請教:九龍城區BAND 2生

憫父

ohnono 發表於 13-4-23 00:10
就係呢d band 1頭男生、又band 1頭學校；等間又band 1中女生、又band 1中學校..........係未覺得好亂。如果 ...

其實呢個大抽獎活動中，可能最難過既係 band 2 頭既家長，心諗個仔係 band 2 頭噃，無理由唔幫個仔揀何文田官立同陳瑞祺做第一及第二志願，但結果係僧多粥少，何文田官立同陳瑞祺加在一起有101個位 (對男仔來說)，但 band 2 頭有幾百人 (仲有部份BAND 1、BAND 2 中同 BAND 2 尾既同你爭)，唔係個個入得到，輪到抽第三志願時，胡兆熾同鄧鏡波又俾 band 2 中既穩陣派既人同其他隨機號碼好既人攞哂位，到抽第四及第五志願時，又有機會失先機，俾 band 2 尾 既穩陣派既人同其他隨機號碼好既人攞哂。

結果明明自己個仔係 band 2 頭，但隨機號碼唔好，無喇喇有機會去到第五，第六，甚至更後既志願至抽到，個心點會接受得到。

就算唔將何文田官立同陳瑞祺做第一及第二志願，而將胡兆熾同鄧鏡波做第一及第二志願，又唔係一定中，事關band 2 中既穩陣派都有好多人同你爭，唔係話個仔成績好就會抽贏人地 (事關大抽獎期間無 band 2 頭中尾之分，band 2 就係 band 2)。

可能 band 2 頭既家長最忐忑不安。

叩門階段，中學唔知邊間小學程度高，通常只係同你數 A，數 B 既數目，或者係睇你中英數成績，或者係睇你筆試表現，如果自己間小學試卷深難攞A，人地試卷淺易攞 A，睇成績表已經輸左俾人，如果筆試失手，就更加無耐。

總之，這是一場折磨人的活動。

ivylouie

回復 ohnono 的帖子

多謝您用長篇幅為我這蠢人解釋, 按照您的解釋就是即使原本是band 2 尾的同學, 現在進入統一選校階段便不用分頭、中、尾, 就往band 2 學校最理想的選, 要成功入讀一間熱門學校, 除了選校策略, 好像幸運指數佔的比重相對大, 尤其對於今年九龍城區band 2 女同學

TracyC

回復 憫父 的帖子

請問以你所知 以下這幾間 這兩三年內 會否有大轉變 ?  如 轉校長

因 關乎 甲乙志願的排位  (不分先後)

基道
鄧鏡波
九龍塘中學
勞工子弟
伍華中學
彭學高
伍甸節
基督書院
胡兆熾

憫父

回復 TracyC 的帖子

對不起！我不知道各校三年內會否換校長。

但好多學校既校長都會係50幾歲 (如果過去 7 至 8 年無換過校長的話)，相信五年內會有唔少校長退休。

如果校長退休後可以原校晉升校長的話係最理想，出現動盪既機會會較少。

如果學校已經進入正軌唔需要大改革的話，老師唔駛面對翻天覆地既變化，抗拒心會較少，學校較能夠成功過渡，你所列舉既學校都唔係需要大改革既學校，大動盪既機會唔高，就算換校長的話，危機都唔大，如果可以原校晉升校長的話，出現問題的機會就更少。

唯獨係伍 X 節，無記錯的話，佢好似啱啱換校長，之前果位校長好似係做唔耐 (果位校長好似係做過唔同學校既校長，都係做唔耐)，不過我不肯定這資料的正確性，如有任何錯誤，歡迎賜教！

憫父

回復 ivylouie 的帖子

大抽獎主要係靠運氣，正確的策略可以提升中獎的機會。(但正確的策略受好多因素影響，隨時出現變化。)

一般來說，成績較好的女生人數較男生多，故此 band 1 學校較多女生，band 3 學校較多男生。

SUSANNA

無錯, band 2 生在決擇方便很難下決定.

smalleye

cmvfamily 發表於 13-4-22 10:32
smalleye:
謝謝您~麻煩你俾D意見~

cmvfamily, 不需客氣，絶不是麻煩我，若有能力幫助別人是一種福份！雖然我囝亦是九龍城區，但很抱歉，我對各學校的認識真是少得可憐。你和囝囝努力到這階段，你倆有了心中想爭取的，填好了，將文件好好收妥，不要再花太多心神去思前想後。這制度下變數很多，可控制的又不多，盡快好好回復日常生活，等結果公佈。

憫父

憫父 發表於 13-4-23 10:07
回復 TracyC 的帖子

對不起！我不知道各校三年內會否換校長。

我真的沒有記錯，五 x 節確實啱啱換校長，之前既校長做唔耐。

歷任校長

• 1973年-1987年：溫元京先生
• 1987年-2009年：楊國標博士
• 2009年-2012年：謝潔芳女士
• 2012年-現在：羅錦城先生（署任）
  

資料來源：http://zh.wikipedia.org/wiki/%E4 ... 0%E4%B8%AD%E5%AD%B8

之前係香港私立培英中學校長 (做左 2 年)。
資料來源：https://www.facebook.com/PuiYingAlumni/page_map

lucia6119

band 2 生確實最難選擇..其實以前版上大多討論 BAND 1 生如何選學校, 真的心裡有點不好受 , 心想BAND 1 如何選最差都係去到BAND 2A , 而且派得不好 要去叩門 也大把機會 , BAND 2 生尤其是頭 , 如果 隨機號碼不好分分鐘 派到BAND 3 學校 , 叩門時也未必夠 BAND 1 搶, 所以希望日後 可以 多討論 和提供 BAND 2 BAND3 學校的資料

在九龍城區 BAND 2A , 如果要入到  胡 , 鄧   其實已經有點不甘心了 (畢竟九龍城是強區, BAND2A 生如果放在他區分分鍾是BAND 1)  , 而 陳, 何 又擺出一副 只收BAND 1 生的模樣 , 真係 裡外不是人..

TracyC

多謝 憫父 的解答
有沒有更多 基道 資料
校長 熱心教學嗎 ?
有說老師分派 ?
因 排名 係 BAND 3 中

我 真係怕自己放 它在第二. 三 會做錯
但我想保守
小朋友 可能是 BAND 2 尾 或 BAND 3 頭
這個抽獎遊戲 ...... 哎

憫父

回復 TracyC 的帖子

基道的校長以前是教育局的高官，在教育局的地位很高，據知她因感覺神的呼召，覺得要進入校園直接幫助學生，故辭去教育局的工作。

基道中學係佢教會主辦的學校，剛巧舊校長退休，她便進入這所學校。

所以以熱心來說，她是不用懷疑的。

據知這位校長帶領得很好，副校長亦很盡責及有能力，基道老師沒有分派。

一所混亂的學校不可能有公開試成績好的學生，特別他們之前不是甚麼名校，不可能收到質素好的中一學生，他們有今日的成績，一定全憑老師會齊心，建立出來的。

55% AL 能入大學學位課程，12% dse 能入大學學位課程，好多 band 2 學校要做到呢個成績都有困難。

ohnono

ivylouie 發表於 13-4-23 09:44
回復 ohnono 的帖子

多謝您用長篇幅為我這蠢人解釋, 按照您的解釋就是即使原本是band 2 尾的同學, 現在進 ...

我感覺到你已經明白了。第一，個問題就係你已經明白一進入抽獎階段，已經唔再分band 1頭學生、band 1中學生、band 1尾學生這類。所以唔好比甚麼band 1頭學生一定要入何官或者乜野擾亂，因為如果真係band 1頭的學生，你跟本在自行時已經成功被取錄，抽獎只不過係儀式。

所以band 1中和尾的學生也絕對有機會抽到band 1頭的學校，既然係咁，我諗好多band 1尾都會搏一搏啦。因此，點解我話到抽獎已經冇分頭中尾就係咁解。


就憑自己的幸運指數去抽一間理想的學校，亦要憑自己的策略盡量避免跌入band 2尾或甚至band 3的保險學校。

TracyC

回復 憫父 的帖子

多謝 !  明白了 !  若我二間自行 失敗.  相信   入讀這一間機會都 大了.   

ivylouie

回復 ohnono 的帖子

我唔知實際上多唔多band 2尾去博band 2頭, 好彩博到, 生性讀書當然安樂晒, 倘若未能追上, 只會加強小朋友的挫敗感,
所以我想有部份band2中或尾家長, 會按小朋友能力去選校, 這樣band中或尾的熱門學校, 於第1輪已取去部分位置
到這一刻, 我的會覺得band 2學生, 最好一擊即中, 否則會被前後夾攻
想問問您意見, 九龍城區band 2女, 應如何選擇為較穩妥呢?

ohnono

ivylouie 發表於 13-4-23 14:43
回復 ohnono 的帖子

我唔知實際上多唔多band 2尾去博band 2頭, 好彩博到, 生性讀書當然安樂晒, 倘若未能追 ...

所以我想有部份band2中或尾家長, 會按小朋友能力去選校
--------------------------------------------------

我諗係驚抽唔到所以拿拿淋放一間穩陣既第一的家長比按能力去選校的重多。


九龍城區內的band 2位相對band 1和band 3位係最少的，就算計埋聖家，但聖家仍有部份是band 1的直屬生，10間band 2學校中尚欠100個位左右，五旬節就成為區內band 2同學的保險線，有機會接收到約100名左右的band 2同學。所以太過搏只會令自己越走越後，係四大天王裡我只提議選一間好了，正如我所講各有特色。或可試胡兆熾，在第一輪趁d男同學去左抽陳瑞祺，又有部份去左抽聯繫位的何官，又有部份去左抽靚校舍的培道或九真的時候，胡其實放第一係最大機會的。跟住填彭學高、九龍塘甚至勞工子弟，以五旬節作保險。穩陣點，還是作雙保險吧，因為如果扣除聖家，有機會band 2生迫爆五旬節，或者選多一間賽馬會作雙保險。
我想信如果以女同學來計，我估應該唔會一黎就填彭學高掛，就算諗到要按能力去選校。女同學一般跟男同學選校的傾向會有些少不同。

如果想搏d都得，但要預左有機會跌得後左。揀九真/培道，再揀胡兆熾，然後才填其他band 2學校，直至遇上五旬節和賽馬會。九真較多MCS囡囡，英文程度較好，所以學校也有信心積極提高學術水平，但要有心理準備學校較谷和較集中在學業的提升，即是都幾悶。相反培道較多元化，又有靚靚校舍，確實吸引。而且位置較近，應是同附近區域的同學會較多，所以我將佢地放在一起。

至要放第二的，非胡莫屬啦，胡有78個位，何得47個位。而且何有聯繫效應，那些官少同學大多會將此校放第一，除了聯繫位之外，順道抽埋非保留位，還有叩門的關係，所以以胡作第二選絕對合理。而且今年有部份男仔會走左去抽陳瑞祺，第二先返返黎，大家齊齊再抽過，冇乜蝕底。抽唔到先再落彭學高囉！

LailaiChan

2頭仔. 想問下五旬節在九龍城是屬 2 幾,同 鄧鏡波比邊間好D, 校風得唔得,學校提議阿仔放第三志願, 但自己對此校認識好淺, 應放鄧鏡波還是五旬節好些

憫父

回復 LailaiChan 的帖子

以 dse 成績來說鄧鏡波學校好 d，以填派位志願表時，鄧鏡波好似受歡迎程度高少少，特別佢係男校，變相得男仔爭，所以算係熱門選擇。band 2 生熱門選擇係何文田官立、陳瑞祺、胡兆熾、鄧鏡波。

若以第三志願來說，入到伍旬節的機會較入鄧鏡波高。

ohnono

如果你睇到我上面以人數和學位數的估計，五旬節好有機會收到大約接近100個或者有機會會少一些band 2同學，唔排除有同學跨區外出成功或有些band 2同學一於搏到底的向銀禧和丘佐榮進發。所以你可以說是band 2尾band 3頭的學校。個我覺得作為band 2同學的保險線是合適的。

鄧鏡波跟五旬節不同之處在於鄧鏡波是男校，對男同學來說是比較上佔優，起碼沒有女同學去爭，相對位是多了，機會多了。但男校一般成績是比男女校差一點，所以選校時，我唔會用入U率或成績去比較，否則band 1同學對九華果d都肯定不用考慮。你可以考慮鄧鏡波亦可以考慮彭學高或九龍塘，但當我見到佢地既副校長可以在操場上跟同學一起踢波，一起講波經的話，我已經唔駛再考慮！

cmvfamily

請問五旬節和彭學高，九龍塘，應如何排？請指教

lucia6119

回復 ohnono 的帖子

[size=15.199999809265137px]但當我見到佢地既副校長可以在操場上跟同學一起踢波，一起講波經的話，我已經唔駛再考慮！

[size=15.199999809265137px]===========================


[size=15.199999809265137px]為什麼呢 ? 我反而好喜歡可以跟學生打成一片的老師