你們的小朋友派了成績表或考試卷未? 你們滿意嗎?

beaclem

toto200415c 寫道:
我個仔今次考到全班第一名(全班39人)，我讀書時，最叻都係考到11名。 講真，我心底裏真係好開心呀！

不過, 今日就有一個無聊既家長知道囝囝考第一後就比說話我聽喇 佢話我個仔在測驗時都吾係最高分，點解我個仔會考第一? 我咪話佢知今次排名吾計測驗分，只計考試分law, 跟住佢又話都吾明D先生點計分架，然後仲比面色我睇添呀！ 仲叫我吾好迫個仔讀書，
比壓力佢。(其實我都無，真係好吾明點解佢要咁講) 真係吾明點解有D咁恐佈既家長 ，佢原來真係一路check住我個仔D分數ka，

你以後咪唔好啋呢位人兄囉, 當佢係慍神, 有咁遠走咁遠, 而亦都係呢個原因, 我唔會同我囡學校既師奶家長咁熟, 有時佢地都會問我囡考成點, 我都係答佢地O.K.啦咁架咋。就算係問幾多名之內, 我都唔會講。同時, 我都有教我囡, 做人要謙虛, 唔成日將自己既成績同人地講

Bambi

我都係今日拿仔成績表, 佢都算keep到成績啦! 算唔錯. 最開心係班主任話我仔好乖, 上堂好專心, 全班最錫係佢.   

mickey001

我仔仔己經歷了第一次測驗, 第一次考試, 及第二次測驗了, 而成績一次比一次進步, 所以我已經很滿足了.

mickey001   

irenewan

我囝囝今年小五，第一次派成績表，考第十，OK啦！

jiwawa

今日晨早去

beaclem

小傑媽媽 寫道:
我個仔都剛剛派左成績表，佢今次全班考第5 (28人)，全級就考25 (169人)，名次係比上次進步左，但每科既實際分數其實係退步左架…   老師話佢心散左，上課唔係咁專心，仲話今次考到咁既成績係爸爸媽媽辛苦幫佢溫習既功勞… 老師真係英明呀！

你同我一樣呀    , 我老爺不嬲都話, 我個囡既成績, 有55%比亞媽(唔係比亞爸喎    ), 45%係佢自己, 所以佢成日話我個囡, 好似係亞媽讀書, 唔係你讀書     

phoebelamlam

見到你地個個都話小朋友好利害呀.....
個個名次都好勁,不過我都想同你地分享下我自己3個囡囡呀
雖然同我想要的都仲差好遠好遠．．．．．
不過見到佢地真係一日比一日進步，一次叻過一次，真係好開心．．．
＊＊＊＊＊＊＊＊＊＊＊＊＊＊＊＊＊＊＊＊＊
大孖平均分有６４．２（都叫合格）
一班２７個人佢考２２名
全級１０８就８９名
佢最叻最勁個科係數學，由第一次得５３分，到今次有８９分，
佢老師同佢講，佢今次好似由３樓ｊｕｍｐ到６樓咁勁，
佢都不知幾開心
英文就最差，平均分唔合格，不過都比第一次高咗２０幾分啦．．．
＊＊＊＊＊＊＊＊＊＊＊＊＊＊＊＊＊＊＊＊＊＊
至於細孖就．．．．．．
平均分都唔合格，得５４分多小小，不過我都好開心，
因為佢科科都高過第一次測驗時，
所以佢都有努力
佢名次就係一班２７人佢就考２５，
全級就９９（佢仲覺得好高分，因為佢以為１００分滿分）
＊＊＊＊＊＊＊＊＊＊＊＊＊＊＊＊＊＊＊＊＊＊
至於細囡响新學校佢有好好發展，
佢今次可以有個獎（好似係ｄ分數好高）
老師都同我講，佢應該唔會有家姐的問題發生，
可以好好幫佢鋪一條好ｄｄ的路

jaja

我個女全班第二名, 全級第五名, 但最好心係老師比既評語 "好學, 口才頗佳, 善於與同學及師長溝通"    

羊咩咩太太

我非常非常滿意~

囡囡讀的幼稚園是玩樂教學,上小學係主要用英普教學,一下子適應唔到,仲要被編去英文加強班,老師更曾在分數隔離寫非常差,我和老公都好擔心,點算呢?唔知追唔追得切呢?經過囡囡和我兩公婆既努力,囡囡已經從谷底抽身上黎,英文加強班都唔要佢了,考試既成積我好滿意,令我更開心係老師說囡囡好乖,囡囡和同學仔相處得好好!

我地一起努力吧,   

beaclem

phoebelamlam,

其實你真係好叻架啦, 你囡囡進步咁多, 真係戥你高興呀         

bk2005

Me too. In my opinion, marks on subjects are not important once I know my kid is up to standard or above average. I am satisified with the most valueable comment from the teacher that my kid has good conduct in school and respects both teachers and classmates.

羊咩咩太太 寫道:
我非常非常滿意~

囡囡讀的幼稚園是玩樂教學,上小學係主要用英普教學,一下子適應唔到,仲要被編去英文加強班,老師更曾在分數隔離寫非常差,我和老公都好擔心,點算呢?唔知追唔追得切呢?經過囡囡和我兩公婆既努力,囡囡已經從谷底抽身上黎,英文加強班都唔要佢了,考試既成積我好滿意,令我更開心係老師說囡囡好乖,囡囡和同學仔相處得好好!

我地一起努力吧,   

pamcheung

phoebelamlam,

譁! 數學科進步咗好多呀, 恭喜恭喜!

除咗囡囡, 你嘅功勞都唔少呀

toffeeli

收到個成績表其實幾開心，起碼唔多唔少支持自己對囝囝的教法，唔駛打，唔駛破口大駡，唔駛補習，唔駛無得玩......開開心心學習。