連續2年小女都係1至2月斷斷續續病, 請教強身健體方法!!

little_yolky

scyauchris 發表於 15-2-9 15:20
益力多如果你肯定佢地有放入冷藏櫃一定得，益生菌要放入雪櫃，唔係會死唒。我女上年有差不多半年不停放屁， ...

你個提示都令我好confuse, 响我既常識入面, 益力多係要雪既, 樽上面都係咁寫, 點解藥房一排排果D埋俾water客果D無雪既? 會唔會變壞架?

scyauchris

回覆 little_yolky 的帖子

我無買過！不過唔雪入雪櫃，乜活性益生菌都死唒。

小時了了

問了相熟中醫師, 2015年天灸日期:

http://acupuncturephysio.com/en/chinese-medicine-dog-days-summer (參考資料)
  
初伏:     13/7/2015   
中伏:    23/7/2015   
末伏:    12/8/2015

打算今年暑假第一次俾女天灸.

阿女呢兩日暫時好返, 無再係話想嘔 (佢上兩星期連續 4日話想嘔, 但嘔唔出, 最後都係無嘔而不藥而愈, 真係唔知點解咁)

我只有星期六/日有時間帶女睇中醫調養身體, 要呢個星期六帶佢去睇

燉豬肉汁要等阿女清晒啲病菌先, 打算過年前後實行

不可飲凍野, 已開始溫和地執行

在家要著鞋, 不要令寒氣由足入侵亦開始執行.

減少食熱氣野有難度, 因為控制唔到小女係學校, 老爺奶奶家及婆婆家食啲咩野, 反而將來會多啲煲涼茶俾佢清熱氣(以前我無煲) 老爺及姐夫又話夏枯草好涼 (小女好鍾意飲夏枯草+羅漢果, 唔落糖), 咁涼, 我正頭痛緊應該煲咩野涼茶中性無咁涼????

little_yolky

小時了了 發表於 15-2-9 17:30
問了相熟中醫師, 2015年天灸日期:

http://acupuncturephysio.com/en/chinese-medicine-dog-days-summer ( ...

我都無煲涼茶, 因為C6好鬼虛, 食涼茶太多唔得。你星期六睇中醫時問埋佢夏天煲乜涼茶無晒涼咪得囉。

我屋企有兩味：羅漢果水, 半個煲一大煲成家飲幾日。菊花水, 加D杞子明目添, 菊花可以輕身延年。


夏天食多D苦味嘢都係清熱, 例如：苦瓜炆魚腩。

小時了了

睇到呢個帖, 我真係驚驚地, http://www.edu-kingdom.com/forum ... 5608&extra=page%3D3

令我想起當年結婚時情況, 我自己係沙士(2003年) 5月結婚, 個時行教堂, 個個觀禮客人戴晒口罩, 咪高峄用保鮮紙包住等....

希望阿女出年小五要呈分試, 我除咗學業要注意之外, 身體健康都好緊要. 另外, 因為小女操行係 B, 而我及小女心儀直資操行要 B+, 我更要加強管教佢品行, 如果唔係, 操行唔達標, 到時連面試都無得見

wister

每天吃維他命C,每周保持做運動......

Bigpig_2007

你囡囡成日呢個時間病，明顯受寒所致，你諗諗以下事項吧~

1. 平日衣著保暖足夠嗎？如果工人跟多數差，自己要跟眼補足。
2. 呢個天氣飲食以溫熱滋潤為主，湯水唔少得。早起一定飲暖水，食足早餐，蔬菜便便要ok  咪飲汽水雪糕啦。
3. 開始M咪？有冇血氣問題，好似成日手腳凍之類？有就中醫起左係咩底，自己再學幫佢長期調理。
4. 有冇氣管問題？抵抗力差都要知咩原因。西藥咪成日用，治本積埋重衰。
5. Schedule full? 要休息夠，另外有冇太大考試壓力？有人會因心理影響生理的。
6. 冬天唔好游水啦! 佢容易感冒，好易中招。你俾佢學Yoga 好過，仲全面加強體質健康又relax.

kayi0556

我又想問下， 我囡成日手腳冰凍， 天氣一凍返d1x 度時成日都嗌凍， 咁可以煲d乜俾佢飲？

little_yolky

小時了了 發表於 15-2-9 17:43
睇到呢個帖, 我真係驚驚地, http://www.edu-kingdom.com/forum ... 5608&extra=page%3D3

令我想起當年結婚 ...

我諗你同操題考試一樣, 要以目標為本, 家長日時老老實實問老師, 點先可以操行攞B+會實際D, 有時唔係小朋友有好大問題, 只係唔識(操行分)答題技巧啫

little_yolky

IloveJJ 發表於 15-2-9 23:08
清補涼啦！清熱又唔涼，人人都飲得，而且仲補脾胃。但如果勁熱氣，已生痱滋之類，就無效啦！夏天我有時俾鴻 ...

原來龜0高有兒童版嗎? 我幫襯開胡須仔。

little_yolky

kayi0556 發表於 15-2-10 13:38
我又想問下， 我囡成日手腳冰凍， 天氣一凍返d1x 度時成日都嗌凍， 咁可以煲d乜俾佢飲？ ...

同樓上話齋, 搵個可靠中醫起咗佢底先, 囡囡明顯係血氣不足, 但中醫角度體質有九萬咁多種配搭, 有溫熱平寒涼虛實, 仲要好似塊面咁有混合皮膚型, 例如我自己, 係躁熱底(唔止熱咁簡單, 係躁熱), 但個胃寒(因為自小餐餐食午飯不論寒暑一定有杯凍飲跟身), 所以補又唔補得, 清熱又不能太重手, 總之係麻煩係啦。

kayi0556

回覆 little_yolky 的帖子

唔該晒呀， 等我有時間拉個女去睇中醫先

scyauchris

食吓羊肉，等佢無咁怕凍！新鲜年子加新鮮百合加瘦肉煲湯都好好，又快又好飲甜甜地。

小時了了

回覆 little_yolky 的帖子

今日"的"起心肝, 放假有空捉阿女去睇中醫調理一下，就咁表面睇阿女一啲傷風感冒徵狀都無，我以為好返晒，但醫師打打脈，再張開口睇舌，原來小女感冒仍未清，有痰，氣管弱，脾胃好虛喎，醫師處方2劑感冒苦茶俾小女。

再問醫師及閑談，因冒感未清而平民百姓好似我咁唔識，以為冒感好返又再亂食熱氣野，身體未康復時就會好易再次中招。唔怪得之阿女呢2年的小傷風感冒要2至3個月先至好啦！都怪我之前唔識照顧，當小女好返無幾耐就會心軟俾佢食熱氣野,原來表面好返，但個底仍未好嘅！


我再問醫師小朋友應該點樣底子強啲，佢話小朋友最緊要健脾，唔好食咁多雪糕及飲咁多凍野會好傷脾胃（同之前網友分享唔好飲凍野一樣道理）。

醫師講一句好過我講千句，我當住醫師面前同阿女再次講1）以後我唔再容許食咁多熱氣野；2）凍野一樣唔再容許食咁多了。以前阿女聽我咁講會同我辯駁，但佢經過呢兩年自己親身受小病魔不斷纏繞困擾之下，佢今次真係一粒聲都唔敢出。

little_yolky

小時了了 發表於 15-2-14 17:06
回覆 little_yolky 的帖子

今日"的"起心肝, 放假有空捉阿女去睇中醫調理一下，就咁表面睇阿女一啲傷風感冒 ...

拿拿拿, 風水佬呃你十年八年, 中醫唔呃你, 熱氣嘢真係唔好食咁多。好似我大女近日突然吽咗, 話頭痛, 我就知: 弊, 嚟料！即時帶去睇中醫, 中醫「警告」一DD熱氣嘢都唔可以食。平時尤其冬天根本唔會可能飲凍嘢, 夏天都係一杯凍一杯熱溝埋變暖飲。

我老公脾胃都好差, 等囡囡好番晒(真係要好番晒喎), 可以煲陳皮、茨實、淮山、蓮子、瘦肉湯佢飲。茨實對脾好好, 又平。

brother4

韓劇，沒關係，乂xxx。。是焦慮症，先減壓，不能看專科，怕將來更嚴重。。

bbrabbit2011

原帖由 利口樂 於 15-02-16 發表
我俾raw honey 小朋友吃，每日一tsp.
so far 少感冒一年一兩次，當開始有鼻水時煲少少北芪黨參水加蜜棗水俾 ...

想請教下 「北芪黨參蜜棗水」有什麼功效？
㷛的份量和時間怎樣？
是什麼體質啱飲？

小時了了

little_yolky 發表於 15-2-5 11:50
想問吓你知唔知美心快餐早餐D湯粉, 湯頭點解咁白? 我囡囡鐘意食, 成日話想早餐食美心米粉, 咁我用豬骨、雞 ...

http://www1.hkej.com/dailynews/arts/article/996765/%E5%88%9D%E6%98%A5%E6%B8%85%E6%96%B0%E9%AE%AE%E5%91%B3+%E9%8C%A6%E7%B9%A1%E6%96%91%E7%90%83%E9%AD%9A%E6%B9%AF

初春清新鮮味 錦繡斑球魚湯
http://bit.ly/1FHBPJJ
過了立春、雨水兩個節氣，未見明媚春光卻先迎來牛毛細雨以及白紗般的霧氣。農曆新年期間少不免大魚大肉，緊接着潮濕的天氣，容易令人食欲不振。這時比起煎炸、油膩、生冷的食物，一道鮮甜清爽的魚湯更加「開胃」。在乍暖還寒的時候喝一口「熱辣辣」的魚湯，暖入心窩。

魚湯最怕有腥味，想辟走異味，事前功夫就要做足。內臟、血囊和血絲位要徹底清除，師傅指這也是煮出奶白魚湯的竅門。另一秘訣是先把魚骨爆至焦黃，魚湯入口更香。加水後用大火熬煮至魚肉融化，隔走魚骨就是雪白濃郁的鮮湯。如果擔心家中火候不及中菜館，師傅建議用滾水撞入鑊，效果相似。

薑與魚是最常見的配搭，除此之外亦可加一點紹酒或蔬菜，也能中和腥味，同時可加強鮮甜味道。今次配搭番茄、味菜和鮮菇等蔬菜為湯底添加一點鹹鮮、微酸，層次更豐富細膩。加上豆味濃烈的布包豆腐，清淡卻不失鮮美。師傅提醒，番茄要清走種子的部位，避免令湯底變得混濁。另外，蔬菜不宜太多，調味料亦只須少許鹽及糖，否則會蓋過魚湯。

為保持魚肉的嫩滑與鮮味，可先把斑片拍上生粉封口，灼一灼後在其他材料上鋪上斑片，再滾三至四分鐘即可享用。
（信報圖片）
‪#‎魚湯‬ ‪#‎信報‬ ‪#‎信報財經新聞‬
【信報網站新聞，緊貼大家關心的政經話題，最新最快第一手報導。請click入 http://bit.ly/hkejnews】