有無人有屯門70區內之心水學校提供

Ding

cmsm

如果你諗住入屯小..咁攞住 20 分已經有 99% 入到..  

cmsm 寫道:
健朗媽咪

原來係該小學的畢業生....10分, 嘩!  我係畢業生喎!
(我係屯官小)
適齡的兒童(開學時滿5歲8個月)....10分, 嘩!  阿女都係喎!
咁計阿女都已經有20分囉!  如再加8分未有28分囉!
係唔係一要張佢放係第一志願先有用, 放次選或再之後位置仲計唔計分?
我是否要好好利用呢?

cmsm

健朗媽咪,

吓 ! 咁麻煩 ! 咁就真係要搵番出黎先得囉!
1/ 我想問填表時是否要交住址証明呢?
2/ 我係租既, 所以只係得上網 or cable tv既單得唔得？
3/另外雖然阿媽住隔離村，但係ｄ單一樣唔係用我個名登記喎，都一樣得ｄ手提電話，銀行信喎！
4/同埋依家好多單都轉哂用e-mail，咁可唔可以上網既e-mail單print番出黎用得嗎?

花花

健朗媽咪 :

我都係响屯門大, 果時由大興邨坐校車去青山天小返學, 好開心架.  我想因為果時學位少, 好多人要跨邨返學啦. 而家, 我就係找唔到保母車資料, 下星期要交表, 個 c6 又話唔係定有冇校車就不要填這間.

cmsm :

至於, 我點解要選志豪, 一來我喜歡佢校舍, 資源充足, 係我 concern 之一, 參觀時老師比我感覺很好, 好清楚自己教科目的targets or 目標.   二來, 它近我屋企, 因我快要生第二個小朋友, 我媽媽會幫我照顧, 唔想佢太辛苦, 我個鐘點又唔可以幫我接個女, 所以比較麻煩.   我d 朋友佢地有仔女讀小學果d, 又叫我唔好選太遠, 佢地經驗係, 有時小朋友忘記帶野, 上課外活動或因要參加比賽而操練要遲放學時, 要家長接送, 便好困難, 話慢慢我就感受到啦! 仲笑我, 而家讀小學唔同我地以前啦, 好忙架.  所以我冇辦法下, 為有先選志豪.

不過, 我有樣野好欣賞志豪, 係佢地對 p1-p3 英文 program, 或鼓勵reading 文化,  可能我响英國讀書和生活過, 佢地當地學校係好鼓勵reading (閱讀), 她們用故事書上堂, , 我參觀左 4-5 間屯門小學, 有d 都推行 reading 計劃, 但冇志豪咁有系統.  可惜, 佢地全校得一位英藉老師就差d.  不過, 我唔會依賴學校教我個囡英文, 中文同普通話就要啦, 唔係我強項嘛!

健朗媽咪

cmsm

咁你要快d搵la, 不過就算唔見咗, 你寫信去, 清楚寫明邊年畢業, 畢業時班別.....都好快比到張証明書比你, 我上次由我寄信到學校寄証明書到比我都唔駛一個禮拜就攪掂

交表時要交埋住址証明, 租單/稅單/月結單應該都可以,電話可能要固網先得,詳情你要問下幼稚園的老師, 我都唔係好清楚邊d單得, 淨係知水/電/煤/差响是但一樣都得, 同埋一定要有正負本

cmsm

健朗媽咪

１�以我所記得好似當時學校係無俾畢業証書我地，如果用當時最後個期ｄ成績表或手冊得唔得？
２�住址証明又係一個好丁頭痛既問題，可能都要用番阿媽個先得？
３�你頭先話你都係係屯官畢業，邊年呀？我係８９年！
４�頭先上小學概覽睇過發現有一間可能係新校，佢仲未有屬於自己既校網，唔知你有無聽過呢？係－保良局香港道教聯合會圓玄小學，地址：屯門青山公路青海圍２６號（置樂花園側）

cmsm

Ding

其實屯官係我心水之中排第二ｏｒ三位，第一位係兆霖，因我鍾意佢英普教學，但我又驚阿女跟唔上，接住係何壽基因為係屋企樓下好近，我都唔知點排佢地ｄ位置好！１２３，３２１，２１３，２３１．．．．．煩！

Ding

cmsm

地址證明只接受水/電/媒/差餉單據..電話只可以用固網電話費單.. 如租屋就要有已蓋 stamp 的租約. 銀行 statement 唔接受. 交 form 時要正副本一齊交去該小學..佢地會即時核對..所以最好早少少去交.. 萬一有文件漏左都有時間返屋企攞..

Almaz

保良局香港道教聯合會圓玄小學是直資,不受校網管轄.

cmsm

Ding

死啦！ 全部住址証明都無喎！屋企係識人租，所以係無合約，莫講話stamp啦！
水/電/媒/差餉單據/固網電話費單都無，點算！
依家屋企都有用固網電話但唔係用我個名登記，用先生個名登記得唔得？
用我個名填表就有２０分，用老公個名填表就有１５分！
阿媽屋企個ｄ都無用我個名，得銀行信！
點算？點算？點算？點算？           

Ding

cmsm

唔洗擔心喎..用老公個名填都有 20 分..因為個10分係可以由 父/母是但一方取得.. 如果你老公填表.. 父/母畢業果一欄咪填你個名 .. 因為有出世紙證明你係母親身份

cmsm 寫道:
Ding

死啦！ 全部住址証明都無喎！屋企係識人租，所以係無合約，莫講話stamp啦！
水/電/媒/差餉單據/固網電話費單都無，點算！
依家屋企都有用固網電話但唔係用我個名登記，用先生個名登記得唔得？
用我個名填表就有２０分，用老公個名填表就有１５分！
阿媽屋企個ｄ都無用我個名，得銀行信！
點算？點算？點算？點算？           

cmsm

Ding

啊        ！
咁都好ｄ，但係依家好多電訊公司都轉哂唔出月結單，係用e-mail形式，咁又唔知得唔得呢？
print e-mail個ｄ單出黎得唔得呢？
又或是要我向該公司俾錢出一張俾我呢？
固網電話個家義係點？我屋企有裝電話不過係vfone，有no.,唔係一般既電訊盈科喎，係和記！

Ding

cmsm

用 email 單得唔得就要問下間小學.. 固網電話即係有線電話.. 有電話線入屋果種.. 唔一定要 pccw .. 其他固網電訊公司都得 .. 最後如果真係無自己名的住址證明.. 唯有搵你媽咪以監護人身份同小朋友去申請.. 不過之後所有文件都要你媽咪簽.. 到上左小一先改地址 ..

健朗媽咪

cmsm 寫道:
Ding

其實屯官係我心水之中排第二ｏｒ三位，第一位係兆霖，因我鍾意佢英普教學，但我又驚阿女跟唔上，接住係何壽基因為係屋企樓下好近，我都唔知點排佢地ｄ位置好！１２３，３２１，２１３，２３１．．．．．煩！

cmsm

屯官由03年開始三年級有分兩文三語班, 如果讀兩文三語班, 中文同常識科用普通話教, 如果你小朋友跟得上就可以報讀

但係如果你想用全英普上課, 就要揀兆霖

仲有, 學校無理由無比畢業証書你, 我當年都有, 不過唔見咗, 我諗你多數都係唔見咗, 唔係無比你, 如果你有最後張成績表, 你可以影印寄比學校, 等佢地幫你查返, 因為成績表未必得, 叫佢寫張証明穩陣d, 又唔駛好多時間, 不過要比$2.8(寄去及回郵的郵票 )

wtmaggie

要比水費單、電話費單、煤氣費單等，手提電話費單好似唔得！

flyingpigpig

有無認識梁周上,可否告知.

cmsm

健朗媽咪 & Ding

真係Thank you哂! 你地既幫忙啦!
      
我會攪番張畢業証書同住址證明啦!

另外可唔可以幫幫忙收吓風"何壽基"既資料呀!
因為近屋企都好想選, 但係無人俾到我資料我呀!
      

健朗媽咪

cmsm 寫道:
健朗媽咪 & Ding

真係Thank you哂! 你地既幫忙啦!
      
我會攪番張畢業証書同住址證明啦!

另外可唔可以幫幫忙收吓風"何壽基"既資料呀!
因為近屋企都好想選, 但係無人俾到我資料我呀!
      

cmsm :

你可以打去問下幾時會有參觀活動, 因為佢都成日有呢d活動, 我上次去完參觀, 留咗d資料比佢地, 佢地間唔中都會寄d資料比我, 你可以問下, 佢地電話係24556111

Almaz

我在小學概覽看到兆霖小學全校只有8班,全校只有2百多人,小一只有2x人,會否殺校?

睡覺

你打電話俾佢地校長丫，佢地會好老實咁解釋俾你聽架喇。(d老師已係好多人都認同非常有愛心的。)
至於剎校，之前我都問過li個問題架喇，我都同左佢地校長、副校長和主任傾過幾次喇。你問下睇下佢地點答啦﹗
佢地係小班，一班只可以有二十多人。
正式黎講，佢地今年小一而加先至係第二屆黎。今年才開始實施英普。

Almaz 寫道:
我在小學概覽看到兆霖小學全校只有8班,全校只有2百多人,小一只有2x人,會否殺校?

cmsm

有無人有良景村萬慈小學既資料或意見呀！