神童沈詩鈞父親沈振雄認為 讀書成績跟聰明與否無關

MrBeast

sell2japan 發表於 18-6-27 17:35
謝謝很好的分享
其實不應該反對栽培能越級的小孩, 能越級的就讓他越級

事實上在現今的大環境，一般小朋友已冇童真，咁再培養越級的確唔會失去本來沒有的東西

S-Kwok

little_yolky 發表於 18-6-27 15:38
大家唔好鬧我, 我覺得係的。

以前升學無咁著重語文, 數理強既學生有出頭天, 科研的而且確係好D的。我阿大 ...

你細女覺得自己煩咁搞笑。
我個仔每分每秒都有怪嘢諗，好少嘢已經可以自言自語演驛場景，甚至一人分演2個角色。佢係獨子，無對手都可以把口唔停。
不過 我仔有時都會自言自語後 自己打自己叫自己唔好諗咁多嘢。
我從來都唔明點解佢個腦可以不停轉，不停有咁多嘢諗，唔知係咪咁，所以我覺得佢成日唔能夠專心。

小時了了

帖#2 更新加咗 > 「數學神童」沈詩鈞爸爸的貼地教育法：全港家長都做得到 https://topick.hket.com/article/2099979/?r=mcsdfb

MrBeast

小時了了 發表於 18-6-28 09:01
帖#2 更新加咗 > 「數學神童」沈詩鈞爸爸的貼地教育法：全港家長都做得到 https://topick.hket.com/article ...

沈詩鈞9歲讀大學，較尋常人求學之路短很多，遇到的挫折難關也不少。沈振雄認為，想子女學業成功關鍵不在於先天聰明與否，最重要是後天培養出孩子堅韌的自信心去面對困難。
沈振雄認為，挫敗是累積成功的關鍵：「如果小朋友不跟家人說出遇到的困難，父母知道又不當一回事，是不會成功，家長需要給予子女的是即時支援和輔導。」

小時了了

7月18日書展期間更會進一步在會展舉辦名為「 點亮孩子的天賦！」講座。: >>>> 大家去唔去八卦吓, 學吓野呢

7月18日下午6:30 至 下午8:00 點亮孩子的天賦！
http://hkbookfair.hktdc.com/tc/Events/Event-Schedule.html
會議室 S222-223
請預先登記，預先登記人士可獲安排優先進場，不設劃位。

little_yolky

S-Kwok 發表於 18-6-27 20:19
你細女覺得自己煩咁搞笑。
我個仔每分每秒都有怪嘢諗，好少嘢已經可以自言自語演驛場景，甚至一人分演2個 ...

我一直都好慶幸自己生咗兩個小孩子。

dativebond

Vanadium 發表於 18-6-26 18:29
你既講法或無錯，但個人不太贊同你既講法。

本來想回應得多，但想想下其實係大家對成功或學習既定義不同 ...

當然我明白你既意思，唔一定要廿年，做五年都可能得，但幾多年都唔緊要，我只係指出學習除了讀書外，練習都係非常重要，就如運動一樣，所謂易學難精就係咁既意思。練習係幫到學習，而練習係必然花大量時間。

做練習真心幫到釐清概念，尤其高中(我覺得小學真係唔駛操，概念無咁複雜)，因為唔做練習係唔會知自己唔識乜或者自己邊部份根本理解錯誤。

我唔計課外啦，純粹講好低層次既考試，努力係重要過先天既聰明好多，因為課程內既知識唔係比天才去學，係比大眾既，只要努力，任何人都可以學得到，唔係乜野奧妙野。至於高層次既學習，就當然要不滿足於課程內既知識啦。

努力當然唔會令你變天才，但考試根本唔需要天才，普通人只要努力一樣做得到。

我只係想指出認為天資比努力重要係錯既，當然聰明條路會行得順少少，但態度和努力才是關鍵，唔好因為自己學得慢就認為自己做不到，放棄努力。

呢種重先天輕後天的看法，於讀書成績而言，肯定係錯誤既，亦太悲觀。

太多人講書緣，或者自己做唔到，就覺得自己子女無天份。到真係子女讀唔好，唔係你眼光好，只不過係家長個諗法一早已經係子女教育最大既不利因素，自我預言實現而已。

planetearth

”陳省身能成為中國難得一見的數學大師，到底有何秘密？ 他說自己不是守規矩的學生, 不在乎分數. 數學成績總是好的，其他功課則得過且過。 寧願騰出時間，在圖書館亂畢七八糟看歷史文學等閒書。 他喜歡主動學習,不需要老師指定看什麼書才看， 這樣的做學問不就是陳寅所提昌的' 獨立之精神自由之思想'嗎？ 不管那個領域，能有大成就者 必具天分 毅力。 但更重要的，我覺得還是別 樹一幟的個性。 今天中國教育衹致力於機械操練， 從不發展個性，也害怕你有個性。 所以中國有大群奧運 金牌得主，數不盡的學霸， 但十三億人也才再難出一個陳省身，一個跟愛因斯坦平起平坐的中國人。

planetearth

planetearth 發表於 18-6-29 21:20
”陳省身能成為中國難得一見的數學大師，到底有何秘密？ 他說自己不是守規矩的學生, 不在乎分數. 數學成績 ...

抄錄 最近蘋果日報一個專欄作家， 衹抄了下半段，更忘了作者。抱歉。

dativebond

planetearth 發表於 18-6-29 21:20
”陳省身能成為中國難得一見的數學大師，到底有何秘密？ 他說自己不是守規矩的學生, 不在乎分數. 數學成績 ...

人地老豆講緊低層次既讀書成績，你地就講高層次既學習，牛頭唔搭馬嘴。

低層次既讀書成績普通人只要有正確態度和努力，唔需要聰明都可以做到，就係咁簡單。

個積極性係鼓勵家長唔好一味以為先天既聰明係一切，唔係個仔天資差就實成績差。我地要有成長心態，後天既態度努力雖然唔可以令你變天才，但要係制度脫穎而出，無你諗得咁難，因為要考試考得好係唔需要天才和大師架，普通人都做得到。

planetearth

唔係公開論壇咩？我覺得有唔同見解幾好呀！ 唔見EK的人衹有一種想法， 有不同的立場或意見才是好事。論壇指明要同意主題文章？不可以有其他分享？香港幾時咁專制？又賴被某些文化同化了？

dativebond

planetearth 發表於 18-6-29 22:11
唔係公開論壇咩？我覺得有唔同見解幾好呀！ 唔見EK的人衹有一種想法， 有不同的立場或意見才是好事。論壇指 ...

係呀。我係話你離題呀，牛頭唔搭馬咀係中肯既評價。唔比人評價架？香港幾時咁專制？

你不如係呢個題目貼世界盃新聞呀？反正咁中意牛頭唔搭馬咀。

planetearth

planetearth 發表於 18-6-29 21:20
”陳省身能成為中國難得一見的數學大師，到底有何秘密？ 他說自己不是守規矩的學生, 不在乎分數. 數學成績 ...

鼓勵積極思考，不積極 機械化操練，同样是 付出的努力，但要 係 用正確方法，唔係就白白浪費了努力。喜歡思考的人都 喜歡廢寢忘餐地思考.

dativebond

planetearth 發表於 18-6-29 22:15
本帖最後由 planetearth 於 18-6-29 22:15 編輯

鼓勵積極思考，不積極 機械化操練，同样是 付出的努力 ...

好高層次，離晒地。。。

人地老豆明明講低層次既讀書成績，你就搵個大師級人馬出黎。

不如講首富都無大學畢業，我地應該效法呀好無？

人地老豆好聲好氣叫家長唔好過份著重天資，因為普通人只要有正確態度和努力都可以做得到，跟住就踩佢既方法係機械式操練。

咁個遊戲(高中課程)係需要練習架嘛，你唔好話籃球員練射籃，就踩佢地機械式操練？

planetearth

dativebond 發表於 18-6-29 22:19
本帖最後由 dativebond 於 18-6-29 22:32 編輯

好高層次，離晒地。。。

你有 咁嘅 聯想都好叻！  贏了！

dativebond

planetearth 發表於 18-6-29 22:35
你有 咁嘅 聯想都好叻！  贏了！

驚你唔明，搵例子說明呀，你咁高層次。。。

asd456

Thank you so much

MrBeast

中學文憑試（dse)今日(11日)放榜，當中有一位神童優異生，他就是就讀佛教黃允畋中學的徐文鴻，取得5科共20分的成績，考試當時他仍未滿13歲。一般的小孩如果取得好成績，可能都會用空餘的時間玩耍，但徐文鴻並不這樣認為，他覺得最好運用課餘時間的方法就是自學，而他亦在平日不斷操練練習。

而他智商141、自小學至中學共跳級4次，他說：「我考完大學都未夠18歲」，認為讀書機會會比其他人多預計未來會主要走「學術路」，未來期望入讀香港大學理學士課程。

徐文鴻揚言自己的溫習方法是操練，認為操練能夠反映自己的學習水平，讓自己知道做得不好的地方，才能夠糾正。他指，自己仍在上學的時候，會在早上6時開始操練約一小時的練習，然後上學，放學後亦會繼續學習到晚上約8時半、9時睡覺。

最愛漫畫是《科學實驗王》系列

他形容自己是半個考試機器，但他指並非將所有的時間都放在學習上，明言會看漫畫書，內容與歷史、軍事及科學有關，最喜歡的漫畫書是《科學實驗王》系列。

徐文鴻小時候在廣東省惠州市讀小學，父親發現他接受知識的能力強，尤其很容易掌握數學的知識。

二年級考試滿分　再試小四試卷亦滿分

徐文鴻指，其中以代數是理解最多、吸收最快，亦是他最感興趣的範疇。徐文鴻指在小學二年級的考試取得滿分，於是他接受小四的試卷考試，取得接近滿分的分數，成功跳級。他指，就讀小二時因為自學課程，對課程內容完全熟悉，覺得上課太無聊，於是開始自學高年級的教科書。

自小學至中學　共跳級4次

徐文鴻自小學到中學共跳級4次。他在讀完小二後，跳讀小四上學期，讀完小四上學期跳讀小五下學期，之後順利在內地讀中一。他在中二時來香港，在佛教黃允畋中學讀書，在讀完中三的上學期之後，跳讀中四下學期，之後讀完中五上學期一個月之後，跳讀中六上學期。

智商測試結果是141

他在中三上學期去做智商測試，結果是141，屬於資優。作為資優生，本應可以在日後幾年在中學文憑試中取得好成績，但他則選擇今年考。徐文鴻解釋指是父親覺得自己有潛力，應該要考文憑試，並希望他能夠盡快考上大學。而他亦認為，如果能夠早些升上大學，完成學業的時間會比其他人早，能夠有更多進修機會。「我考完大學都未夠18歲」，不像其他人考完大學就要工作，「讀書機會會比其他人多」。他表示未來會主要走「學術路」，指會一直進修會繼續往上，畢業後是「前途光明」。

徐文鴻認為雖然家庭給予他壓力，但他認為最主要的壓力來源是學習。不過他覺得只要自己有清晰的目標，即是升讀大學，就算辛苦也是值得的。他最希望升讀香港中文大學或科技大學的工程系。

https://www.hk01.com/%E7%A4%BE%E ... k&utm_campaign=mama

b3410

siden 發表於 18-6-24 22:46
感謝楼主分享，當中也有正面啟發。

只是，讀書成績和天資無關是騙人的。大概，沈叔叔家庭沒有天資愚鈍兒， ...

天資愚鈍兒唔使講，中等之資兒都冇
佢太太其實會唔會好辛苦，對住三個super 超能力？  可能佢都有黃蓉的智慧！