊廣闊，面面俱圓，有咩事都有人照應，朝中有人好說話。但係阿媽係好矛盾既，我小二跳小四又轉校，大家兼我細麻煩，班上完全無朋友，阿媽話返學係讀書，無朋友就自己玩。大個Ｄ先明白，學校唔係阿媽心目中既「出外」，學校係一個封閉小空間，同學無朋友價值，反而係競爭對手，大家利益相沖，無法做到真正朋友。再大Ｄ我理解為：阿媽想我結交有幫助我能力既朋友，同時雙方唔好係競爭對手。咁只可以向上發展，我要結交比我有能力既同輩朋友、比我有社會地位 / 更多資源既高輩分朋友。呢Ｄ朋反應該好多人爭住去結交，要同佢地做朋友我都要有能力、有社會地位 / 資源，否則就係高攀，一樣做唔成朋友。


呢Ｄ交朋友既事前思考已經令我筋疲力盡，無興趣交朋友啦！


君子之交淡若水，小人之交甘若醴。君子淡以親，小人甘以絶。自己從來唔明白呢幾句真正意思，一路以黎就算係老師都有唔同版本。而家我就以中庸處理，把握力度，不濃不淡。