16網家長, 柴灣聖米迦勒, 明德, 倍僑, 丘佐榮, 崇真, 愛秩序灣官小, 你會點排位???

白燕

Iris_Ching,

你個小朋友是否在明德讀呀? 可否講多些這學校的各方面來聽吓.

sandylaw

我女今日剛考完數學，佢都唔知做左幾多版，但就話勁易，好快就做哂喎

sandylaw

cincin,

hi,我都唔知佢順唔順利喎，因要派左考卷返黎先答得到你
以家d小朋友讀書係有一定壓力，如果冇壓力好難去推動佢地，我並不太喜歡活動教學，我相信求學係求分數，又怕小學太輕鬆，到中學先黎苦讀，佢會對學習變得厭惡，到時中學想控制佢就難上加難啦

cincin

Hi, sandylaw, 我個女昨天考完試了, 今天是生日會, 昨晚已找定條裙了(生日會可以穿casual wear), 唉... 越看d媽咪投訴d小學功課多,測驗多就驚, 明年個女讀小一我預左做佢一齊挨... !  我同意,求學求分數, 我更相信多努多得, 懶惰食桔 ! 講真選一間小學勁d將來中學要靠自己都有少少底子呢?! 請問平時d功課咁緊張, 你地d關係好嗎? 課餘或weekend有什麼活動調節身心?! cincin

sandylaw

cincin,

我第二個女今日都係生日會 咁橋既 你女讀邊間幼稚園架？

我開頭都好似你咁好驚功課和測驗的問題，但以家就覺得唔係太難。開學初期，真係要日日陪阿女做功課，兩個星期又有一次小測，初時阿女都話好辛苦，因返學時間長左，功課並唔係太多(可能幼稚園時功課量都唔少，習慣了)，但佢又話返得好開心，約過左個半月左右，功課就由佢自己攪掂，佢做完就自己放好，我唔會去check功課的。我地並唔會為左功課以不和，因佢自己知道呢d係佢的責任，星期六日除左返興趣班之外，多數去圖書館，行街shopping，到公園玩下咁囉，冇乜特別

臭B

各位媽咪：

想問問你地對培僑有乜意見。

選擇同唔選擇呢間學校嘅原因係乜？

我對呢間學校很有興趣，因見到該校的＜外評報告＞中

“在14項學校表現指標中，7項獲教統局評定達優異級別
學與教被評為良好(全港只有2%獲此評級)，課程被評為優異”

評估得好好。好想聽聽其他人對呢間學校嘅意見。

謝謝！

cincin

Hi sandylaw, 我個女係正在讀聖道明(杏花村)k.3, 基本上現在佢都可以自己做功課(聽講話要人日日提佢才快d做), 因我要返工, 不可以督住佢. 說回小學, 如果佢派到舊基灣, 柴灣聖米迦勒或明德就發達啦. 雖然這些都是較傳統, 我相信校規嚴及有一定的功課量是好多於壞, d小朋友太得閒就會心散. cincin

sandylaw

cincin,

如果你將舊基灣放第一志願，相信你入到舊基灣的機會好大，因為好多讀聖道明的小朋友，在叩門時都會成功的。

cincin

Hi sandylaw, 真係?! 那樣便太好了, 我大伯佢女都在舊基灣讀緊p.4, 但無任何分數(因不是親生家姐), 希望我個女加埋幸運可以入到(因統一派位全講運數), by the way, 你兩個小朋友在哪裡讀幼稚園?西灣河明我?! 學緊什麼興趣班? 讀泥聽下?! 我個女學緊珠心算, 快要終止學了(因小學的課外活動較多,到時可能無時間兼顧)和綱琴. 你呢?! cincin

sandylaw

cincin,

有個堂家姐睇住都好，起碼小息時都有人照顧下，我女開頭入學，一個舊同學都冇，果時我好擔心佢，成日問佢放小息有咩做，佢就話一個人週圍行黎行去，好似好孤獨咁 。我兩個女都係讀保良局幼稚園，並唔係讀明我，大女巳經學完珠心算，學完加減就冇再俾佢學lu，兩姊妹剛剛上完英文拼音，以家諗住學奧數，同埋大女會在學校打羽毛球。上到小學課外活動都有好多選擇，但好多都競爭激烈，你想學都唔一定有位學架

cincin

Hi,sandylaw, 我都聽講個小學內的課外活動競爭都幾激烈,但唔知點爭法呢?!定係先報名先得?! 學奧數好呀, 你知嗎我為了想了解什麼是奧數,所以上左一個奧數老師班(因我想知道個女會學d什麼和看看我可以做到什麼協助),嘩,奧數都幾難架!除非對數字敏感或個小朋友喜歡想東西,尋根究底,否則未必個個小朋友容易接受...anyway,學數可以刺激腦筋活動,好事, 好事.
不如講下細B,你個細女讀緊幼稚園?我那個想今年比佢開始讀N班(得2歲),基本上我比左好少時間比細那個, 因我大部份的時間比左家姐,細那個都好少理,唯有想比佢早D返學,學下東西,玩下, 時間實在不夠用...

Hey, sandylaw, may I know u are a full-time mom or a working mom ? I guess u are a full-time mom, am I right ?! cincin

sandylaw

cincin,

係啊！我係全職媽媽 之前都有返工既，但覺得請工人唔係咁好，生左第三個女之後，就專心湊女lu。其實我覺得在職媽媽好辛苦，放工返屋企經巳好累(有些仲要煮埋飯)，在睡前的2,3個鐘頭裡，仲要爭取時間同小朋友溫習，又不能只顧溫習，仲要和他們講故事玩遊戲，到小朋友睡了，自己巳經累到唔想再郁了。所以話媽媽真偉大呢！

課外活動其實係抽籤既，並唔係先報先得。你上成人奧數班嗎？咁樣可能會太深，你知唔知奧數初期係教d乜架？我以家都15/16，驚太早俾阿女學，學完又怕佢唔明，請你俾些意見啦。
講返個細女，我細女都係兩歲，今年會入讀幼稚園讀k1，我同你一樣都冇乜栽培個細女 ，都係專注在大女身上，所以我都係俾佢早些入學，唔駛成日癡住我。

cincin

Hi sandylaw, 恭喜你有3位千金, 將來挨大曬1個2個嫁曬時又多3個半邊仔(女婿)回來添... just kidding ! 我幾時都話鍾意女多過仔
講返奧數, 我覺得是深的, 大人同細路都是深只不過是程度唔同, 其實坊間有公文數/學林數等等, 你會唔會了解和比較多一點才幫個女去選擇較適合她的?! anyway,大前提是要個小朋友有d興趣, 這樣上堂和學習的成效會"雙得益章".
唉! 做阿媽的每日都好趕時間, 食飯>做功課>溫習>遊戲>講故事, 簡直放左工返屋企仲忙個返工 !!! anyway,我們大家都要加油呀 !   cincin

sandylaw

cincin ,

hi！我都係鐘意女多過仔，生仔癡老婆的     

我大女對數學最有興趣，當我同佢地傾報數學班時，大女諗都唔駛諗即刻就話好，但第二個女話唔制，她喜歡畫畫，可能找呢類既班俾佢上。以家d小朋友興趣班真係有好多種，要選適合自己小朋友都唔易，要考慮程度適唔適合，時間就唔就到，有冇興趣，學完有咩得益，煩死 :tongue:

各位媽媽真係要努力，到d小朋友長大成人時，我地就嘆世界，弄孫為樂      實左想得太長遠了     
早些去訓覺發下夢先

cincin

Hi sandylaw, 你都幾夜瞓?! 不過要你一個人照顧曬3位大小姐和1位大少(your husband)都好辛苦,你真勁! 既然你個大女對數學最咁有興趣,相信她在奧數會有一定的成就!!比佢試下啦?! 我個大女較喜歡走來走去,坐唔定,學珠心算學了大約半年說不學了,算啦,我想反正到小學我都會比佢停珠心算,現在當比佢玩下先(驚遲d太多功課無時間玩),不過佢學珠心算期間,個腦袋真係轉得快d. 另外,我想請教下,遲d統一派位有結果,萬一派不到心儀的學校就要叩門, 請問叩門要帶d什麼,請舉例, 謝! cincin

cincin

Hi motherchan, 細閱你所說的內容後,這位老師真係有d"無離頭", 你試過告訴校長嗎(相信校長無理由唔知),但是點解d咁嘅都有得升職?! 該位重病小朋友的家長又怎樣反應?! 無論如何,這樣對小朋友的心態上不平衡的?! cincin

SK1

motherchan
我朋友的兒子去年面試時己領過.個主任問題多多又故意勾難.其實好多家長都講佢地既小朋友係丘佐榮讀到死死下.功課很多又深.
有一個家長告訴我,她以前曾在丘佐榮做,該校只是band 2頭.校長都對僱員唔好,點會對學生好呢?為了超越基灣,所以係咁谷學生.
所以我一定唔會送個仔入去送死.

sandylaw

之前都有朋友講過丘佐榮的校長係唔理學業成績差的學生，係眼眉都唔睇下果隻，連校長都係咁，主任又點會識收斂，投訴黎都冇用

sandylaw

cincin,

hi！我未試過叩門，詳細情況就唔係太清楚，我只係知道要profile,校長推薦信,自薦信，仲有要去取叩門form，好多人會在派位結果公佈前，去心儀小學交一份profile先，等校長對你位小朋友有印象，令佢知道你好有誠意，你亦都可以試下，但有些校長未必會收架