15年9月入讀 34網 - "聖公會聖十架小學" 揮手區

komi_bbc

我大囡係今年聖十架既三年班學生

其實我諗每間學校都會有比較嚴同惡既老師😓
話說我早兩個星期前就開始留意呢個post(因為我細囡今年要揀小學)，我見到d家長留言之後(話d老師勁惡鬧d小朋友)，所以夜晚我返屋企就即刻問下大囡學校係咪有呢d事，阿大囡既答案係話冇既，佢話老師只係鬧d比較曳或者做錯事既小朋友
到到今日，我又睇到有家長回應話d老師好惡, 小朋友驚返學... 所以我啱啱就再詳細d咁問我大囡好多關於佢返學同埋學校周邊既野....
我得出既結果係...
老師係冇無啦啦去鬧小朋友對小朋友惡，除非佢地做錯事或曳。而d老師指責小朋友既時候，都冇對小朋友郁手郁腳
大囡話老師有時係有少少惡，但佢都係鐘意返學，鐘意呢間學校既😊
咁所以其實我覺得有投訴既家長，會唔會係你地既小朋友係學校有曳而你地唔了解呢？
又或者會唔會係小朋友係學校比老師罰完or鬧完，返到屋企將件事放大左黎講比家長知詐下嬌咋呢？因為我知有好多小朋友都會咁做😓

唔好意思，篇野可能打得有d長兼有d唔通順，但我都只係想表達我所知道既野比大家知。

b16a

komi_bbc 發表於 15-10-3 20:55
我大囡係今年聖十架既三年班學生

其實我諗每間學校都會有比較嚴同惡既老師😓

你留意咗個post咁耐都唔清楚問題????

正常學生當然冇問題喇，但重點係有"特殊需要同學"比被合併後嘅老師不友善對待或針對嗎，有"特殊需要同學"比較曳或者做經常錯事有幾奇？

老師點解唔包容或正確教導返佢地。咁老師都應該訓練下自已嘅EQ先得喇!!!!!

利申：非聖十架新生或舊生家長

aymaggie

一個 sen學生有時覺得悶時，都會自己同自己講野，非常普通，並不是什麼百厭行為，跟本就不需要大聲罵，叫佢繼續講，唔比佢畫，只會嚇到佢地，令佢地情緒更激動。

如果老師連咁少既行為問題都控制唔到自己情緒大聲罵學生，那他點去教真係百厭既學生呢？ 以更惡語氣？ 或爆力？

就算無特殊需要既學生都會有百厭既時候，何況係 sen既小朋友！
做家長點會唔明白老師教 sen學生辛苦，我們教一個都咁吃力，何況老師要對住咁多個，仲要個個不同性質，有些更可能會有爆力行為，教書之餘仲要兼顧埋其他學生安全，或要應付教書以外既工作，老師每天面對的壓力非常大，這些我們做家長既都非常理解和明白，所以對那些真心付出既老師非常感激。

yuenbochan

原帖由 komi_bbc 於 15-10-03 發表
我大囡係今年聖十架既三年班學生

其實我諗每間學校都會有比較嚴同惡既老師😓

個中文老師係當住同學面前大聲鬧仔仔，
我唔係投訴個老師用腳踢我仔，而係仔仔話老師有用腳踢同學叫同學企好，我覺得呢個做法有問題。呢幾年仔仔無話過唔想返學，但今年佢唔同哂，連醫生都咁講。唉，可能真係要轉校......

yuenbochan

原帖由 b16a 於 15-10-04 發表
你留意咗個post咁耐都唔清楚問題????

正常學生當然冇問題喇，但重點係有"特殊需要同學"比被合併後嘅老師 ...

多謝你嘅體諒。
我一家人只係想仔仔返學開開心心，因為呢一兩年，尤其係今年學校對有特殊需要嘅小朋友嘅做法真係同以前差咗好多，我地真係唔知可以點。

yuenbochan

原帖由 aymaggie 於 15-10-04 發表
一個 sen學生有時覺得悶時，都會自己同自己講野，非常普通，並不是什麼百厭行為，跟本就不需要大聲罵，叫佢 ...

係呀，前兩年日修嘅老師真係好有心對仔仔佢地，我地一家人都好感謝仔仔可以搵到個適合嘅地方返學， 點知而家調咗啲老師黎會變哂咁。

aymaggie

原帖由 yuenbochan 於 15-10-04 發表
係呀，前兩年日修嘅老師真係好有心對仔仔佢地，我地一家人都好感謝仔仔可以搵到個適合嘅地方返學， 點知而 ...

因為我仔唔識返來講，但每次我看他樣子就會知道他當日有無咸過，以前老師很有交帶，會出來同我講返原因，又或有時仔無啦啦上緊堂咸，放學時老師都會問我知唔知道原因，我當然知啦，但我沒有說出來， 因小朋友的小小欺凌行為我會不上心，可以包容，也已有心理準備，他們太細個未懂事，不想那些同學受罰。

現在只開學一個月，我們就比多少少時間學校，合拼後小朋友要適應，老師亦一樣，但絕不接受對小朋友有爆力和欺凌行為。 希望多些家長可以出來分享。

學校既野都係同學講我知，暫時還未聽過有静山老師對我仔不好或做出粗爆行為。下次或者我可以問下有無見到老師踢學生，到時再來分享。

kit408

我岩岩都有問仔仔今年老師同上年老師有咩唔同，佢竟然答我「今年老師好惡架，會突然間衝落台鬧人，佢話有一次小息排隊既時候，有哥哥問主任問題，主任唔理佢，仲叫佢地唔准望住哥哥，話個哥哥唔乖。」

其實sen小朋友好單純，佢地唔係想搞破壞而「曳」，雖然我小朋友唔係sen，但我接觸過sen小朋友亦有sen家長朋友，覺得佢地好單純。我覺得好心酸，佢地係天生有缺陷，如果老師都唔接受佢地，佢地好慘。

我覺得對學生唔係得鬧同罰，或者調黎既老師冇無教過sen學生無經驗。

cola1997

點解聖十架咁多sen 小朋友？扣門入？

Sassa

cola1997 發表於 15-10-7 07:43
點解聖十架咁多sen 小朋友？扣門入？

以前日修小學出名有支緩俾SEN小朋友, 所以好多SEN小朋友會選

mumtwo

據知: 因為搬咗校網去 34名校區，所以想力谷學校入一線系列，
不知道小二至小六的功課量有沒有改變，
但以我所知的小一功課量/默書範圍實在嚇人，與傳統谷校有得比。
對於已入讀的sen學生是不公平的，學校想改變力谷拔尖，
不如直接開門見山，可與家長相談是否轉校，
總比現在用嚴厲方式去威嚇學生有好處。
樓上sen同學的媽媽，不妨留意一下其他學校，趁下學期前考慮會不會轉校，反正下年搬校舍都是要重新適應，
適應期可能3-4個月，但總好過係學校唔開心幾年。
升上高小後將會更辛苦，老師一定會更針對"佢地認為"唔乖/唔叻學生。
(連美術堂都如此，中英數主科一定更強硬....)

aymaggie

現在還有邊間主流學校明知係 sen學生都願意接收！！！如果有請告知我們。 以前有一間，還教得非常好，小一得一班，半班是 sen 學生，但現在已沒有了----->日修小學。

盧BB

我知道靈光、牧愛、信義都會收同接納，及有愛心教導

mumtwo

aymaggie 發表於 15-10-7 14:17
現在還有邊間主流學校明知係 sen學生都願意接收！！！如果有請告知我們。 以前有一間，還教得非常好，小一 ...

對於哪一間學校會特別肯收sen學生，我沒有太多研究，但如果唔介意校舍/學術成績，可以考慮一些無咁谷的2線小學, 相信會比力爭上位的聖十架輕鬆。
希望各位小朋友都能開開心心上學。

46網坪石宣基, 因為係短期學校，比較少人讀，但聽聞校長老師很好很有心教小朋友, 可以去了解一下。

hkpapa852

aymaggie 發表於 15-10-7 14:17
現在還有邊間主流學校明知係 sen學生都願意接收！！！如果有請告知我們。 以前有一間，還教得非常好，小一 ...

慈雲山基慈可以諗下

aymaggie

今天終於遇到個超好老師，是静山果邊的，完全不熟悉。

今早同主任講了仔仔抄手冊有甩漏，有時完全唔知做什麼功課，跟得吃力，放學後老師主動打電話給我講解清楚，非常好，如果你們遇到問題時也可試下主動找老師傾。

b16a

aymaggie 發表於 15-10-7 18:18
今天終於遇到個超好老師，是靜山果邊的，完全不熟悉。

今早同主任講了仔仔抄手冊有甩漏，有時完全唔知做什 ...

陰謀論.......可能學校有留意此post

不過點都好，起碼有部份老師真心教導對小朋友，唔好下下EQ 0分咁返工!!!

aymaggie

原帖由 b16a 於 15-10-07 發表
陰謀論.......可能學校有留意此post

不過點都好，起碼有部份老師真心教導對小朋友，唔好下下EQ 0 ...

不會吧！！！如果真係有留意，應該全校老師都係一致態度啦！ 有的真係好 hea架！

b16a

原帖由 aymaggie 於 15-10-07 發表
不會吧！！！如果真係有留意，應該全校老師都係一致態度啦！ 有的真係好 hea架！



  ...

我都係講下笑估下姐

aymaggie

原帖由 yuenbochan 於 15-09-18 發表
仔仔真係唔想返學！學校之前通告話個個同學一定有一個課後活動或服務，點知上個星期仔仔返屋企話無老 ...

我仔過去兩星期已3晚嚇醒，仲要係2/3 點醒果隻，問他吔事，就話好驚老師，說老師好嬲，剛剛幫他抺汗，一碰到他都即跳一跳，看來今天又被嚇到了，遇著的咁既老師，都唔知可以點！！！！ 以前都有老師大聲講野，但他都好鐘意老師， 真係好好好好無奈呀！！！