適合初小看的歷史書

kukoclam

LeeCC 發表於 16-11-15 08:47
世界出版社有一本手 繪中國地圖，買本返去，讓小朋友看其他歷史書時可以refer去地圖 ...

請問有無書名？謝謝

LeeCC

kukoclam 發表於 16-12-21 08:33
請問有無書名？謝謝

手繪中國歷史地圖，世界出版社
現在大眾做緊推廣

kukoclam

LeeCC 發表於 16-12-21 16:28
手繪中國歷史地圖，世界出版社
現在大眾做緊推廣

我去看看，謝謝你

little_yolky

MASAYA 發表於 16-12-20 18:09
我都想買小說

回來了, 到最後唔係係霾死我, 係差D乾死我！已經日日揸cream, 但係無用, 第二日手背腳背皮炎, 又痕又痛, 我真懷疑北京濕度有無20%, 皮膚龜裂到連iPhone指紋都開唔到機, 次次要入密碼。一返香港第二朝, 手指好返D, 指紋又開到機了, I love HK


話說阿女想買紅樓夢線裝, 但全個北京只有貴版, 幾千蚊緊唔買啦。阿女塊面黑到玄壇咁。最後一日去到前門條步行街, 行行下有間中國書局, 入去又見到貴版紅樓夢, 阿女望到眼金金。sales姐姐好好, 話佢一定睇唔明的, 介紹咗套貴版線版既普通印刷版, 260人仔六套, 係佢哋書局出, 程甲本, 其他書局買唔到(佢話), 阿女即刻開心返晒, 返酒店即拆。真係好好, 字大隻, 又係原裝繁體字, 我諗同阿女睇得幾回, 教佢點斷句, 佢就可以自己睇了。


另外, 我終於忍唔住佢既大魔咒, 買咗套大字版《神鵰》俾佢了。我早同佢講睇就先睇《射鵰》, 佢睇咗頭一回已經頂唔住話好悶, 我都同佢講咗忍到D阿爸阿媽死晒走晒就好睇, 佢係唔聽要睇神鵰, 都唔知有乜好睇。

MASAYA

little_yolky 發表於 16-12-28 18:12
回來了, 到最後唔係係霾死我, 係差D乾死我！已經日日揸cream, 但係無用, 第二日手背腳背皮炎, 又痕又痛, 我 ...

妳似中毒多過似天氣乾

MrBeast

little_yolky 發表於 16-12-28 18:12
回來了, 到最後唔係係霾死我, 係差D乾死我！已經日日揸cream, 但係無用, 第二日手背腳背皮炎, 又痕又痛, 我 ...

朝流興前傳，其實射鵰一開始睇二先得唔得呢，最尾先睇返一

cherrieshum

LeeCC 發表於 16-11-15 08:47
世界出版社有一本手 繪中國地圖，買本返去，讓小朋友看其他歷史書時可以refer去地圖 ...

好建議

MASAYA

MrBeast 發表於 16-12-28 20:16
朝流興前傳，其實射鵰一開始睇二先得唔得呢，最尾先睇返一

先睇神鵰可能唔會鍾意郭靖一家，咁就唔會睇射鵰，前傳外傳通常係發展受歡迎角色既支線

little_yolky

IloveJJ 發表於 16-12-28 23:10
你同阿女去北京，睇咩地方?我都成日想同阿仔去，介紹下。

Day 1: Flight Delay, 所以去到已經9:00, 入到酒店已經10:00, 無嘢做, 沖涼瞓覺
Day 2: 瞓到9:00起身, 食個北京早餐, 行去故宮。遇無限安檢, 檢呀檢, 終於入到去, 已經11:XX。見到精品店, 瘋狂了！行咗一部份宮&殿, 响紫禁城唱咗一段打金枝, 5:00走人。行去王府井書城, 然後吃片皮鴨。8:10去我心愛既內聯陞布鞋, 點知拉緊閘放緊狗, 明明話9:00閂舖, 國內企業對員工真係仁慈........不過, 兩位嬸嬸好好, 放返我哋入去買鞋, 買咗三對走人, 返酒店, 食yogurt

Day 3: book車7:30出發去長城, 行到我命都無, 又長又斜。阿妹好似馬騮咁, 完全唔驚, 我同大寶嚇到死死下。我行到差D心臟病發。11:15走人。沿路食餃子, 然後去十三陵既定陵。好可憐, 文革時骸骨同棺俾人燒咗......剛遇到人哋既本地導遊, 痴咗埋去一齊行聽免費講解。然後2:30走人, 坐車去西丹書城。逛到大概5:30吃飯, 吃火鍋, 因為book唔到涮羊肉。吃完坐地鐵返酒店, 吃yogurt

Day 4: book車7:30出發去周口店, 兩個寶開始發颷, 問點解日日咁早起身。我哋安慰佢返學要6:00起身, 已經晏咗了。點知C6愚蠢無check清楚, 誤信網上信息, 原來周口店博物館週一閉館。所謂禍不單行, 周口店遺址塌石, 所以封山！所以坐咗一粒鐘車白走一趟。本來去自然博物館, 但週一都係閉館, 所以古生物都無得睇, 唯有去北京動物園, 有D古老, 但因為淡季, 人流少, 好舒服, 見到精品店, 又瘋狂血拼一番。然後在動物園旁邊真功夫吃午餐, 2:30出發去前門步行街, 吃東西, 買手信, 終於買到紅樓夢。然後5:10趕放工高峰期前坐地鐵去王府井, 吃雲南菜, 然後步行回酒店, 吃yogurt, 執行李, 寶寶們溫書。

Day 5: 8:30起身, 吃早餐, 收拾行李, 10:30出發去機場, 返香港。


Day 3跟Day 4的行程應該對調。周口店遺址應該明年會開放返。答應妹妹下次去雲南睇恐龍博物館。如果你同阿仔去, 仲可以去中國國家博物館, 頂得住早起仲可以去睇升旗, 因為冬天太陽遲起身, 7:30至升旗。故宮實在大, 如果可以早起, 早D去, 排安檢可以快D, 睇多幾個宮同展廳。最好住地鐵附近酒店, 因為勁塞車, 有乜事都可以坐地鐵。但地鐵高峰期仲迫過沙甸魚, 所以最好高峰期去吃飯。去出名店舖食飯最好先book, 但如果無揀擇, 其實好多地方吃好吃的東西。唔怕遠, 可以去海淀區參觀一下北大校園。


如冬天去記得帶多D勁量補濕cream同補濕面膜!!!!!!!!!!!!!!!

MASAYA

IloveJJ 發表於 16-12-29 10:21
見大家咁熟識點睇書，我剛買了《詩魂》一套三本，那麼請教一下，是順序看?還是那一本先?
...

詩魂有三本？我只知修煉有三本...

little_yolky

S-Kwok 發表於 16-12-20 18:37
即係節日故事嗰套?

終於上載好相片了。係下面呢套, 超好睇, 內容啱初小生, 有圖, 字唔太大唔太細。

little_yolky

另外呢三個系列都大力推薦, 都係好好睇, 其中下面呢三本係我最鐘意既, 好適合初小。

little_yolky

另外, 呢套我個人覺得都好好, 因為佢分初中高小, 到中學生都有, 題材又多元化, 好適合怕悶既小朋友。

MrBeast

IloveJJ 發表於 16-12-29 10:21
見大家咁熟識點睇書，我剛買了《詩魂》一套三本，那麼請教一下，是順序看?還是那一本先?
...

修煉和詩魂我都睇完（note是我），建議睇修煉一先

MrBeast

little_yolky 發表於 16-12-29 11:47
另外呢三個系列都大力推薦, 都係好好睇, 其中下面呢三本係我最鐘意既, 好適合初小。

一糸列的書通常來自不同作者，頗參差，所以現在通常找到好看的就search下同一作者有什麼其他作品