小一英文要求太高

PSKLAI

wongtw 發表於 22-2-2 12:08
一星期外補二堂可能會差少少，堂數多不如讀私幼好過因為不用煩。卷幼唔追求學術但求識聽識英文係有可能， ...

卷幼呢類校內私補多唔多人參加?大班教學定小班?

PSKLAI

piglover 發表於 22-2-2 14:43
個人感覺，力追一線的小學，一定係谷過一線津。

基本上，除非係龍校，否則，無龍嘅直資，私小，津小，家 ...

有冇力追一線既學校例子?如果平時因學業而令屋企家嘈屋閉或者令家長嘔心瀝血, 咁係令小朋友成材的必經皆段, 定係家長夾硬死谷, 最後都係傷了全家感情, 小朋友又討厭學習, 得不償失？

Raccch

我有兩個小朋友，一個讀出名英文私幼，一個讀券幼。本來打咗好多字，但係都刪了講精華算了。
讀乜學校、邊度補習、屋企點教、小朋友本身發展程度好多好多因素都會影響小朋友的程度。家長需要做的就係觀察小朋友邊方面不足去幫助佢，俾佢信心不要放棄佢。有啲小朋友就發展慢半拍，身邊個個都得佢就係未得，但係過幾年望返轉頭其實佢都冇問題只係慢啲。

wongtw

PSKLAI 發表於 22-2-2 23:11
卷幼呢類校內私補多唔多人參加?大班教學定小班?

未試過報唔到，只知道2個人都開班，1個人就取消，咁應該係唔算多人報。太耐唔係好記得詳細每班人數，好似係8,10或12個人一組，視乎那一類班，一般活動興趣班，PE，球類，書畫，音樂呢啲好似係12人，中英數或者拼音班教學類應該係8-10人。

piglover

PSKLAI 發表於 22-2-2 23:31
有冇力追一線既學校例子?如果平時因學業而令屋企家嘈屋閉或者令家長嘔心瀝血, 咁係令小朋友成材的必經皆段, ...

香港嘅教育制度係咁，所以，有家長選擇外判比補習。改變不了環境，唯有叫你朋友改變一下自己的心態，不要太在意成績，叫小朋友盡力做就好啦。

tummypooh

英語流利程度呢家嘢，咩叫流利先？
我要求係佢可以同以英語為母語的小朋友溝通到玩到就可以了。

我女小二，英文冇私補，冇功課班，我亦都冇工人。大人英文零，我係本土長大冇去過外國生活。阿女係幼稚園時玩左一年 馬騮班。佢好細過時大人成日要我同女講英文，又迫我女講英文，我好抗拒，因為咁樣會影響佢發問。

我做法係做某啲活動或某段時間講英文。自己唔係Native就唔好教壞佢，俾多啲外國節目佢睇(有人會認為睇電視youtube係妖魔鬼怪，係的話唔好理我)，佢而家識啲字地道過我。

所以小朋友識講英文唔一定要用好多錢，係你點俾個環境佢去接觸同用所學的語言。

PSKLAI

tummypooh 發表於 22-2-4 11:27
英語流利程度呢家嘢，咩叫流利先？
我要求係佢可以同以英語為母語的小朋友溝通到玩到就可以了。

你俾YouTube小朋友睇, 其他人點樣話你唔啱?有冇例子你小朋友講一啲詞語/俚語/句子係impress 到你?

PSKLAI

Raccch 發表於 22-2-3 11:51
我有兩個小朋友，一個讀出名英文私幼，一個讀券幼。本來打咗好多字，但係都刪了講精華算了。
讀乜學校、邊 ...

點解會有一英幼但另一就卷幼安排?你既經驗看
有乜分別?

PSKLAI

piglover 發表於 22-2-3 14:27
香港嘅教育制度係咁，所以，有家長選擇外判比補習。改變不了環境，唯有叫你朋友改變一下自己的心態，不要 ...

改變心態真係唔易
唔上EK睇, 心虛自己乜都唔識
一上EK睇, 更覺自己乜都唔識
現代家長嗰份鬥心, 策略
真係睇到自己汗顏

piglover

PSKLAI 發表於 22-2-4 13:02
改變心態真係唔易
唔上EK睇, 心虛自己乜都唔識
一上EK睇, 更覺自己乜都唔識

上得EK嘅家長，都係對小朋友學術係有要求嘅。你睇呢度，就死得㗎啦。呢度嘅家長眼中，得神校，名校才是學校。

出面有好多普通要求，正正常常，而又無上EK嘅家長，你群多d她地，就發現世界的另一面。

evitasing

英文水平要求！


應該主要是睇家長怎樣看待「英文」學習背後的意義、重要性。


～有人會係EFL, 有人係ESL, 就算家長係土生土長香港人, 有些家庭/小朋友都係全英語的環境長大，這些小朋友根本唔會出現小學用英語溝通唔到既問題！


～有些家長可能會為左考小


～另外，唔同性質的學校英語要求唔同，eg. 全中>全英>IS


～宏觀@其實應該最主要係而家教育制度、社會的進步、競爭性、教養的改革(eg. 早教、語言學習等)、英語的普及性，比起我們當年，已不能同日而語！微觀@資源、教材、父母相對肯付出係小朋友的時間、教養的方法等亦大不同


～看似小朋友在教養下學習成長，不如說父母在教養孩子中，重新學習，把「自己」看得更清楚，與小朋友同步學習，才能幫助小朋友有效學習！


～語言學習@黃金期是0-6歲，最佳時間@0-3歲！語境、生活化、趣味性、language partner是關鍵！但學習最終的終點是學已至用！不為考試，不為他人！如果學完用唔到，可能要思考幾個問題
～學習時間
～學左啲咩
～學習方法有無問題


～家長多檢討多了解多體驗，合適自己小朋友的方法，沒有一定的方程式！不用羡慕他人！亦不用汗顏！想清楚心目中自己想小朋友成為一個「怎麼樣」的人，了解多一些小朋友的性格、偏好、興趣、強弱項，會更有效幫助「他」學習成長！多元學習+愉快學習>應用於生活之中！


(我地家長都係英文有限公司，工人出世用到23個月，18個月上過幾個月playgroup /Preschool class, 小朋友first language 係英文, 而家＋26個月同時應用到三個語言！家長有時間、有心機，可以做到好多野！)

Raccch

回覆 PSKLAI 的帖子

比較兩個小朋友K2時期：大的小朋友月份上算係細B，人又老實啲，所以佢K2個時廣東話都唔講多句，英文直頭係抗拒唔肯同我講。細個個月份比家姐大半年，依家K2同菲傭以及NET交談個時已經可以清楚流利表達到自己，講嘢聽嘢中英切換冇難度。


兩個小朋友都係廣東話為母語，不過湊既人同湊既方法有啲唔同，同樣K2時期反而細個讀劵幼既英文仲流利過讀私幼既大個個，所以我都係覺得小朋友本身特質同點樣湊影響大啲。

不過大個間私幼都唔係流，當年好多同學英文都好流利，只係我的小朋友發展可能跟唔上。到初小慢慢就發現小朋友英文閱讀同寫作都幾好，都係當年幼稚園打下的基礎。

wongtw

tummypooh 發表於 22-2-4 11:27
英語流利程度呢家嘢，咩叫流利先？
我要求係佢可以同以英語為母語的小朋友溝通到玩到就可以了。

youtube呢把雙刃劍利用得好確實係犀利，你小朋友英文科離級頭三應不遠，再係咁睇落去，到時要理的應該是中文。

tummypooh

回覆 wongtw 的帖子

哈哈，佢有咁勁就好。只係識聽識講，考試輕輕鬆鬆不高不低不過有一點好認同，中文真係好大鑊~~~

wongtw

回覆 tummypooh 的帖子

看來還未開放自由模式，只是單向接收，雖然每個小朋友都不同，但以前人情況睇，還是拖到四年級後開放較好，讓中文字庫增加，不致太差，給多些時間去找中文的興趣，開放後LV一般係升得到好快，到呈分時亦可能從中找到自己喜愛的科目。

b3410

PSKLAI 發表於 22-1-29 16:23
要求小朋友可以流利地跟老師以英文交談係咪一般要求?

我以為是升中面試

b3410

PSKLAI 發表於 22-1-31 10:45
明白曬
非常多謝大家嘅意見同鼓勵
暫時我得到嘅結論就係

唔駛驚，係EK要求高
或者你d朋友要求比較高。

或者如果你的目標係考神校或者熱門直私。

小朋友各自發展速度唔同，有早熟，遲熟。早慧的小朋友初初可能樣樣叻，不過遲發力的一樣可以好快追到。

心急都冇用，順其自然。

PSKLAI

呢類題目, 我自問真係唔能夠極速肯定係想我答乜.
I have 3 toy cars. _____are very big.


冇頭冇尾咁問, 我真係可能會答錯晒

E.g.
Their wheels
Their head lights
Their seats

因為我覺得有太多可能性

PSKLAI

PSKLAI 發表於 22-2-6 23:43
呢類題目, 我自問真係唔能夠極速肯定係想我答乜.
I have 3 toy cars. _____are very big.

但係真係學術型小朋友係即刻答啱而我見過小學補習老師點教小朋友
極速圈題目keyword,
嗰種好熟練地知你想我答乜嘅能力係強大

Rtonon

PSKLAI 發表於 22-2-6 23:43
呢類題目, 我自問真係唔能夠極速肯定係想我答乜.
I have 3 toy cars. _____are very big.

依條問題我小朋友幼稚園時老師有教過

I have 3 toy cars. There are very big.