叫阿仔溫書 佢同我講數

S-Kwok

IloveJJ 發表於 17-3-14 09:07
我覺得獎勵如果係無準則，即係有時獎，有時唔獎，獎乜又要睇阿媽心情，咁樣不如唔好獎。
因為咁樣變成有得 ...

我地有準則，以成績儲印換獎品。
呢排佢迷遊戲卡，所以經常借機（例如：我咁努力）問我可唔可以獎佢一包卡，（以往我係用言語讚佢努力）。我覺得佢係好努力嘅，出到聲話想要禮物都唔比，其實又好似好衰，但我又唔想好似每事都為禮物而做，所以當下我就作出咁反應囉！獎咗一次，下次唔獎佢就會問點解上次獎，今次唔獎。
其實我唔知做得啱唔啱，我只係希望佢努力係為咗得到佢想有嘅成績，而且佢真係做得到，亦開始嘗到少少甜頭，我覺得佢想試我，當下未諗到全面嘅答覆，所以就咁答咗。
如果係你地又會點反應?

JC_mami

Kx1918 發表於 17-3-9 23:26
仔問：我溫幾耐書 可以打幾耐機？
老公說：溫一個鐘 可以打機一個鐘
總好過之前叫親溫書都發脾氣

真係要勸下你先生不要養成玩遊戲機的習慣，越大你越管唔到，其實可以試下温完書睇一陣電視，跟他下下棋，洛街玩一陣。

wan_sosin

獎勵小朋友讀書，都要考慮小朋友性格，有些會好受落唔會嗌數。
但下下講數嘅小朋友就兩睇。
我老公較為喜歡用物質獎勵，我多次叫佢唔好咁做，到而家佢都聽咗我講，唔會出聲，亦讓我去處理，我現在無用任何獎勵計劃，最多係考完試出街玩下食下野輕鬆返下。
唔見得我仔在無獎勵下唔溫書hea讀。其實唔好話讀書，就算想小朋友建立良好行為，獎勵都唔係最終方法，小朋友要真正建立道德觀念同明白好行為嘅背後的意義，才會真正有好行為。
當然，如果小朋友還很小，尚在幼兒階段，或剛升小一，要學習培養良好習慣，適當獎勵係有幫助。
但稍大嘅小朋友，可免則免。

MrBeast

回覆 S-Kwok 的帖子

準則係要有，同時亦可flexible，趕project 老闆買tea/消夜，員工都開心d，獎勵過程而不是result 是parenting 101，擔心的話，你可以話考得好先有，但若最後不達標不過有努力，都可以奬，由冇變有，或許更珍惜。

hha

我都係贊成奬勵努力過程。例如要為考試/比賽而努力，一考完或者比賽完，就已經立即讚賞佢努力而奬勵去玩或食佢鍾意嘅嘢（當然你覺得佢真係夠努力啦！）。再同佢講出嚟嘅成績無人能估計，亦唔使介懷，因為你已經盡咗力，媽咪已亦都睇到你嘅努力而為你自豪。最後如果成績好，會再強調多一次俾佢聽，因為佢肯努力而得到好成績。如果成績未如理想，就同佢講大家已經盡咗力，不過下次大家一齊試吓搵過另外一個方法，睇吓成效會唔會好啲。

little_yolky

greentea000 發表於 17-3-13 22:53
回覆 little_yolky 的帖子

如果唔係要求貼紙，而係要求玩具呢？

唔會。因為我家明文規定, 每年只有生日同聖誕節會買玩具。現具鋪多我哋呢D家長真係等執笠 so far 我兩個細路又無要求過買玩具喎。至於家姐, 細個時連貼紙都無要求買, 因為阿媽我次次七情上面咁讚佢, 仲要見親人都講, 所以佢覺得自己好叻, 仲越做越好添。應付家姐真係慳水慳力。

S-Kwok

MrBeast 發表於 17-3-14 10:10
回覆 S-Kwok 的帖子

準則係要有，同時亦可flexible，趕project 老闆買tea/消夜，員工都開心d，獎勵過程而 ...

我仔係大意一族，所以考得好嘅時候，我會話因為佢有之前有努力温習、做卷時有俾心機、小心睇題目、用心做、所以可以考到好成績，而印仔就係獎佢以上各種。
温習過程中，我都會經常讚佢努力，摸吓佢個頭，當比啲支持佢。
但又真係好少比賽/考完試後刻意帶佢去玩，因為通常佢會想去書局或喺屋企睇書。但就會帶佢食好啲（即係帶佢去食佢鍾意嘅嘢）

wan_sosin

S-Kwok 發表於 17-3-14 10:34
本帖最後由 S-Kwok 於 17-3-14 10:37 編輯

我仔係大意一族，所以考得好嘅時候，我會話因為佢有之前有努 ...

我哋都唔當考完試去食下玩下係獎勵，只係努力完去休息下，做下開心事，是生活的一種，小朋友都可以明白，做完事去休息，休息完又再努力。

另外，我較讚成鼓勵，鼓勵比獎勵好，鼓勵可以是在過程中去克服難關，去忍耐堅持，獎勵有時偏向結果。太過以結果為本，對小朋友的價值觀未必最好。

MrBeast

S-Kwok 發表於 17-3-14 10:34
本帖最後由 S-Kwok 於 17-3-14 10:37 編輯

我仔係大意一族，所以考得好嘅時候，我會話因為佢有之前有努 ...

之前有個報導，有個阿爸畢生自己和叫子女做做做，到老變成姑獨老人，大家博殺時千其唔好忽略親子關係啊。  
在於大意，相信佢都唔想，一係操，一係教些technique，唔係就唯有等佢開hill

S-Kwok

MrBeast 發表於 17-3-14 12:19
之前有個報導，有個阿爸畢生自己和叫子女做做做，到老變成姑獨老人，大家博殺時千其唔好忽略親子關係啊。   ...

所以我覺得呢代做孩子又難；做父母都難。我地做孩子嗰代，阿爸阿媽邊理咁多、諗咁多，孩子錯咗咪鬧咗打咗先算。到我地做父母，就開始會衡量得失，盡可能做到各方面都平衡，獎罰、鼓勵、責罵、玩樂、學業、親子……可能我身邊有好多錯誤的例子（如我媽對我同細佬、姑奶跟他的資優孩子、我朋友跟她女兒……），而我又比較緊張，總希望喺教導孩子時，不會行差踏錯

S-Kwok

IloveJJ 發表於 17-3-14 13:07
我老公呢排日日响公司做到好夜，佢老闆買咗好多零食、杯麵、水果，咖啡機都有。但係你估佢想早啲返屋企食 ...

即係人總要物質獎勵?不能享受內在的歡愉 （如成功感）?

我希望孩子多享受成功感帶來的滿足多於物質帶來的開心。就好似近來阿仔日日都醉心於畫漫畫一樣，其原因係佢見到同學仔睇佢畫啲笑話漫畫會笑，阿仔因而感到滿足，這促使咗我仔日日醉心於畫、畫、畫。當然……我的孩子仍未能擺脫物質的獎勵 （雖然都要同印仔換）。

greentea000

S-Kwok 發表於 17-3-14 08:28
本帖最後由 S-Kwok 於 17-3-14 08:31 編輯

因為飯始終都要食囉

所以我覺得好難拿捏

咁樣比較奸矛呢！

greentea000

IloveJJ 發表於 17-3-14 09:07
我覺得獎勵如果係無準則，即係有時獎，有時唔獎，獎乜又要睇阿媽心情，咁樣不如唔好獎。
因為咁樣變成有得講數，而且最終係睇阿媽心情，而唔係自己表現。
如果你返工既制度係睇老闆心情來決定你既努力有無花紅，你還有心機跑數嗎?

你講出左獎勵制度最重要既原則！

greentea000

little_yolky 發表於 17-3-14 10:30
唔會。因為我家明文規定, 每年只有生日同聖誕節會買玩具。現具鋪多我哋呢D家長真係等執笠 so far  ...

咁父母一早表明立場，立左大框都係一個方法。
大女果然好易搞掂！

細女完全唔so你？

greentea000

S-Kwok 發表於 17-3-14 09:48
本帖最後由 S-Kwok 於 17-3-14 10:12 編輯

我地有準則，以成績儲印換獎品。

我認為你未諗清楚就引入左獎勵制度，其實內心唔係完全認同呢種做法，你想得到呢種制度既效果又唔想付出代價。唔認同自然執行上反反覆覆，仔無所適從，要試探咩情況下work咩情況下唔work保障自己既利益。規矩雖然係你定既，仔雖然係弱勢乙方，但唔係完全你話事，唔落實執行就等如無規矩。
你內心既憂慮完全可以同仔講，佢未必唔明。但係明又未必照做，為自己而盡全力係最高標準，唔係人人buy。就講我，我係為自己而留力(成績、職業、人生)，為老豆而努力(母女關係)，為升職加薪花紅而賣命。如果你仔動之以情無效果，而你又不屑於利誘，就唯有接受。你唔接受既話，獎勵制度起碼係各取所需，叫做雙嬴。

MrBeast

S-Kwok 發表於 17-3-14 13:43
所以我覺得呢代做孩子又難；做父母都難。我地做孩子嗰代，阿爸阿媽邊理咁多、諗咁多，孩子錯咗咪鬧咗打咗 ...

冇人一生出來就識做父母，大家都是邊做邊學，只要有心，好多有用資訊就在附近。其實都唔洗念得咁復雜，張心比己，換轉角色念下會否覺得公平 就得，但規則是死人是生的，有時我會加句：「好啦，今次破例，下次就唔得架la」關定後門。講數都是技能的一種，我真唔覺是什麼大問題。

S-Kwok

greentea000 發表於 17-3-14 21:51
我認為你未諗清楚就引入左獎勵制度，其實內心唔係完全認同呢種做法，你想得到呢種制度既效果又唔想付出代價 ...

首先，我地有跟準則進行獎勵，所以無反反覆覆，仔唔會唔知準則喺邊，我亦無唔想付出，只係我覺得要平衡各方面包括對仔嘅價值觀影響、仔嘅性格……會難拿捏。只係佢好想要遊戲卡，所以想揾借口睇吓可唔可以擁有。