閱讀對傳統學校學生真的那麼有用嗎?

annie40

回復 sillydad 的帖子

再請教大家問題,閱讀前要不要先將書或文章中的英文生字解析一次呢?
- 未试过, 答不上口, Sorry!

另外小朋友有時看書只看圖,單數頁係英文字,雙數頁係圖.一開始我覺得佢有時只看圖,但想深一層,看圖可能幫助了他了解故事內容.再看文字可能幫助到他了解到他原本不了解的生字.各位請對這想法比少少意見給我.

- 请继续鼓励孩子看书, 不管是字, 是圖,肯看一点也是好的.  
- 从前有妈妈就是因为孩子多看圖,少看字, 便刻薄的对孩子批评,  更放弃了为孩子借书和买圖书, 慢慢孩子也失去阅读的动力了.
- 前几年开始傻吓傻吓甘订'Time' ' Economist' 比阿女看, 幻想吓他日有机会是政界猛人, 点知佢唔多睇, 我见唔好浪费, 唯有自己慢慢睇, 闷到嘔! 偶然见好文, 就提议阿女睇吓, 比下面!  今天佢睇得多, 已经当这些杂志是宝了.

不用太在意孩子的一时品味, 继续不停的推荐好书好东西给他们, 随着年纪和阅历, 孩子们的进步是按倍递增的.

annie40

回復 laorenjia 的帖子

EK家長多有傳統「萬般皆下品，唯有讀書高」的心理。但講真，若阿女大學畢業回來要到學林勝地薄扶林嘅中華廚藝學院進修我都會支持。唔好以為我隨口嗡，現實例子不少。好似Sift餅店嘅Jennifer Cheung就係Harvard Economics嘅graduate， 做過i bank再去紐約學，翻嚟係佢阿媽支持下開咗Sift。(老婆講過，老來如有Jennifer媽咪般優雅就冇死囉)。
****     ****     ****    ****
请问阿女掉转是十四岁去大家乐学廚藝, 等到四十四岁离左婚再去读大学得唔得!

萬般非下品，专才如能讀書, 成就必然更高!

四隻貓

回復 laorenjia 的帖子

有道理.
我都同老公講過, 如果仔女想以興趣做職業, 我都會全力支持.

之前係另一討論都有提過, 港台訪問過一位搭棚公司老闆, 佢十年前係一個搭棚學徒, 肯學肯做, 儲夠錢就自己開公司.搭棚其實都幾好搵又專業. 行行出狀元, 唔一定要做醫生律師先算成功既.

annie40

torunpoland  Economist 認真抵睇! 英文水平甚高, 精準獨到(並非寫詩), 不失立場, 對高中生而言也許深了少許, 但多看會慣, 值得推介, 題材又貼又新又廣, 擴闊眼界之選
***     ****   ***
多谢话我知'Economist' 是好野, 以我的水平, 不会懂!  但孩子愿意看,喜欢看就好了!

laorenjia

Shadeslayer: 如果一個中三學生要求退學丶做飲食，家長要考量的東西實在太多了。
Annie:请问阿女掉转是十四岁去大家乐学廚藝, 等到四十四岁离左婚再去读大学得唔得!

我曾勸不少社區中心嘅細路讀完中三去Ive繼續讀，好少有智慧當時肯聽，其父母更加，翻面都試過，話佢個仔要讀大學，要讀商科。可惜，所有cases，無一上大學。 Shadeslayer, 同人抝唔好執着字面意思，一個陳易希我就係斷估，十個陳易希，一百個陳易希，我就可以draw a highly reliable statistical inference. The world you are living in, the kids around you, are just different from mine.

唔係風涼話，阿女細細個就話讀完中三唔讀，我口裏心底從無反對過。

UCLA 嘅Terence Tao 細細個就已經側埋一邊，你叫佢學中文，睇吓紅樓夢真係正道？嗱，你味話我哋少咗個數學家，可能多咗個文學家呀吓。

當然，閱讀係好重要嘅！阿女早兩日講，佢個同學中文好鬼叻，中學時已在報紙寫專欄。入咗HKU後更活躍，最近重寫咗個香港第一個大型原創廣東話合唱音樂劇，老婆話最本事係有幾萬蚊收，唔似有啲電影編劇成日收唔到尾數。

shadeslayer

原帖由 laorenjia 於 13-01-04 發表
本帖最後由 laorenjia 於 13-1-4 17:31 編輯

Shadeslayer: 如果一個中三學生要求退學丶做飲食，家長要考 .

，repeat......

shadeslayer

原帖由 laorenjia 於 13-01-04 發表
本帖最後由 laorenjia 於 13-1-4 17:31 編輯

Shadeslayer: 如果一個中三學生要求退學丶做飲食，家長要考 ...

論壇討論，可以依靠的就只有字面，沒有語氣感情，沒有辦法。不過，難得你贈言，我會好好想想。謝。

annie40

回復 laorenjia 的帖子

唔係風涼話，阿女細細個就話讀完中三唔讀，我口裏心底從無反對過。
****     ****    ***
中一已经开始叫阿女可以考虑十四岁停读中学, 去做自己非常喜欢的事, 不是正式停学, 而是专心进修另一门学问而已. 然而她暂时还是喜欢上学.  

朋友的儿子Chadwich 十四岁绝学, 今天二十一岁已是香港Jockey Champion.  是有这样的爸爸, 才有这种孩子的.

每样事物也有其智慧, 智慧可从不同途径得到, 读书是途径之一.  其他途径也是要不停的学,学, 学!

laorenjia

回復 sillydad 的帖子

問就答，唔問就唔答。

laorenjia

judy 發表於 13-1-4 09:51


自制义燒水準頗高，看得內部柔軟。有何秘訣？我用煱爐，里面總是太幹。

女兒仍在穿州過省中，加上時差，未揾到佢。待聯絡上，幫你問。

我住喺宜家呢度多年，耐唔中喺樓下撞見管理處一高層，佢總係恭恭敬敬咁叫我「郭生」。最初老婆覺得奇怪，問我既不姓郭，為何不糾正他。我話：「改嚟做乜？如果佢記唔住我真正個姓，又唔敢再叫我「郭生」，咪盞大家尷尬？」叫得做Lao(3)Ren(3)Jia(4)，阿女又比你大仔大，斷估比你大。呢度好多人比你年長，只怕你叫uncle， auntie 叫到口軟，口軟唔夠潑辣就唔係judy了。

係EK寫嘢，相信大家都係不求聞達，但求娛己娛人。

mamalihome

不用太在意孩子的一时品味, 继续不停的推荐好书好东西给他们, 随着年纪和阅历, 孩子们的进步是按倍递增的.
-------------------------------
睇完這段，感覺好鼓舞，女兒喜愛閱讀，雖然只有2歲多，但已有好強的個人喜好，家中不同種類的書目都有，佢唔鍾意就點都唔睇，咩方法都試過，最多睇一次半次，仲要係佢眼瞓無爭扎力又想繼續睇的情況下，我正擔心會否太偏重一面及愁煩點幫佢多睇一些不同的書種，非常感謝你的分享，會俾耐性等佢自己去發掘！

在此都想多謝咁多位前靠分享閱讀的好處同方法，你地寶貴的經驗幚到好多新手的爸爸媽媽。

annie40

* 2歲多已喜愛閱讀,太好了!  小女2-4岁是听我讲故事, 四岁后才开始独立閱讀的, 慢慢便看得很快很多了.
* 佢唔鍾意就點都唔睇, 几乎每位愛閱讀孩子也有这种特征的, 不用急, 暂且按她的性情, 多给于有关品味的书, 单是童话故事, 各方各地有其习俗, 从中包涵不少宗教, 历史背景, 地理环境, 伟人,常识等.  如果熟读, 令爱不久已是一本活字典了.  
* 如有空, 提议多到图书馆给女儿找好书.  借回十本, 那怕只爱上一本, 反正不用付款, 多劳多得, 倒是妈妈辛苦了.  

我今午也往中央图书馆转了几小时, 帮阿女寻觅好书啊!

mack_leung

我覺得唔好將個問題拉去兩極化
閱讀同成績/學習表現無反比關係既,當然前提係你唔沉迷的話

閱讀既其中一個優點係令小朋友從小就見到多D唔同既用字,雖然未必對成績有直接幫助,但眼下既香港學生中文水平差左好多係事實~~我高中時候見D同學作既文,好多時行文不通順,用字又亂咁黎,所以,睇多D書都有幫助

ANYWAY,有時唔洗太注重成績既,成績好,入到好既學校,唔代表出到黎社會就好成功,反而如果能夠培養到閱讀既興趣,咁就真係終身受用喇

mamalihome

多謝鼓勵！小女閱讀習慣係睡前伴讀，日間不定時的自讀，喜愛的書種多數係自然/ 人民／科學，Oxford 出版社出的Fireflies Series 係佢至愛，我都係圖書館借的，另開始睇national geographic 幼兒系列，都喜歡，故事方面就好難捉摸，只知道佢唔太喜歡色彩鮮艷的書，有無好書推介？

中文閱讀多面，更難捉摸，只知佢愛睇幼稚園的教科書（家有好多表兄和朋友贈的舊教科書），繪本故事書又係要用好多計謀先引到佢睇一本同睇一次，希望佢大啲會有轉變。

iluvchun

大家都引用好極端既例子, 咁去討論係冇結果
睇書係好, 但如果因為睇書而荒廢學業就係唔好
正如食菜係好, 但餐餐淨係食菜而唔食其他食物, 身體都唔會好
凡事要取平衡, 小朋友唔識, 只會做鍾意既事, 我地做家長係咪要引導佢呢?  

judy

睇書係好, 但如果因為睇書而荒廢學業就係唔好

幾乎所有嘅知識都係睇書睇返來嘅(包括課本)。書有好書、有壞書，如百掛雜誌，偶一睇吓好就好，成日睇真係浪費時間。

練習都重要，練習煅練腦筋。

shadeslayer

對，任何東西到病態都唔好。看樓主形容，不像病態。

樓主，發夢不專心，你肯定係閱讀的錯？如果他介了閱讀，轉聽歌，看電視，打機，他上堂會專心不發夢？

小孩上死板的堂不專心一D都唔奇。維一方法，日日補習溫書無娛樂，吽吽豆豆咪實無死囉。

momama

我最迷金庸嗰段光輝歲月，係會喺學校狂做功課，放學後唔換校服即開始䏲，直至晚飯，洗碗後再戰，每日搞掂一本舊版，考試一直保持頭十名。阿女熱愛睇書，只要做唒功課任睇，原來佢喺學校同小朋友合作畫緊一本英文漫畫，好搞笑。有個長輩話，喜歡閱讀嘅人唔怕寂寞，對獨生子尢其重要。

momama

老老實實，見到呢個post，我以為眼花