LH & st cat interview

Momo_mommy

bk-bb 發表於 17-2-23 18:38
下？係呼喝定大聲？呢個比黑面嚴重。雖然我明一大班小朋友有時好難控制，但呼喝亦未免太過火。

但 ...

啊仔有2nd interview 不過同老公商量之後我哋決定唔去啦！真心，因為覺得啲老師尤其是嗰個miss Cher 真係不知所謂，唔想有機會俾阿仔再見到佢或者你去教阿仔！

Momo_mommy

siuwing2 發表於 17-3-3 00:03
我自己本身都係康城家長，可能一開學我唔能夠答到你，但宜家我可以同你講小朋友係鍾意返學嘅，我地自己家 ...

我想問搵食就可以咁樣對啲小朋友架嘛？佢要尊重自己係老師做返老師嘅應有態度因為啲小朋友會有樣學樣學左佢！唔係一句要搵食就大晒！你又點知我冇同校長反應呢？我已經寫了信比該校嘅校長。

siuwing2

sala222 發表於 17-2-23 18:02
唔好唔開心啦，要明白每間學校都有唔同老師唔同性格。上年我同大b in LH，門口等緊，見個老師呼喝拉扯一班 ...

不過我想知道點解睇到聖誕影相嘅，我上年報名同interview 冇遇到聖誕嘅

siuwing2

Momo_mommy 發表於 17-3-3 08:30
我想問搵食就可以咁樣對啲小朋友架嘛？佢要尊重自己係老師做返老師嘅應有態度因為啲小朋友會有樣學樣學左 ...

當然唔係淨係搵食咁簡單，係互相尊重，同一個interview見同一個老師都可能有D會覺得老師ok有D覺得老師黑面，可能嗰刻個老師好攰昵？今年我個小朋友讀pn 我先體會到幼師唔易做，又要教同安撫小朋友又要應付家長，放工又打下俾我地，一講就成半個鍾至一個鍾，教下我地點教小朋友，真係少D愛心都難頂
況且已有其他st cat家長話那個老師其實好好，希望校長可以俾到個滿意答覆你啦

羊咩咩BB

回覆 bbmo403 的帖子

Same here，幾月b？7-8 月b通常無

bbmo403

回覆 羊咩咩BB 的帖子

11月 (超大B)

sala222

siuwing2 發表於 17-3-3 08:46
不過我想知道點解睇到聖誕影相嘅，我上年報名同interview 冇遇到聖誕嘅
...

係門口waiting area等入校長室時，而Xmastree係waiting area，即reception對出， sofa附近。記得2nd in分幾日進行，可能你遇唔上。

sala222

siuwing2 發表於 17-3-3 08:46
不過我想知道點解睇到聖誕影相嘅，我上年報名同interview 冇遇到聖誕嘅
...

我明白你問題了，我講緊大仔，佢in K1，唔係PN，所以2nd in係Xmas前。

siuwing2

sala222 發表於 17-3-3 18:53
我明白你問題了，我講緊大仔，佢in K1，唔係PN，所以2nd in係Xmas前。

唔緊要，希望你仔仔搵到一間適合你地家庭的學校啦

sala222

siuwing2 發表於 17-3-3 08:46
不過我想知道點解睇到聖誕影相嘅，我上年報名同interview 冇遇到聖誕嘅
...

https://www.edu-kingdom.com//forum.php?mod=viewthread&tid=3212625

Interviewed in dec 2015 for the admission in 2016/2017.

sala222

siuwing2 發表於 17-3-3 19:03
唔緊要，希望你仔仔搵到一間適合你地家庭的學校啦

剛剛才見你回覆，多謝你，亦希望你小朋友校園生活愉快☺️

c50382952

Momo_mommy 發表於 17-3-3 08:27
啊仔有2nd interview 不過同老公商量之後我哋決定唔去啦！真心，因為覺得啲老師尤其是嗰個miss Cher 真係 ...

唔好怪我多口，我覺得你反應好似激左啲，其實如果區區因爲面試時老師無咩表情你就咁大反應唔要2nd in個機會好似好傻囉，當然大把人包括我會好感激你令我哋多左一個機會入Sc。其實真心覺得我去其他幼稚園in時，好多老師都係無咩笑容㗎啦，始終係interview又唔係番緊playgroup，都唔會expect 啲老師對住你笑到四萬咁口啦，唯一去過有間個個都笑容滿面就係出名commercial嗰間，去完都唔知自己係面試緊定參加party，我反而唔習慣。我覺得你讀得pebbles本身係好想仔仔讀SC，如果因爲單單對一個老師不滿咁就放棄一間好學校好可惜囉，你之前既投資亦化為烏有。另外，好多事都係雙向 ，你自己當日對住個老師係咪全程都有笑容呀，我相信你自己都未必會啦。你仲喺網上開人名，我覺得係網絡欺凌囉。

其實呢個面試遊戲大家都好清楚邊個係莊，唔通你去見工時個HR黑下面你就要周圍唱人哋，又投訴俾公司老闆話人哋唔尊重你咩，之後原來個HR本身唸住俾offer你，但係你就懶型唔要offer。唉，唔好為一啖氣將來後悔啦。不過你連投訴信都寫埋，就算你仔叻到識飛天，我係校長都會避開晒你呢d麻煩家長，所以未到最後唔好咁傻豬咁快揭開自己底牌啦。希望你唔好介意我咁直，我都係想你明白，呢個現實世界就係咁，唔會樣樣都係咁完美。

仲有，原來個老師都俾左2nd in你個仔，即係佢當天評分俾你個仔唔差啦，你仲想佢點。成件事我只係見到好似係你對佢恨之入骨多啲喎。

sala222

c50382952 發表於 17-3-3 20:20
唔好怪我多口，我覺得你反應好似激左啲，其實如果區區因爲面試時老師無咩表情你就咁大反應唔要2nd in個機 ...

個位媽媽可能對個位老師有偏見在先：「In我個仔既老師叫Miss Xxxx ,平時都見佢係pebbles行嚟行去。個樣好似死老豆咁，一啲禮貌都冇！」老實說，「唔笑」真係唔代表冇禮貌，我自己工作時未必可以兼顧笑容，以「死老豆」去描述他人，比冇笑容的人，更稱得上無禮。但可能個位媽媽因為小孩表現未如心中所想，所以用其他方法發洩一下，所以先偏激了。