有過來人可給我一些意見嗎？

shelbylks28

回覆 sabsab122 的帖子


NAIS, FIS, GSIS 太whitewashed係指咩？請教

aidan08

wing19850808 發表於 25-3-31 22:54
ESF 學生流動量太大,估計好多成績叻既係後來加入, 由local school入去
你上網睇睇有幾間(CDNIS, VSA, CIS等 ...

你嘅訊息同我見到嘅有好大差別！
我仔舊年考完IGCSE, 成績出嚟令我好surprised. 身邊由細到大讀ESF的，好多好好成績，我哋認識全A的全部都係由Year 1讀上來。反而local school 轉過來的成績普通。其中我識一個local band 1轉過來（其實絕大部份轉過來的都係Band 1學生），仲要考到好差，一個A都無。佢哋差別在英文真係同從小讀上來的有分別。

我仔都係由細讀ESF讀到大，佢只考八科，七科9*。從小無點谷佢，大部分都係學校學番來，小學完全唔需要操心。中學有補習，不過仍然好多運動，唔係書呆子。一齊由小學升上來的同學，大部分好自律，成績好。

仲有，呢幾年我識嘅家長朋友，仔女做咗IB狀元的，全部都係ESF從小讀到大。學校係會內部介紹返狀元學生的背景。基本上，年年都係從小讀到大的佔多數㗎。

aidan08

「路路」 發表於 25-3-31 15:09
er...感覺家長你又過於理想同保護孩子，即使你去任何邊一間學校，一樣都有人講粗口即使香港傳統名 ...

同意。其實我都贊成樓主轉校，唔係因為覺得英基唔好，而係樓主本身理念同英基好唔同，無謂一路讀一路不滿。

英基本身就係好包容，容許小朋友有自己步伐發展，唔提倡學術上的競爭，尤其小學階段，只有認同呢個理念，唔信奉贏在起跑綫的家長先會讀得開心。其實上到中學佢哋都唔會吹捧讀書叻的學生，IGCSE考全科A*的學生，學校係提都唔會提，無人care. 只有去到IB打大佬，真係高中狀元先有得亮相吓。我好欣賞學校呢個理念，而且真係咁多年都做得到，無用呢樣野去激發學生競爭，幫學校去攞好成績。我覺得係因為佢哋嘅理念好根深蒂固，真真正正認為每個人都有自己的長處，讀書叻唔代表一切。而且，根據我咁多年經驗，佢哋真係好重視學生well being, 好認真去處理，我仔由year 1讀到就畢業，真係無見到欺凌，好多事一開頭已經處理得好好。


讀唔讀到書，講真，好睇天資同自律。我認識的英基家長真係無唔緊張小朋友學習嘅人，只係可能程度有異。如果自己係好緊張學快學慢，又會嫌周圍嘅人拖慢你進度呢D mindset, 其實真係好唔適合讀英基。


我好友個仔從小讀英基，而我好友算係唔緊張，由得個仔自然發展，唔催谷的的家長, 唔係唔關心個仔，而係個仔性格太強，佢搞唔掂。呢個仔從小難搞，細個成績亦平平無奇，仲有D行為問題。但去到IGCSE突然發力，好好成績。而家IB predicted 44分。成績可以突飛猛進，行為人品唔知去到咁大個有冇改善。只係想講，如果你緊張成績，會認為有D小朋友拖慢你小朋友進度，不滿其他家長太hea嘅家長，小學階段咁早已經標籤其他小朋友，都係去搵返嗰D所謂selective school, 去你認為安全舒服的環境好好保護個女，會對你同其他esf 家長都好。

sabsab122

aidan08 發表於 25-4-1 23:56
同意。其實我都贊成樓主轉校，唔係因為覺得英基唔好，而係樓主本身理念同英基好唔同，無謂一路讀一路不滿 ...

有些小朋友從小性格鮮明，很有自己一套，不易受影響，但有些小朋友性格無所謂，易受朋輩影響，會模仿其他人言行。
ESF 因non-selective 而多SEN / 行為問題/父母管不到的孩子是事實，
不過是我主觀的label 。
ESF很適合你孩子，那很好。


但有些孩子的確能從小就坐定定學習，
你指的「所謂的selective」，
我們的離開對其它家長都好是什麼意思？我們有在騷擾到別人嗎？
雖說討論區是匿名的，但也請保持禮貌和尊重，
謝謝。

sabsab122

shelbylks28 發表於 25-4-1 22:31
回覆 sabsab122 的帖子

太多外國人，白人社會化

aidan08

sabsab122 發表於 25-4-2 05:15
有些小朋友從小性格鮮明，很有自己一套，不易受影響，但有些小朋友性格無所謂，易受朋輩影響，會模仿其他 ...

令你誤會了唔好意思。對其他家長都係好嘅意思係，我諗無家長會對自己小朋友影響咗其他小朋友感到開心，如果你認為其他小朋友拖慢你女進度，label 其他小朋友有問題，我相信嗰D家長若果知道你有咁嘅感覺，都唔會覺得開心。而且，人嘅思想或多或少會反映在待人處事上，我都希望嗰D你認為佢哋D小朋友有問題的家長感受唔到。講到尊重，其實都要建基於同理心。

本來包容、有教無類、因材施教都係十分之好的教育理念，仲要保持到成績，現在已經好少學校做得到，但原來你會覺得呢堆教育理念累咗你小朋友，咁轉校唔係對大家都好嗎？


仲有，性格鮮唔鮮明，曳定乖的小朋友，其實年紀小時都易受人影響，基本上無一例外。家長點教其實係關鍵。小朋友條路咁長，教佢點樣唔會被其他人影響，做自己認為啱嘅事，都係家長的責任同修為。為佢剷除曬影響佢嘅人，又係唔係好？呢D都係見仁見智。事實係你去到邊間學校，其實都會遇到一D無咁乖的小朋友，我大仔細個時，就有全班最調皮嗰個同學轉咗去CDNIS, 又有一個成日講大話的轉去CIS，其實，佢哋都只係小朋友，好多改善空間。對咁細個小朋友，包容都係體現對佢哋同其家長的尊重。將來長大，呢個社會都係乜人都有。

「路路」

aidan08 發表於 25-4-1 23:56
同意。其實我都贊成樓主轉校，唔係因為覺得英基唔好，而係樓主本身理念同英基好唔同，無謂一路讀一路不滿 ...

我無意抬高或者貶低任何一間學校，好似ESF：Every student to be the best they can be 相比CKY：Every child is good at something，理念口號字面上可能有唔同，但宗旨都係希望發揮小朋友所長，培育成材，而能力許可下有邊個家長唔想比「最好」嘅小朋友？然而每個人對「最好」都會有唔同睇法，A覺得「最好」嘅就係排名、B認為朋輩環境最緊要、C就why not both，無對與錯，所以我覺得樓主有轉校呢個諗法無錯，只係要有心理準備即使去到另一間IS，都可能出現「世界原來不像你預期」者。

「路路」

sabsab122 發表於 25-4-2 05:15
有些小朋友從小性格鮮明，很有自己一套，不易受影響，但有些小朋友性格無所謂，易受朋輩影響，會模仿其他 ...

呢樣真，每個小朋友都係獨一無二，加埋成長嘅環境、父母嘅教育方式不同，就有好多不同combination，「近朱者赤、近墨者黑」，唔係都唔會有孟母三遷，都明白樓主concern嘅野；好似我哋自己小朋友咁，細個原本讀緊VEO，讀讀下發覺唔對路，感覺佢有啲無心向學因為佢話太淺，於是就幫佢轉LH，但係係因為VEO唔好咩？如果真係咁唔好，就唔會咁多分校又咁多人讀，唔係學校唔好，只係自己小朋友唔適合間學校，況且無人會比父母更了解小朋友習性，所以將心比己，絕對尊重樓主決定。

964000

wing19850808 發表於 25-3-31 22:54
ESF 學生流動量太大,估計好多成績叻既係後來加入, 由local school入去
你上網睇睇有幾間(CDNIS, VSA, CIS等 ...

都唔係，ESF本身都唔多人走，相信只有少部份係外來local 插班生，而且有D初初來仲要追英文，口語present 又比較內斂，不用高估佢哋嘅優勢。
也不要睇少自細IS的小朋友，叻個班真係好叻，我身邊好多由細睇到佢地大入神科和英美TopU都有，佢哋嘅叻真係唔係只靠操券谷出來，仲要又醒目又talk得，真係好優秀。
其實叻嘅人係乜嘢學校都叻係真嘅，學生家庭和學校加埋的結果，選校要視乎小朋友特質和家長expectation, 像樓主不喜歡白人文化又想學好中文，覺得ESF唔fit, 趁細個轉校亦無不可。
用人不疑，疑人勿用，學校也是一樣。

aidan08

964000 發表於 25-4-2 15:14
都唔係，ESF本身都唔多人走，相信只有少部份係外來local 插班生，而且有D初初來仲要追英文，口語present  ...

完全同你觀察的一樣。我原本都以為LS band 1 操開會有學術上的優勢，但事實上一個IGCSE 讓我見到情況完全唔係咁。好多LS 轉過來的都考得麻麻。可能本身要求的讀書方式都唔一樣。LS嗰班最明顯不及IS嘅真係口語present ，IS 沉大的學生嗰份自信係會表現唔同。我仔學校規定要考一科Global Citizenship, 呢科無得讀，平時英文好同習慣表達自己意見嘅學生會有優勢，LS操卷死讀係無幫助。

現今仍有家長認為IS細路曳D，學術程度無咁高，其實真係好落後的睇法。IS嗰班高材生，好多唔只識讀書，仲好presentable 同開朗，有國際視野。我大仔一齊長大的同學，真係九成九都好純品，有禮貌又陽光，同LS的細路比較，佢哋無咁古惑，好單純，可能一直在一個唔鼓勵競爭的環境長大，無咁勾心鬥角，而且好識欣賞有唔同才能嘅人，唔會話覺得只有讀書叻先值得欣賞。

「路路」

aidan08 發表於 25-4-2 16:18
完全同你觀察的一樣。我原本都以為LS band 1 操開會有學術上的優勢，但事實上一個IGCSE 讓我見到情況完全 ...

因為有好多唔係為左學制而轉，反而係讀唔掂LS於是轉去IS，諗住坊間成日都講IS易過LS，就幫小朋友轉跑道，見唔少呢啲例子，唔係淨係ESF出現咁嘅情形，正如樓上所講：讀得掂嘅去到邊度都讀得掂，不過淨係講學術高低，客觀咁講我會佩服DSE狀元 > IB狀元，IB 嘅assessment太多走盞位，考卷難度亦都唔夠DSE難，當然你可以話咁嘅制度 train部考試機器出黎無用，但現實唔係個個有能力、有得揀行邊條路，而且本身國際學校已經做左一個最基本嘅「篩選」，DSE嘅學生同樣有優秀嘅一群，假如當有一日隔離住公居嘅陳師奶個仔都讀緊IB，成班都係咁嘅大多數，我相信你睇到或者諗嘅野又會唔同。

aidan08

「路路」 發表於 25-4-2 17:28
因為有好多唔係為左學制而轉，反而係讀唔掂LS於是轉去IS，諗住坊間成日都講IS易過LS，就幫小朋友轉跑道，見 ...

關於IB定DSE較難，其實好多客觀分析，去問Deep Seek 已經可以好理性咁分析。IB 廣度更大，要求接近大學水平，而DSE 理科難度明顯較IB低。呢個係大數據嘅分析。

IB絕對係唔易讀，而且要求全能型，除英數，語言、科學、社科都要涵蓋，對偏科學生一定較難，而事實上，偏科的人係佔大多數。所以，IB狀元係名符其實全能型學生。IB兩年課程，係考驗學生持續的抗壓能力，因為唔係一試定輸贏，每科大量的寫作，報告，而且都會評分，仲有課外活動，對時間管理要求極高。論文同報告水平的要求更係大學程度。

覺得DSE較難的人，觀念應該係比較傳統，認為只有學術先估量到一個人的能力高低，而且著眼於除咗正式考筆試之外，其他計分的項目係可以外援。事實上，IB考驗學生嘅係多方面的能力。環觀而家世界各地的大學對IB考生都另眼相看，係因為呢個試提前訓練咗學生入讀大學所需要的技能。


你話到咗人人可以讀IB時，我可能會有唔同睇法。我絕對認同IB除咗考學生學術能力之外，亦都係鬥緊資源。提供唔到資源嘅家庭，的確係無咁優勢。但係，IS已經基本上全部都係有能力付出更多資源的家庭，仍然有唔少人考得未如理想。仲有，無論資源優勢有幾影響考試結果，但都唔影響客觀上IB考試的難度、廣度和對學術以外多方面能力的考驗嘅事實。

964000

aidan08 發表於 25-4-2 18:02
關於IB定DSE較難，其實好多客觀分析，去問Deep Seek 已經可以好理性咁分析。IB 廣度更大，要求接近大學水 ...

其實都唔使比較IB定DSE難，都係睇個細佬因素例如中文強揀DSE有優勢，又睇寫作能力，鍾意計平時分定臨尾沖等，IB成個過程要兼顧好多嘢，我覺得都好overwhelming。
DSE狀元一定比IB full marks難因為派*比例少，A level 派得仲鬆，不過其實對入U冇大影響，大學收生會adjust番。
不過以我讀完大學又出嚟做野咁耐觀察，見到IB學到嘅skills的確有用，就算將來唔考學定都好。
講到最後都係目標為本，睇吓邊個制度對自己最有利咪揀個樣。

RainyRice

其實我一開始對ESF都有很多顧慮，但也認識頗多朋友孩子讀ESF，你提到的反而不是我當初擔心的。
關於SEN：一位朋友孩子是SEN,但因為父母努力和支援，小朋友可以融入主流，.能夠入讀非Sarah Roe的學生應該都已經經過評估，朋友孩子小學一兩年之後已經好正常，反而學術某些方面很強。
學術milestones：其實IB模式(甚至其他模式的國際)學校，就是要以啟發和互動教學去引導和提起小朋友自主學習的興趣。當時因為老師上課導讀，朋友孩子Y2已經讀Chocolate Factory而且好有興趣去讀更多作者的其他書。其實六歲寫幾多字唔係最重要，選擇ESF的家長要嘗試注重思考/分析/溝通/合作等能力多於學術上識寫多少字、作文寫幾長、數學幾時學識加減乘除。
不過我都有聽朋友講到，有時班上學生能力差距大，老師要關顧比較落後的學生，可能忽略了已經達標的同學。但他也提到小朋友只要符合到學校課程要求其實已經足夠。

留意EK各位前輩的文章和帖一段時間，加上自己的經驗，我覺得作為IB模式/國際教學的家長，最重要是多個孩子閱讀、觀察和討論，也要多觀察孩子，了解孩子在學校的情況並適當時候作出支援。
不是說學術上的milestone唔重要，而是不用擔心需要超前。但老師如果教了某個概念，作為家長也可以和孩子多討論和複習，確保小朋友能夠掌握相關知識或概念。
我是緊張大師，可能跟得比某些家長朋友更加緊；而同樣有外國長大的、在學術上非常放手的朋友，由於小朋友資優而且非常有興趣，他們也會讓孩子去上enrichment課程。

aidan08

964000 發表於 25-4-2 19:12
其實都唔使比較IB定DSE難，反正都係睇個細佬因素例如中文強揀DSE有優勢，又睇寫作能力，鍾意計平時分定臨 ...

你講嘅都係事實，DSE 派*係少好多，做狀元係難嘅。不過，我自己傳統學校出身，會考、高考考得好的都係同一類人，精於應付個考試制度，簡單來講係讀書叻。我接觸過嘅IB狀元就可以係好多類型。我更佩服IB高材生嗰兩年又要讀書，又要兼顧各科論文、課外活動的時間管理能力，完全係高強度的multitasking 。呢D訓練對日後讀大學及出來工作係相當有用。

「路路」

aidan08 發表於 25-4-2 18:02
關於IB定DSE較難，其實好多客觀分析，去問Deep Seek 已經可以好理性咁分析。IB 廣度更大，要求接近大學水 ...

點解我會話DSE狀元>IB狀元，因為我好了解IB玩法，IB學生只要財力雄厚已經佔咗上風，大把IA、EE可以搵我哋呢啲補習老師幫手，考paper一樣咪操，7分根本難度比唔上DSE 5* 已經唔講5**，所以我成日話IB學生只要英文夠好，點會搞唔掂IBDP，最多拎唔足45分者，反而DSE 果種考核競爭完全係唔合理哋難，我係佩服經過呢個制度嘅狀元而唔係DSE個制度，唔駛用DeepSeek果啲分析，我自己有個45分IB狀元，佢揀咗入港大醫科，最後讀唔掂轉左去讀心理學，咁唔通反映IB有問題？我會話叻嘅小朋友讀得掂DSE，唔會搞唔掂IB，相反讀得掂IB，你叫佢去讀DSE，死9成，重申唔係話緊DSE好 IB差，而係話有得揀一定係取易不取難，IB、IAL都唔揀DSE

sabsab122

RainyRice 發表於 25-4-2 19:30
其實我一開始對ESF都有很多顧慮，但也認識頗多朋友孩子讀ESF，你提到的反而不是我當初擔心的。
關於SEN：一 ...

請問你當初讀ESF 擔心的是什麼呢？我又覺得ESF 除了non selective 以外，其他方面都很好，尤其是develop soft skill。
請問現在孩子中學了嗎？
他小時候是屬於那一類型的？謝謝分享。

sabsab122

「路路」 發表於 25-4-2 20:02
點解我會話DSE狀元>IB狀元，因為我好了解IB玩法，IB學生只要財力雄厚已經佔咗上風，大把IA、EE可以搵我哋呢 ...

謝謝分享。請問什麼是IA, EE?
請問IB 鬥財力的意思，是鬥補習嗎？

sabsab122

其實我一開始提及的concerns,

包括騷擾別人嘅行為，例如lunch box 吐口水、強吻、除褲、打人，好大部份都係來自啲外國人，而國際校好多時嘅做法都係太過protect privacy , 選擇淡化。睇開歐美新聞就知，好多時外國人對於慣犯係包容，連名同後果都唔會講，淨係話你五歲小朋友喺學校受到呢啲騷擾有點受傷了，沒有大礙的，而家同你講聲。

而且衛生標準唔同，成日生頭虱，大病初瘉又唔俾戴口罩，所以我先至話唔想再讀啲太過西化的國際嘅學校。但其實我係buy 自主學習，不想spoon feed, 所以從來冇考慮過本地學校，連少少似本地嗰種瘋狂催谷都唔想。

而這個決定，考慮成績只是其中一個因素。

當然好多人都唔介意呢啲衛生同埋行為問題，覺得出邊個真實社會就係咁，適者生存。但都係嗰句，容忍能力大家唔同，我們讀了幾年也在努力適應。

但同時我亦有反思，想間學校大愛包容，但對於學生行為和成績又要有一定要求，兩者是否很矛盾呢？

這裏已經有人答了我，似乎SIS /VSA 是做到的。唯一的問題就只是很難考入。尤其係K1 已開始讀ESF的 要中文有這兩間雙語學校的中文水平真係唔容易，有咩妙法大家可以分享下。

另外，多謝大家討論公開試的話題，很有啟發性，有不同觀點的歡迎繼續理性討論。

木子兔媽媽

Keep中文，我答

1. 有兄弟姊妹讀local school, 成家人用同講中文
2. 1-1 補習中文/上同local 1樣中文班
3. 讀local school 到小四以上先轉IS