請大家評理

拿拿利

樓主, 只怪老師心水唔夠清, 不能觀人於微, 仲有 3 年要對住依間學校. 唔好唔開心啦 !!

AMAIL

回覆 little_yolky 的帖子

happy_lavender

little_yolky 發表於 14-11-14 17:13
果位老師係好甩頭的, 以為終於捱完小一啦, 點知, 小二又係佢教同一科 怕且下次要咋暈至得  ...

當年我被阿媽罰緊跪地主，突然覺得急，問阿媽佢話唔畀去，我就即場解決，激到佢嘔血！哈哈！

little_yolky

happy_lavender 發表於 14-11-14 17:23
當年我被阿媽罰緊跪地主，突然覺得急，問阿媽佢話唔畀去，我就即場解決，激到佢嘔血！哈哈！:wa ...

我就聰明啲了, 就算點砌阿囡, 只要佢提出要去廁所, 我一定即俾, 最多去完再罰。唔係手尾要我執。

eviepa

是學校疏忽好，是學校做得對好，整件事根本是小事一樁，完全不值得一個家長去討回甚麼公道。

一間學校每日要做的事實在太多了，難免有些做得不足，甚至有些會疏忽。很多教育工作者都很慨歎，現在不少家長都喜歡因為一些細眉細眼的事大興問罪，於是，老師們便要抽出大量寶貴時間去和這些家長週旋，亦因為精力多花了在這些事情，真正準備教學的時間自然減少，影響了教學質素，令所有學生受害。

我們大家都有許多的權利，例如投訴權。但如果每個人都用盡自己的投訴權，經常投訴一些雞毛蒜皮的事，那麼這個會是甚麼的世界？為何不學習一下包容呢？

AMAIL

這件事我都覺得只係小事一樁，我只係想同老師反映，今次有咁既問題發生左，提出來給學校注意。

AMAIL

已經講完！多謝各方既意見，大家的不同看法我都接納，我會加以消化，謝謝！

茄子

同意

himmamme

張通告寫得唔清楚。

sexymami

我岩岩去完學校運動會，都有提自備小食，同埋運動場有小食部。
一二年級家長可以參加，三年級以上就只得學生。
當日係，家長可以去小食部買野食，學生係唔可以的。直頭有老師在小食部旁，禁止學生去排隊。就算家長拖住的，一律都只在外面等候。
我又覺得咁樣安排好恰當，難得運動會，應該去玩去參與，如果個個同學都走去排隊買野食，浪費晒時間學校又難安排。
旅行也是一樣，始終咁多小朋友，老師要確保小朋友安全，就要限制住活動範圍，你都話個公園咁大，如果真係「自由活動」，到集合時唔見左幾個，去邊到搵？

soright

小食：三文治/蛋糕仔都有帶下馬

gigi1227

我覺得，
安排上，學校一律自備會更好，不過旅行多數自備。
要小朋友多點主動向老師表達意見，有唔明地方我會叫佢自己問老師，表明我唔代問，不過因學校有內聯網溝通，我重要的野會私下同老師打個底或聯絡

如果我發生呢件事，我只會同老師講：「老師，我只想同你多點溝通，無其他意思的，我見通告寫午餐可到餐廳，所以安排左錢去買，可能小朋友怕羞唔敢問老師，佢同我講老師唔俾買，所以無買午餐食•••」

主要俾佢知通告可以，老師唔俾（可能要求會安排），小朋友怕羞唔主動打圓場!始終六年校園生活，多點溝通好d。開心學習

加油!

sheffield

回覆 birdbird 的帖子

小三，我都唔會比女自己去買野食！旅行地點係個好多人去玩的地方，就算我自己去都唔會預去個度買野食，因為都唔知要排幾耐…小三，話大唔算大，在學校排隊買下零食ok，但同一堆大人去排隊…確實唔知佢最終會否有飯食

kenwong888

happy_lavender 發表於 14-11-14 14:59
輕輕提出一點，如果當天餐廳東主有喜，休息一天；那你有否為小朋友預備後備食物？有就OK，不用答我。

有些 ...

Beware guy!  It is illegal to physically punish students now!
Should file and report police if anything going wrong!

little_yolky

sexymami 發表於 14-11-15 12:37
我岩岩去完學校運動會，都有提自備小食，同埋運動場有小食部。
一二年級家長可以參加，三年級以上就只得學 ...

所以個point係學校搞大旅行應該一早有派老師視察場地, 然後考慮各種情況, 明知自己人手唔夠, 通告時應該講明自備食物, 唔係話可以去餐廳/小食部買。學校無考慮, 班主任又唔知, 明顯地係開會時有人遊魄, 出通告同負責老師又無溝通好。通告係班主任派, 班主任連通告寫乜都唔知。

torunpoland

樓主不滿的是「老師回應態度」--係咩？唔知喎！一句愛理不理的話。如果老師說「唉呀，唔好意思啊！冇為意添！」樓主應該冇咁嬲啦，係咪？咁係對事定對人呢？個人意見：外出旅行事事準備調度已夠煩人。他們是教師，不是event planner, 明白他們做緊外行任務，小事不涉及安危就由佢。不用「大興問罪之師」。

happy_lavender

不用擔心，無人要體罰任何人 - 為何會想到體罰？莫非你對制服團隊有誤解？

只是要準備不足或hea吓hea吓嘅人承受番後果 - 趕唔到尾班車，行3小時夜路出大馬路啫。由頭陪到尾，夜行前還破例畀佢地喺士多食飽飽(因為有人幾近無帶食物)。不過原來只需5小時的訓練，結果搞咗13小時；加埋pretrip，你當係罰的話，都係我罰自己兩次至罰佢一次。又有嘢學(不用電筒夜行、有幸看見香港的螢火蟲、如何夜行馬路才較安全、……)，重要沿途send相畀家長報告行蹤，抵玩啦！其實每個訓練都要做足準備，計劃路線、行程預算、裝備表、探路、安排學習內容，連意外的夜行也在計劃中，絕不是玩玩吓。但最後交畀隊員帶，佢錯要跟佢錯，佢地準備不足就陪佢suffer，但又要在最後一刻救佢地出生天，唔會求其，務求隊員一定學到嘢。是罰是得著(經驗學習)，睇個人心態啦。

最後得到的是家長們的多謝和阿仔的埋怨(陪唔到佢食晚飯)。

little_yolky

torunpoland 發表於 14-11-17 12:28
樓主不滿的是「老師回應態度」--係咩？唔知喎！一句愛理不理的話。如果老師說「唉呀，唔好意思啊！冇為意添 ...

其實, 學校大旅行係年年既指定動作, 都唔可以話老師、職員好生疏。去完旅行, 學校下一次校務會應該會作報告檢討, 如果有家長有如此反映, 又好明顯係學校安排不周詳, 老師好應該先向家長致歉, 並建議小朋友可以主動提出, 同時開會時向學校報告備案, 令下次同類型活動時避免發生相同錯誤, 才是改善方法。樓主已經先向班主任反映, 得不到合理回應才向校長查詢, 係合理程序, 並沒有越級投訴, 點可以話「大興問罪之師」呢。

happy_lavender

以我意見，問題有三：

1. 學校掉以輕心，可能張通告係廿年前的作品。(責任：學校)
2. 學校與家長溝通不足。(責任：家長與學校)
3. 沒有後備食物或後備食物份量不足。(責任：家長) (其實呢點有D古怪，如果家長有預備足夠後備食物，小朋友不會捱餓；現在小朋友捱餓，似乎不是後備食物不足便是食物不合小朋友口味了。結論都是準備不足，責無旁貸。如果無捱餓就更加係搵黎搞。)

平分春色，誰也怪不了誰，一人揹一半！贊同善意提醒，如果要問罪就免了吧。一人捱三拳，雙輸就無謂開拖。今日留一線，他朝開會見！

torunpoland

我意思不是樓主大興問罪次之師。可能寫得太簡單。對不起，令你誤會。我意思是，不用大大小小的事都要找「對與錯」，即係好似拍拖咁，對錯又點？平心靜氣反映，也就好了，不用事事找人「評理」。校方或因這事有改進，好事啊！