讀小學後，大細b已沒有分別？

魚王

樓主，很多研究都是統計加專家意見。比方說第三期腸癌5年生還率是50%,咁究竟你五年後是生存的50%定死了的50%呢？決定會有很多因數，包括那腫瘤的dna, 手術做得切底嗎？化療做完嗎？又有專家話病人樂觀嗎？休息夠嗎？及很多未知的原因。

MrBeast

Jane 和 魚王 應都是細B的成功例子，而我是"讀小學後，做大B比之前kg做細B有好大分別"的例子，如未看和有時間可看看我在日誌的分享，不過不要誤會，我不是建議你一定要去轉做大，what happened to me might not apply to u.

longlokma

何必强要分析大B细B？老實说我認為相當無謂，要分析什么也可以做统计，性別、血型、生肖、星座、父母智商、父母血型、父母生肖、父母星座等等全部也可以做统计，找數據去支持，但，有意義嗎？

kelly12345

我果個系細B，幼稚園K3時曾經問過老師細B大B有無分別，老師同我講唔關事。有D細B仲定過D大B。小學後，班上幾個考得叻又乖嘅據我所知都系細B。我果個亦都好正常。唔覺得有咩問題。反而我覺得會系家庭教育同本身性格會影響大D。

Olympian

其實簡單一點，只要看看孩子的語言，小手肌，認知是否達到該學齡的要求就可以了。比如我的女兒，即使她是12月細B，我也認為她會應付到，因她語言、自理都超出她歲數的能力，認知也可以。反之，我的兒子不是細B，但手肌弱，我也會讓他多讀一年K3才升小學，讓手肌多發育一年，好應付小學比幼稚園大幅增加的抄寫量。其實你想想，如果你由小到大都見別人答問題叻過你，畫畫勞作又叻過你，就算到了小學差異消失，好可能還是輸了自信﹗

ecec1122

shadeslayer 發表於 14-2-21 13:33
小B當然不一定比大B差，但

1。小B多數比大B差

如果覺得係咁咪讀遲一年, 肯定變成 大 b.

魚兒小寶貝

Amom1972 發表於 14-2-21 15:11
你這個講話，技術上或原則上不能話你錯，但其實你只是帶出一個如何敎導孩子的一個正面信息，就是教他們面 ...

同意!

魚王

原帖由 MrBeast 於 14-02-24 發表
Jane 和 魚王 應都是細B的成功例子，而我是"讀小學後，做大B比之前kg做細B有好大分別"的例子，如未看和有時 ...

我個仔並不能說是成功例子，只是他現在小一没有特别追不上的問題，無論學業或社交上。不過細B是要多點協助。小朋友的IQ是先决，但父母的教育是非常重要。開學時聽了個心理學家教育講座，父母同小朋友要有溝通，不只是問今曰你做了功課未？在學校發生什麼事？溝通係去同小朋友講下你對事情的看法，你怎樣分析事情，點解你要咁做。好似細仔無自信心，我仔也會說:我唔得㗎！我會同佢講無野係唔得的，要點做，真係做不到放棄，再找其他辨法。他明白，用同一囗敏教細佬。

likim8160

shadeslayer 發表於 14-2-21 22:15
講道理 Amom 贏哂。

呢D 大小B post，每星期一問，跟本無乜討論空間。因為小B父母非常擔心，才長問長有。 ...

非常同意, 有得選當然做大B, 不過很多香港父母都覺得子女是人上人, 非要孩子們當小B不可, 其實就算真是天才, 遲一年入學只會成績更好, 我兒子是12月大B, K3時有一12月小B同學, 兩個分別非常明顯, 不排除個別小B可能比大B更出色, 但畢竟只是小數

eviepa

做大B，對學業有好處大概沒有爭議。不過，若馬上跳進結論：做大B好過做細B就似乎有點草率。

我女兒十月出生，是細B。

李麗珊說：「養一個孩子要四百萬。」

我女兒沒有那麼貴，但粗略計算一下，大概也要三百萬。早一年讀完書，可省下十多萬作退休之用。

另外，女兒亦可以早一年出來做事，可以多賺一年錢，或是大概可以早一年退休。

Touch Wood，我女兒讀書不錯，似乎早讀一年沒有甚麼大困難。但當然，遲一年入學，有可能讀得更好。

如果早一年、遲一年入學影響不大，則值得早一年入學；反之，則應該做大B。

其實有沒有調查研究，檢討早一年、遲一年的影響有多大，可以讓家長們有所依從？

shadeslayer

原帖由 likim8160 於 14-02-24 發表
非常同意, 有得選當然做大B, 不過很多香港父母都覺得子女是人上人, 非要孩子們當小B不可, 其實就算真是天才 ...

所以我提議想比孩子做小B的，答自己這問題：究竟做小B有乜實質好處，值得承受風險？

shadeslayer

原帖由 eviepa 於 14-02-24 發表
做大B，對學業有好處大概沒有爭議。不過，若馬上跳進結論：做大B好過做細B就似乎有點草率。

我女兒十月出 ...

我女兒沒有那麼貴，但粗略計算一下，大概也要三百萬。早一年讀完書，可省下十多萬作退休之用。

另外，女兒亦可以早一年出來做事，可以多賺一年錢，或是大概可以早一年退休。

Xxxxx

大細B也同樣讀咁多年書，讀書的費用相約。分別在於大B多一年幼稚園前的生活。段估食唔到十幾萬奶粉。

至於做細B掂唔掂，真係上小學先知，知道唔掂時，已無彎轉了。12個月奶粉粥仔錢，換來擔心，換來加倍努力，不化算。

藍藍媽

如果是男仔，我都覺得做大好過做細……… 但女仔，我有保留，第一，女仔通常較成熟，言語、認知，細B未必比大B差…… 而且，女仔到小學開始會concern年紀，而且又早過人地發育，大人一年的女仔在高小時反而會自卑…… 同埋，人地一定expect 你大人一年，乜都應該叻d……否則，又被嘲笑…… 我自己係8 月B，k2已全班考第一，從未經歷大家所講的影響和無自信，反而，我好朋友 (女仔）， 10月大B，到今時今日，三十幾歲人仲怪緊阿媽要佢遲一年讀書

eviepa

Shadeslayer,

我無立場既，因為我唔知早一年讀，確實影響有幾大。只係基於窮等人家，慳得就慳既原則，提出cost effective既原則俾大家思考一下。

另外，條數唔係咁計呀。17歲入大學同18歲入大學，額外一年既費用係17、8歲要扮靚、要同朋友週圍玩既開支，而唔係奶粉粥仔錢咁簡單。

21歲同22歲出黎做野既分別，係響21同22歲之間，細B不但唔駛屋企養，仲有可能（望就咁望喇）每個月俾多少幫補家計，一闊兩大。所以對經濟狀況唔係咁充裕既家庭黎講係有一定既吸引力。


我又忽發奇想，以下想像出黎既個案，唔知你會認同呢？

1. 六月出生，可以做不大不細既「中B」。但係家長認為遲一年入學有著數，所以特登六歲仲讀幼稚園，七歲先至入小學，做其超大B。

2. 一月出生，已經可以做大B。但係家長認為遲一年入學有著數，所以特登六歲仲讀幼稚園，七歲先至入小學，做其超超大B。

估計你1同2都唔同意。但係，如果任何野都可以控制，幾大入學先至係最佳選擇呢？

shadeslayer

原帖由 藍藍媽 於 14-02-24 發表
如果是男仔，我都覺得做大好過做細……… 但女仔，我有保留，第一，女仔通常較成熟，言語、認知，細B未必比 ...

同埋，人地一定expect 你大人一年，乜都應該叻d……否則，又被嘲笑……

Xxxxxx

嘲笑係別人的問題。不是年紀，每人也可能彼嘲笑肥，矮，⋯⋯

而且，如果大B也唔得，細B實死得。有牌痛苦。唔通的。

藍藍媽

原帖由 shadeslayer 於 14-02-24 發表
同埋，人地一定expect 你大人一年，乜都應該叻d……否則，又被嘲笑……

Xxxxxx

大家一直揸住做大B比細B會更有自信，影響一生…… 我想帶出的是超大女上小學後，未必會更有自信，更有机会有反效果…… 所以細女的家長真的要小心觀察自己女兒的能力，不要盲目做大

仔仔錫錫你

小兒7歲3個月，11月細b讀緊2年班。
學術上無咩大問題，1年班開始放手，功課默書自己攪掂，成績中上。大小肌肉方面，雖然身高below average, 但身手好，最近參加學界比賽同9歲班男仔鬥，拿了冠軍(上年比人矮1個頭拿了季軍）。
唔敢話大b一定好過細b, 但overall來說大b所遇到的問題一定比細b少。 如果做左大b 後仍有不少問題，相信做返細b只會更多問題。

藍藍媽

身邊的朋友有超大仔，有超大女…… 未見過超大仔介意比人大，但不少超大女介意

Olympian

回覆 藍藍媽 的帖子

哈哈哈﹗其實我自己細個係11月大B，都成日怪阿媽唔早一年替我開學。但係佢話當年我面試咩都唔識，校長叫佢遲一年再帶我來，真失禮﹗同埋，由小學到中學都覺得同學有點幼稚，中學更埋高班的同學堆。學業中上，小學唔係最叻15名，不過年年考第一的都是跟我同月同日生但細我一年的細B同學，你話死未﹗不過另一個又是跟我同月同日生又係細我一年的細B同學，就全級四十名外啦﹗都係同自己比合理些﹗

藍藍媽

原帖由 Olympian 於 14-02-24 發表
回覆 藍藍媽 的帖子

哈哈哈﹗其實我自己細個係11月大B，都成日怪阿媽唔早一年替我開學。但係佢話當年我面 ...

所以我覺得，如果係男仔，唔特別叻，做大好…… 但女仔，唔特別差，做細好…… 哈哈！