Dbs vs CKY

jbbmom

如果英文口音係重點, 咁cky好似比較適合

twhkleung

jbbmom 發表於 21-12-28 12:24
如果英文口音係重點, 咁cky好似比較適合

agree. 在香港，英文始終分兩種，一種for 考試，即英文可拿5**，grammar可以好好，好似年年話考唔到第一都唔开心果位，你听到佢英文講得幾好，但一听就知本地人。第二類係日常生活英文，dse可能冇5**，但你合埋眼尼听，以為係鬼佬講嘢，d鬼佬重要城日問你边度來？係咪來HK出差？哩種英語考dse好可能拿唔到5**嫁。
但係，講得通，听得明咪0K羅！呵呵

964000

decelerate 發表於 21-12-28 09:53
我見本地幼稚園升ESF 入咗Grade1 (=k3)幾個月 ，口音有翻天覆地的改變。所以我對CKY有較大的大期望。想查證 ...

口音除了老師，朋輩間互相也大影響，ESF比較多native/near native/ABC小朋友，local school始終都係non native多, 而且初小後比較難大改。

Missmeeow

想知口音真如此重要嗎？
英國各地的口音都唔同，美國亦是. 澳洲都有澳洲口音.
印度人講英文都不會因為口音問題而自卑，一樣都非常presentable.
為何華人容不得有華人口音？
只有一點需要在意，即係思維方式唔同.

Ann201403

CKY 英文,數學,Science, music 全部係英文, 同學間多以英文溝通, 家長反而最擔心係中文同普通話Presentation! 所以不如擔心中文好過啦，IB中文唔淺嫁，CKY 唔比中文考Second language 嫁

twhkleung

Missmeeow 發表於 21-12-28 16:54
想知口音真如此重要嗎？
英國各地的口音都唔同，美國亦是. 澳洲都有澳洲口音.
印度人講英文都不會因為口音 ...

係囉！成日俾人笑我地d广東式普通話口音。唔好理人咁多啦，種之你講到，人地又听得明咪得囉。

deco99

decelerate 發表於 21-12-28 09:53
我見本地幼稚園升ESF 入咗Grade1 (=k3)幾個月 ，口音有翻天覆地的改變。所以我對CKY有較大的大期望。想查證 ...

我個人感覺cky小朋友英文好過視頻好多，我識幾個y3-y5，都係鬼佬口音。

我估呢幾年變化好大，諗下十年前cky無咁熱門、幼稚園小朋友英文水平可能無咁叻。校長都話建校初期好多小朋友都聽唔明英文老師講乜，依家反而要著重中文。其實ib學校唔好只睇分數，cky九成以上畢業生中英文都考language A呢一條就足夠吸引，好似無其它學校做到咁（如有請指正）。language A 同B可以爭2-3分，所以我覺得cky成績真係幾好。

李大大

deco99 發表於 21-12-29 20:12
我個人感覺cky小朋友英文好過視頻好多，我識幾個y3-y5，都係鬼佬口音。

我估呢幾年變化好大，諗下十年前c ...

尤其近年入學的小朋友， 英文好多學生已經接近母語水平， 校網睇到創校校長分享近年學生既英文水平 同十年前 真係已經另一層次， 連校長都唔擔心學生英文，反而更想鼓勵學生 多看多說中文， 雙語都要係母語程度

2013skc

其實如果好想讀ib, 就無懸念，一定係揀cky. DB 最多都係1/3 去考ib, 而且，通常係最叻個批，所以相比之下，cky ib 成績係好唔錯。

windlam88

其實近呢幾年，小朋友英文水平提升咗好多，好多上小一前己學哂phonics, 睇書己睇chapter book,屋企又有語境( 雖然係菲 傭，但睇Netflix 己學唔少), 所以依家好多小學口語都唔錯，例如，英華( 上網聽到都ok),

但講到英文去到神级，唔係淨講同聽，讀同寫都緊要，尤其寫，要鍛煉多D，先至有神级。
所以, local school學生寫嘢好過IS，一D都唔出奇。

bbchu0316

lambeanmama 發表於 21-12-24 19:35
其實無論幾多人同你講cky 好，也不見得你能輕易放手男拔。計歷史、計人脈、計brotherhood等男拔明顯全勝。 ...

多謝你的看法。好中。

Cky 我很喜歡它的語境，及好多presentation 機會。我也很希望孩子能有 NET 囗音。我出黎做野，真係發覺 NET 囗音好重要。

Cky 我的憂慮的是教學笵圍好 loose, 我仔唔自覺，上堂亦唔留心 ， 我怕佢跟唔到課程。我怕如果跟唔到，到時要再轉校，除了IS 外，冇乜選擇。同埋想請問cky 德育及紀律培育會比較鬆嗎？

Db 我怕係欺凌問題，聞說欺凌嚴重，小朋友又寸。。。

老實講，DB 光環效應太大，好難放棄。不過DB 品格培養及欺凌問題是我最担心的地方。

多謝你的分享。

lambeanmama

bbchu0316 發表於 22-1-3 04:38
多謝你的看法。好中。

Cky 我很喜歡它的語境，及好多presentation 機會。我也很希望孩子能有 NET 囗音。 ...

就你提出關於cky的問題，我可分享一點看法：

先說語境，語境是無容置疑的。小一是粵教中；小二起普教中；我家庭語言是廣東話；小朋友在校是英普；學校playground language是英文。至於口音，我覺得有少少「睇個人」、「睇悟性」；我小朋友初小，我又不覺得是「鬼仔口音」；但又不算好重「華人口音」；總之是流利英語，與外國人溝通毫無障礙咁。但如希望以口音作選校考慮，建議你還是選國際學校。

再談課程問題。你說得很對，我個人覺得cky對初小學生的自律自學要求比基礎學術要求高。學校無電子家課冊，小朋友如果唔專心上堂，不用心寫手冊，真的可以甩晒所有野。但小一上學期，老師會每天檢查手冊，幫小朋友學習自我管理；小二時，小朋友有較大「自主權」，我小朋友會選擇性寫手冊。佢在校已完成的功課就不會寫落手冊了。專心上堂，是很重要的一環。只睇工作紙，好像學校很淺；但和小朋友傾吓，又發現佢地在學校其實討論很多的。我很欣賞學校在初小時對呢點嘅重視，其實在哪一間學校讀書，也需要慢慢建立正確而良好的學習態度。家長可以跟到幾多歲呢？難道初中還是在家長群中問功課嗎？

德育和紀律不覺得寛鬆，也不算太嚴。小朋友在課室內只要不影響課堂，站起身，伸伸腰也可以。但也不能說不嚴；有些課室規矩，老師也有要求。但肯定不是一定要你乖乖坐定定的風格。初小學生，睇落都普遍純品，唔覺有太多行為問題（起碼在我認知中也不覺有）。

睇吓有無其他更資深的家長補充。希望幫到你。

Vana

bbchu0316 發表於 22-1-3 04:38
多謝你的看法。好中。

Cky 我很喜歡它的語境，及好多presentation 機會。我也很希望孩子能有 NET 囗音。 ...

其實你對 DB 已經有咁差的既有印象，我諗你都係選擇另一 option 較好，以免日後發生任何擬似不快事件 你都會後悔同怨自己

lambeanmama

Vana 發表於 22-1-3 09:54
其實你對 DB 已經有咁差的既有印象，我諗你都係選擇另一 option 較好，以免日後發生任何擬似不快事件 你都 ...

咁樓主都係提出疑問。事實上，真係有好多「都市傳說」；很多事大家都講到似層層；我也「聽不少」；但聽返來的，又未經證實，不應再轉述；但作為家長，問多兩句，考慮多一點也很正常。

我覺得諗完樓主都係會揀DB的(emoji)

993rs

bbchu0316 發表於 22-1-3 04:38
多謝你的看法。好中。

Cky 我很喜歡它的語境，及好多presentation 機會。我也很希望孩子能有 NET 囗音。 ...

唔計個人興趣、家庭語景，CKY playground language 係英文，我小朋友連自言自語都係英文。不過每個家庭對口音有唔同追求，IS 版果邊家長部份係要求用到 slang、好地道既英/美英文，eg. AIS, CDNIS, GSIS, ESF；另外有個 post 提過既 CAIS 都未做到，我理解 CKY 再低一點。大約，單聽 conversation 唔睇樣， IS 學生你會覺得係外國人，CKY似係 ABC。

之前有家長 post 過條 youtube channel，我都好 surprised 原來 7年前班小朋友咁唔同，宜家初小果班相對流利好多。好多家長只留意到口音，但片段中小朋友既 presentation 其實內容好唔錯。我自己都跟過，唔易做：要處理時間管理、內容要 fruitful， presentation 要背晒份稿，咁多人前 present 又驚。初頭year 1 一年一個 science project， year 3 三科都有 project。

同 local curriculum 比，CKY 係 loose， IS 更 loose，如果呢個對你家庭係一個問題，我覺得疊埋心水讀 DB，CKY 轉返傳統好難，將來後悔 DB 轉返出去較易。當然，在我立場唔認為 CKY 叫淺，只係 focus 既野唔同，傳統學校可能專研緊 32 x ?0 = 640；CKY 可能專研緊 Vivaldi four seasons 點去欣嘗、理解唔同段落既感情；又或者傳統學校教緊 grammar、捉緊 spelling； CKY 喪睇書同時任你寫，最緊要寫到你所想，grammar、 spelling 先放下，睇得多、寫得多就會識（唔係唔教，小朋友 year 3 教 tenses，但一早已知咩時候用咩 tense）。

bbchu0316

Vana 發表於 22-1-3 09:54
其實你對 DB 已經有咁差的既有印象，我諗你都係選擇另一 option 較好，以免日後發生任何擬似不快事件 你都 ...

Hello Vana, 明白你係 DB 家長，聽完我咁講，會不快


認同樓上所講，各神校也有各自的都市傳說。希望你能多多向我們這班迷途家長透露一下真實情況。

多謝你。

Jean1769

lambeanmama 發表於 22-1-3 11:04
咁樓主都係提出疑問。事實上，真係有好多「都市傳說」；很多事大家都講到似層層；我也「聽不少」；但聽返 ...

唔駛諗，佢99.99%一定係揀DB

jbbmom

回覆 Jean1769 的帖子

始終係好多家長心目中spcc dbs dgs 才算神校，呢啲光環又真係好難捨得放棄

Vana

lambeanmama 發表於 22-1-3 11:04
咁樓主都係提出疑問。事實上，真係有好多「都市傳說」；很多事大家都講到似層層；我也「聽不少」；但聽返 ...

明白的，係我解釋得唔清楚 其實見之前都有唔同家長分享過有關，唔單止 DB， 我見其他學校都係， 我發覺好多家長對某啲學校都有好深嘅既有印象， 其實解釋嚟都冇乜用的 個人認為

一來一位家長見到嘅 ，接觸到既唔代表啲咩 (我指我自己) ， 二來都見身邊有唔少朋友有時入咗唔同學校都後悔.... 例如有朋友入其他學校之前既有印象學校課程太鬆散.... 入到學校又好多課程上不滿意 (其他學校), 所以我先有以上嘅回應

希望樓主唔好介意   同埋揀到合適小朋友既學校

Lomum

回覆 Vana 的帖子

非常同意. 同一件事, 唔同人既睇法都好唔同.