可否俾些正能量我，派位結果令我情緒好低落

www

katie816 發表於 17-6-4 07:45
我暫時無影響阿女心情，12網派到寶校，亦不會同阿女講，見她好學好問，唔識既會返屋企查字典，好愛鍚身邊人。。。好乖女明天會交叩門申請，依家求安慰

區區有寶校，有D區中寶的機會仲係三成以上，家長真係慘！

早日收拾心情，加緊叩門吧，加油！祝叩門成功！

叩門成功後記住上黎報喜，同埋將D正能量傳俾其他家長呀！

Bermarmic

同意！

派位前一日，我都係咁樣諗，呢個只係人生其中一個check point，但到派位當日，我都不禁心情沈重下來，感覺被遺棄，間校學不受歡迎，非主流（其實間學校十幾年前係出名學校）只能說我仔生不逢時，但睇返多少少學校資料後，間學校在同區是無咁唂的，有感是天意，是神的安排，因為我仔好動，唔係好鐘意坐定定既人，所以或者係神安排佢讀一間輕鬆點學校，等佢對學習有興趣。

我都會叩門，但相信叩門機會仲難，坐底成百人爭幾個位，

Bermarmic

不過我都唔會放棄一丁點機會，大家加油努力

Charlotte_mom

樓主加油，港島北11、12、14、16網都叩晒。私校直資港島可試玫瑰崗漢華、唔嫌遠播道都有叩門位

gaoy

加油
音樂椅現在先轉
唔好擔心

mayyylai

各位，過來人分享。

小一派位派得唔好唔係世界末日，唔好咁悲觀，我當年細女自行入唔返家姐嗰間，大抽奬又唔中，唯有註冊咗先，再叩門，最後連叩門冇下文，我就的起心肝同個女備戰一年，讀好啲小一，張成績表要靚（最緊要操行要靚），跟住參加公開試，同樣攞好少少嘅成績，有時間自己教佢小二嘢（當然不用太深），再插二年級，但唔好同小朋友講宜家呢間小學唔好，免得影響佢嘅學校生活，我個女比較成熟（可能係大女），佢自己都覺得原本嗰間小學課程比較易，所以佢肯努力溫小二嘅課程，最後，插小二成功。

所以不要難過，收埋啲負能量，如果真係叩唔到，就備戰一年插小二，記住，機會只會留比有做準備的人，仲有，真係唔係世界末日，反而如果可以，今年同個小朋友出外旅行，因為今年應該是最開心，不用做暑期功課，開開心心玩埋個暑假。

Mrs.Luckycat

katie816 發表於 17-6-4 07:45
我暫時無影響阿女心情，12網派到寶校，亦不會同阿女講，見她好學好問，唔識既會返屋企查字典，好愛鍚身邊人 ...

樓主，我都派了傳說中的「半寶校」，昨晚愈想愈苦惱，後來經過呢度啲jm開解，我又訪問了用家，未如我想像中惡劣。
有得扣門嘅，會儘力試試，無得扣門嘅，打起精神好好培育小朋友，或者一年後可試試其他學校插班呢？
我們不能只靠學校，自己都要親自培育孩子。
最後，祝你小朋友一切順利！

ekhc

小女收到結果後, 都唔開心, 問我點解唔係xx小學.

我同佢講, 唔緊要, 媽媽會再幫你申請, 但見老師/校長時要俾心機.佢答知道

共勉之

十分鐘

katie816 發表於 17-6-4 08:55
謝謝你

加油，好快叩返心儀，等你上來報喜

HK-MAN

盡力去叩門啦,但總要明白,唔係人人叩門都能得償所願,要學懂面對.

notcool

At the end, some will be successful and some will not have any offer.

Try your best. Some less famous schools are not actually that bad. Important to really open your heart and understand more

wtyedu

從樓主出post覆post睇到樓主的素質，加埋樓主形容佢女兒的性格，相信你叩門會收到不止一個好消息，過程中你會更加了解你女兒，幫她找到一間最適合她的學校。加油!

KWBN

調整心情, 唔好影響小朋友, 畫量叩多幾間, 相信以你女兒能力, 應該有學校收, 不用擔心, 音樂椅會轉到去開學初期, 祝叩門成功

CornFlakes

回覆 katie816 的帖子

樓主加油～ 上年有深同感受～ 雖然我地唔係12網～ 但好明白你感受～我同老公用咗一晚時間逼自己收拾心情，共叩咗6間津小＋一間直資「淨寄信」，得5間津有得in，其中兩間本身冇設2nd in, 另兩間有2nd in，一間入唔到2nd in～ 最後，甲一果間 and 直資都有offer～
唔好放棄呀，祝好運🍀

rabbittwin

我都抽到寶校，係個30%之中，仲要係孖B，就算叩門仲要兩個都要達標入到，難度高所以之前已考私小，直資打底，個心無定D。

抽得差就預左，沒有抱好運之心，一兩星期前已準備叩門資料及文件，派得唔好就即用。

今年兔B預左競爭大，大家努力，一定有回報。

laabc

katie816 發表於 17-6-4 07:45
我暫時無影響阿女心情，12網派到寶校，亦不會同阿女講，見她好學好問，唔識既會返屋企查字典，好愛鍚身邊人 ...

加油，自津又自學既小朋友好難得，不用擔心小二再插班，路遙知馬力！如果無呢D優點，派第一志願都自然圖汰

hha

上年放榜日，放低小朋友比老人家湊，兩公婆去攞成績，一知道派得唔好，心情差唔想返去俾小朋友見到，又要搞叩門嘅嘢，所以即刻打返去叫到人家湊全日，然後我兩個即刻去老公公司重整叩門資料，鎖定唔同區要叩門嘅學校、上網再睇清楚叩門要求、好似執藥咁執齊文件，改好扣門信、放好入公文袋、當日淨係執吓砌吓都搞咗六七個鐘頭，商量星期一咩路線交表、揸車去交表係最快，我一日可以交十幾份，第二日再諗下有啲乜嘢學校漏咗而又可以扣的，第日再出動。最後就要等學校面試安排。

返屋企嘅時候，我有直接同小朋友講派入邊一間學校，話俾佢聽學校都唔差，不過父母覺得你可以再試吓考d更好嘅學校，所以嚟緊會又有面試，叫佢俾心機。so far 叩門我個仔好合作，最後亦扣到心儀學校。

記住今日要叩門當係一個磨練，要對小朋友有信心對自己信念有信心，去叩門嘅時候，我相信一個自信又開心嘅小朋友，會表現得更好，更加吸引校長嘅注意，加油！

音樂椅真係而家先開始轉，當日嘅我都唔相信，但嚟緊三個月會不斷聽到朋友或者自己有無限個可能性，只要唔好輸咗信心就得啦！

topskyint

我34區派到去黃大仙....從來無諗過咁無運氣...

tpmon

katie816 發表於 17-6-4 07:45
我暫時無影響阿女心情，12網派到寶校，亦不會同阿女講，見她好學好問，唔識既會返屋企查字典，好愛鍚身邊人 ...

我的女2年前在大埔區統一派位都是派到寶校，後來叩門獲111（6月底獲學校通知結果）的小學取錄。

希望在明天。有些小學是會比機會有承意的家長。

你現在可做的是應盡盡叩更好的小學（起碼5間）,希望6月底7月頭有好消息。

raro

katie816 發表於 17-6-4 07:45
我暫時無影響阿女心情，12網派到寶校，亦不會同阿女講，見她好學好問，唔識既會返屋企查字典，好愛鍚身邊人 ...

加油，叩門多幾間，希望在人間