聖羅撤 vs 協恩

nyako

龍馬媽媽:

請恕本人唐突了, 想請間其實有20分去考協小,機會是否都很微呢? 又請問若果問人借地址,危險嗎? 容易被政府查出嗎?

謝謝

龍馬媽媽 寫道:
agree, 今年有人選第一位都入唔到

[quote]農甫官小放乙三會浪費第三志願, 叩門冇選頭三位都有得in 架!

[/quote]

校長

我想問下，其實協恩小學是英小還是中小

小學是傳統學校，多唔多功課，多唔多默書測驗

  

cameo

其實幼稚園可以考,所以兩間幼稚園都預早睇定派表時間去拎表報名,睇吓自己入唔入到,
我個女而家係st.rose小二生,早早已心儀協恩,所以當年亦有去報協恩幼稚園,雖然我個女係大女(1月尾出世,基本差幾日已係高一級了),interview時亦已讀過nursery及讀緊k.1,一般面試對答亦唔難(我女當時話問d好簡單的問題,如一堆物件當中揀番相同的一對出嚟),我記得當時interview時係一入到去指定課室,老師問一問咩名,即拖小朋友到其他課室,無時間俾小朋友摟摟拎拎,但我個女都好合作拖住老師走左,不過都一樣無second in機會呀,但我唔清楚係咪重有其他咩原因啦,不過可以肯定係,當時都真係多人去協恩幼稚園報名,當中留意到唔少係有家姐讀緊(因見到有家長同老師打招呼啊),學位不多,所以一定難入!
我女而家讀緊st.rose小學,因為同幼稚園一齊,所以都收到風今年報幼稚園人數好多!唔知係咪而家34網合拼後多左人爭,所以比起前兩年難入左,相對d家長又會早d為升小一而舖路!
不過我都覺得,若而家已對呢兩間學校有意,咁入佢地幼稚園係舖路好方法,兩所學校由幼稚園,小學,到中學都係好學校呢~

BBTWIN 寫道:
我對孖b現時１５個月大，黎緊１０月份我要開始向各大幼稚園取form.　心水係協恩/聖羅撒．而自己果區又屬於３４網，所以好希望兩個小女可以入到呢兩間幼稚園，對將來入小學會有些微幫助．所以見倒呢個topic都急不及待入黎聽取各家長意見．其實３４網o既學校都唔太差，１５間學校起碼有８間聽過．而且相對會對女生著數d, 我個侄仔原本都想用３４網報，但沒有我亞婦o既心儀男校．反而呢個網對我兩個女有利．起碼少o左要借地址去報好o既小學校網o既煩惱．

BBTWIN

Cameo,

好多謝你提供寶貴o既意見．我兩個b係９月尾出世，所以都算係細女．到今年９月份先至２歲．我都怕佢地應付唔到interview. 加上平時唔係我湊，幫我地湊o既人又唔識train佢地（我姑奶唔識英文），所以好坦白講佢地而家真係一個英文字母都唔識，我真係好怕到時會影響interview.　呢兩間係好學校，無論點樣都會多人爭．不過有時都要睇運氣，我見到有d媽咪話個女interview時接近完美o既表現都只係waiting list,　有d表現平平又可以做正取生，所以世時無絕對．而家只希望佢兩個到時表現好d再加d運氣啦．

為o左保險起見，我諗我都會另外同佢地in多２至３間，根德園都係我心水之列，不過最衰佢唔轉做非牟利啦，我兩個b學費加雜費分分鐘月月過萬．都咪話唔金．   

唔好意思，我有d離題tim.   

TWMa

校長 寫道:
我想問下，其實協恩小學是英小還是中小

小學是傳統學校，多唔多功課，多唔多默書測驗

  

協恩小除英文堂外, 其餘科目的教學語言是中文.
英文堂需全英對話, 每星期另有兩堂 Oral. 小四開始, 英文會依學生程度, 分 4 個 Level 上課, 根據學校剛出爐的發展計畫, 中文及數學科也會在小五時分4個 Level 上課, 中文科則是會有一班以普通話授課.
協恩小低年班的教學方式應該屬傳統結合活動教學模式, 全年兩測兩考, 至於默書、測驗、功課算不算多, 真是很難回答, 每個家長的感受不太相同.
相較於其他同事的小孩, 協恩小的默書不算多, 不是每星期都有中英默書, 小一上學期中默6次, 英默多一兩次吧, 測考時也不需再默書, 主張活學活用, 尤其著重理解、表達和寫作的能力.
功課方面, 我囡一般1小時內可完成, 多則1.5小時.
協恩固然對學科有要求, 亦注重全人發展, 這才是令人欣賞的地方.  

BBTWIN

TWMa,

好多謝你o既分享，聽你o甘講完我就更加嚮往協小．我諗o係協小o既同學仔都會讀得好開心．我都好怕d只會著重學科成績o既學校．亞女辛苦時我地d家長仲辛苦．   

校長

TWMA
多謝分享 真係好詳細  ，妳真好人

想8下，
你囡囡現在讀幾年班呀
當年是第一輪還是第二輪入學呀
其實第一有幾多位呢？因小一只得4班 :-|

TWMa

校長 寫道:

你囡囡現在讀幾年班呀
當年是第一輪還是第二輪入學呀
其實第一有幾多位呢？因小一只得4班 :-|

協恩小每一級是3班, 非4班
去年和今年第一輪都是 48 個位, 第二輪 45 個位
去年第一輪的 48 個學額, 有 2x 屬必收生學額, 其餘的給20分以上的申請者抽.
我囡沒分, 是第二輪抽入的, 現只是一年級, 所以只能分享僅僅所知的.

BBTWIN

TWMa,

你說是第二輪抽入的, 那你的女兒真是幸運了.     

校長

TWMA
唔該妳 究竟一班有幾人呢   

TWMa

唔該妳 究竟一班有幾人呢   

一年級每班 35 人

szema

我有位朋友都問過我同樣的問題，「協恩好啲，定聖羅撤好啲」，我唔清楚聖羅撤如何，只可以分享一下小女協恩的學習生活。

小女今年小一，如TWMa所言，功課一點也不多，課外活動也是自由參加的，她一上小一很快就能適應，每日都開開心心的返學，她對學校很有歸屬感。

至於默書測驗，說多不多，說少也不算少，英文科上學期有6次默書，3次Quiz，1次進度評估+1次總結評估(即期考)，數學科也有3、4次小測，1次進度評估+1次總結評估，中文默書6次，1次進度評估+1次總結評估，加埋3-4次時事常識測試 :cry: ，其實真的不算少，不過我自己平日會盡量按學習進度同囡囡溫習，好過到考試先慢慢溫，所以也不算辛苦。好似啱啱過完的期考，正因為平時要小測，令她可以持續地溫習， 囡囡同我都不覺得今次的考試難捱；不過，對於同要上班的父母而言，個人認為會比較吃力。不過，現今的大部份的學校，分別可能不大啊！

我自己反而不太著眼於協恩是否最top，我揀協恩，是因為囡囡性格有點倔強，對自己有要求，她可以在很傳統的學校讀書，但如果她嫌做得不夠好的話，她自己會唔開心，所以我揀協恩，學習介乎傳統與活動之間，強調小朋友全面發展，可以讓囡囡學習從不同的角度看事物，而且協恩是基督教學校，對小朋友靈育十分重視，校風淳樸。在這裡，囡囡可以從學校生活學到的，不單是書本上的知識，還有友際間的互助互信，建立自信，正確的人生態度。


TWMa,

你啲資料好詳細啊！是否在家教會中得知的呢？下年我都想會盡量抽時間參加吓家教會先得喇。        

TWMa

szema:
Long time no see/chat .
妳話我的資料詳細, 係唔係指中文同數學科會好似英文科般分 level 上堂, 以及會有一班中文科以普通話授課? 妳上學校網址, 搵到學校未來三年的發展計劃便可睇到.
雖然d資料來源唔係家教會, 但係家教會都值得家長們參與同支持既 (妳選委員, 我一定投妳一票), 會費50元, 開會有飲品同蛋糕吃, 參加家教會搞的旅行又有優惠, 幾抵