有冇英文小學家長喺度, 入來分享下

trustme

Marinayiu,

教仔心得真係無，只不過我較好彩，仔仔個自發性幾好，亦可能我從小就同佢講放學返屋企食完飯、休息一陣就埋位做功課，跟住就prepare將會教嘅書！做好晒呢啲指定動作，就係佢嘅自由時間until我放工，但如果我同佢對功課時發現無心機而亂做嘅話，就扣活動時間！同埋我常常分析佢聽，放幾多時間去完成啲功課係全部由佢操控，功課就一定要做，係佢嘅責任，就等同於我哋返工賺錢一樣！所以佢如果俾心機做，就做一次，但如果亂做，個後果就係媽咪吾開心之餘，仲會擦晒佢而重做，同一樣功課，時間就用咗double，完全吾合經濟效益！可能自細訓練，佢直到而家都係幾自律！我而家開始訓練佢吾需要我幫佢溫書for test and exam，但佢依賴性仲幾重，就算溫得幾熟都好，都係要我再問一次，佢話咁會有信心啲，希望再大啲時會好啲啦！ :  :

marinayiu

trustme,

你仔仔真係好乖, 我想佢好快就可以如你所願, 自己溫書了.

我也認為建立好的學習習慣應從小做起, 所以我也盡量要囡囡要做好功課才能玩, 也同佢解釋過原因, 但佢就好似唔明咁, 始終做唔到, 唔知係唔係仲細呢? :cry:  最近就只要求佢喺我放工回家前做好d功課, 表現尚算唔錯. :

trustme

marinayiu,

你小朋友都做得好好呀！咁就証明咗佢係收到你嘅message la！其實小朋友真係好單純，只要每日都重複你要佢做到嘅嘢( of course not too many at a time)，隔一段日子佢就好自然咁做到出來！我同我老公叫呢種做洗腦大行動，萬試萬靈ga！不妨試吓！

cyiu

我今日都開始用你地既經驗去試下唔比我仔仔去補習社..想等佢唔好依賴人地,想等佢學下自己去完成所有功課,不過唔知得唔得呢,佢頭先打過電話比我話英文唔識做,我叫佢查字典,佢話有排查,查到9點都未做完喎!!我叫佢再試下慢慢黎,唔知得唔得呢,希望你地d方法有效啦!!

marinayiu

cyiu

祝你成功呀

trustme

努力！加油！

cyiu

多謝你地關心呀!!因為聽日長週要返學,所以今日唔係好多功課....
今日做功課做到6點幾,我叫佢唔識做既英文功課查字典,好失望佢只係查左一個生字就無查,但係都完成左,咁當然有錯!!其他既中英數都無乜問題,我都覺得ok架喇...唯有比多d時間等佢習慣下啦!!我今日又同佢講話呢d你佢既責任,佢話佢知啦喎,仲話我好長氣  .... 激死呀!!

marinayiu

你仔仔今次能自己完成功課(雖然有錯), 但已是好的開始, 值得讚許.   其他的再慢慢改善, 努力呀!

Sheila

cyiu,

你咁夜放工, 重有力上黎BK蒲, 睇得出你真係好緊張你囝囝嘅問題,努力D呀!

你仔仔尋日好乖喎, 錯梗係有錯啦, 但你睇得出佢有認真做過就OK, 我個衰仔有時亂咁填添呀, 試個喺填充題度畫朶花上去, 激到我丫, 俾我剷到佢上天花板, 再跌返落黎, 由頭做過晒, 所以話個個小朋友都一定有自己的問題,要清楚知道他的問題, 再諗辦法, 係就係辛苦D, 但係唔可以放棄架!

你個仔把口咁叻, 唔好中佢計呀, 星期日係應該休息下, 但係起碼都用半晝黎溫下默書, 因為星期二默英文, 冇可能星期一先溫架, 快d溫完咪快d去玩law, 最慘平時默書D分要計平均分家嘛!

昨日同你傾關於轉校, 真道,臻美的問題, 我會幫你問一問我老友, 佢在某報做教育版編輯, 識好多人, 應該可以幫到你.有消息再打俾你啦!

sheila

gobbytse

cyiu,

小兒今年9月入讀小一，St Joseph (Kln Bay)收

cyiu

sheila :

唔該哂你呀,今日學校中文歌唱比賽無上堂所以無乜功課,琴日既功課又已經做哂,我叫佢我返工之後休息一陣就好溫習下d tense...叫佢背同串佢話好... 到我夜d打比佢問佢,個衰仔夠膽死話聽日先喎 你地大家睇下幾懶丫!!我決定左聽日唔比佢去街架喇,一定要佢溫左英默先!!

cyiu

gobbytse :

我都唔敢比咩意見你,我自己問題仲多過你...哈哈!!我想知你仔仔讀咩幼稚園呀??d英文又得唔得呢??小學呢家野就真係煩..想佢中一讀間好既中學,而家就要搵間好既小學比佢,自己細過既時候,邊有呢d問題丫,又係屋村小學...而家都唔知點解咁麻煩!!

我之前都係bk講過,我仔仔底子唔好,呢間學校readers又深,常識又深,佢係p1都ok啦,係p2就好差好差...我都唔知點解..我而家正想同佢轉校...所以我都係等緊d bk朋友幫我手!

你個仔自己面試入到st.joseph架...佢地點面試架???係唔係做test paper架??因我個仔無考架!!

honeybeemom

我個仔都是sj,不過上年已畢業,現已讀中一,sj的英文程度是幾深的,但我幾喜歡學校有教IPA,說真的,有多少小學有教這些的?而且當小學生升上英中時,其實他們相比中小上的學生著數很多的.因他們比較容易理解老師說的課.如小六時的老師說,由sj出的學生,如不幸入了band3的學校也有很多是考第一的,即是老師對學校的程度是有信心的.
另上年派位結果好像是近數年最好,畢業之後回校探老師,她們也很開心,因為派位結果不錯.我知道上年大約有120-130定150人選回自己的中學,(不記得了)其中也有我認識的band1學生.有些是因為家長對攪珠沒有信心,出外考學校競爭也很大,所以不作他想,也有些是對學校有情誼結.而我所知中學部好像已把數學和科學轉了定另加了英文,而且中學部已於兩年前向教統申請轉回英中,好像仍在等批,各位家長可向中學部查問.當然仍然有考得不錯的學生都有出外考學校,多數都考到心儀的學校,攪珠的也能攪得心水學校.上年結果好像派到的學校分別有st.stephen,l.s.,st.paul co-edu,張祝?,郭德勝,華仁,dbs,觀瑪,聖言.還有些忘記了.不要理band1頭,band1中,band1尾,只要能夠入了band1攪珠都會有希望的..各位小六家長在放榜當天如果真是派得不好的話,記住往第一自願的學校留後備位,因為我知也有人因此成功.祝各位好運.

gobbytse

cyiu,

St Joseph-Kln Bay 的考試是分兩日幾個時段，每段再分4組，每組10 個人到掛，係個Hall到考，家長坐在後面，見到家長的，我見d小朋友未到考前，比本書佢

marinayiu

Dear all,

大家可否講講小朋友在學習期間有無遇到d困難, 你地又點幫佢地解決?  等我地呢d後輩學下野呀.

honeybeemom

中文,reader,science,如故仔書看,英文和數學則每天做一頁exercise,不要太多,否則容易不肯做.
此為小人愚見!

cyiu

gobbytse :


我聽人講都係話津校轉私校，易過私校轉津校...你老公講得岩...其實你有二個仔仔,所以現在你就更加要搵間合適自己仔仔既小學喇,起碼細佬第時小一小左d煩惱,你話係唔係...
我當初選擇st.jo既時候係一心想我仔仔試下能唔能夠適應既,如果佢讀得到既,到中一時起碼我唔駛擔心佢派得唔好既中學,我都覺得你講得岩,我姪仔同我仔仔一樣大,佢就係多左我5分,天主教徒所以油天收左佢,我只係小左5分就無左個機會,好唔公平,都唔知政府咩政策!!!

cyiu

sheila :

你好...今朝仔仔話想去同表哥玩,我唔比佢去,要佢溫習左英默先,佢好唔開心,我解釋比佢聽點解要咁做,又同佢講下星期佢表現好就可以去表哥到玩二天,佢係好唔願意既情況下無出聲,到我同佢溫習英文時,我係到講,佢對眼唔知望向邊...激到我又教訓左佢一餐,之後就好用心咁聽我講解喇,用左一個小時已經識哂d生字,你話佢係唔係跟本無心丫!!
我呢二日又同仔仔傾過轉唔轉校呢個問題,而家有左答案喇,我地二個(我同仔仔)都決定左重讀一年,佢知道呢個係事實,都無唔開心,婆婆問佢係唔係轉校,佢話唔係佢想重讀..咁我都放心d起碼佢無覺得自己係讀唔上!!
:wink:  
今日我又用仲個新辦法係叫表哥同佢鬥默書高分,佢當表哥係偶像架,表哥又話如果佢高分過佢,佢就送野比佢,開頭佢都有話我實唔得架啦,表哥實高分過我啦....之後我話今日係我同你溫習既,我覺得你今次一定高分,佢又好似有d信心喎!!我話聽日都係自己係屋企做功課,唔識打電話問媽咪同查字典,佢又話唔識,聽到表哥話佢都係咁,佢就叫我同補習社講佢退學喎 又話媽咪聽日我做哂功課之後想溫習下英文默書..哈哈又好似掂喎...

marinayiu

honeybeemom 寫道:
中文,reader,science,如故仔書看,英文和數學則每天做一頁exercise,不要太多,否則容易不肯做.
此為小人愚見!

可否講祥細d, 中文,reader,science是要佢自己睇or家長一齊睇? 英文及數學每日做一頁exercise,是指功課以外的嗎?

其他媽咪可否講下,你點輔導小朋友學習嫁?

多多指教丫!!!