求教。。。乜都唔見

retriever

IloveJJ 發表於 17-10-16 19:17
吓?係架?我仲叫佢唔好鬧添!因為我成日覺得人哋通常阿媽鬧，阿爸阻。或者阿爸鬧，阿媽阻。咁我已經鬧，如果 ...

你老公攞棍未？

未攞棍前，唔駛阻止!

Jessy

IloveJJ 發表於 17-10-16 19:17
我相信每個人都有長處，咁佢可能有其他長處你未發掘出嚟啫!

佢長處咪樂觀, 會TUM人開心.

retriever

IloveJJ 發表於 17-10-16 19:20
係呀！唔專心起上嚟，真係排隊都蝕底，不過佢呢啲性格，又唔怕蝕底，所以佢都無所謂架!我仔好啲，對成績同 ...

所以絕對有因果關係。

以前手慢D 都俾大既夾左舊餸。所以而家好緊張食野。玩具？ 諗都唔駛諗，又唔係生活必需品，根本係視線之外既野。


反而呢代好多呀媽見細路唔係好食野，問點攪。

所以咪話要佢地 “缺” 囉。

HaYi

retriever 發表於 17-10-16 17:18
知道仔係點成長。

有呵，但我老公比我要求高，我其實冇氣

HaYi

IloveJJ 發表於 17-10-16 17:20
我家相反，我老公雖然自己都係咁，但佢對個仔好挑剔，而且認為要督促多啲、鬧多啲。反而係我，因為有三個 ...

Give me 5!

HaYi

retriever 發表於 17-10-16 19:34
本帖最後由 retriever 於 17-10-16 19:35 編輯

所以絕對有因果關係。

尤其曷男仔, 都覺得坊間所說"平養" 都是同一道理,
新一代最缺少的是感恩同珍惜, (唔好計宗教習慣說的感恩...)

但要去到 "缺" 此地步對於我地一般人來說又好難, 至多短暫體驗.

brother4

平養孩子有好有壞處，壞處錢看得重，好處向上心強，讀書改変命運。。

brother4

對小朋友沒有固定方法，打心理戦，現不打得只少鬧下，太叻太弱也不好，但弱好過叻（自己感）因有許多進步空間好慶幸父母放過自己，可能之前親哥姐們成績好好但多未畢業去咗…對自己冇要求反而可長命點

Jessy

IloveJJ 發表於 17-10-16 22:09
咁或者佢就係擅長與人相處，第日做公關。

希望啦, 佢唔做宅男都應該搵到食吧!! 我都有幫佢諗過佢可以做d乜架, 例如: 藝員, 魔術師, 楝篤笑
不過當然我亦都係無話比佢知我諗過呢d野啦, 等佢自己發掘佢的夢想啦.  

bobbob

HaYi 發表於 17-10-16 13:39
Adhd add 至今研究所得是腦都控制行為的都份失調，同讀寫障礙類同(腦部吾同位置) 成因未明，遺傳可能是其 ...

明白。
但如果成因未明，點解排除後天疏於管教嘅因素？我又見精神科醫生都只係臨床透過觀察同問話診斷（cp/ep更加），如果只係腦部缺少某種物質，理論上係咪可以驗到？

retriever

brother4 發表於 17-10-16 22:24
平養孩子有好有壞處，壞處錢看得重，好處向上心強，讀書改変命運。。

其實男女都要平養，當然唔係淨“平”，要有價值觀既配合。

一邊話俾佢聽 “物質” 至高，另一邊“平”佢，當然走去搶啦。

所以信仰教育亦係重要。

retriever

bobbob 發表於 17-10-17 00:59
明白。
但如果成因未明，點解排除後天疏於管教嘅因素？我又見精神科醫生都只係臨床透過觀察同問話診斷（cp/ ...

其實生理心理係咪相互影響？

即身體缺某物質，你算心理結果，還是生理原因？

抑鬱而家又話生理，同性戀都話係生理。

retriever

IloveJJ 發表於 17-10-16 22:05
唔係架，有人性格係咁，佢缺都無所謂。我哋細個四姐弟，成日爭食，我最細個細佬，就係滋油又唔醒，永遠俾 ...

某講座講員話，心理學上，天生既係性格，後天係品性。天生既所謂性格較簡單，唔係咁細碎咁復雜，但不少人易混淆。

譬如，人性急係天生性格，急到發脾氣鬧人係品性。千萬唔好覺得任何野係天生改唔到。

你在你家庭可能最清楚情況，我好估係咪有其他原因令你細佬咁滋油。

不過一般多細路家庭，最細果個滋油D，特別年齡跟前面兄弟有差，通常，呀媽最錫細仔，所謂“孻仔拉心肝”。

retriever

Jessy 發表於 17-10-16 22:59
希望啦, 佢唔做宅男都應該搵到食吧!! 我都有幫佢諗過佢可以做d乜架, 例如: 藝員, 魔術師, 楝篤笑
...

而家有一宅男理想職業，前排四圍廣告。

就係電玩聯賽!!!

S-Kwok

retriever 發表於 17-10-16 12:20
同意。

但父母過多照顧入微都係關鍵。

我係絕對唔會排仔排隊，要玩就要自己排，我最多係陪佢一齊排。

我記得幾年前同阿仔去樹屋玩，我眼見好多都係出動全家成員、工人、婆婆一齊分頭幫我小朋友排隊，或幾個family 約埋一齊去，分頭排隊，希望小朋友可以盡玩所有設施，細路完全唔洗隊，等待其間自己/跟其他小朋友玩。表面上孩子喺呢一刻係玩多咗，實際損失太多。
我跟孩子2人一齊排，玩完一項就排隊玩另一項，排到截龍時間都玩唔晒，孩子要決定如果選擇、培養耐性、自己事自己做 （責任感），過程中獲益良多。這些全都是培養孩子品格不可缺乏的經驗。可是家長多以眼前利益為亮點。

retriever

S-Kwok 發表於 17-10-17 07:43
本帖最後由 S-Kwok 於 17-10-17 07:46 編輯

我係絕對唔會排仔排隊，要玩就要自己排，我最多係陪佢一齊 ...

完全同意這觀察。培養係生活一點一滴既事。

補充少少，除咗幾家人幫細路排，而仲有個現象，係大人走去隊頭睇埋點玩，等到自己細路玩可以BRIEF 佢。所以而家玩攤位遊戲，隊頭係成堆人既。

仲有就係幫排隊已經成為NORM 喇，變左唔做先係奇怪。

話說我去某校開放日，一入去我就叫細路自己問老師攞張遊戲卷話，你自己想玩咩野，自己睇 SCHOOL MAP帶埋我去，唔識路開口問老師。去到遊戲攤位佢自己排，我企埋一二邊。其他人當然家長全出動幫排，加埋菲傭添，仲有一堆人企隊頭睇點玩。

有老師見我細路一個人排隊，見我企一邊仲溫馨提示我可以一齊排來玩。

BTW，排隊玩遊戲真係一個好基本的專注力鍛煉，因為細路八卦排隊走開D 已經易被插隊。

ALL IN ALL 其實係而家D 家長太怕細路吃虧。