小囡現k1, 現在要準備什麼升小？

wonglily

uncle13 發表於 16-9-20 23:53
邊個方法考入軒小機會大？軒小會跟qc和bps脱龍嗎？

應該抽入機會大D，叩門好像有幾百人。

mimi222shi

我自己小朋友係無打機同無睇電視(因為父母也無,父母就是小孩的榜樣)
要成功培養閱讀習慣,必須要先找到閱讀的樂趣.
做好功課,可以獎佢睇書, 書就係獎.

MrBeast

lambeanmama 發表於 16-9-20 23:02
我真係有問過我媽點教。佢話要睇孩子性格。我的性格係自律性強而好奇心重，你越唔俾我試我會越想去做。所 ...

冇ek年代有這思維，伯母絕對是大師級人馬

lvmh88

retriever 發表於 16-9-21 07:16
建議你試下download或 用chroxmecast之類放視頻上電視睇。俾細路知道/習慣手機有野睇有野玩，唔係好事。
...

我都係用chroxmecast，放係電視上易控制啲。如果用手機或iPad, 小朋友會知道除時有得睇，咁自然出街就會扭。用電視，咁佢會係屋企先要求。

用電視睇YouTube, 某程度上我都係想train 小朋友能放能收。我有用stop watch, 每次睇之前都會講alarm 響就要熄，慢慢佢自己就同返我講，alarm 響就熄。初初係唔得㗎，一熄就喊，但近排見成效，我熄電視佢仲會同電視講bye bye. 我相信，父母條線畫得實，小朋友就唔會再試你底線，之後就好教啲。

至於peppa pig, 係㗎，搞笑多，但我囡2歲，都係想聽多啲。歡迎提供多啲不同類型，我會save低將來用。除左pegga pig, 睇下national geographic 啲動物都好開心㗎。

lambeanmama

retriever 發表於 16-9-21 00:11
個人係傾向舊時個套，正確D 講，係舊時既環境。

所以我係盡可能擬做以前既環境，由細路自理能力，尋回解 ...

呢一點我好同意。兩歲前我仔都係內向怕醜型，但過去大半年我日日放佢落街玩，現在兩歲八個月大，人仍是內向，但已學懂與其他小朋友一齊玩，會自動打招呼，仲有分享。呢d, 其實不用上playgroup 學的。

retriever

lambeanmama 發表於 16-9-21 09:40
呢一點我好同意。兩歲前我仔都係內向怕醜型，但過去大半年我日日放佢落街玩，現在兩歲八個月大，人仍是內 ...

我口水多過茶, 借題發揮下....

朋友講樣野, 幾有意思...


話說佢細時成日落樓下同D 哥哥玩, 當年大家都窮, 亦無咁多PRE-PACKAGED 既玩意.

有哥哥用紙同橡皮筋摺左支槍, 仲可以射埋子彈...

好勁呀, 想要!

可以點樣?

咁只能夠求教果位哥哥, 哥哥唔會一次過教哂你架.

亦唔會手把手教你...

結果你要主動同人FRIEND, 當然要開金口, 仲要自己嘗試摺, 嘗試失敗, 改良....

以前學打乒乓波, 一班孩子... 咦, 點解果位哥哥開波咁古怪, 自己接波食哂西, 個波會飛走?

只能夠旁邊留意, 偷下師.... 哥哥又會收收埋...


而家學咩都係上班, 有D 為求進度仲學埋私鐘, 所以講起小學一體一藝好多MONEY...

但眼見學習班內小朋友, 通常未到佢玩就係度HEA, 無聊, 發夢....

主動性差好遠...

lambeanmama

lvmh88 發表於 16-9-21 09:26
我都係用chroxmecast，放係電視上易控制啲。如果用手機或iPad, 小朋友會知道除時有得睇，咁自然出街就會扭 ...

係呀，我仲要係定時定刻睇。我教個仔生活有序。每日洗完白白有十五分鐘電視睇，個段時間就係工人姐姐準備晚餐。每日睇完，佢也會自己熄機。就算偶然有扭，只要提一提生活有序四個字，他就會乖乖放手。同埋，只讓他在電視睇youtube 是很重要的一環。

lambeanmama

lui 發表於 16-9-21 05:10
分析得好！要英文流利聽audio book.還可train 專注力

係。英文好其實是"聽"出來的。之前我只注重培養閱讀興趣，但經一位專做英語幼兒教育的大學教授友人的點撥，我已在一年前調整，孩子每晚睡前，我伴讀半小時，然後再聽audio CD, 讓他聽聽吓瞓覺，我覺得孩子的英語聽力有好大的進步。呢一點，我不斷同身邊友人分享。

szekicheng

其實面試表現好, 唔一定收; 表現好, 又唔一定收...大家都唔知心儀學校咩玩法, 所以真係唔好咁緊張. 我仔今年K3揀小學喇, 我都好隨緣, 報私校都只係3間, 唔得就算, 個天會安排!

alicekeith

原帖由 lambeanmama 於 16-09-21 發表
係。英文好其實是"聽"出來的。之前我只注重培養閱讀興趣，但經一位專做英語幼兒教育的大學教授友人的點撥 ...

謝謝分享！