18月大的女孩會26個ABC 及counting 1-10, 仲好像認得數十個中文字

wan_sosin

cindychu 發表於 13-3-31 01:49
回復 wan_sosin 的帖子

其實你個小朋友似小學生, 咁佢有咩行為問題? 分享個例子給你:

其實佢非常有主見,上年K1一開學,老師已話佢好有主見,又有要求.
但佢好早已唔會用BB嗰種發脾氣方法去要求,即是唔會大叫大喊!佢會不停提出佢嘅要求,唔比佢,就會搵D嘢倒蛋.
早在2歲幾3歲,同小朋友玩唔開心會自己坐埋一邊,問佢唔答,佢會同我講,唔洗理佢,佢會自己返過來,佢自己諗完一大輪,就會自己返過來.之後要花好多功夫,先肯講小小佢諗乜.
佢會記得好清楚每件事,分得好清楚每件事!所以會記仇,小朋友冒犯了佢,佢會記好耐!仲會搵機會報仇.
同人鬥氣,會講反話,有時會話"我係咁架啦!"似足6,7歲小朋友口氣!
活躍方面就係唔危險唔做,玩親都搵條命黎玩!
點解話佢成熟,唔係話佢處事得當!而係佢情緒表現唔係幾歲小朋友嘅方法!但唔等於佢好脾氣!同埋佢同到6,7歲嘅小朋友玩!佢明得到,跟得到!最近日日同我哋玩UNO,大人玩嗰種,跟到規則玩!

cindychu

回復 wan_sosin 的帖子

有啲情況都同我仔仔幾似, 不過我個仔發脾氣好厲害, 我都怕咗佢

LeeCC

我個仔有齊大家所講的情緒問題，同超級固執

冇好叻的表現，除咗音樂較突出

之前教佢1+1都唔明,亦唔肯做任何數學,(包括數手指）反正學校未教,我不急於教,點知最近我發現原來佢係識心算加到20,冇數手指，我問乜你識架,佢答:係呀,
唔駛數手指，做咩你成曰要我數手指？

3歲同佢搭地鐵，在荃灣西 ,廣播下一站美孚,自己講下2站南昌,下3站柯士甸,下4站...，下0站荃灣西,呢D座標的概念，我問邊個教,佢話冇人 ,自己諗

佢中意諗嘢發夢,好多嘢都話冇人教,自己諗

LeeCC

佢唔俾我考佢,我地唔好講呢D,我而家好專心做xx/彈鋼琴/諗緊嘢

所以我唔知佢識幾多,搞到我上星期仲同佢數手指學1+1,原來佢心算,我要係日常觀察佢識幾多,好多surprise

scyauchris

謝謝Annie Mum回覆！我囡囡只是最喜歡看書，只是有些過份看書！返學好乖但不發問及參與討論，回家就有時曳！

wan_sosin

回復 cindychu 的帖子

佢哋發起脾氣真係破壞力驚人!
我個仔唔會大吵大鬧,多數黑起口面,找東西發出嘈音,佢會係我哋唔知嘅時候去破壞,用報復來表示不滿,試過因為嬲一個同學,搵膠水茶落個同學塊面到!
也會唔高興時掉嘢落街,係估都估唔到佢會做出D乜,最恐怖係佢有時唔會即時做,佢會等機會才做,之後問返佢,佢會話,因為之前什麼什麼佢唔鍾意,所以咁做!唔知佢幾時先來報復先麻煩!

hobby

回復 wan_sosin 的帖子

我個囡讀緊k1, 思想成熟, 同你一樣, 身邊好多人問佢係唔係資優, 原本我都唔理, 不過最近佢情緒出咗問題, 校長都叫睇吓醫生, 結果個兒科醫生都話佢以3歲來說佢好叻, 除轉介睇兒童心理之外, 仲叫同佢check 吓, 但醫生又冇直接話佢係資優嘅 ... 不過, 我哋就約咗健康院, 睇吓見完姑娘有冇referral 先算, 我哋其實唔係想知佢係唔係資優, 只係想搞點她的情緒問題
佢依家3歲4個月, 早排佢都已經識得玩uno, 飛行棋, 仲識出古惑, 因要6點才起機, 好多次都擇唔到6, 仲就將6點放好 要起機, 我覺得, 佢自不過理解力較好;
早2日同朋友去旅行, 又有同行小朋友發現囡囡玩串宇, 仲識好多個, 覺得好出奇, 又有個媽咪發現佢識少少計算, 問邊個教 ... 其實呢啲都係佢自己學, 唔識佢會問我哋, 我又覺得佢只不過好奇, 求知欲強
到依一刻, 我都唔覺得佢係資優, 可能因為我k2時連中國象棋也學懂, 未學過彈琴可彈歌仔, 自己學懂唱so fa name ... 而囡囡跟我同期仲差好遠, 而到我依家已經長大成人, 咪又係普通人一個, 仲要係中文文盲, 教極都唔識, anyway, 下星期會見姑娘, 到時見步行步

breadbb

原帖由 wan_sosin 於 13-04-01 發表
回復 cindychu 的帖子

佢哋發起脾氣真係破壞力驚人!

我仔之前又係成日掟野落街 我一唔見左野問佢 佢話掉左 講左幾個月先戒到 我身邊又係好多人話佢資優 但我開頭唔覺 因為我以為資優係會好叻 唔洗教就識好多野 但我仔係要教嘅 係人地話咁細們好小可以咁專注
又固執 其實我都唔係好明資優嘅原理 咁細個好難睇 我只係怕佢情緒嗰方面嘅問題
佢番學係品學兼優 但一出學校門口就會好粗魯 見到同學會用推人黎say hi 有時會出手同口 同我一齊會盡量控制自己 跟婆婆會易激動d 脾氣好差

LeeCC

阿仔4歲半諗野出古惑拍得住8歲的垐際鬲,佢阿叔叔話阿哥知道講出來會俾罰,Or知道係唔啱所以唔會做,但佢太細,道德觀未清晰，要好好教,唔係大個容易走歪路

佢睇開個兒科醫生係佢16個月大時已話佢的觀察力好似3歲


另一個兒科醫生同我講,呢個細路唔簡單

wan_sosin

回復 hobby 的帖子

我個仔又係識出蠱惑架!正路嘢唔見佢特別叻,整蠱人最叻,一歲說話都未識講,就識收埋我對拖鞋落佢bb床嘅床下底整蠱我!!
兩歲一識講嘢就會講大話!說話唔啱聽就會同我講,"媽媽,你唔好講嘢啦!"
而家就好鍾意玩棋類遊戲,攞晒屋企嘅棋叫我哋同佢玩!
不過而家一般細路都好聰明,其實最怕就係唔能夠係好方面發展!早d搵出解決方法都係好,不過健康院做唔到d乜架!約咗就見下先啦!

wan_sosin

回復 breadbb 的帖子

我都覺得男仔會比較難分,識又會扮唔識!
我之前有個同事嘅屋企有個小朋友,超級破壞王,但教乜都唔識,上小學後評估才知係資優,話個呀媽都唔信,一直仲覺得個仔唔醒,教極唔明,其實只因個小朋友有佢自己嘅學習方法,用一般教法對佢無用!

LeeCC

好似我一個親戚，3歲前唔講話，但一講就係完整句子,有因為所以個D結構，3年紋前數學經常O分,曰曰留堂 ,個老師同佢阿媽講,呢個仔成日唔啋人,唔知係唔係低能,帶佢去睇醫生啦

個阿媽好嬲,幫個仔轉咗去當年的活動教學的試驗學校（30幾年前),個仔好開心,三年級考前3名,原來個仔已經識睇西遊記，水滸傳原著,派去Band1,會考8A,16歲入大學,而家係工程系教授,不過性格同細個時—樣,不擅交際,獨行俠,但問佢意見,想法好獨特,非一般的答案，但又不是無道理，只係我們D凡夫俗子冇諗得咁深入

佢無做任何評估係唔係資優,伹我相信相差不遠

wan_sosin

LeeCC 發表於 13-4-3 13:19
好似我一個親戚，3歲前唔講話，但一講就係完整句子,有因為所以個D結構，3年紋前數學經常O分,曰曰留堂 ,個老 ...

其實呢d例子都聽唔少!不過好多叻人脾氣都自有一套,做父母真係要好多耐心同信心對小朋友!

cindychu

回復 wan_sosin 的帖子

既然唔覺係資優，又教極唔識，咁請問當初咩因由去做評估？

wan_sosin

cindychu 發表於 13-4-5 00:15
回復 wan_sosin 的帖子

既然唔覺係資優，又教極唔識，咁請問當初咩因由去做評估？ ...

你是否問我舊同事個case呀?
係因為個小朋友極臭脾氣!經常倒蛋!所以去評估.
最後話有輕微過度活躍(呢個佢屋企人已經預期咗.)只係無諗過仲係資優!

cindychu

回復 wan_sosin 的帖子

我都見好多資優係因為情緒行為問題而去評估！

花花之家

過了幾個月 估大到這個topic仲有人參與 ..現在BB剛過了21個月 已經講full sentence, 搭小巴上車同司機  "Ng 該 " , 同公公講 " 公公小心D呀 , 同保安話 "媽媽fan工呀"  :爸爸fan 工呀 " "係邊度呀 " Mama I love U ...之類之類  數字已數到二十了  ..不過亦真係會發脾氣Tan在地上lur 地 原因係要看Dora DVD .... 到底如何處理BB堅持做一件事的呢 除了distraction 仲有什麼方法 ?

Anniemun

回復 花花之家 的帖子

Tan係地同lur地未必和資優有正接關係，既然bb語言能力强，可和他說明什麼時間才是看dvd的。在商場見過很多類似的情形，如父母妥協的話，小孩太聰明了，下次一定用le種方法要求其他想要的東西喇！

花花之家

回復 Anniemun 的帖子

我現在會同佢講 "看少少 " 佢每次也話好 ,又應承我看完會去睡覺覺 , 佢都識講 ,不過不知明不明

sandrah

花花之家 發表於 13-1-1 15:52
你們好
我也不知這是否 資優, 我個女11月行 然後13-14 左右說話 ,現在18月大,可隨機認到A-Z 大小草 和 coun ...

你個女好叻!她是否很早期開始睇有関DVD?,