升中家長舒壓站 =齊來吐吓苦水=

sorlo

我個女都有

刷牙求求其其症
做事不經大腦症
討厭家長依依哦哦正
做事欠條理症
嚴重EQ 失調症   

2bzmummy

唔駛寫喇, 大國手都醫唔掂呀 ........    

mimikitty28

佢地刷牙真是求其到你吾信, 你叫佢刷耐D計時啦, 佢就將個牙刷放在同一位置刷下刷下, 就一路望住個電視, 真是激死

sorlo

我囡用電牙刷啦，　都永遠刷唔夠二月鐘

mimikitty28

佢都係, 但就要求早上用普通牙刷, 晚上先用電動牙刷, 因為佢覺得電動牙刷要成2分鐘先刷完好耐, 而早上因要趕住返學所以求其刷幾十秒, 但打機半個鐘都會嫌少的.

maba

典解我細果時無咁多問題架?

Silents

各位媽媽
同他溫書真是溫到沒氣。昨天我老公同他溫gramma, 他又全部唔記得晒，叫他做習題，又只是求其填。錯左一大半!!!
想問你地是點樣同你d仔女溫tense架?可否教下我地?
多謝各位同路人
  

mimikitty28

我會不斷比佢做, 做到我滿意為止, 有時佢會背答案, 我就改少少又比佢做, 錯左的就解釋比佢聽, 不斷的同佢講解, 做到張卷無錯為止, (幾百題的) 我就問番佢點解要填呢個答案, 睇下佢識吾識答. 會吾會係背答案, 呢個做法雖然好亞Q, 但不斷比佢做等佢知甚麼時候或見到甚麼字要用甚麼tense, 好似公文數一樣, 做到佢識為止,  

angelymama

[quote]
mimikitty28 寫道:
我會不斷比佢做, 做到我滿意為止, 有時佢會背答案, 我就改少少又比佢做, 錯左的就解釋比佢聽, 不斷的同佢講解, 做到張卷無錯為止, (幾百題的) 我就問番佢點解要填呢個答案, 睇下佢識吾識答. 會吾會係背答案, 呢個做法雖然好亞Q, 但不斷比佢做等佢知甚麼時候或見到甚麼字要用甚麼tense, 好似公文數一樣, 做到佢識為止,  

咁你個仔都好慘o者!!   

smum

mimikitty28 寫道:
我會不斷比佢做, 做到我滿意為止, 有時佢會背答案, 我就改少少又比佢做, 錯左的就解釋比佢聽, 不斷的同佢講解, 做到張卷無錯為止, (幾百題的) 我就問番佢點解要填呢個答案, 睇下佢識吾識答. 會吾會係背答案, 呢個做法雖然好亞Q, 但不斷比佢做等佢知甚麼時候或見到甚麼字要用甚麼tense, 好似公文數一樣, 做到佢識為止,  

佢仲肯同你做(幾百題的), 你真幸運!
我果個做幾條都已'衣衣呀呀', 求求其其,錯漏百出......

NancyFelix

如果事先知道要做咁多"(幾百題的)", 我個仔會謝晒又唔肯做 , 出來的結果一定做得比平時的水準差.

平時我都係先要佢學識去識別用邊種tense先, 例如見到now, at present, look!, listen!,...就用continuous tense, 見到everyday, often,....等就用present...等等, 要佢先記左方法, 跟住叫佢做時要圈出key words(即上述的字, 同he, she, they,...等等, 之後先寫答案.  每次佢跟足方法做, 一個練習最多錯2-3題.  唔跟就慘囉, 可以錯一半或以上.  所以次次佢考試, 測驗前我都要威脅佢, 如果派番來的卷, 我見唔到佢有做呢d步驟而又錯左, 我就會罰佢 .  佢先會記得做.  係唔係衰啦, 點講道理都唔肯小心做, 係要咁樣逼先得嘅.    都唔明佢地點唸嘅.

echo123

非常同意, 不過最慘既係 唔係係考到某個分數你就係band 1, 而係要考到某個名次之前, 否則任你全科A都無用, 唉.

mimikitty28

照咁睇, 我個衰仔都幾聽話, 不過我都覺得你講得對, 但教小朋友都是各施各法, 佢吾反對成績又ok我都會繼續咁對佢.

sorlo

echo123 寫道:
非常同意, 不過最慘既係 唔係係考到某個分數你就係band 1, 而係要考到某個名次之前, 否則任你全科A都無用, 唉.

YES, 一定要考到某個名次而唔係要某個分數   

rclamlam

總之叫小朋友盡力啦, 佢地既表現好失常架, 你估唔到可以咁好, 亦估唔到可以咁差, 係呈分試尤其分數好近, 所以話擔心, 但係唔可以比小朋友知, 唔係佢地都會好大壓力.

Silents

多謝各位提供的方法，我會比他做，做到他認為止。
有沒專門tense課外練習介紹呀?如果有介紹pm比我呀。
等我聴日去買。
  :-x

bibifong

practice is the best method but could not be too tough or you might scared him.    If possible ask him to do 1 to 2 exercises every week.   You may try the exercise published by 'SUCCESS'.

NancyFelix

Silents

請收pm.

mimikitty28

其實不止攻tenses, 我覺得comprehension都要谷, 因為tenses只佔10零分, 我見上次我個仔測驗, 閱讀理解反而佔幾重, 都吾知點算, 越諗越驚

0120

各位:
我都很同意你地既意見！讀好書固然重要, 但小朋友千萬不能學壞，家庭溫暖好緊要，很多D家長冇同小朋友溝通，成日吾理佢地,又吾陪伴佢地，小朋友有心事又吾知吾問，所以佢地就O願出街吾鐘意返家。