蔡繼有vs港同vs英華vs高主教

964000

lambeanmama 發表於 22-6-17 06:32
其實你咁講真係無錯的，不過如果選校是咁簡單一個二元線圖計計學費和畢業升學結果，便不會有咁多家長仍然 ...

對，揀學校不是咁簡單只計學費和結果，當中過程享唔享受欣唔欣賞（包括家長），設不設合家庭（冇理由成家勞師動衆），小朋友性格mindset，眼界胸襟，都好重要，其實今時今日入大學都不是咁難。

azure7689

Sing13 發表於 22-6-16 23:53
優才開辦IB才幾耐，人數少，可以投入既資源能有幾多，亦交到成績，有趣既例子
我覺得優才不需要挑選學生 ...

其他post有家長提過，IB成績除咗睇平均分仲要睇syllabus。優才嘅bi-lingual係Chinese A 加 English B，英文程度較淺所以成績分數未必可以直接同CKY考 Chinese A 加 English A 比較。純粹指出個分數嘅比較，當然外國頂尖大學亦可能接受English B嘅學生。
https://gtcollege.edu.hk/international-baccalaureate/

如果睇學費，英國day school私校六、七千磅一個term，一年二萬磅，似乎都遠超CKY水平。

myhappylife

原來可以take 多過一間直資offer?
不過呢種做法都係唔鼓勵，快快放位，可能令多幾個家長放下心頭大石好好享受嚟緊既暑假！

deco99

Sing13 發表於 22-6-16 07:48
我認為港同，英華，蔡繼有都是同一級既學校.由IB成績睇，明顯spcc，DBS高一級，蔡繼有同優才真道相若. 港同 ...

我始終唔認同只睇IB成績，因為單講中/英文考A定B都可爭2-3分，同埋有無揀考生又有唔同，始終都有「實用主義者」為取高分而揀B考，有些本地學校英文根本無A可揀。

另外，學習過程都好重要，cky同你講嘅另外幾間風格爭好遠，cky係似IS嘅LS，學校氛圍寬鬆好多，英文接近母語教法，中文都同LS好唔同。

利申，cky同你提到嘅另外一間用家，所以有比較。

回答樓主，我建議你揀港同或英華，因為我覺得諗到而家都未決定，可能唔係好鍾意cky style。我都覺得cky有小小被神化，但佢都幾獨特，如果真係鍾意根本唔難揀，1516嘅家長都係鍾意傳統學校。

keep-calm

Leonardo3 發表於 22-6-15 10:29
小兒有以上四間學校的Offer（CKY, HKUGA, YW, RC)
小兒沒有細佬妹跟尾，地點不限。

CKY要讀得如魚得水，需要家長真心認同及配合學校教育理念及模式，通常呢啲家長收到CKY offer 已經無慮即決。

不過近年CKY 喺升小家長群中等同「神校」，變成好多人明明比較鍾情傳統教學，但唔捨得放棄offer 。

我諗你最後都係要問清楚自己，究竟你嘅家庭教育理念及支援、小朋友的性格及學習模式 比較適合邊間。

keep-calm

deco99 發表於 22-6-17 10:22
我始終唔認同只睇IB成績，因為單講中/英文考A定B都可爭2-3分，同埋有無揀考生又有唔同，始終都有「實用主 ...

認同
識得有人一心鍾情傳統神校，升小一有CKY offer 但turn down 咗，去讀三私，之後再如願插班到傳統神校。目標清晰。

993rs

Vana 發表於 22-6-16 23:27
我諗 kimlam953 主要想講某 d cky 老師漠視/不懂得處理學生問題

因為我朋友正正就係面對呢個問題，又係小 ...

我明 kimlam 講乜，但個個 case 都唔同。
好似早排 zoom 左一段長時間，d小朋友開始系 private chat 度亂講野，家長、老師差唔多同步出聲出 email 控制。我自己小朋友跟另一位同學有拗撬，都分別被老師捉去 1:1 zoom 了解。

咁老師 cater 到我唔等於 cater 到所有人。我上面只係分享個 big picture 比較幾間認識較深既學校，就 handle bullying 來講，我覺得 CKY 較好。

或者咁講，CKY 既 PTA 於我認識既學校相對係好強勢，可以想像家長既 involvement。而校方對家長既回應相對係快，家長間亦好 helpful，而且雙班主任情況下，所以我覺得總會有解決既渠道（唔好誤會有什麼 PTA/校方角力之類政治野 XD）

lambeanmama

keep-calm 發表於 22-6-17 11:50
認同
識得有人一心鍾情傳統神校，升小一有CKY offer 但turn down 咗，去讀三私，之後再如願插班到傳統神校 ...

所以我覺得樓主最後應該揀英華；英華很好；級頭20名都能更上一層樓；樓主俾心機幫下小朋友或可如願登頂；即使最終未能成功，英華書院也很不錯呢。

993rs

deco99 發表於 22-6-17 10:22
我始終唔認同只睇IB成績，因為單講中/英文考A定B都可爭2-3分，同埋有無揀考生又有唔同，始終都有「實用主 ...

樓主唔會係揀 CKY 既家長 type。


既然小朋友「喜歡表達和具幽默感」，應該享受 spotlight。而又「擅長運動和音樂」，咁無理由唔 take YW 、插 DB

YW 於運動/音樂界既氣勢，遲d可能同 DB、LS 三國鼎立，港同唔係呢種。

kitkit89

993rs 發表於 22-6-17 12:29
樓主唔會係揀 CKY 既家長 type。

好同意，港同小一二冇測考，以插班能力，的確英華更勝一籌！（明顯樓主志不在這幾間）

jbbmom

DSE : 港同, 男女校, 重啟發, 一條龍上band 1A中學IB : CKY

Jean1769

993rs 發表於 22-6-17 12:29
樓主唔會係揀 CKY 既家長 type。

同意，跟本不是buy CKY的家長。佢應該會年年插班插到得。（亂估）

lambeanmama

993rs 發表於 22-6-17 12:29
樓主唔會係揀 CKY 既家長 type。

我地非英雄但也所見略同呀。CKY/港同也不似是「佢杯茶」。讀英華，努力谷一谷，插DB；或升中考入SPCC；玩得讀得又插班得.... 其實，英華是合乎樓主要求的。

jaagor

留名等睇樓主幾時放位&情歸何處

Kakapa

回覆 993rs 的帖子

認同，身邊有人讀英華，小朋友返學都好開心，小朋友又玩得又讀得！
音樂同體育方面都係好強，經常拎獎。

加上近來書院嘅成績都理想，就算小學唔跳船，留係書院都不錯既選擇！

deco99

993rs 發表於 22-6-17 12:29
樓主唔會係揀 CKY 既家長 type。

有道理，我都希望樓主快啲放位，我早年都只留一個，其它無註冊，cky waiting到好心焦

補充多句，我小朋友都擅長音樂體育，喺cky有校隊/樂團我已好滿意，因為我係同IS比，傳統學校唔係我杯茶。

Jean1769

deco99 發表於 22-6-18 08:17
有道理，我都希望樓主快啲放位，我早年都只留一個，其它無註冊，cky waiting到好心焦

補充多句，我小朋友 ...

ischool無校隊樂團咩？

deco99

Jean1769 發表於 22-6-18 08:26
ischool無校隊樂團咩？

間間唔同，cky有管弦樂團，windband，敲擊樂團，合唱團等等，運動方面也好多校隊。唔想引發爭議，但我周圍識嘅讀is嘅大多無咁多活動，唔會參加校際比賽之類，本地傳統名校最熱衷呢類活動，cky無咁睇重但都較多機會。

JojoDad

Janww 發表於 22-6-15 12:29
CKY我覺得有被神化 IB分高 但大學placement一般 並沒有和IB分數成正比 http://cky.edu.hk/wp-content/uploa ...

我朋友個仔讀緊，話成日俾D馬騮入左學校 騷擾。如果係我，會楝港同/英華。

993rs

deco99 發表於 22-6-18 12:06
間間唔同，cky有管弦樂團，windband，敲擊樂團，合唱團等等，運動方面也好多校隊。唔想引發爭議，但我周圍 ...

CKY 樂團、sports、ECA 係好豐富，不過氣氛較 free。
YW 係要贏、更要贏 spotlight。朋友個仔音樂有d天份，家長話成為學校「得獎機器」，佢都有d微言覺得好似係學可以唔返，但樂團練習唔可以唔返。

我另小朋友 IS 都好多活動，但真係當 hobbies，好少會玩 local school 校際，有都應該係玩返 IS 圍內校際（年資淺唔肯定）。