分享[絶對音凖］辨音器

LeeCC

我一路爬文，一直想搭嘴，但又驚，只可以看各位前輩的意見

直至看到神器，我好奇樓主有無check過神器的音準是否正確？如果不正確，那麼多年的努力是否白費了？

事緣小兒是天生絕對音準，與check音準APP鬥玩當遊戲，例如鋼琴的A 在APP讀數是440單位，他第一次同APP玩，聽到的439至441，鋼琴的A如果系438佢都話系走音

佢幼兒時喜歡各類玩具樂器，但當他去琴行玩過一部真正鋼琴後，就只玩結他仔，其他玩具樂器都不再掂，我們一直不知原因，直至最近，他陪伴一位幼兒親戚玩一部在琴行以過千元買回來的小鋼琴，他才說小鋼琴走音，bb唔好再玩這部琴了，他說其實好多玩具樂器走音，所以佢唔玩，結他果類的樂器可以自己調下，木片琴果d無得調，所以唔玩
神器說明書內寫有檢定，所以絕對準確，但無講接受差異+/-%，個range可闊可窄，出品商自訂而已

Christi

scgift 發表於 17-10-7 01:50
我諗樓主唔係立心開post sell部神器既，因為只要喺淘寶search下"絕對辨音器"就會搵得到。而且樓主貼出來既 ...

本帖最後由 Christi 於 17-10-7 08:24 編輯

本帖最後由 Christi 於 17-10-7 08:23 編輯

我想講，呢部鋼片琴的賣點是幾個音都好準，就當佢那幾個音真係「絕對好準」，但這和絕對音準perfect pitch 又係兩回事。所以呢部琴若生產商叫它做「絕對音準辨音器」，這是……well，唔識講，有少少偷換概念既感覺。甚麼是perfect pitch?一個鋼琴有88個鍵，不同音階，你隨便彈一個音，小朋友不望琴，靠耳朵馬上可以說出那個是什麼音，就大致有絕對音準了。（所以點解我問有perfect pitch 對學英文有無關？我覺得冇乜關係，反而perfect pitch學樂器就絕對有好處。）

這產品賣點係鍵的音好準，僅此而已(就當真的如生產商所說）。音好準，唔走音，對小朋友學音樂的確重要，這也是點解琴要不時調，否則聽慣了走音的鍵，會分不太清楚準確的音定走了音。

至於，這幾個鍵，音好準，與學好英文有無關，我不知道。這是各師各法。我始終認為多看書，最直接最有效。細細個讓小朋友愛上閱讀，佢呢世人永遠不會覺得寂寞，語文好只是副產品。

才半歲至一歲大的嬰兒，未能引入圖書，或者可以用這工具訓練耳朵靈敏度，順便教埋咩調？這又是各師各法各取所需。有無用？我冇試過，我唔知。不過，幼兒耳朵真的好靈敏，要訓練佢地既音感，就讓佢地多啲聽音樂、唱遊，古典音樂都好好，我相信如果樓主仔仔音感好，是來自多聽古典音樂多過呢部琴既功效。點解？因為呢部琴只有十幾粒音，而古典音樂成個樂章既組成，你聽起來很好聽順耳，但個組成結構係複雜到你唔信。

Christi

Christi 發表於 17-10-7 08:21
我想講，呢部鋼片琴的賣點是幾個音都好準，就當佢那幾個音真係「絕對好準」，但這和絕對音準perfect pitch ...

續…

小朋友接觸既音越多越廣，敏感度就越高。生活本來就有好多音，「媽媽」係一個音，「車車」又係一個音。煲水水滾又係一個音。路上車響既聲，又係一個音。我講緊係可以彈出來既音。「媽咪早晨」係可以喺鋼琴鍵上彈出來的，so do me do 。我以前成日同我小朋友玩一個遊戲，當時佢3、4歲左右。用琴鍵彈出某個人的名字，例如「陳小明」，叫佢估，或佢打出來叫我估，好好玩。有時同佢講一句簡單句子，例如「我好肚餓」，叫佢用鍵彈出來。英文都係音，不過廣東話有9個調，要彈準個廣東話音，比彈準個英文音難。所以填詞，填英文好容易，廣東話就難啲。林夕既詞簡練又有意境，佢真係好叻。我小朋友一歲開始聽各兒歌，唱遊，sound of music etc. 3歲時唱遊班，老師同我講佢有perfect pitch,當時我都唔知係乜，上網查完一輪才知，覺得感恩。到今時今日佢樂器係易上手，我地也冇再理呢個perfect pitch 既事。我既經驗，小朋友自細俾佢地多啲聽唔同聲調唔同音樂，好過1、2歲就教佢地咩叫c調

MrBeast

Christi 發表於 17-10-7 08:22
續…

小朋友接觸既音越多越廣，敏感度就越高。生活本來就有好多音，「媽媽」係一個音，「車車」又係一個 ...

pete 開dictation ，十分同意讓小朋友接觸不同音樂，有fd 一兩歲時一聽到dire strait 就手舞足道，fing 來fing 去，超搞笑，帶比親友無窮樂趣

LeeCC

Christi 發表於 17-10-7 08:22
續…

小朋友接觸既音越多越廣，敏感度就越高。生活本來就有好多音，「媽媽」係一個音，「車車」又係一個 ...

perfectpitch好鬼煩，屋企部琴3個月就話開始走音，日日哦我揾師傅來

學校叫佢司琴，叫佢先彈俾老師聽，佢話某課室的琴走音，唔彈果部，要揀琴練俾老師聽

幼稚園時課室部琴走音，上堂勁扭計

1234ats

Christi 發表於 17-10-7 08:22
續…

小朋友接觸既音越多越廣，敏感度就越高。生活本來就有好多音，「媽媽」係一個音，「車車」又係一個 ...

粵語的上聲字是變調，即從開始至完結整個字的發音不是固定在一個頻率，故此鋼琴是無法彈出上聲字。只有用弦樂器才能拉出上聲字的音調。

以你所舉的例子，“早”、“小” 、“好”和“肚”字都不能用鋼琴彈出來。

scgift

Christi 發表於 17-10-7 08:21
本帖最後由 Christi 於 17-10-7 08:24 編輯

本帖最後由 Christi 於 17-10-7 08:23 編輯

我女返緊既音樂班，這個2年既課程其中一個目標就係"絕對音準"。聽同學仔媽咪們話同學仔既兄姊均在學左一年後，在收音機/電視聽到某流行歌後，能自行用鋼琴整首彈返出來。我當時就諗這就是絕對音準了吧？(我唔識音樂，有錯請指正)

Christi

1234ats 發表於 17-10-7 09:02
粵語的上聲字是變調，即從開始至完結整個字的發音不是固定在一個頻率，故此鋼琴是無法彈出上聲字。只有用 ...

的確係。不過當時我小朋友只3歲唔識弦樂，我家只有琴，我們用兩個音併埋，有時就一個近近地既音，係有點怪，但冇乜所謂。

MrBeast

scgift 發表於 17-10-7 09:21
我女返緊既音樂班，這個2年既課程其中一個目標就係"絕對音準"。聽同學仔媽咪們話同學仔既兄姊均在學左一年 ...

fd 有天call 我話佢小朋友perfect pitch，當時我都一頭霧水，之後看番mozart 套片，先明music gifted 的可以聽一次歌（inc classical)，就完完整整彈返出來。

LeeCC

scgift 發表於 17-10-7 09:21
我女返緊既音樂班，這個2年既課程其中一個目標就係"絕對音準"。聽同學仔媽咪們話同學仔既兄姊均在學左一年 ...

仔4歲幾學左大半年琴，可以將係幼稚園學的歌仔，跳舞堂伴奏音樂，廣告歌，地鐵背景音樂雙手彈曬出來，有伴奏，我當時以為個個小朋友學左幾個月琴都可以做到，因為我細個無學過樂器，玩親戚的口風琴都可以單手彈到電視劇主題曲，佢學過，用雙手好正常啦，直至有朋友話這不是理所當然的，至少佢學到八級都唔得，一定要睇譜先彈到

HaYi

大仔聽音準記憶好，英文串字少温少错，細仔同一私幼畢業，同樣k1phonic, 听音能力更高，但視覺型，学中文比英文好，準，英文p1 dict 要温先錯1,2

babywoman

怪不得，我家小兒是音樂白癡，初小串字咁困難

LeeCC

Christi 發表於 17-10-7 08:21
本帖最後由 Christi 於 17-10-7 08:24 編輯

本帖最後由 Christi 於 17-10-7 08:23 編輯

絕對音準與學英文有無關係，我唔清楚，因為仔在幼兒期係極度抗拒英文的
但講下學普通話的經驗，幼稚園無學過漢語拼音，屋企無人講普通話，小一學校普教中，九月由bo po mo fo開始教，每次漢語拼音測驗都滿分，不知是否與聽音有關

Christi

LeeCC 發表於 17-10-7 08:43
perfectpitch好鬼煩，屋企部琴3個月就話開始走音，日日哦我揾師傅來

學校叫佢司琴，叫佢先彈俾老師聽， ...

係啦，有perfect pitch 就當係主恩，除左音感好，學琴樂理易上手，真係好實際既「功用」又冇乜。不過我唔係咁注重功用性，佢容易接近音樂，我已覺得好好了。有人話絕對音準既人易當音樂家，部分是，部分未夠。要做大師，苦功少不了，幾多冇絕對音準的人下大苦功成就音樂事業，有絕對音準也有吃不了苦或其實唔想在音樂呢行發展的。所以，平常心啦，家裡有個人肉辨音器都好既

Christi

scgift 發表於 17-10-7 09:21
我女返緊既音樂班，這個2年既課程其中一個目標就係"絕對音準"。聽同學仔媽咪們話同學仔既兄姊均在學左一年 ...

之前睇既資料，絕對音準是否天生、或後天可致，有唔同學派的說法。有啲話天生，後天則可以訓練到「接近絕對音準」。又有啲話，因為今天的小朋友很多已很細開始接觸音樂，所以較多小朋友會有接近絕對音準。而我的看法是：是但啦，係又好、唔係又好，其實實際上無乜大影響，不過原則是越細接觸越多唔同音樂，一定係好事咁解。

MrBeast

MNIF 發表於 17-10-7 10:33
不單單是你一頭霧水，多少人還是被蒙在鼓裡。

願聞其詳

Christi

MNIF 發表於 17-10-7 10:33
不單單是你一頭霧水，多少人還是被蒙在鼓裡。

謝謝你之前的分享先。看得出是很用心的爸爸！

LeeCC

Christi 發表於 17-10-7 08:21
本帖最後由 Christi 於 17-10-7 08:24 編輯

本帖最後由 Christi 於 17-10-7 08:23 編輯

一直學樂器，是否perfect pitch都不重要，因為我相信學習日子長都練到聽力，影響不大，不過perfectpitch的可能比其他人多一份樂趣，就是聽到什麼喜歡的歌，就可以隨手彈出來，唔周圍揾個譜先有得彈