旺角基督教服務處雋匯幼兒學校

waiwaichu2003

早晨呀,各位!!!

Thanks zimba & fionkwok,我尋晚接返囝囝,除左個樣好似好倦之外,又唔覺佢流鼻水喎,所以最終都冇同佢睇到~

我之前點解咁問係因為我家姐話阿囝放學時有d鼻水,想同佢睇醫生,問我o唔ok,我當時就話等我睇個情況再決定la;其實我係唔想佢太依賴藥物去抵抗病菌(除非比較嚴重la),我希望佢能夠透過充足既睡眠,食多d生果同做多d運動,自己去打抵d病菌,係外國,基本上唔係病到好樣衰衰咁,d醫生係唔會寫紙比你買藥ga,我都幾認同佢地個做法,但我家姐係個緊張大師黎架,成日話"是但你la,阿囝有咩事,你唔好話我冇話比你聽呀",搞到我個心好矛盾,唔睇又驚真係有事發生,所以先問下你地d意見囉,真係唔該晒你地!!!

zimba,
恭喜晒呢,咁老師黎緊應該會派番本手冊比你細囝ga喎,大哥知道後係咪好開心呢,以後日日都可以正正式式同弟弟一齊上學去,no more excuse la!!!

各位媽咪,daddy,
你地開始整個燈籠未呀? 你地諗住點整呀? 用咩材料呢? 唔知使唔使掉住支棍棍呢?
好開心呀,第一次同阿囝一齊係屋企製造勞作,我諗住叫我老公拍底個過程作紀念,嘻嘻!!!

fionkwok

早晨呀!

waiwaichu2003,
我想問係咪一定要做架個燈籠? 張通告好似冇話一定要做喎? 我仲諗住可以唔使做喎! 係咪只係中秋食物就要交架? 我有冇誤會咗張通告既意思呢? 如果唔係一定要交我就唔做啦! 因為呢d唔係我所長, 要等我老公同個女去做架!

zimba,
真係恭喜晒啦! 好開心下星期細仔可以同我地d小朋友同班啦! 咁咪要買過d校服囖? 阿哥果套著到嗎? 係呢! 真係唔知邊班有小朋友唔讀呢? 會唔會係d班呢? 睇吓下星期有冇少咗邊個先!!!

waiwaichu2003

fionkwok,

你冇誤解張通告,只係我諗住學校既第一次親子活動,實會人人參加tim,因為如果做左可以係學校掛成個幾禮拜,阿囝未可以日日見住law!

zimba

fionkwok, waiwaichu2003,
我幫哥哥買咗新校服, 諗住細囝著哥哥舊嗰套校服.
我都想同仔仔做個燈籠, 如果可以掛係大堂, 佢地見到一定會好自豪, 不過未諗到點入手. 我估可以用紙造做個細細的, 你地有乜建議呀. fionkwok的建議也不錯, 等我叫老公同d仔做, 俾佢地增進下感情.

想請問你地星期一會唔會著運動服? 我想俾細囝著校服or運動服返學, 等佢無咁特出.

evawinhk

Hi waiwaichu,
對呀!佢係雋匯義工家長! 我老婆話,常做o既工作是每周一幫手鋪床單, 每周四做圖書圖管理員. 令外學校有活動時都會幫手. 例如旅行,行花市等. 上次返學校講故事就唔知算唔算係la.

waiwaichu2003 寫道:
我返回地球la,各位,今日超忙呢!

evawinhk,
原來義工家長唔係係學校幫手做照顧小朋友架咩,你唔講真係唔知喎!咁你太太係咪係雋匯幫手做義工家長呀? 如果係,唔介意既話你可唔可以話比我地知大概做d乜架?

嘩!你地今日個討論話題係咪升小一呀? 咁快就講度lee樣野la!

evawinhk

Hi fionwok,
唔做,應該都冇問題o既! 不過怕小朋友見到其它同學仔都有燈籠, 而自己冇會唔開心姐. 小朋帶住自己和爸媽一齊做o既燈籠返學會好開心嫁. 學校會將d燈籠掛o西出離.好靚嫁!

fionkwok 寫道:
早晨呀!

waiwaichu2003,
我想問係咪一定要做架個燈籠? 張通告好似冇話一定要做喎? 我仲諗住可以唔使做喎! 係咪只係中秋食物就要交架? 我有冇誤會咗張通告既意思呢? 如果唔係一定要交我就唔做啦! 因為呢d唔係我所長, 要等我老公同個女去做架!

zimba,
真係恭喜晒啦! 好開心下星期細仔可以同我地d小朋友同班啦! 咁咪要買過d校服囖? 阿哥果套著到嗎? 係呢! 真係唔知邊班有小朋友唔讀呢? 會唔會係d班呢? 睇吓下星期有冇少咗邊個先!!!

waiwaichu2003

Dear all, 早晨呀!!!

zimba,
因要環保,所以我諗住係雜誌度剪低d得意既紙公仔,然後用白膠漿黏貼住,做成一個燈籠,你覺得ok嗎?

兩兄弟一齊著住校服返學,感覺應該大d同實在d,咁佢地今日係咪好開心呢? 大哥有冇問細老點解著左佢套校服呀?

其實我都好想知所有野係咪已回復正常架喇,例如返校時間係8:00-9:00,放學時間係4:30-6:00同每逢星期一,三著運動服,其餘日子就可以著番校服,唉!有時間我真係要mark低d問題問老師先得!

zimba

唔知細囝係唔係因為今日著咗校服, 又知道要轉去d班, 今朝係學校門口唔肯入去, 仲喊住話唔要返學!
我當時都有點不知所措. 不過我後來決定回應佢既感受先.
我就話:"哦, 你不要返學. 係唔係覺得好驚呢..." 佢點點頭. 我再講:"係喎, 今日著咗校服, 又見唔到麥先生, 雖然係隔離班房, 都真係會好驚, 好緊張喎, 媽媽知道la, 媽媽明白la." 佢就好放心咁依偎係我膊頭.
我又同佢講:"媽媽再抱多你一陣, 你就入去la."
佢又喊喊口咁話:"媽媽寫字字!"
我就應佢: "哦, 好哇, 媽媽寫張字條俾老師, 寫完你就入去啦."
我寫完之後, 佢真係好合作咁行入學校.

真係好險呀!

zimba

waiwaichu2003 ,

你既方法又幾好喎, 我都學下先.

大囝其實唔想俾細佬著佢既校服架, 仲成日話佢既校服仲啱著. 今朝我攞咗佢對舊thomas鞋出來, 發現大囝已經唔啱著la, 但係細囝竟然啱喎, 咪俾細囝著囉. 點知佢大發脾氣, 好唔高興! 唉! 又係既, 雖然唔啱著, 都係佢心愛既鞋, 唔一定要俾細佬既. 我最後要安慰佢: "你發現對鞋唔啱著, 已經唔開心, 仲要送俾細佬著, 真係好唔甘心呵..." 又錫下佢, 佢先無事咋.

你仔仔今日點呀?

waiwaichu2003

zimba,

我好鍾意lee句"媽媽寫字字"呀,好得意呢!我真係好好奇你會寫d咩字字係張便條度,而小b點解要你寫既,係咪有段故架,講唔講得比我地知架?

小b今日著左校服反而唔肯返學,咁奇怪? 咁大b見到有冇幫手安撫小b呀?

大b見小b著左佢d衫褲鞋,唔高興都好正常既,等如阿囝見我攞佢d玩具玩,我一點佢已經捉住我隻手la,連點下都唔比呀,幾霸道呀,好似尋日咁,同佢去club house d 遊戲室玩,佢去到個好似迷宮地方,見到其他小姐朋友想入去玩,就用手推人,有次仲用腳想踢人tim,好在比我地見到阻止左咋,唔係就~唉!

唔知點講,我覺得佢返左學,個人活躍左,大膽左,個人野蠻左,比著以前,佢根本唔會/敢有lee d行為出現,唔知係咪以前係屋企冇人同佢爭玩具,任佢玩,但學校始終唔可以每人有同一樣玩具架嘛,大家要share先得,所以久而久之,我諗佢係學校因為要保護某樣佢認為係佢自己既玩具而去做出lee d咁既行為,唔知你囝囝有冇試過咁呢? 有冇方法可教下我應該點做好呢? 我好唔好同老師傾下呢? 唔好意思,一次過問咁多問題tim!

唔知其他好媽咪有冇d咁既情況出現呢? please share.....

lioxi

早晨呀!各位!!

waiwaichu2003,
我個ｂ都係咁架,不過佢係不嬲都咁野蠻同霸度,係屋企就好乖,但去到表姐家就爭玩具,好似樣樣都係佢既,反而返左學有Ｄ改變,冇以前咁,都會爭架,但少左Ｄ。不過呢排就痴身Ｄ。

Twins

All 午安,
今日唔係好舒服, 所以我冇睇返之前D message, 等我有心
機先至再睇啦......我今日會早d走去see doctor.

fionkwok,
你點呀? 頭先我家姐話我知你唔開心喎, 你唔好咁啦.......我
會好擔心你咁架. :-|

zimba

waiwaichu2003 ,

我細囝好鬼精架, 成日揾藉口唔入校門, 一陣要寫字條, 一陣要睇風景. 如果同佢硬碰硬, 有排鬥, 但係如果照佢意思做一次, 佢又會好合作. 哥哥一早就入咗去啦, 早返學可以玩玩具同埋做早操, 我驚佢無得做唔開心, la la lum 俾佢入去先, 再來對付個細既.

我細仔都有妳仔仔既情況, 無咁聽話. 我就睇成係佢跨過咗一個成長既關口, 自信, 自主都多咗, 無咁bb, 離我呢個媽媽又遠咗d...   

另外, 我估佢係學校都會有壓力, 要應付咁多人和事, 好似我地大人咁, 忙完一輪都會有d irritable. 我嗰陣時就儘量安排d時間, 俾佢係屋企做番d佢熟悉既野, e.g. 玩玩具, 睇vcd等等, 同埋多d抱下佢, 錫下佢咁.

lioxi

twins:
我囝囝未好得哂架,仲有小小鼻水,但Ｄ药食

fionkwok

真係唔好意思啦! 今日咁晏至入來呀! 去咗兩日街冇做屋企野,做完至入所以就晏咗啦! 午安呀!

twins,
又唔係真係好0開心既!  不過, 見到阿女喊, 自己又眼淺至喊啫! 但就真係好煩囖! 今朝起身已經一路喊啦! 返到學校條天橋仲坐咗係度唔行要我抱, 上到去連鄧主任抱都唔肯, 俾佢激死! 仲諗住佢真係咁醒啦! 唔使喊啦! 點知係之後喊個隻! 你個女又冇野喎! 佢有冇話唔返學呀? 提起學校開唔開心呀? 我女話返學唔開心喎! 問佢點解, 只係識答話掛住我囖! 有排攪!       
係啦! 你有冇諗住整燈籠呀? 原來好多家長都諗住整架! 連我老公都話整喎, 我就叫佢自己攪掂去啦!

lioxi

Zimba:

恭喜你細仔入左Ｄ班既大家庭呀!!
佢今日第一日返Ｄ班呀？你之前有冇話佢知今日會有Ｄ唔同呀??
２個仔仔感情好唔好架??會唔會成日爭玩具架?
如果好,可以俾佢地拖住手仔入去喎!!

zimba

Twins,
你點呀? 係唔係感冒呀?

fionkwok,
你點呀? 係唔係女女係學校有事?
我朋友個仔係個活潑開朗, 敢言敢為的人. 佢初初返學好開心, 但係一星期後佢就同佢媽講唔返學, 話係屋企一樣學到野喎. 不過, 正因為佢個性開朗, 好快又開開心心咁返學啦.

fionkwok

waiwaichu2003,

我女又好似冇咁既情況喎! 就係痴身到死囖! 因為佢不嬲都會同表哥爭玩具架啦! 反而尋日同表哥去公園玩, 叫佢排隊玩完到表哥玩, 再到佢, 佢又肯乖乖排隊喎! 到表哥唔肯俾佢, 佢都冇爭, 見到表哥唔玩之後, 又識講 "表哥唔玩啦! 到我!" 咁囖! 我唔知你有冇見過啦! 我女係返學頭果幾日都有同小朋友爭玩具啦! 我覺得呢個係一個階段, 個個小朋友都會經歷啦! 唔好睇得咁嚴重, 當然見到既都一定要同佢講唔可以爭, 要大家分享囖! 我已經同佢講咗好多次架啦! 口水都乾架啦! 而家都係, 次次同佢去人地屋企或者帶佢去同其他小朋友玩之前, 都同佢講清楚, "要分享! 如果唔下次冇得去玩!" 咁囖! 因為我女好衰架, 好多野都要事先聲明架, 如果唔係佢實唔采我架, 你又試吓得唔得啦!

fionkwok

waiwaichu2003,

我女又好似冇咁既情況喎! 就係痴身到死囖! 因為佢不嬲都會同表哥爭玩具架啦! 反而尋日同表哥去公園玩, 叫佢排隊玩完到表哥玩, 再到佢, 佢又肯乖乖排隊喎! 到表哥唔肯俾佢, 佢都冇爭, 見到表哥唔玩之後, 又識講 "表哥唔玩啦! 到我!" 咁囖! 我唔知你有冇見過啦! 我女係返學頭果幾日都有同小朋友爭玩具啦! 我覺得呢個係一個階段, 個個小朋友都會經歷啦! 唔好睇得咁嚴重, 當然見到既都一定要同佢講唔可以爭, 要大家分享囖! 我已經同佢講咗好多次架啦! 口水都乾架啦! 而家都係, 次次同佢去人地屋企或者帶佢去同其他小朋友玩之前, 都同佢講清楚, "要分享! 如果唔下次冇得去玩!" 咁囖! 因為我女好衰架, 好多野都要事先聲明架, 如果唔係佢實唔采我架, 你又試吓得唔得啦!

zimba

lioxi ,

你好快手呀!
有呀, 我話咗俾細囝聽轉去D班, 佢一聽話唔跟麥先生上堂, 即刻無哂表情, 話掛住麥先生喎.
我大囝好cool架, 佢肯理下細佬已經好好啦.

你仔仔身體底子幾好喎, 只係燒咗一晚就打低隻菌.