CKY vs LS

993rs

HappyBabyJump 發表於 20-6-10 10:18
LSPS有否用大量group or individual project、presentation、research and analysis...等等方法去input kno ...

大部份既學校都聲稱提供活動教學。但爸爸愛既可能唔係「input」果部份？local school 同 international stream 既其中一樣分別在於，後者比更大既空間給予小朋友消化接收左既 input，以及output 返出來

02413124

MrBeast 發表於 20-6-10 10:30
父母有時將自己unfinished biz 為選校criteria.  性格內向想變金牌c夷，有些成功有些失敗，雖然堅持是一種 ...

Yes,性格天生有時可以同化改變dd,但好難完全改變。再加上小朋友性格完美主義，所以又好難怪晒佢父母，因以我所知又唔係虎爸虎媽。

cafeva

MrBeast 發表於 20-6-10 10:30
父母有時將自己unfinished biz 為選校criteria.  性格內向想變金牌c夷，有些成功有些失敗，雖然堅持是一種 ...

睇EK 多都令人有迷失...

小曳人

HappyBabyJump 發表於 20-6-10 10:18
LSPS有否用大量group or individual project、presentation、research and analysis...等等方法去input kno ...

presentation, oral 有，考試分，show and tell 形式project, 常識同science 科，一學年，各一
但嚟緊3個學段，唔知點分配

小曳人

其實，要順住孩子性格，定係補佢嘅不足，真係好難講
但一般順住孩子，會比較開心，少d後悔機會，而補佢不足，要預咗唔對路就掉頭！

02413124

回覆 cafeva 的帖子

所以要時時提自己勿忘初衷

mingmingyinyin

如果係我，我會揀LS
我所認識讀CKY的，冇一個讀到尾(IB Diploma Stage), 一係轉去IS, 一係中學轉番去local school

當然就小學階段而言，CKY一定開心d，但上到Diploma Stage兩年，真係超忙、唔容易、幾辛苦下

無論如何，2間都好，恭喜晒！

巴士

我小朋友在CKY已經5年, 整體都喜歡返學, 學術上, 雖然沒有課本, 但學到的知識真係好廣, 不像傳統學校一樣, 跟課程教, 困在特定框架內, 返學目的是為了考試, 而CKY係有一套教學方法, 佢可以訓練到學生的探索技巧, 訓練他們的自信, CKY英文上與一般小學程度相差幾遠, 因為我細個果就係讀地區小學, 睇到分別, 中文方面亦一點都唔易, 今年其中一個主題就係講三國演義, 學生要分析戰爭成敗, 人物特質, 製作時報等

如何選擇我想要從多方面考量, 因為個個家庭不同, 目標不同, 我打算送他出國, 所以選CKY, 因為語境好, 中文程度唔會差過一般小學, 學費比國際學校平, 我對DSE確實沒有信心, 你睇下楊局長D仔女放在那讀書便知

02413124

不過我想補充，現在唔可以同以前比，我小朋友只係讀普通津小，一樣同我以前比相差十萬八千里

lovelovebabe

如經濟許可，CKY 升中唔使煩

HappyBabyJump

lovelovebabe 發表於 20-6-10 16:46
如經濟許可，CKY 升中唔使煩

如何帶領孩子讀IB，走一條自己未行嘅路，係唔容易㗎。又點會唔煩？

小曳人

一個考到入cky嘅小朋友，入到LS，升中都可以唔駛煩


當然，亦可以選擇去煩
LS現時policy係，只要有玩統一派位，乙一選LSC，成績達band 2 或以上，操行ok ，就會收返，而近年的確係收哂全部band 1+2，唔駛等叩門先收返

利申：大仔操行中下，無去煩報男女校喇....
細仔，應該會係九龍城band 2A人，我會報返1C/2A直資，如果唔收，咪直升囉....

poonseelai

HappyBabyJump 發表於 20-6-10 16:54
如何帶領孩子讀IB，走一條自己未行嘅路，係唔容易㗎。又點會唔煩？

係孩子讀書，為何要父母帶領？ib 理念不是正正要培養孩子自學？即使父母傳統制度出身，亦並不代表掌握今天學制，例如以前都無通識科。我以前曾問孩子 ib school 老師, 父母角色是什麼，特別係小學階段？簡單講係: show interest in their work, ask them to tell u what they are doing。其實孩子自學能力好高，有興趣Google 一個項目 "hole in the wall"，Dr Sugata 做的實驗好有趣

MrBeast

HappyBabyJump 發表於 20-6-10 16:54
如何帶領孩子讀IB，走一條自己未行嘅路，係唔容易㗎。又點會唔煩？

你的憂慮都可理解的，升班我相信唔難的，要好成績就可能要d effort.  不過度度都係咁ga la, 有直屬中學但邊緣人壓力點都會比龍校高

Kafather

我小朋友由名傳統學校插班去Cky, 今年叫做斷斷續續返咗半年學再加 online lesson, 作為家長嘅我, 小朋友自己亦講絕無後悔！ 學嘅知識廣泛和認識世界多咗，不再是抄背默寫讀， 語境和眼界大開， 小朋友變得肯去主動學習和求知，功課少咗時間多咗， 自己肯去搵嘢睇和學習， 情況類似國際學校，中文比較深d，但我見大部分小朋友讀書都係開開心心。
關於學費問題，如果沒有學費負擔， 我覺得你要諗一諗 你想小朋友喺幾十年嘅過程當中要乜嘢學習環境 氣氛下成長， 呢個先係最重要，Cky 或者國際學校 係用十幾年看小朋友回報，這就是價值， 唔係留返啲錢去補習或者學其他課外活動可以揾到。
所以作為家長一定要覺得佢地呢一套system係行得通， 不是用分數去衡量一個小朋友嘅 能力，初初可能你會覺得呢種模式好冇安全感， 因為普遍我哋都係由細傳統 教育長大， 分數排名就代表小朋友嘅一切， 可惜時代唔同咗， 家長們不應 再用以前嘅學習模式 去教導小朋友。

最後， 其實冇必要同轉統去比較， 因為真係兩種唔同模式， 各有長短， 當然最重要好睇小朋友係乜嘢性格， 因材施教。

Kettlechips

02413124 發表於 20-6-9 09:55
我就聽過有家話後悔簡CKY,因為小學PROJECT方便,家長鬥幫手,結果朋友都要落水

都識啲家長好投入幫小朋友做功課，project (emoji)

964000

mingmingyinyin 發表於 20-6-10 14:53
如果係我，我會揀LS
我所認識讀CKY的，冇一個讀到尾(IB Diploma Stage), 一係轉去IS, 一係中學轉番去local  ...

我識十個八個在CKY, 由小學到畢了業都有，其中有一個家長是band 1A學校老師，他們全部都很滿意。
中學的至少有三個巳達畢業年紀，有二個都讀到尾一個Y10出國，讀到尾的其中一個入medic, 另一個IB都43分。看它2019 IB都90+人考其實留校的人算多。

964000

Kettlechips 發表於 20-6-11 01:51
都識啲家長好投入幫小朋友做功課，project (emoji)

我都聽過一個在CKY的朋友說要幫高小的兒子做功課。
這個反而奇怪，是CKY才聽得多，我覺得可能太多local家長，不肯放手，咁人幫我唔幫又驚比下去，老師見既然做到又再比深D。
因為一般在IS，就算是project, D家長都不會幫的，老師會guide佢地點做，大家一起唔幫就冇事，D小朋友本身亦係唔鐘意家長指手劃腳。

HappyBabyJump

Kafather 發表於 20-6-11 01:27
我小朋友由名傳統學校插班去Cky, 今年叫做斷斷續續返咗半年學再加 online lesson, 作為家長嘅我, 小朋友自 ...

估計你係一位爸爸，我老公也是這樣想⋯⋯但我哋返學係為咗學習「過程」還是達到「目標」!?萬一得到「過程」，卻得不到「目標」，哪怎麼辦？出國留學考返個學位？
始終我自己不願意孩子離我哋身邊。另外，讀私校已經花了一大筆錢。

為什麼安排由名傳統插班去CKY?

HappyBabyJump

964000 發表於 20-6-11 07:03
我識十個八個在CKY, 由小學到畢了業都有，其中有一個家長是band 1A學校老師，他們全部都很滿意。
中學的至 ...

佢哋好叻！可惜身邊沒有朋友讀CKY，未能好好交流和了解。