請問(港島區)哪幾間小學喜歡收學業上的資優生呢?

erniec

回復 derek0811 的帖子

再聽完你講之後，其實你囝囝係行為性格上同我囝都幾似，當然我囝學術上未及你小朋友咁厲害，但我想話你知我囝有去做評估，唔係睇佢IQ有幾高，而係佢平日果種堅持，與其他小朋友實在有點不同，結果評定有少許自傾，升上小一后，小朋友要做唔少群體活動，project,唔可以太自我，要學習接受別人，呢種社交技巧對呢類高智能比較自我中心小朋友係一個大挑戰，你真係要留意下，熟識我囝嘅人甚至老師都有估到佢有自傾，因阿囝都好主動同人傾計，唔怕人，咁我呢2年黎俾佢參加左唔少社交小組，比前懂得與人相處，但仍有很多改善空間。所以我真心建議搵professional advice

fishmeow

樓主仔仔咁叻，小一無論邊間學校收，到最後你仔小一都必能考頭幾名。到時考小二，邊間學校都收啦。真係唔駛擔心。不過資優生都要小心看題目先至可取高分。上了小學後，你可能會發現天外有天，一山還有一山高。

erniec

erniec 發表於 13-10-30 23:47
回復 derek0811 的帖子

再聽完你講之後，其實你囝囝係行為性格上同我囝都幾似，當然我囝學術上未及你小朋 ...

寫錯字，應該係熟識我囝嘅人甚至老師都＂冇＂估過佢有自傾

天悅

原帖由 derek0811 於 13-10-30 發表
嗯.  他基本行為情緒沒大問題, 屬文靜觀察型(對文字超敏感, 是天生校對, 專找出錯字錯處).  都樂意跟同學玩 ...

你怎能確定他不是亞氏保加？其實他的行為表現有少許似，但唔嚴重啫

derek0811

細個時真的有懷疑，後來看過不是。因他有眼神交流，又識講笑及比喻，仲懂睇眉頭眼額。只是較固執堅持，但這點越大越改善中。

cherry_bb

原帖由 derek0811 於 13-10-30 發表
嗯.  他基本行為情緒沒大問題, 屬文靜觀察型(對文字超敏感, 是天生校對, 專找出錯字錯處).  都樂意跟同學玩 ...

樓主如果做咗資優評估而高過130 ，可試SFA 、高主教、St.Joe (觀塘）都好似有資優堂及心理學家註校

MrBeast

bbalau 發表於 13-10-30 21:49
其實好多學校唔會揀資優生，我還是覺得樓主要隱藏實力，但選校要揀D課程較深，keep 住佢對上學熱情，太淺的 ...

我也聽過這說法，不過樓主的小孩冇情緒問題，或者有些校長會接受，掉轉諗，如學校比不到support, 有offer 都三思。別外我知一個case, 真的夾份iq report 在portfo, 收左。

Melody_BB

樓主建議你還是找專業人仕全面評估仔仔，他無疑是學術資優生，但生活在社群中，與人相處溝通更為重要。

w_y

比起傳統學校不停操卷死背抄寫, 我認為港同的教學方式本身, 給予學生的自由度, 對資優生已是很大支援。

janicetsang

其實你又唔想佢跳班，又唔想佢出國，又唔係特別心儀某間學校。
你本身既然想佢如常返學，咪比佢大抽獎看看他適應如何?
佢咁超班，而家同其他小孩一起讀K3都OK，咁就無需擔心。

小曳人

bbalau 發表於 13-10-30 21:49
其實好多學校唔會揀資優生，我還是覺得樓主要隱藏實力，但選校要揀D課程較深，keep 住佢對上學熱情，太淺的 ...

對於呢d小朋友，再深嘅學校都唔夠深！
我問過我個仔：你鍾意同學平均水平高d，可能只可以考到頭十名；定係乜人都有，你可以做全班頭兩三名
佢答我，想要多d好似佢一樣嘅同學

所以，我建議樓主先問問少主，佢鍾意點樣嘅學習環境！因為係佢去返學，佢要接受現實，就算學校有資優支援，都係課後嘅，正規課程都係會悶d

另外，有部份學校嘅資優課程係無安排俾小一生，所以唔好太大期望

優才响我眼中，最吸引係佢有小組mentor課，特別資優可以安排到1-2個學生對一位老師，相信呢個比例最能照顧到好奇嘅心靈！

傻太

原帖由 MrBeast 於 13-10-31 發表
我也聽過這說法，不過樓主的小孩冇情緒問題，或者有些校長會接受，掉轉諗，如學校比不到support, 有offer  ...

邊間？

HaYi

其實有一點, 阿氏同自閉不同, 阿氏的人是可以同人有眼神交流同接觸的, 一般接觸不會同人有異,  只是他們常常會執迷好細緻又似無用的資料如路線/車站等, 花大量時間在紀錄同展示此些資料上,  但因個性偏固執, 對人地的反應可以不明白, 不理會, 大左會更明顯,      

我見過一個4歲的小朋友, 成日無啦啦同我些好準的時間, "說EE, 現在5點零2分啦, 3分鍾後我地要做咩做咩.. "    又有個2年級的, 畫個城市設計圖, 用支圓芯筆畫畫畫, 每部份好細好細, 其實好亂, 我地大人最後唔知佢畫咩..        

他們絕對是有特別能力的, 不過大左在群體方面的待人接物往往較辛苦, 所以找學校除左學業上可以相配外, 他們的家長特別花很多時間在社交同合群的額外訓練上.  

FYI, 上期 "壹周x " 有一篇講阿氏的文章, 可以留意下.  

harrybb2008

回復 Charlotte_mom 的帖子

Oh really?  Thanks for your information.

Because the school said they are able to manage student of different ability, I just wonder if they could also handle 資優生.

MrBeast

回復 傻太 的帖子

我驚講出來會引發大戰，只可說同個名有d關係。

cherry_bb

原帖由 MrBeast 於 13-10-31 發表
我也聽過這說法，不過樓主的小孩冇情緒問題，或者有些校長會接受，掉轉諗，如學校比不到support, 有offer  ...

知道某校係有資優生評估分好高由其他機構轉介入（私校）

四隻貓

我都有點疑惑. 希望大家可給予意見.
學習能力高, 好奇, 喜歡自學, 喜歡思考同發問, 是否去國際學校/IB school/強調活動教學的新派直資會更能發揮呢?
但孩子同時非常喜歡做功課, 專注力高, 功課量多的學校又是否更合佢心意?

還是應該選IB school/強調活動教學的新派直資,  另+父母另外幫他報讀其他課程或是讓他研習有興趣的科目?

丈夫常說出年考到咩學校再算, 我都同意, 不過始終想先了解一下, 決定好方向.

天悅

derek0811 發表於 13-10-31 01:00
細個時真的有懷疑，後來看過不是。因他有眼神交流，又識講笑及比喻，仲懂睇眉頭眼額。只是較固執堅持，但這 ...

因為我有個舊同事,(我們懷疑他是亞氏,但他現在30歲,以前無做過評估,我們都只是估估下)佢讀書好叻,由其是物理科,但明顯地與其他人相處是有問題,
經常只說自己喜歡的話題,做自己喜歡的事(但都會主動同人講嘢,講笑的,留意是講嘢,不是交流)

我係特殊學校做,所以對懷疑自閉的人比較敏感,
容易會猜想其他人會否是患者,所以希望你不要介意,
多些留意他的群體相處表現

BabyISC

回復 四隻貓 的帖子

do u think he he is submissive?
if he has high ability and obedient, he will do very well in traditional school.
if he is not obedient , the daily massive HW is painful, he will spend alot of time in chanllenging you.