第一次呈分失手, 是否可在第二,三次追回

Eat_Sleep_Play

Yanamami 發表於 16-3-30 18:11
我地学校係11月头考呈二，DBS DGS收生程序已开始，接住係SPCC HY GH, 成績表都未有呢~我知有唔少学校11月 ...

今次呈一要努力D先得

mcl203

原帖由 yuyueng 於 16-03-30 發表
當然可以，我仔第一次呈分（小五下學期）衰左科英文得60幾，暑假每日同佢補一個鐘，星期六日2個鐘，到第二 ...

直資不少係由小4睇起~~~

麵包

原帖由 miriam 於 16-03-30 發表
我囡都係數弱, 所以 P.4 開始單對單專補, 等導師講解返佢真係理解唔到既野, 公文呢類只係重複又重複既模式, ...

認同，同埋我教佢嘅方法未必同學校一樣，有時列式唔同會扣分

蘑菇

Eat_Sleep_Play 發表於 16-3-30 17:30
我反而覺得咁樣拖太長，我哋學校只有3考無測驗，所以嚟緊就係呈分試，一試定生死，有好有唔好 ...

我仔仔都係三考呈分，已經歷咗呢三次呈分試，宜家總算輕鬆d.

麵包

原帖由 蘑菇 於 16-03-30 發表
我仔仔都係三考呈分，已經歷咗呢三次呈分試，宜家總算輕鬆d.

橫跨五丶六年級嘅呈分試其係好折磨人

Eat_Sleep_Play

麵包 發表於 16-3-31 00:04
橫跨五丶六年級嘅呈分試其係好折磨人

無計，呢個遊戲係咁玩，全世界都一樣，唯有勇敢地面對

洋蔥頭媽咪

原帖由 麵包 於 16-03-31 發表
橫跨五丶六年級嘅呈分試其係好折磨人

有好有唔好啦，分開三次呈分衰左仲有時間比你追，但好似 dse 咁一試定生死一衰左就玩完啦  

JJDBB

原帖由 洋蔥頭媽咪 於 16-03-31 發表
有好有唔好啦，分開三次呈分衰左仲有時間比你追，但好似 dse 咁一試定生死一衰左就玩完啦  



  ...

其實，可唔可以做到平常心去面對呢？

洋蔥頭媽咪

原帖由 JJDBB 於 16-03-31 發表
其實，可唔可以做到平常心去面對呢？

絕對可以，睇家長咩心態啦，冇期望就自然冇失望。

我大仔當年呈分真係冇乜點理，呈分試書都係佢自己温，小六時只跟banding 陪佢參觀左兩間中學，其他乜都冇做過，冇太大期望就唔會失望架啦，但去到細仔升中時明顯見佢成績比哥哥更好，當然期望佢能入倒間更理想嘅中學，對佢嘅要求自然較高，其實我地已經盡量平常心，我相信只要學校不太差，有心讀書邊間學校都一樣讀倒書，所以我從未想過要叩門，除非陰差陽錯B1生派了去B2/B3學校差太遠，否則我都唔會叩。

little_yolky

洋蔥頭媽咪 發表於 16-3-31 09:16
有好有唔好啦，分開三次呈分衰左仲有時間比你追，但好似 dse 咁一試定生死一衰左就玩完啦  



  ...

係架, 好似我阿女果D, 永遠唔可以維持連續兩個學期好成績的 係希望佢5年班上學期唔好, 下學期好, 咁三次呈分都起碼有兩次好丫。

Emilyeee

現在才學公文真係對呈分無用，佢會由好跟本，可能小三小四數開始教，教得嚟蚊瞓。要學早D學，公文可以做數快D，考試有好多時間check卷，超學年對奧數亦有幫助。

樓主女兒唔合格可能唔理解、做得慢又或者少做練習，做多D補充可見多D不同形式問題，考試時即刻諗到點做。如果考試沒有考深，其實做番學校的補充練習、工作紙已經一定合格，七八十分唔難，街外補充未必貼近學校題形和深淺。

我仔公文超學年，呈分100分唔難，我只幫佢溫下學校平時功課大意計錯的題目，多出時間用來溫常識。