遺失小六呈分試卷需全級重考

rulerL

我認為個老師係超錯！

呈分試卷係唔應該帶離學校去進行評分，無論校方有否默許這行為，作為一個負責任老師，都唔應該咁做。咁做除咗會有遺失的機會（依家事實上亦發生咗），另外如果俾家長知道，亦會引發家長疑慮：個老師會唔會對某啲試卷答案作出修改呢？雖則話要改動嘅喺學校都可以做，但學校有咁多教職員喺度，你最多可能只能夠作些微改動，而你依家帶咗出去，要作大改特改慢慢改點改都得啦。

rulerL

呈分試卷係小朋友賴以升中嘅重要文件，呈分成績係小朋友同家長6年、可能係9年嘅心血結晶，你依家話唔見咗（仲要兩日後才去報案），跟住搞到有關嘅小朋友要重考，之前考得差嘅可能會多謝你，但考得好嘅依家就要擔心，唔知可唔可以再次考得好啦。你話依家點呢？

b3410

chun媽 發表於 19-3-29 20:49
好認同你的看法，從來無聽過老師回家改呈分試卷是違規或違法。以前A -level或會考年代，全部卷都係老師回 ...

我就覺得如果之前無規定呈分卷唔可以拎返屋企改，今次出咗問題，又唔可以捉住老師唔放過。不過學校可能要考慮將來改善制度，考試之後俾時間老師，可以在學校完成改卷。例如考試之後放一日半日。老師唔使返屋企做工作，學生多一日玩，學校完善機制。三贏！

yovin

王家爸爸 發表於 19-3-29 14:55
如果你做過老師，你就知道唔攞試卷返屋企改，基本上係無可能準時改完。不過個老師咁大頭蝦，真係少見啲。 ...

以後， 老師要好似解款員咁， 戴上手銬 扣住個喼。 咁就包保萬無一失啦！

王家爸爸

依媽 發表於 19-3-29 18:00
咁請問有無人知,如果係校內嘅考試或測驗卷唔見,又係咪會重考呢?
事關好似未聽過有新聞,或者討論區嘅爸爸媽 ...

非呈分卷只影響校內成績，只要學校唔派返啲卷，校內考試卷、測驗卷唔見咗根本無人會知道。

王家爸爸

jumphigh 發表於 19-3-29 12:29
正是， 所以我奇怪上面唔少網友都指責老師點解帶卷離校， 但係老師要帶工作返屋企做， 呢個其實係歷久以來 ...

如果人人都咁醒，世界就少好多麻煩。講真，未做過真係未必知道有幾忙。

王家爸爸

jumphigh 發表於 19-3-29 12:35
本帖最後由 jumphigh 於 19-3-29 12:36 編輯

咁呢個只係你嘅假設， 你諗多咗啦。

又唔怪得網友既假設，其實可能連個報紙佬都唔清唔楚，其他人真係未必會知道學校工作有幾辛苦。

conniewktang

jumphigh 發表於 19-3-29 12:26
因為據我所知中小學老師好多時都要带功課或者試卷返屋企改，因為根本喺學校係唔夠時間改
...

帶回家改好普遍，是個老師自己問題！

JaneJaneT

D學生好慘,考完又考

conniewktang

rulerL 發表於 19-3-30 03:17
我認為個老師係超錯！

呈分試卷係唔應該帶離學校去進行評分，無論校方有否默許這行為，作為一個負責任老師 ...

以前冇網上評卷時，even改公開試，會考同AL的卷，老師都可以帶回家改。
小學呈分試一般都可帶回家改，否則改不切！

conniewktang

hkpapa852 發表於 19-3-29 12:00
咪係, 點解考試卷可以俾老師自己帶走?

從來都可以帶回家改的。

sukitelfold

conniewktang 發表於 19-3-31 13:39
帶回家改好普遍，是個老師自己問題！

是⋯⋯問題根本是否帶回家改與否，當唔見及遺失，責任後果便要個人承擔！

打份工，有頭髪邊個想做咖哩？！

可以的話，兩手空空回家，得閒煲鋯钄傳、同自己小朋友玩下好過！

tammyhw

我見過巴士上改卷，真係好佩服老師任何地方都可以改卷。
就算是幼稚園老師，都要拿野回家做，小學老師更加忙，更加會拿回家做。

se6b03

tammyhw 發表於 19-3-31 14:09
我見過巴士上改卷，真係好佩服老師任何地方都可以改卷。
就算是幼稚園老師，都要拿野回家做，小學老師更加 ...

改功課就可以接受，但係公共地方改卷我就不能接受，更加不會用「佩服」去形容。同學仔花時間心機溫測考，每一分都要好努力爭取，老師居然係巴士上改卷？改錯野計錯分機會大左，老師自己的專注力也會有影響，一不留神由合格變不合格，所以老師係公共地方改卷真係唔應該。

bbroy

本帖最後由 bbroy 於 19-3-31 15:16 編輯

1）d卷有學校名，絕對有機會尋回
2）又會咁橋，淨係唔見呈分卷？老師個手袋有無唔見？
3）重考的話，估計95%學生成績會整體上升，這樣做就對其他學校不公。
4）懷疑學校想提高學生成績（可能今次考試成績整體好差），直頭全部重考。

其實我唔熟悉呈分機制，我一直只思考重考的好處在哪？

如有得罪，當發up風！

la5711

bbroy 發表於 19-3-31 15:12
本帖最後由 bbroy 於 19-3-31 15:16 編輯

1）d卷有學校名，絕對有機會尋回

校內呈分試的成績，只是決定校內排名，對全港banding排名是沒有影響的，所以不存在"對其他學校不公平"的情況。

sukitelfold

bbroy 發表於 19-3-31 15:12
本帖最後由 bbroy 於 19-3-31 15:16 編輯

1）d卷有學校名，絕對有機會尋回

3、4在這呈分機制冇得益

sukitelfold

se6b03 發表於 19-3-31 14:46
改功課就可以接受，但係公共地方改卷我就不能接受，更加不會用「佩服」去形容。同學仔花時間心機溫測考， ...

自己有覆核、有派卷給同學對

不要為拗而拗啦。。。

當然在巴士改卷個人也覺得不太合適。

學界比賽也見過帶隊老師帶卷去改，當然自己坐埋一邊，比賽等候的時間改，星期日帶全日空檔也多，我又幾「佩服」老師善用時間。

家長和老師也不是對立的，大家包容，易地而處，相信整體學界氣氛也會和諧些。

任何行業也樹大枯枝，又不可將個別枯枝當了全部綠葉當枯葉。。。