英華小學

retriever

PanMada 發表於 16-9-20 18:16
咪就係囉。朋友班波友對校長評價又有咩關係呢, 正如有冇鍾意689, 有人好憎689一樣。
ps: 估佢朋友班波友係 ...

本帖最後由 retriever 於 16-9-20 19:26 編輯

正如版友講校友同林校長係無物"啦 lung", 老實講，本來係無英華小學，所以承傳既價值觀都唔同。

英華全盛時期，係號稱next to喇叭既百年男校，因為無小學
吸引左唔少九龍區既草根d既男精英，亦習慣比較低調。

而家卡通校長既高調，跟書院既傳統低調，甚至超過到有點妹仔大過主人婆，當然令校友唔多高興。

卡通校長教女校多年，而家sell有多了解男生教育及成長，除左眾媽媽粉絲，百年老男校既校友爸爸們，又有幾多覺得咁特別，或者信佢果套？

以事論事，粉絲莫怪。

retriever

Wilma88 發表於 16-9-20 17:48
說實話，英華小學復辦得不俗，係snoopy 、老師和新一輩學生努力打拼出來，但果d舊生、波友有幾多個真係出 ...

確實英華近年紅，全靠卡通校長。

但校友唔係咁睇，覺得小學係應該跟書院果套。

正正係咁，所以每次簡介會粉絲都問卡通校長幾時退休，到時震盪可能幾大。

Mario1234

Retriever 君，請問你是舊生嗎？是家長嗎？為何總覺你每逢見YW有post , 都高調地代表所有舊生、朋友、波友及家長出聲？
你對YW有咁多「反面」的認識，我真的很希望可以認識你，互相面對面交流一下。

kuri_ma

retriever 發表於 16-9-20 15:11
對呀.
我只係指出, 爸爸們跟媽媽們對卡通校長印象較大差異, 仲有舊生對佢高調既反應..

住九龍區都唔一定要報英華既，唔報英華都可以報拔萃啦，唔使因為卡通校長走到去港島區呀？咁萬一英華搬去港島區，你既"朋友"會唔會上深圳讀

呢度似有人食唔到提子喎⋯⋯

可能卡通校長踩親佢條尾

ckcleung

回覆 retriever 的帖子

我唔會懷疑有D"校友"會係你所講既諗法.不過,你所講既校友諗法代表左其他校友既諗法呢.
你已經很多次講有舊生不滿意林校長高調長風,書院變成英華小學附屬中學.我想問你既講法個代表性?點解多次表達呢個諗法呢? 除非你呢個說法係有一個significant數目舊生,例如過百個舊生向你表達過啫, 否則你只聽一兩個校友講過,就多次重覆呢個睇法. 如果你認為合適既, 請繼續. 你有你自由.

ozduckie

好奇怪地點解係由一個非舊生、非用家來不停話呢間學校的不滿？

retriever

ckcleung 發表於 16-9-20 20:19
回覆 retriever 的帖子

我唔會懷疑有D"校友"會係你所講既諗法.不過,你所講既校友諗法代表左其他校友既諗法 ...

你既論點幾有趣。。。

EK 上既帖，不嬲都係一家之言，或者分享朋友經驗，幾時開始要有多大代表性才講說話，公投後嗎？！

話時話，我都好想有公投。。。

BTW，請留意我在帖內言論，幾時有批評你心愛既學校？！

retriever

Mario1234 發表於 16-9-20 19:55
Retriever 君，請問你是舊生嗎？是家長嗎？為何總覺你每逢見YW有post , 都高調地代表所有舊生、朋友、波友 ...

REALLY？ 你有無睇哂我寫既英華既帖？有無統計過？好似CK 話，有無代表性？


似乎你都唔係點明白／理解我寫既野，我寫左咩野英華既負面野？！

所以真係多謝哂，唔知點同你交流。

ppmmbb

校友啲仔入到英華小學味話小學好！

校友啲仔入不到英華小學味話小學唔好囉！

sasaray07

我係用家，真心覺得校長有心教學，校內常教小朋友的價值觀，如幫人，擁抱挑戰等，都十分正向和啟發。課程設計亦的確較為男生而設，如較多的體育課，多一些探索的課程等。不是只說不做。對於抨撃校長的聲音，我很心痛，因為她真的非常有心及投入教養這班男孩。

ppmmbb

adrio 發表於 16-9-21 17:01
回覆 retriever 的帖子

英華系香港一線的学校來看只系平平， 雖然有考過，資源和校園來看一定選直資貴的一 ...

唔明！

Cowbit

Mario1234 發表於 16-9-20 18:08
我是用家，我不會只話「朋友個仔話、朋友話⋯⋯」來評論一間學校。
我只想以用家的身份親自表達一下意見：
...

想請教一下， 你話"學校從來都沒有在學業上給壓力俾家長，所以班名次、級名次都不會印在成績表上", 咁點解要私底下每科比個全班同全級排名家長知? 仲要由一年級就開始。我嫂話佢個仔九十幾分都全級排100左右, 如果家長睇得開就梗係好，但有D同學家長亦因為咁就以為自己個仔唔掂。仲有D "best of the best", 其實唔係壓力咩, 不過可能係對頭嗰批壓力大D啫。


不過，英華都肯定係好學校，如果我仔入到都願了

Wilma88

Cowbit 發表於 16-9-21 17:33
想請教一下， 你話"學校從來都沒有在學業上給壓力俾家長，所以班名次、級名次都不會印在成績表上", 咁點解 ...

學校真是好多活動。我覺得咁可以俾家長知道個仔成績咩位置，冇大問題就玩多d，如果成績沉咗底，自己衡量下係咪cut d活動。

retriever

adrio 發表於 16-9-21 17:01
回覆 retriever 的帖子

英華系香港一線的学校來看只系平平， 雖然有考過，資源和校園來看一定選直資貴的一 ...

以15000蚊一年計，係非常低讀既直資，仲有直昇中學添。 至於d人講中學係band 1 b定c,  我又覺得無咩意思，因為最緊要係自己個仔係咩級數。

硬件我又睇唔到有邊間收得平過佢，又好過佢喎。

matsushima

adrio 發表於 16-9-21 17:01
回覆 retriever 的帖子

英華系香港一線的学校來看只系平平， 雖然有考過，資源和校園來看一定選直資貴的一 ...

想請教一下，為何一定選直資貴的一線

Mario1234

Cowbit 發表於 16-9-21 17:33
想請教一下， 你話"學校從來都沒有在學業上給壓力俾家長，所以班名次、級名次都不會印在成績表上", 咁點解 ...

其實以前學校不會再內聯網發布成績統計的，但好多家要求學校公佈成績數據，以確定自己個仔的成績和其他人以較後有個參考。
所以你話成績壓力來源是「成也家長、敗也家長」，你算你去到Happy School, 但你對仔女有要求，在家不斷鞭策佢地，你認為D仔女會Happy 嗎？
老實講，開家長會時，老師只會同你講你個仔有邊度要改善，不會強調你個仔今次考第幾。家長自己見到成績數據而覺得有壓力，我覺得首先要調整自己的心態，是否考試只追求分數？何不放多D心思在其他課外活動上？

BandC

原帖由 Mario1234 於 16-09-21 發表
其實以前學校不會再內聯網發布成績統計的，但好多家要求學校公佈成績數據，以確定自己個仔的成績和其他人 ...

你這樣說有點牽強，雞同雞蛋的問題，如果學校不重視排名次，大可不公布，何需因為家長的看法而去弄個名次出來呢？分數不是已經說明了小朋友懂多少，有哪些問題答得不好不是看考卷就知道嗎？名次本身就帶有跟同學比較的意思，本身不緊張的家長看見90分都排100名，明明不緊張都變成緊張啦。

Wilma88

BandC 發表於 16-9-21 22:01
你這樣說有點牽強，雞同雞蛋的問題，如果學校不重視排名次，大可不公布，何需因為家長的看法而去弄個名次出 ...

你應該不是英華家長吧？家長可以選擇唔睇學業報告排名次嗰頁。學校真的從來不用名次和成績來評定一位學生成敗，所以話呢家長自己心態更重要。其實有直屬中學的小學唔出名次對學校更有利。

monsterparentss

其實係講緊咩家長睇呢個排名就有咩反應。

如家長眼中只見到囝囝果90分，而佢90分家長都好滿意，跟本唔會理會排名。

因有升書院的關係，90分夠有餘，咁仲緊張啲咩呢？

咁我又幾鐘意個排名喎，大約知道小朋友全級位置，作為一個參考都唔錯。唔駛估估下。

我諗排名只有頭果啲同尾果啲先會關心！