Playgroup 老師向我说她可能是資優。真心請教，这算資優嗎？

LeeCC

健康院姑娘信唔過，佢地一直話阿仔行為情緒問題係因為我管教問題，直到4歲老師話要跟進，我去健康院再講，竟然咁答我:既然学校覺得耍跟進，即管俾你見吓医生睇下係咪有料啦

5歲评估係亞氏

hahajen210

感想: 做媽咪真是偉大，又要面对兒女情緒問題，又要比人話！照顧孩子真不容易，加油！

Catonmama

回覆 CALVEN 的帖子

我仔仔同你仔仔好似, 不過我仔仔2歲10個月, 之前評為自閉譜系，依家言語追返晒, 好多野講, 學習自理上完全冇問題, 但係就係社交有問題, 唔會同其他小朋友玩~~~~ 在家情緒都好易起伏, 但O係學校又識控制得好好...

CALVEN

Catonmama 發表於 14-5-29 12:00
回覆 CALVEN 的帖子

我仔仔同你仔仔好似, 不過我仔仔2歲10個月, 之前評為自閉譜系，依家言語追返晒, 好多 ...

你咁早已覺察到佢有問題?

我仔小一我先覺得需要估計,如果早發現會更好.

Catonmama

回覆 CALVEN 的帖子

係呀, 因為仔去INTERVIEW N班又或者去PLAYGROUP時成日喊, 當時講野又一粒字都冇, 所以就去排評估LOR

HaYi

阿氏因為會固執地沉迷一些野, 所以某一方面會特別出色, 最典形是記地圖, 天文知識, 文字同數字, 有時算是資優.   

我接觸過的, 在K1開始己好明顯, 佢地細時是有同人接觸, 不過大左會慢慢感到佢地其實冇交流, 只是關心自己關心的話題, 因為九不搭八, 到P2左右好多同學會覺得佢地怪而排斥. 又因此產生更大社交的問題.   我見過一個小五生, 畫野好細, 逢老師都說佢才能好厲害, 不過佢一去人多的學習場合就同人說他是阿氏仔, 人地有人不知佢是都怕左.

winnie7753118

阿仔五歲四個月，覺得佢捉象棋幾犀利下，由佢五歲一個月教佢捉象棋，唔使兩個禮拜就打敗左我，我同佢爹地捉從黎都未贏過佢爹地，但佢學左一個月之後就打敗左佢爹地。我地發現佢行一步棋可以睇到好多步棋，佢拉小提琴都好有天份。有時我會諗佢系埋資優，但佢脾氣性格又好鬼好，聽講資優既小朋友脾氣性格都會有D難頂。家族有另一個小朋友check過系高智商，唔記得系12+定13+ 不過無論點樣，我無諗過同佢check

Cherry車厘子

厲害

minimeme

睇完你地的post我有想喊同好大壓力的感覺. 我女未必有樓主的小朋友咁0力, 但亦係兩歲前己能認出95%flash card字, 唱好多首英文歌. 但佢脾氣好大, 亦唔能夠坐定食成餐飯. 佢睡眠還算正常, 但好耐要戶外活動放電. 宜家22個月人仔, 能穿著浮衣自已遊泳. 我每晚都要在家同佢玩hide and seek, 等佢放夠電, 好好睡覺.

我覺得好難教. 有時真係心力交碎, 只係想佢唔好咁大脾氣. 有時佢要得到一樣野就大喊大叫, 我堅持等佢冷靜, 話比佢知點解唔比, 個種同佢情緒好痛苦.

我是working mom, 每天只能陪佢幾個鐘, 放假時間比晒佢, 但係還是覺得自已做得唔夠好. 因為佢成日比人lable為"曳".

小曳人

minimeme 發表於 14-7-16 13:29
睇完你地的post我有想喊同好大壓力的感覺. 我女未必有樓主的小朋友咁0力, 但亦係兩歲前己能認出95%flash ca ...

佢唔係曳同大脾氣，只係trouble two
細個人仔末識得用言語表達自己感受，唔識得處理，我聽過d心理學家講座，家長可以試試心平氣和同佢講，教佢講
仲可以用情緒故事書，教佢咩叫失望、傷心、嬲，等等嘅情緒，教了解自己，話佢知發脾氣唔能夠令媽媽了解/明白

當然，唔係一朝一夕就掂，但我個歲半就開始trouble two嘅人仔，佢7歲喇，從來無試過响街lur地大吵大鬧，佢知道佢可以講我知佢有咩唔開心

加油！我EQ都唔高 (好低先啱)，我都做到！

話時話，佢明唔明咩叫"冷靜"？！
就好似一個人喊，你越叫佢唔好喊，佢越係收唔到聲！你不如下次同佢講過d其他嘢啦！
我就會引佢講嘢...

minimeme

小曳人 發表於 14-7-16 14:07
佢唔係曳同大脾氣，只係trouble two
細個人仔末識得用言語表達自己感受，唔識得處理，我聽過d心理學家講座 ...

我女13個月己經開始trouble two, 所以我覺得好難捱. 我試試買情緒故事書先.

我都會引佢講其他野, 如去公園玩會我地會見到乜, 聽到咩聲音之類. 我家姐d仔女相對靜, 所以好多親戚會lable我女曳, 我女只係好奇心重同活躍d.

多謝分享, 有時我只係想呻下

小曳人

回覆 minimeme 的帖子

明白，有時自己嗰件唔停得咁，人家嗰d好似好乖，好聽話真係.....好慘！

wan_sosin

minimeme 發表於 14-7-16 13:29
睇完你地的post我有想喊同好大壓力的感覺. 我女未必有樓主的小朋友咁0力, 但亦係兩歲前己能認出95%flash ca ...

有時"曳"都可能係聰明嘅表現,但真係要好比心機教!

我仔超"曳"!由細到而家6歲都跟進緊是否ADHD,而家等上小學看會否確診.

同時亦好聰明,K3畢業最後一次見家長,班主任仍然提住佢嘅見解,認為我仔同時是資優(之前佢已提過),班主任曾教過一個資優兒,而家升上了男拔,佢很記得個學生有幾"難攪"!

但這6年條路很難過,喊過很多,被誤解很多,但最後見到個仔以最好成績畢業,班主任好肯定同我講,我個仔會讀到書,我真係唔多相信架!

但佢由一歲已同我鬥法,佢仲要唔係用大吵大鬧嘅方法,係用計仔同我鬥智,佢明白到大人嘅企圖,好多朋友都話佢做嘅嘢大過佢嘅年齡,但講比其他人聽,都好多人唔信,我講比個心理學家聽,都話小朋友應該唔會去到咁,唔信我,覺得我放大咗,咁我有乜好講,人邊有話一定係咁咁咁架.....

我都係呻下,同埋我知我個仔嘅情況同能力就已足夠.

minimeme

wan_sosin 發表於 14-7-18 01:54
有時"曳"都可能係聰明嘅表現,但真係要好比心機教!

我仔超"曳"!由細到而家6歲都跟進緊是否ADHD,而家等上小 ...

完全明白個種鬥智鬥力既感覺. 當然阿女亦同時帶比我好多歡樂. 我係40歲先生到阿女, 我d朋友同學仔女己大, 係佢地眼中我女是古怪的, 咁細個人仔係過份有性格. 佢地覺得我過份擔心, 小朋友自然會大. 我女係睇小一眼己爬左上飯桌, 玩到入衣櫃個種. 唔肯坐定食飯, 朋友覺得我無家教, 事實係我教到心力交碎, 佢地唔明. 我絕對無懷疑阿既學習能力, 佢識既野係超越佢年齡. 所以我宜家專注培育佢既品德. 有人分享明白真係一件好事. 呻完, 又繼續努力. 大家加油

monlingling

原帖由 minimeme 於 14-07-22 發表
完全明白個種鬥智鬥力既感覺. 當然阿女亦同時帶比我好多歡樂. 我係40歲先生到阿女, 我d朋友同學仔女己大,  ...

我都係一樣，心力交瘁，同人講d人會話個個小朋友都係曳要教架啦，攪到成日諗係咪自己有問題，有d人又話係我過份緊張，兩歲見醫生時除左話可能佢IQ較高外就係話佢trouble two係咁，但教會教K班的話佢呢d邊係trouble two, trouble two唔係咁。之前貪得意淘左套logico俾個女玩，兩星期就玩哂個level one, 而家先兩歲半我又唔想攪到谷佢咁，N班都未開學唔駛識咁多，所以唔開level two, 俾level one再從頭玩過，但佢好似嫌低能望都唔專心望就簡哂答案。覺得佢身心發展太唔同步！

minimeme

monlingling 發表於 14-7-22 19:32
我都係一樣，心力交瘁，同人講d人會話個個小朋友都係曳要教架啦，攪到成日諗係咪自己有問題，有d人又話係我 ...

比level two佢玩啦, 反正佢自然學會就唔係谷. 我放工後主力陪阿女唱唱跳跳,玩hide and seek, 等佢放夠電睡眠好d. 人地覺得我女老積. 我女亦有trouble two的現象, 似乎比人嚴重

monlingling

原帖由 minimeme 於 14-07-22 發表
比level two佢玩啦, 反正佢自然學會就唔係谷. 我放工後主力陪阿女唱唱跳跳,玩hide and seek, 等佢放夠電睡 ...

我見你咁講就搵左level 2出黎，阿囡見到即刻話有新的佢要玩新的，但我心理都唔係好平衡，因為明明印住for 4-5歲，好似太急進咁！

wan_sosin

monlingling 發表於 14-7-23 00:03
我見你咁講就搵左level 2出黎，阿囡見到即刻話有新的佢要玩新的，但我心理都唔係好平衡，因為明明印住for 4 ...

其實有乜話平唔平衡,都係遊戲嗟,比小朋友玩下,你又無迫佢玩.

我仔三歲時,我都已經買4-6歲嘅遊戲書比佢玩.因為見到2-4歲對佢來講已唔好玩.

香港小朋友本來已很聰明,唔少小朋友都可以玩高少少,唔代表什麼.

不過都真係到返學會覺得有D悶,班主任都感覺到,但老師好好,搵佢幫下手,咁佢會攪少D問題出嚟.

minimeme

monlingling 發表於 14-7-23 00:03
我見你咁講就搵左level 2出黎，阿囡見到即刻話有新的佢要玩新的，但我心理都唔係好平衡，因為明明印住for 4 ...

如果小朋友玩得樂在其中, 唔辛苦, 又好享受, 真係無問題

monlingling

原帖由 wan_sosin 於 14-07-23 發表
其實有乜話平唔平衡,都係遊戲嗟,比小朋友玩下,你又無迫佢玩.

我仔三歲時,我都已經買4-6歲嘅遊戲書比佢玩. ...

唉，感覺好有壓力，佢如果咁快識咁多，我好快handle唔到佢！