應該點樣開始操中英數呢三科？

leafun

弱弱一問，我見大家集中討論數學，如果想改善英文comprehension，係咪只有多做坊間的補充練習加閱讀英文書才有改善呢？

leafun

回覆 IloveJJ 的帖子

謝謝。唔好意思樓主，借位畀我問多少少。

我細女情況其實係中文好過英文好多，中文求其溫都可以去到9X分，英文努力過都係啱啱合格。我睇返佢英文卷，佢炒最多係comprehension同reader，grammer錯careless mistake但唔多。話佢英文無語感呢，但佢英文listening又去到85以上。

我知閱讀係一個漫長但有效方法，因為我細女既中文都係咁浸返嚟，但因中英差距，佢好多時會寧願睇中文。點先可以帶起佢睇英文書？

little_yolky

IloveJJ 發表於 18-1-22 12:50
咁又唔係喎，我仔成日唔留心，做漏野，佢啲同學都係咁，仲問我仔功課，但我都照話佢架喎!乜要同差既比咩？ ...

我成日都覺得佢係世界上最差果個。如果我知佢又唔係咁差, 我又會安樂D, 無捉佢咁緊。你知啦, 我都好懶下既。


不過, 佢都有進步喇, 佢係唔鐘意「溫」書同「測考」啫。今日下學期, 佢噚日包新書既書套, 我見佢包完坐响度本本書都掀下學D乜, 咁都叫有與趣丫, 好過見到本書作嘔果D。我標準好低咋。

leafun

回覆 IloveJJ 的帖子

我哋都係讀英文小學。而佢composition又唔係太差，7X-8X，我睇過佢平日作文，係間中會he/she/it留s，但一般句子語法ok，過去的會識轉過去式。所以讀本炒comprehension，我估係詞彙唔夠卦。

睇怕都真係無捷徑

little_yolky

shadeslayer 發表於 18-1-22 13:45
好多人唔明，採用錯一罰十的方法，用操練的方法，係鼓勵緊一種思考行為模式。
...

拿, 先唔講邊方面對, 邊方面錯, 我上個weekend, 就同阿細講：
阿細, 網上咪有媽咪教我, 你做錯一題數要罰五題既? 不過, 前幾日又有另外一位家長話, 仲乜要罰小朋友, 要奬勵至啱。

佢都仲未等我講完, 已經一輪咀咁講：咪係囉, 仲乜要罰小朋友啫, 呢個先係好人嚟。

咁我就話：不如你以後做數小心D, 專心D做。啱晒一次我俾張貼紙你, 儲夠一定數量, 就奬你禮物好唔好?

阿細：奬咩呀?

我：你話呢? 小禮物定零食?
阿細好開心咁話：奬我俾返部手機我！

不過, 睇嚟雖然EK好多家長都唔鐘意你, 但你响小朋友入面都相當有市場喎。

little_yolky

IloveJJ 發表於 18-1-22 15:09
咁我要求高過你，我會不斷要求佢進步架，哈哈!
好似我細仔咁，佢成績幾好架嘛， 但我都想佢進步。佢而家成 ...

放心, 咁細個小朋友一定唔會明, 佢只會覺得阿媽迫佢做練習。

我成日都話响EK入面我要求係好低既。

little_yolky

leafun 發表於 18-1-22 15:02
回覆 IloveJJ 的帖子

我哋都係讀英文小學。而佢composition又唔係太差，7X-8X，我睇過佢平日作文，係間中 ...

點解佢中文好但你俾佢讀英文小學咁得意?

不過, 阿細當年都試過中文測驗68分, 不過我一D都唔擔心, 因為佢聆聽同說話都無問題, 全份卷基本上大部份係錯閱讀理解, 咁我就知道, 只要KO閱讀, 就一切迎刃而解, 好簡單啫, 所以就慢慢俾時間佢。不過, 如果你阿女唔多想睇英文書, 咁你試下俾佢睇下D comprehension exercise既英文文章, 因為係按小朋友年級出, 應該係適合, 所以好多時佢哋睇得明, 就會想睇, 而且一般唔會長, 所以可以一日睇一篇。睇下睇下就會好。

little_yolky

IloveJJ 發表於 18-1-22 15:18
唔係喎，我大仔係用咁既方法的，佢明呀！所以佢咁勤力囉！佢好明白，即使佢無人咁聰明，只要佢肯勤力，就 ...

因為你阿大同我阿大咁勤力丫嘛, 但你阿細同我阿細一樣咁懶囉。同埋, 細佬仲細丫嘛。

b3410

leafun 發表於 18-1-22 14:45
回覆 IloveJJ 的帖子

謝謝。唔好意思樓主，借位畀我問多少少。

leafun 發表於 18-1-22 14:45
回覆 IloveJJ 的帖子

謝謝。唔好意思樓主，借位畀我問多少少。

我都想借位問一問中文點樣可以學好。我小朋友最大問係錯別字，我分析原因係錯筆順，可能之前基礎打的唔好。不過佢已經小四，我覺得好難叫佢依家先逐個逐個去改筆順。除咗多閱讀，睇書之後慢慢記住字，還有冇其他方法呢？例如英文就有proofreading 練習，中文有冇類似training ?
還有就係reading comprehensive, 中文，英文，都容易錯。

b3410

little_yolky 發表於 18-1-22 15:18
點解佢中文好但你俾佢讀英文小學咁得意?

不過, 阿細當年都試過中文測驗68分, 不過我一D都唔擔 ...

點解覺得閱讀理解容易ko? 好容易捉錯用神，唔中point

leafun

回覆 little_yolky 的帖子

謝意見。點解讀英文小學？三個字，跟家姐。

其實我一直都諗緊要唔要同佢轉返中文小學。問過細女佢話唔想，仲衰到話習慣睇英文數，睇返中文佢驚唔明喎。

little_yolky

b3410 發表於 18-1-22 15:31
點解覺得閱讀理解容易ko? 好容易捉錯用神，唔中point

我哋要循序漸進。我哋學校初小D問題OK既, 唔會亂陰人的, 所以唔會捉錯用神。慢慢浸, 升到上高小, 就自然習慣D tricky嘢, 而且程度亦相對高咗。最重要係, 我既標準唔係9X, 係達平均分而已, 我哋學校中文一般平均分係7X尾。

little_yolky

leafun 發表於 18-1-22 15:32
回覆 little_yolky 的帖子

謝意見。點解讀英文小學？三個字，跟家姐。

會架, 中文數D應用題都好攞命。

不過, 你同阿女講, 想唔轉校就睇多D英文書啦。我都係咁嚇阿細架, 同佢講, 再唔努力, 就轉返嚟屋企附近行15分到間寶校, 好多大陸人, 你唔俾心機讀就唔好個個月嘥阿媽我咁多學費同校車費, 留返俾爸爸媽媽老咗用好過。


其實我只係講下, 點知佢下學期突然問返起：媽咪, 我今次個成績, 仲駛唔駛轉校呀。唔怪得知勤力咗。