參加學校泳隊定泳會泳隊対升中有幫助？

Band5

原帖由 ha8mo 於 15-07-21 發表
咁我暫時又冇見過有家長送仔女參加打機大賽去做pro gamers

或者只係我孤陋寡聞 ...

阿仔小學真係有參加機械人大賽，要寫program。只可惜佢冇因而怕咗打機！

Yanamami

alan280204 發表於 15-7-21 18:16
有無家長諗過，每日游果兩個鐘唔係操水，而係你本身親見陪佢一齊游，邊樣好d????你做得到嗎???
其實唔想用 ...

睇个家長乜野心态啦~~如果佢當个仔女好似賽馬禁為佢去比賽，贏左就臉上貼金可向人炫耀一番，輸左就黑哂面要加操加操再加操……禁就。不过現实好多都唔係禁~~


再講，阿女学樂器，我亦唔会陪学(我本身对音樂全無兴趣)，都－样係俾左錢就算。佢話要学就要花唔少既時间練，亦唔会清高到同阿女講：学音樂為陶冶性情，唔洗考級亦唔需要參加樂团，更無必要參加音樂節，你照学好了，閒來彈两曲俾我听下就夠~

Apemanmon

我個囡都係，來緊升中二，一個星期操水六七曰每日基本游2個中，有時游埋早水加晚水一日4個中。見佢游到手腳都痛都話耍去真係少D堅持都唔得。呢D冇得迫係佢自己中意，真心開心見為佢自己（學界攞獎同希望有机會入埋港隊）概目標前進！

pcy307

千祈唔好試圖用游泳搏升到好中學，要攞獎付出太大，不成正比。我仔小四入泳隊，係我迫的，因小時有哮湍而且要減肥，健康水都每星期兩三次，每次兩個鐘，教練已唔多like. 學界只得第六、七名，另外足球、乒乓球校隊，都係無奬，學業成績B1A，但考英華都係waiting(佢鍾意有足球場)，至今雖順利入自行一B1學校，仍然耿耿於懷。現在佢個人拉高咗唔再肥，已停咗練水，但有時同佢去泳池游水，見佢撲蝶時真係型到爆

like_travel

唯有一樣不能否認，運動能訓練孩子堅毅不屈，無論幾忙，女孩子甚至月事，女教練說水壓唔怕仍要操練，呢啲真係非普通運動員精神 當然因人而異，但我女兒的確因為游水令她做事認真了! 目標明確，好似游水咁，衝呀衝!

Apemanmon

認同。無論幾忙就算考試都耍去練水！運動訓練確令人鍛練意志身體,做事不會輕言放棄! 而佢讀書成績亦有進步！

fionakong2008

原帖由 Apemanmon 於 15-07-21 發表
認同。無論幾忙就算考試都耍去練水！運動訓練確令人鍛練意志身體,做事不會輕言放棄! 而佢讀書成績亦有進步 ...

其實講真，比賽令我女增加咗自信心，以前細個真係講嘢都唔敢抬高頭望人嗰種，但人漸大，當自己努力得到朋輩認同，覺得自己唔係一無是處，反而令我女自己想學業成績進步一啲，若果小三無參加運動，我女成績可以話肯定比現在差

fionakong2008

原帖由 like_travel 於 15-07-21 發表
唯有一樣不能否認，運動能訓練孩子堅毅不屈，無論幾忙，女孩子甚至月事，女教練說水壓唔怕仍要操練，呢啲真 ...

有嘢請教，請收pm

peggy

alan280204 發表於 15-7-21 18:16
有無家長諗過，每日游果兩個鐘唔係操水，而係你本身親見陪佢一齊游，邊樣好d????你做得到嗎???
其實唔想用 ...

我女玩長跑、兩項鐵人賽, 佢好enjoy 去操水及操跑, 每星期操3 - 4日。運動是冇得迫既, 阿女之所以會玩長跑, 是見到Daddy 玩了長跑後, 除了減左肥外, 身體都健康左, 所以愛上了長跑。
運動幫阿女減到讀書的壓力, 所以學業成績不差, 今年升中去左一間B1A的中學。
去比賽是去見識及觀摩, 同埋睇下自己去到那個水平, 不覺得有問題。

ABC-DAD

講番游水，每個去比賽嘅人，都知自水游咩時間，對手大概咩時間，亦好清楚企上枱正常得三個位，同意？
咁刻苦練習為咩？為有得落場囉！開心知道自己有進步囉！感覺到自己有努力過囉！唔比賽亦無問題，不過能儕身同勁人同場較量嗰種感覺同興奮，要試過先體會到，非為輸贏，係…為自己喜歡做嘅事燃燒整個人，未試過？真係好難解釋[努力鍛煉自己，感覺自己存在]

妹妹頭

回覆 peggy 的帖子

我個女只係小三, 都識同我講, 游水可以減壓, 可以一路游, 唔駛諗考試學習既野, 係最開心既時間, 我從來冇諗住用游水去幫助升上B1英中, 相反, 係我個女有自己既目標, 佢話13歲會去考"拯溺章", 16歲會去考"教練牌", 就可以PART TIME教小朋友游水...依個才是佢不停練習的目的

pcy307

原帖由 妹妹頭 於 15-07-22 發表
回覆 peggy 的帖子

我個女只係小三, 都識同我講, 游水可以減壓, 可以一路游, 唔駛諗考試學習既野, 係最開 ...

小三已想緊揾錢，相信妳個女"錢"途無可限量

妹妹頭

回覆 pcy307 的帖子

佢唔係為錢, 佢係好鍾意小朋友咋, PART TIME可以搵得幾多丫?

fionakong2008

原帖由 妹妹頭 於 15-07-22 發表
回覆 pcy307 的帖子

佢唔係為錢, 佢係好鍾意小朋友咋, PART TIME可以搵得幾多丫? ...

你都唔好話，我fd 做文職，早年一個暑假pt可搵七萬，佢自己屋苑教，教到佢怕辛苦推堂，而家唔肯教添

妹妹頭

回覆 fionakong2008 的帖子

因我個女一真都係YMCA學, 如果經佢地考到"教練牌", 就要晌YMCA教, PART TIME真係唔係搵好多, 但好在時間好, 如果我個女繼續讀上大學, 就可以就到時間, 搵番D駛用

little_yolky

like_travel 發表於 15-7-21 21:29
唯有一樣不能否認，運動能訓練孩子堅毅不屈，無論幾忙，女孩子甚至月事，女教練說水壓唔怕仍要操練，呢啲真 ...

認真的！請叫你女女月事時千萬不要游水, 因為月事時子宮特別弱, 不可以冷親, 日後有什麼婦科病, 生育困難就手尾長了。這是中醫的勸告。

ABC-DAD

年齡跟體質因人而異，不過小學生操水同休息要調節下，足夠休息配合才有理想效果，過早過大嘅訓練強度都容易有後遺症。